ການນໍາເຂົ້າພາຫະນະ-ນ້ຳມັນເຊື້ອໄຟຖານລາຍຮັບໃຫຍ່ດ່ານພາສີສາກົນຂົວມິດຕະພາບ 1

ການນໍາເຂົ້າພາຫະນະ-ນ້ຳມັນເຊື້ອໄຟຖານລາຍຮັບໃຫຍ່ດ່ານພາສີສາກົນຂົວມິດຕະພາບ 1 - Importing cars - ການນໍາເຂົ້າພາຫະນະ-ນ້ຳມັນເຊື້ອໄຟຖານລາຍຮັບໃຫຍ່ດ່ານພາສີສາກົນຂົວມິດຕະພາບ 1
ການນໍາເຂົ້າພາຫະນະ-ນ້ຳມັນເຊື້ອໄຟຖານລາຍຮັບໃຫຍ່ດ່ານພາສີສາກົນຂົວມິດຕະພາບ 1 - Untitled design - ການນໍາເຂົ້າພາຫະນະ-ນ້ຳມັນເຊື້ອໄຟຖານລາຍຮັບໃຫຍ່ດ່ານພາສີສາກົນຂົວມິດຕະພາບ 1

ທ່ານ ບຸນແອງ ພັນທະວົງ ຫົວໜ້າດ່ານພາສີສາກົນຂົວມິດຕະພາບ 1 (ນະຄອນຫລວງວຽງຈັນ-ໜອງຄາຍ) ໃຫ້ຮູ້ວ່າ: ການຈັດຕັ້ງປະຕິບັດເກັບລາຍຮັບເຂົ້າງົບປະມານປີ 2018 ຂອງດ່ານພາສີສາກົນຂົວມິດຕະພາບ 1 ນັບແຕ່ວັນທີ 1 ມັງກອນຫາວັນທີ 14 ພຶດສະພາ 2018 ສາມາດປະຕິບັດໄດ້ 1 ພັນກວ່າຕື້ກີບເທົ່າກັບ 33,26% ຂອງແຜນການປີ, ຊຶ່ງລາຍຮັບສ່ວນໃຫຍ່ໄດ້ຈາກການນຳເຂົ້າພາຫະນະ, ນ້ຳມັນເຊື້ອໄຟ ແລະ ການນຳເຂົ້າສິນຄ້າເຄື່ອງຂອງຕ່າງໆແມ່ນລາຍຮັບສໍາຮອງ.

ທ່ານ ບຸນແອງ ໃຫ້ຮູ້ວ່າ: ໃນປີ 2018 ດ່ານພາສີສາກົນຂົວມິດຕະພາບ 1 ໄດ້ຮັບຕົວເລກມອບໝາຍຈັດເກັບລາຍຮັບເຂົ້າງົບປະມານທັງໝົດຈໍານວນ 3.247 ຕື້ກວ່າກີບ, ໃນນັ້ນໄດ້ແບ່ງການຈັດເກັບລາຍຮັບເປັນງວດໆລະ 25% ເທົ່າກັບ 811 ຕື້ກວ່າກີບ ແລະ ແບ່ງເປັນເດືອນ 270 ຕື້ກວ່າກີບ, ສຳລັບການຈັດເກັບລາຍຮັບເຂົ້າງົບປະມານແຫ່ງລັດໃນງວດ 1 (ເດືອນມັງກອນ-ຫາເດືອນມີນາ 2018) ສາມາດຈັດເກັບລາຍຮັບໄດ້ທັງໝົດ 772 ຕື້ກວ່າກີບເທົ່າກັບ 95,15% ທຽບໃສ່ງວດ 1 ປີຜ່ານມາໄດ້ຮັບຕົວເລກມອບໝາຍງວດ 1 ແມ່ນຈໍານວນ 708 ຕື້ກວ່າກີບ, ສາມາດປະຕິບັດໄດ້ 772 ຕື້ກວ່າກີບເທົ່າກັບ 109% ແລະ ທຽບໃສ່ແຜນການປີ 2018 ໄດ້ຮັບຕົວເລກມອບໝາຍທັງໝົດຈໍານວນ 3.247 ຕື້ກວ່າກີບ, ສາມາດປະຕິບັດໄດ້ 772 ຕື້ກວ່າກີບເທົ່າກັບ 23,79% ຂອງແຜນການປີ ແລະ ເພື່ອໃຫ້ການເກັບລາຍຮັບບັນລຸຄາດໝາຍວາງໄວ້ແມ່ນຈະເອົາໃຈໃສ່ປະຕິບັດຕາມທິດທາງ ແລະ ມາດຕະການຢ່າງເຂັ້ມງວດຄື: (1) ຄະນະດ່ານ, ຫົວໜ້າໜ່ວຍງານຕ້ອງເອົາໃຈໃສ່ເພີ່ມທະວີຄວາມເປັນເຈົ້າການໃນການຊີ້ນໍາ-ນໍາພາຈັດຕັ້ງປະຕິບັດໜ້າທີ່ວຽກງານຮອບດ້ານພາຍໃນດ່ານ ແລະ ຕ້ອງມີຄວາມຮັບຜິດຊອບສູງ. (2) ໜ່ວຍງານຄຸ້ມຄອງສາງ ແລະ ຮ້ານຄ້າປອດພາສີ, ໜ່ວຍງານກວດກາສິນຄ້າຕ້ອງເພີ່ມທະວີການຄຸ້ມຄອງໃນການກວດກາສິນຄ້າເຂົ້າ-ອອກສາງ ແລະ ດ່ານ, ພ້ອມທັງປະສານສົມທົບກັບຂະແໜງຕ້ານຂອງກອງຄຸ້ມຄອງພາສີ V ເພື່ອຕິດຕາມກວດກາຊ່ວຍທາງດ່ານພວກເຮົາ. (3) ໜ່ວຍງານຄຸ້ມຄອງການແຈ້ງທີ່ຮັບຜິດຊອບການແຈ້ງເສຍພາສີຕໍ່ໄປຕ້ອງເພີ່ມທະວີຄວາມເຂັ້ມງວດໃນການກວດກາດ້ານມູນຄ່າແຈ້ງໃຫ້ສອດຄ່ອງຕາມຫລັກການຂອງແກັດ (GATT). (4) ວຽກງານງົດເກັບຍົກເວັ້ນ ແລະ ຫລຸດຜ່ອນກ່ຽວກັບໂຄງການ ແລະ ການລົງທຶນຕ້ອງໄດ້ຕິດຕາມກວດກາຄືນກ່ຽວກັບວຽກງານດັ່ງກ່າວ, ກວດກາທາງດ້ານຂໍ້ມູນຕ່າງໆໃຫ້ລະອຽດ, ຕິດຕາມຫັກລົບແຜນກ່ອນຈະຮັບຮອງເອກະສານ ທັງນີ້ເພື່ອໃຫ້ສອດຄ່ອງກັບລະບຽບກົດໝາຍທີ່ກໍານົດ, ຫລີກລ້ຽງຊ່ອງຫວ່າງການລັກລອບຕ່າງໆ. (5) ໜ່ວຍງານກວດກາພາຫະນະ ແລະ ຜູ້ໂດຍສານຕ້ອງໄດ້ເອົາໃຈໃສ່ໃນການຄຸ້ມຄອງ, ການຈັດເກັບຄ່າທໍານຽມລົດ-ຄົນເຂົ້າ-ອອກດ່ານໃຫ້ຖຶກຕ້ອງ ແລະ ເຂັ້ມງວດຂຶ້ນ ແລະ (6) ພະນັກງານທຸກຄົນຕ້ອງເອົາໃຈໃສ່ຈັດຕັ້ງປະຕິບັດຂໍ້ຕົກລົງ ວ່າດ້ວຍຂໍ້ຫ້າມ ແລະ ວິໄນຂອງພະນັກງານ-ລັດຖະກອນຂະແໜງການເງິນຢ່າງເຂັ້ມງວດ.

ການນໍາເຂົ້າພາຫະນະ-ນ້ຳມັນເຊື້ອໄຟຖານລາຍຮັບໃຫຍ່ດ່ານພາສີສາກົນຂົວມິດຕະພາບ 1 - Wave100S AD to Website 2020 0 - ການນໍາເຂົ້າພາຫະນະ-ນ້ຳມັນເຊື້ອໄຟຖານລາຍຮັບໃຫຍ່ດ່ານພາສີສາກົນຂົວມິດຕະພາບ 1
ການນໍາເຂົ້າພາຫະນະ-ນ້ຳມັນເຊື້ອໄຟຖານລາຍຮັບໃຫຍ່ດ່ານພາສີສາກົນຂົວມິດຕະພາບ 1 - WhatsApp Image 2020 05 27 at 5 - ການນໍາເຂົ້າພາຫະນະ-ນ້ຳມັນເຊື້ອໄຟຖານລາຍຮັບໃຫຍ່ດ່ານພາສີສາກົນຂົວມິດຕະພາບ 1
ການນໍາເຂົ້າພາຫະນະ-ນ້ຳມັນເຊື້ອໄຟຖານລາຍຮັບໃຫຍ່ດ່ານພາສີສາກົນຂົວມິດຕະພາບ 1 - WhatsApp Image 2020 05 27 at 5 - ການນໍາເຂົ້າພາຫະນະ-ນ້ຳມັນເຊື້ອໄຟຖານລາຍຮັບໃຫຍ່ດ່ານພາສີສາກົນຂົວມິດຕະພາບ 1
error: Alert: ເນື້ອຫາຂ່າວມີລິຂະສິດ !!