ລະດູນາປີມາເຖິງແລ້ວ

ລະດູນາປີມາເຖິງແລ້ວ - 36317595 2126902494255895 8384908104717828096 n - ລະດູນາປີມາເຖິງແລ້ວ
ລະດູນາປີມາເຖິງແລ້ວ - Untitled design - ລະດູນາປີມາເຖິງແລ້ວ

ໂດຍ: ກ້ອງສ່ອງ ອິດສະຫລະ

ພາຍຫລັງເກັບກູ້ຜົນຜະ ລິດເຂົ້ານາແຊງແລ້ວ, ກໍ ກ້າວ ເຂົ້າລະດູການເຮັດນາປີ ຂອງ ປະຊາຊົນບັນດາເຜົ່າ. ສຳລັບ ໄລຍະນີ້, ຜູ້ຂຽນຍັງບໍ່ທັນໄດ້ ຂຶ້ນເໜືອລ່ອງໃຕ້ເພື່ອໄປ ເລາະ ຊົມພາບບັນຍາກາດການກະກຽມຜະລິດເຂົ້ານາປີຂອງຜູ້ ເຮັດນາເປັນອາຊີບ, ແຕ່ເຮົາ ກໍໄດ້ຕິດຕາມຂ່າວຄາວໃນແຕ່ລະທ້ອງຖິ່ນທົ່ວປະເທດວ່າ ຝົນປີນີ້ຂ້ອນຂ້າງຕົກດີແຕ່ຫົວປີໃນທຸກທ້ອງຖິ່ນວ່າຊັ້ນ! ຫາກ ເຕັມທີ່ແຕ່ການໄປມາທ່ອງ ທ່ຽວຂ້ອນຂ້າງຫຍຸ້ງຍາກ.

 

ຄຳມ່ວນປັກດຳເຂົ້ານາປີໄດ້ 5.570 ກວ່າເຮັກຕາ

ຊາວກະສິກອນເມືອງອາດສະພັງທອງຂຸ້ນຂ້ຽວປັກດຳນາປີ

ເສັ້ນທາງ 13 ເໜືອ ແຖວ ວັງວຽງໄປກາສີຕໍ່ໃສ່ຫລວງພະບາງມີບາງຈຸດແຫລ່ງ ຂ່າວບອກວ່າດິນເຈື່ອນທັບຖົມ ກໍຂໍໃຫ້ຕິດຕາມຂ່າວເປັນປະ ຈຳ, ອັນສຳຄັນກວ່າໝູ່ ຈະໄປ ມາທາງໃດກໍຂໍໃຫ້ຕິດຕາມ ຂ່າວຄາວຈາກອຸຕຸນິຍົມ ຈຶ່ງ ຮັບປະກັນຄວາມປອດໄພໃນການໄປມາ.

ສຳລັບທິດຜ່ານມາ,ໄລ ຍະວັນທີ 21-26 ມິຖຸນາ ຝົນ ຕົກໜັກຢູ່ບັນດາແຂວງພາກ ເໜືອເຊັ່ນ: ຫລວງພະບາງ, ອຸ ດົມໄຊ ແລະ ຜົ້ງສາລີ ແຫລ່ງ ຂ່າວບອກວ່າສາຍນ້ຳອູຂຶ້ນ ສູງກວ່າປົກກະຕິ, ຂະແໜງ ການກ່ຽວຂ້ອງກໍໄດ້ບອກ ເຕືອນໃຫ້ປະຊາຊົນຢູ່ແຖວ ລຽບແຄມນ້ຳອູຈົ່ງມີສະຕິ ກຽມພ້ອມ, ໂດຍສະເພາະ ແມ່ນປະຊາຊົນເຂດເມືອງ ຂວາ.

ເມື່ອເອີ່ຍເຖິງ ການຜະ ລິດເຂົ້າ, ອີງຕາມແຜນຍຸດ ທະ ສາດໃນການພັດທະນາເສດ ຖະກິດ-ສັງຄົມຂອງປະເທດ, ລັດຖະບານເຮົາໄດ້ກຳນົດ ເອົາພາກກາງ ແລະ ພາກໃຕ້ ເປັນຕົວຫລັກຍ້ອນວ່າ ບັນ ດາແຂວງເຫລົ່ານີ້ເປັນເຂດ ທົ່ງພຽງ, ມີທົ່ງຮາບອັນກວ້າງ ໃຫຍ່ໄພສານ ເປັນຕົ້ນ: ນັບແຕ່ ແຂວງວຽງຈັນ, ນະຄອນ ຫລວງວຽງຈັນ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊ ກອງ ແລະ ອັດຕະປື.

ລະດູນາປີມາເຖິງແລ້ວ - Wave100S AD to Website 2020 0 - ລະດູນາປີມາເຖິງແລ້ວ

ສະເພາະການຜະລິດ ເຂົ້າ ນາແຊງໃນ 4 ເດືອນຕົ້ນປີ 2018 ນີ້ ຕົວເລກທີ່ທາງສະ ພາແຫ່ງຊາດໄດ້ມີຄຳເຫັນ ລາຍງານຕໍ່ກອງປະຊຸມສະ ໄໝສາມັນເທື່ອທີ V ຂອງສະ ພາແຫ່ງຊາດຊຸດທີ VIII ຜ່ານ ມາ ພວກເຮົາບັນລຸພຽງ 88% ຂອງແຜນການປີ.

ສ່ວນການປູກພືດລະດູ ແລ້ງນັ້ນກໍໄດ້ພຽງ 44,16% ຂອງແຜນການປີ, ເຮົາຄິດ ວ່າ ສຳລັບນາປີຈະມາເຖິງນີ້ ຕົວ ເລກການຜະລິດເຂົ້າຕ້ອງໄດ້ລື່ນນາແຊງຢ່າງແນ່ນອນ, ເຊິ່ງມາຮອດປັດຈຸບັນມີ ຫລາຍທ້ອງຖິ່ນໃນທົ່ວປະເທດ ກໍເລີ່ມຕົກກ້າໄຖຫຸດນາ ຫລື ບາງເຂດກໍເຮັດນາຢອດ ແລະ ນາຫວ່ານເອົາເລີຍ.

ແນວໃດກໍຕາມ, ເມື່ອ ກ່າວເຖິງການຜະລິດສິນຄ້າ ຕົ້ນຕໍໃນບາງຂະແໜງການ ເສດຖະກິດ ທີ່ເປັນພື້ນຖານ ໃຫ້ ແກ່ການເຕີບໃຫຍ່ຂອງເສດຖະກິດແຫ່ງຊາດ ທາງລັດຖະ ບານ ກໍຄືສະພາແຫ່ງຊາດ ໄດ້ ຍອມຮັບວ່າບໍ່ໄດ້ຕາມຄາດ ໝາຍປີທີ່ວາງໄວ້ດັ່ງຕົວເລກທີ່ເອົາມາຢັ້ງຢືນຢູ່ຂ້າງເທິງ.

ຕາມຜູ້ຂຽນຄິດ ແລະ ເຫັນສະພາບຕົວຈິງຢູ່ບ້ານເຮົາ ເວົ້າເຖິງການຜະລິດເຂົ້າຂອງຊາວນາເກືອບວ່າໃນທົ່ວປະ ເທດສ່ວນຫລາຍແມ່ນເຮັດພໍ ແຕ່ກຸ່ມຢູ່ກຸ່ມກິນໃນແຕ່ລະປີ, ສ່ວນທີ່ເຫລືອ ຫລື ກໍລະນີຈຳ ເປັນຈຶ່ງເອົາໄປຂາຍ. ນອກ ນັ້ນ, ກໍລ້ຽງສັດ-ປູກຝັງ ເປັນ ອັນສຳຮອງໄວ້ໃນຄອບຄົວ ຂອງໃຜມັນ ຍັງບໍ່ທັນແມ່ນ ອາຊີບທີ່ແນ່ນອນໝັ້ນຄົງ ແລະ ຍືນຍົງ.

ຊ້ຳບໍ່ໜຳຜູ້ມີດິນ ໄຮ່ດິນ ນາກໍເອົາໄປຂາຍແລ້ວຫັນໄປເຮັດອາຊີບອື່ນແທນ, ອັນເຮັດ ໃຫ້ເນື້ອທີ່ການຜະລິດເຂົ້າ ຫລຸດລົງໃນແຕ່ລະປີ, ຊາຜູ້ ຂຽນໄປເຫັນຢູ່ຕ່າງປະເທດຜູ້ປະກອບອາຊີບໃນດ້ານນີ້ເຂົາເຮັດປີໜຶ່ງຮອດສາມສີ່ເທື່ອ ແລະ ມີການຈັດຕັ້ງກຸ່ມການ ຜະລິດທີ່ແໜ້ນໜາຖາວອນ, ສາມາດເຂົ້າຫາແຫລ່ງທຶນໄດ້ຫລາຍຮູບຫລາຍແບບ ແລະ ເມື່ອຜະລິດແລ້ວກໍມີຕະຫລາດ ຮອງຮັບໃນການຈຳໜ່າຍ ໂດຍແມ່ນຂະແໜງການກ່ຽວຂ້ອງເປັນຜູ້ບໍລິຫານຈັດການຊ່ວຍ.

ເມື່ອສະພາບເປັນ ດັ່ງ ທີ່ວ່ານີ້, ມັນຈຶ່ງເປັນສາເຫດ ໜຶ່ງທີ່ເຮັດໃຫ້ປະເທດຊາດ ຂອງພວກເຮົາບໍ່ສາມາດ ຫລຸດພົ້ນອອກຈາກຄວາມທຸກຍາກ ແລະ ດ້ອຍພັດທະນາໄດ້ ໃນປີ 2020 ແລະ ອາດແກ່ ຍາວໄປຮອດຫລາຍປີຂ້າງ ໜ້າ, ຍ້ອນລາຍຮັບຂອງປະ ຊາຊົນບໍ່ທັນເຂັ້ມແຂງ ແລະ ຍືນຍົງໄດ້ເທື່ອ.

ລະດູນາປີມາເຖິງແລ້ວ - 36317595 2126902494255895 8384908104717828096 n - ລະດູນາປີມາເຖິງແລ້ວ
(ພາບປະກອບ)
ລະດູນາປີມາເຖິງແລ້ວ - WhatsApp Image 2020 05 27 at 5 - ລະດູນາປີມາເຖິງແລ້ວ
ລະດູນາປີມາເຖິງແລ້ວ - WhatsApp Image 2020 05 27 at 5 - ລະດູນາປີມາເຖິງແລ້ວ
error: Alert: ເນື້ອຫາຂ່າວມີລິຂະສິດ !!