ຊົມເຊີຍ ! ອູຣຸໄກວ ສ້າງປະຫວັດສາດ ຊະນະ 3 ນັດຊ້ອນ ບານໂລກ 2018

ຊົມເຊີຍ ! ອູຣຸໄກວ ສ້າງປະຫວັດສາດ ຊະນະ 3 ນັດຊ້ອນ ບານໂລກ 2018 - 36121262 252345148867618 1102231463060832256 n - ຊົມເຊີຍ ! ອູຣຸໄກວ ສ້າງປະຫວັດສາດ ຊະນະ 3 ນັດຊ້ອນ ບານໂລກ 2018
ຊົມເຊີຍ ! ອູຣຸໄກວ ສ້າງປະຫວັດສາດ ຊະນະ 3 ນັດຊ້ອນ ບານໂລກ 2018 - Untitled design - ຊົມເຊີຍ ! ອູຣຸໄກວ ສ້າງປະຫວັດສາດ ຊະນະ 3 ນັດຊ້ອນ ບານໂລກ 2018

ທີມຊາດອູຣຸໄກວ ແຊ້ມໂລກ 2 ສະໄຫມ ປາບເຈົ້າພາບ ຣັດເຊຍ 3-0 ຄວ້າອັນດັບ 1 ຂອງກຸ່ມເອ ໄດ້ປະຕູຈາກ ລຸຍຊົວເຣັສ ນາທີ 10, ເດັນນິສ ເຊຣີເຊັຟ ບັງການຍິງຂອງ ເດໂກ້ ລາເຊົາ ບາດດາດເຂົ້າປະຕູ ກາຍເປັນການສະກັດເຂົ້າປະຕູຕົນເອງນາທີ 23 ແລະ ປິດທ້າຍຈາກ ເອດີສັນ ຄາວານີ ນາທີ 90 ຊຶ່ງໃນເກມນີ້ ເຈົ້າພາບຣັດເຊຍ ເສຍຜູ້ຫລິ້ນຫນຶ່ງຄົນ ອີກໍຣ ສະໂມນີຄັອຟ ນາທີ 36. ຜົນອີກຫນຶ່ງຄູ່ໃນກຸ່ມດຽວກັນ ຊາອຸດິອາຣາ​ເບຍ ຊະນະ ເອຢິບ 2-1.

ອູຣຸໄກວ ແລະ ຣັດເຊຍ ກອດຄໍກັນເຂົ້າສູ່ຮອບ 16 ທີມຕໍ່ໄປ. ອູຣຸໄກວ ເປັນທີ 1 ຂອງກຸ່ມ ມີ 9 ຄະແນນ, ຣັດເຊຍ ທີ 2 ມີ 6 ຄະແນນ, ຊາອຸດິອາຣາ​ເບຍ 3 ຄະແນນ, ເອຢິບ ບໍ່ມີຄະແນນ ຕົກຮອບ.

ທີມຊາດອູຣຸໄກວ ສ້າງປະຫວັດສາດຫນ້າໃຫມ່ໃຫ້ຕົນເອງ ຊະນະ 3 ນັດຊ້ອນ ໃນຮອບແບ່ງກຸ່ມບານໂລກເປັນຄັ້ງທຳອິດ ແລະ ຈົບດ້ວຍການເປັນອັນດັບທີ 1 ຂອງກຸ່ມ ເປັນຄັ້ງທີ 5 ຕໍ່ຈາກປີ 1930, 1934, 1950 ແລະ 2010.  ເປັນທິມທຳອິດໃນຮອບ 20 ປີ ຊະນະ 3 ນັດຊ້ອນໃນຮອບແບ່ງກຸ່ມໂດຍບໍ່ເສຍປະຕູ ຕໍ່ຈາກ ອາກຊັງຕິນ ໃນປີ 1998 ທີ່ຝຣັ່ງ.

ຊົມເຊີຍ ! ອູຣຸໄກວ ສ້າງປະຫວັດສາດ ຊະນະ 3 ນັດຊ້ອນ ບານໂລກ 2018 - Wave100S AD to Website 2020 0 - ຊົມເຊີຍ ! ອູຣຸໄກວ ສ້າງປະຫວັດສາດ ຊະນະ 3 ນັດຊ້ອນ ບານໂລກ 2018

ເອດີສັນ ຄາວານີ ກາຍເປັນນັກເຕະອູຣຸໄກວຄົນທີ 2 ສາມາດຍິງປະຕູໃນບານໂລກຮອບສຸດທ້າຍ 3 ຄັ້ງຕິດຕໍ່ກັນ ຕໍ່ຈາກ ລຸຍຊົວເຣັສ. ເຟີນັນໂດ ມຸສເລຣ້າ ຜູ້ຮັກສາປະຕູ ເປັນນັກເຕະອູຣຸໄກວ ຄົນທີ 7 ລົງສະຫນາມຮັບໃຊ້ທີມຊາດເປັນນັດທີ 100 ແລະ ເປັນຄົນທຳອິດຂອງປະເທດລົງຫລິ້ນໃນບານໂລກຫລາຍສຸດ 14 ນັດ. ເດັນນິສ ເຊຣີເຊັຟ ກອງກາງທີມຊາດຣັດເຊຍ ກັນຈັງຫວະການຍິງຂອງ ເດໂກ້ ລາເຊົາ ບາດດາດເຂົ້າປະຕູ ກາຍເປັນການສະກັດເຂົ້າປະຕູຕົນເອງ ນີ້ເປັນປະຕູ Own Goal (ຍິງປະຕູຕົນເອງ) ຫນ່ວຍທີ 6 ໃນບານໂລກຄັ້ງນີ້ ສູງສຸດເທົ່າກັບ ບານໂລກປີ 1998 ທີ່ຝຣັ່ງ. ຂະນະທີ່ ອີກໍຣ ສະໂມນີຄັອຟ ກາຍເປັນນັກເຕະຈາກເຈົ້າພາບທີ່ຖືກໃບແດງໃນຮອບ 20 ປີ ຕໍ່ຈາກ ມາຣເຊວ ເຊໄຊລີ້ ຂອງທີມຊາດຝຣັ່ງ ໃນບານໂລກປີ 1998.

ຮອບ 16 ທີມ ອູຣຸໄກວ ພົບ ​ໂປຣຕຸ​ເກສ ຈະແຂ່ງຂັນໃນວັນທີ 30 ມິຖຸນານີ້ ແລະ ສະ​ເປນ ພົບ ຣັດເຊຍ ເຈົ້າພາບ ຈະແຂ່ງຂັນໃນວັນທີ 1 ກໍລະກົດນີ້.

ຊົມເຊີຍ ! ອູຣຸໄກວ ສ້າງປະຫວັດສາດ ຊະນະ 3 ນັດຊ້ອນ ບານໂລກ 2018 - WhatsApp Image 2020 05 27 at 5 - ຊົມເຊີຍ ! ອູຣຸໄກວ ສ້າງປະຫວັດສາດ ຊະນະ 3 ນັດຊ້ອນ ບານໂລກ 2018
ຊົມເຊີຍ ! ອູຣຸໄກວ ສ້າງປະຫວັດສາດ ຊະນະ 3 ນັດຊ້ອນ ບານໂລກ 2018 - WhatsApp Image 2020 05 27 at 5 - ຊົມເຊີຍ ! ອູຣຸໄກວ ສ້າງປະຫວັດສາດ ຊະນະ 3 ນັດຊ້ອນ ບານໂລກ 2018
error: Alert: ເນື້ອຫາຂ່າວມີລິຂະສິດ !!