ປະຕູທີ່ອັດຕັນການຫັນເປັນໜຸ່ມ ຢູ່ປະເທດພວກເຮົາ

ປະຕູທີ່ອັດຕັນການຫັນເປັນໜຸ່ມ ຢູ່ປະເທດພວກເຮົາ - Untitled design - ປະຕູທີ່ອັດຕັນການຫັນເປັນໜຸ່ມ ຢູ່ປະເທດພວກເຮົາ

ຈານແຫຍ່ ມີຄວາມໝັ້ນ ໃຈເກີນຮ້ອຍວ່າ ເພື່ອນໆຄໍລຳ ນີ້ຄົງໄດ້ອ່ານບົດ “ເລີ່ມເປັນ ພະນັກງານ ເລີ່ມຄິດເລື່ອງບຳ ນານ” ຫລື ເວົ້າໃຫ້ແຈ້ງກວ່າ ນັ້ນກໍຄື “ເລີ່ມຄິດເລື່ອງບຳນານ ນັ້ນແຕ່ມື້ເຂົ້າການ” ເປັນບົດທີ່ ຕ້ອງການແຫຍ່ສ້ວງບັນດາມະ ນຸດເງິນເດືອນໃຫ້ຮູ້ວ່າເມື່ອມີມື້ “ເຂົ້າ” ກໍຕ້ອງມີມື້ອອກ “ອອກ” ບໍ່ມີໃຜດອກຈະຢູ່ຄ້ຳຟ້າເປັນພະ ນັກງານຕະຫລອດຊີວິດນອກ ຈາກບຸກຄົນທີ່ຟືນທຳມະຊາດ ຟືນ ລະບຽບກົດໝາຍ.

 

6 ປະເທດໃນ EU ຕົກລົງ ຮັບຜູ້ອົບພະຍົບທີ່ຕົກຄ້າງ

ເປັນ​ພະນັກງານ​ບຳນານ​ຢ່າ​ພາກັນ​ຄິດ​ອຸກ​ອັ່ງ

ເນື້ອໃນຂອງບົດທີ່ຈານແຫຍ່ ຖອດມາຈາກພະນັກງານຮຸ້ນ ກ່ອນພໍສະຫລຸບເປັນບົດຮຽນໄດ້ວ່າ ຢາກໃຫ້ຍາມຊີວິດເຂົ້າບຳ ນານດຳເນີນໄປດ້ວຍຄວາມຜາສຸກ ແລະ ຄ່ອງຕົວນັ້ນ, ພະນັກ ງານທຸກຄົນຕ້ອງໃຊ້ເວລາກະ ກຽມໄວ້ແຕ່ເນີ້ນໆທັງສາມດ້ານ ດ້ວຍກັນຄື: ທາງດ້ານຈິດໃຈ, ທາງດ້ານການ ງານທີ່ຢາກສືບ ຕໍ່ ແລະ ທີ່ຂາດບໍ່ໄດ້ກໍແມ່ນດ້ານໂຕ “ງໍ” ຄືຕ້ອງມີພື້ນຖານ ເສດຖະ ກິດພໍເພິ່ງພາໄດ້, ທີ່ຕ້ອງເອົາກະ ກຽມທາງດ້ານຈິດໃຈຂຶ້ນກ່ອນ ກໍເພາະວ່າມັນເປັນຈຸດສຳຄັນ ຫລາຍຄືຕ້ອງຮັບຮູ້ດ້ວຍໃຈວ່າ ຖານະ, ຕ່ຳແໜ່ງຍົດສັກທີ່ເຮົາ ມີ ຢູ່ໃນປັດຈຸບັນນີ້ມັນບໍ່ໝັ້ນ ທ່ຽງຢູ່ກັບເຮົາຕະຫລອດໄປ, ວັນ ໜຶ່ງເຮົາຈະຕ້ອງໄດ້ສົ່ງມັນໃຫ້ ຜູ້ສືບທອດ, ເມື່ອເຂົ້າບຳນານ ແລ້ວສິ່ງທີ່ຈະ ເຫລືອໄວ້ກັບເຮົາ ກໍມີແຕ່ສິ່ງ ທີ່ເຮົາສ້າງເອົາເອງ ແທ້ໆເທົ່ານັ້ນ.

ປະໂຫຍດຄຳເວົ້າຂອງເຮົາໃນຄາວມີອຳນາດ ທຸກຄົນຈະ ບອກວ່າ ເປັນຄືແສງຕາເວັນ “ຊີ້ທິດເຍືອງທາງ”, ແຕ່ພໍເຂົ້າ ບຳນານ, ເຮົາເວົ້າໝົດມື້ກໍອາດ ບໍ່ມີຜູ້ຍ້ອງວ່າມັນຮຸ່ງປານແສງ ແມງຫິງຫ້ອຍ.

ຄາວມີຖານະຕຳແໜ່ງ, ເຮົາ ອາດໄດ້ “ກະຕ່າ” ເປັນຮ້ອຍຊຸດ, ແຕ່ພໍລອກຄາບເປັນປະຊາຊົນ ທຳມະດາ, ຈຳນວນກະຕ່າ ກໍໂຍບ ລົງປານນ້ຳເຊຍາມເດືອນຫ້າ … ແລ້ວເຮົາຈະຍອມຮັບສະພາບ ນີ້ແບບໜ້າຊື່ນຕາບານໄດ້ບໍ່? ນີ້ ລະຄືເຫດຜົນທີ່ຕ້ອງກະກຽມ ທາງດ້ານຈິດໃຈເອົາໄວ້ກ່ອນ.

ສຳລັບວຽກງານທີ່ກຽມໄວ້ສານຕໍ່ເຮັດໃນຜ່ານຊີວິດບຳນານນີ້ ຄວນເປັນວຽກທີ່ຍາກເຮັດ ແຕ່ບໍ່ມີໂອກາດເຮັດໃນເວລາເປັນພະນັກງານ, ບໍ່ຄວນຈະເປັນ ວຽກທີ່ເຫລືອ+ກວ່າແຮງເພາະ ເປັນໄວ ທີ່ຕ້ອງໄດ້ສະຫງວນສຸ ຂະພາບ. ສ່ວນຜູ້ທີ່ມີເຫື່ອແຮງ ແລະ ຄວາມສາມາດພິເສດນັ້ນ ຈະເລືອກເຮັດ ຫຍັງກໍຄົງບໍ່ມີ ໃຜ ຫ້າມດອກ.

ປະຕູທີ່ອັດຕັນການຫັນເປັນໜຸ່ມ ຢູ່ປະເທດພວກເຮົາ - Wave100S AD to Website 2020 0 - ປະຕູທີ່ອັດຕັນການຫັນເປັນໜຸ່ມ ຢູ່ປະເທດພວກເຮົາ

ແຕ່ຢ່າລືມວ່າສະພາບສັງ ຂານສະພາບໃຈຂອງຕົນເອງໃນໄວເຖົ້າມັນບໍ່ຄືຄາວຍັງໜຸ່ມບໍ່ຟືນທຳມະຊາດ!.
ສຳລັບກຽມອັນທີສາມ (ນັບເອົາມື້ເຂົ້າເປັນພະນັກງານ) ກໍຄືພື້ນຖານທາງເສດຖະກິດ ເພື່ອແຮໄວ້ ຊົມໃຊ້ຍາມເຮົາບໍ່ມີ ລາຍຮັບທາງອື່ນ (ນອກຈາກເງິນ ບຳນານ).

ໃນໄລຍະກວ່າ 30 ປີ ໃນ ຄາບມະນຸດເງິນເດືອນ, ຈານແຫຍ່ ເຄີຍສຶກສາສະພາບຈິດໃຈຂອງ ພະນັກງານໃກ້ຈະເຂົ້າບຳນານ ເຊິ່ງຖ້າແຍກແບບຍ່ອຍໆກໍມີ ຫລາຍປະເພດແຕ່ຖ້າຈ້ອນເຂົ້າ ກໍມີແຕ່ ສອງປະເພດຄື: ປະເພດ ເຂົ້າໃຈກົດເກນ ແລະ ປະເພດຟືນ ກົດເກນ.

ສຳລັບພະນັກງານໃນປະ ເພດທີ່ໜຶ່ງນັ້ນ, ການປະຕິບັດໜ້າ ທີ່ຂອງເຂົາຈະສະເໜີຕົ້ນສະເໜີ ປາຍຍິ່ງເວລາຫຍັບ ຈໍ້ມໍ້ໄວບຳ ນານເຂົ້າກໍຍິ່ງເຂັ້ມຂົ້ນວຽກ, ເນັ້ນ ການກະຈາຍບົດຮຽນ ແລະ ບຳລຸງ, ສ້າງພະນັກງານຮຸ້ນສືບ ທອດ, ມີອາລົມຈິດເບີກບານ ເພາະເຫັນວ່າ ນາວາຊີວິດຂອງ ຕົນໃກ້ຈະຈອດ ຝັງແຫ່ງຜົນສຳ ເລັດ- ສຳເລັດຄວາມຮັບຜິດ ຊອບທີ່ຖືກມອບໝາຍ ແລະ ຈະ ມີໂອກາດໄດ້ພັກຜ່ອນ.

ສຳລັບປະເພດທີສອງຄືປະ ເພດຟືນກົດເກນນີ້ ເຖິງຈະມີຈຳ ນວນໜ້ອຍແຕ່ອອກລິດແຮງ, ຍິ່ງເປັນພະນັກງານທີ່ມີຊັ້ນ ຫລືບສູງໆ ກໍຍິ່ງສ້າງຄວາມເສຍ ຫາຍໃຫ້ແກ່ສ່ວນລວມເພາະ ຄົນປະເພດນີ້ຖືໄວບຳນານເປັນ “ໄວໄຮ້ໂອກາດ” ເປັນໄວຕາ ເວັນຕົກດິນ, ດັ່ງນັ້ນການກຽມ ບຳນານຂອງຄົນ ກຸ່ມນີ້ນັ້ນ ກໍຄື ການກຽມສວຍໂອກາດດ້ວຍອຸ ບາຍລາຍຫລຽມຕ່າງໆ ເຊັ່ນວິງ ເຕັ້ນຂໍຢູ່ຕໍ່ໃນອຳນາດ, ຕັກຕວງ ຜົນປະໂຫຍດທີ່ພໍໂກຍໄດ້… ລົດກູເດ? ເຮືອນກູເດ? ບາງຄົນ ພະຍາຍາມສວຍ ໂອກາດເຊື່ອມ ໂຕເຂົ້າວຽກສຳຄັນໃດໜຶ່ງ ຕື່ມ ເພື່ອເປັນເງື່ອນໄຂໃຫ້ໄດ້ຢູ່ຕໍ່ໃນ ອຳນາດ, ບາງຄົນໃຊ້ອຳນາດ ຊັບຊ້ອນລູກເຕົ້າ- ພັກພວກເຂົ້າ ໃນກົງຈັກລັດເພື່ອອາໄສໄພເພິ່ງ ຫລື ເພື່ອທວງໜີ້ບຸນຄຸນເວລາ ໝົດອຳນາດ.

ແຕ່ຮ້າຍແຮງກວ່າໝູ່ໝົດ ກໍຄື ບໍ່ຍອມປ່ອຍຕັ່ງງ່າຍໆ, ທຳ ທ່າລືມໄປເລີຍເປົ້າໝາຍ “ຫັນ ເປັນໜຸ່ມ” ພະນັກງານລັດ, ລືມ ໄປເລີຍຍຸດທະສາດການພັດທະ ນາບຸກຄາລາກອນຕາມທິດ “ບຸກ ທະລຸ”. ບໍ່ແລ້ວເທົ່ານັ້ນ, ພະນັກ ງານທີ່ແກ່ແຕ່ກາຍຫົວໃຈຍັງ ໄຮ້ດຽງສາເຫລົ່ານີ້ຍັງຕົບເອີກ ຕີຂ້າງອ້າງວ່າ “ໝາກພ້າວຫ້າວ ຍິ່ງແກ່ຍິ່ງມັນ!” ຖ້າເປັນແບບນີ້ ການພັດທະນາບຸກຄະລາກອນກໍຈະຢືດກວ່າດຶງຕີນ ເຕົ່າເພາະມັນ ຍ່າງ ສວນທາງກັບທິດ “ເຊື່ອ ໝັ້ນ-ໄວວາງໃຈພະນັກງານໜຸ່ມ ແລະ ກ້າມອບຄວາມ ຮັບຜິດຊອບ ໃຫ້ພວກເຂົາເຈົ້າ”./.

ປະຕູທີ່ອັດຕັນການຫັນເປັນໜຸ່ມ ຢູ່ປະເທດພວກເຮົາ - WhatsApp Image 2020 05 27 at 5 - ປະຕູທີ່ອັດຕັນການຫັນເປັນໜຸ່ມ ຢູ່ປະເທດພວກເຮົາ
ປະຕູທີ່ອັດຕັນການຫັນເປັນໜຸ່ມ ຢູ່ປະເທດພວກເຮົາ - WhatsApp Image 2020 05 27 at 5 - ປະຕູທີ່ອັດຕັນການຫັນເປັນໜຸ່ມ ຢູ່ປະເທດພວກເຮົາ
error: Alert: ເນື້ອຫາຂ່າວມີລິຂະສິດ !!