ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VIII ອັດລົງດ້ວຍຜົນສໍາເລັດຈົບງາມ

ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ viii ອັດລົງດ້ວຍຜົນສໍາເລັດຈົບງາມ - 36333473 1640146512764885 1962153885032251392 n - ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VIII ອັດລົງດ້ວຍຜົນສໍາເລັດຈົບງາມ
ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ viii ອັດລົງດ້ວຍຜົນສໍາເລັດຈົບງາມ - Untitled design - ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VIII ອັດລົງດ້ວຍຜົນສໍາເລັດຈົບງາມ

ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ VIII ໄດ້ອັດລົງດ້ວຍຜົນສໍາເລັດຈົບງາມໃນວັນທີ 28 ມິຖຸນານີ້, ພາຍຫລັງໄດ້ດໍາເນີນມາເປັນເວລາ 18 ວັນ. ໂດຍການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ, ໂດຍການໃຫ້ກຽດເຂົ້າຮ່ວມຂອງທ່ານ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ, ມີບັນດາການນໍາພັກ-ລັດຂັ້ນສູງ, ສະມາຊິກສະພາ, ທູຕານຸທູດ ແລະ ແຂກຖືກເຊີນເຂົ້າຮ່ວມ.

ທ່ານປະທານສະພາແຫ່ງຊາດ ໄດ້ກ່າວສູນທອນພົດປິດກອງປະຊຸມວ່າ: ຕະຫລອດໄລຍະຂອງກອງປະຊຸມ ສະມາຊິກສະພາແຫ່ງຊາດໃນຖານະທີ່ເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນບັນດາເຜົ່າໄດ້ສຸມສະຕິປັນຍາຂອງຕົນເຂົ້າໃນການຄົ້ນຄວ້າ, ປະກອບຄໍາຄິດເຫັນຢ່າງມີເຫດຜົນ, ມີເນື້ອໃນເລິກເຊິ່ງ ແລະ ກວ້າງຂວາງ, ພ້ອມທັງມີຄວາມເປັນເອກະພາບສູງໃນການພິຈາລະນາ ແລະ ຮັບຮອງເອົາບັນດາເນື້ອໃນຕ່າງໆເຊັ່ນ: ​ໄດ້​ພິຈາລະນາ ​ແລະ ຮັບຮອງ​ເອົາ​ບົດ​ລາຍ​ງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ 4 ເດືອນຜ່ານມາ, ຄາດຄະເນ 6 ເດືອນຕົ້ນປີ ແລະ ທິດທາງວຽກງານຈຸດສຸມປະຈຳ 6 ເດືອນທ້າຍປີ 2018, ບົດລາຍງານຂອງລັດຖະບານກ່ຽວກັບການປະຕິບັດມະຕິຂອງກອງປະຊຸມສະພາແຫ່ງຊາດວ່າດ້ວຍການອອກນິຕິກຳລຸ່ມກົດໝາຍ ແລະ ຜົນກະທົບຈາກການນຳໃຊ້ສານເຄມີອັນຕະລາຍເກີນຄ່າມາດຕະຖານຕໍ່ສິ່ງແວດລ້ອມ-ສັງຄົມ ແລະ ທຳມະຊາດ, ບົດ​ລາຍ​ງານກ່ຽວກັບແຜນແມ່ບົດຈັດສັນທີ່ດິນແຫ່ງຊາດແຕ່ນີ້ຮອດປີ 2030, ບົດລາຍງານກ່ຽວກັບໂຄງປະກອບລາຄານ້ຳມັນ, ການຈັດຕັ້ງປະຕິບັດວຽກງານ 3 ສ້າງຕິດພັນກັບການພັດທະນາຊົນນະບົດ ແລະ ລຶບລ້າງຄວາມທຸກຍາກ, ມາດຕະການວິທີແກ້ໄຂຕໍ່ປາກົດການຫຍໍ້ທໍ້ໃນສັງຄົມ ແລະ ອື່ນໆ. ພ້ອມ​ນີ້, ກອງ​ປະຊຸມ​ຍັງໄດ້ພິຈະລະນາຮັບຮອງເອົາການສ້າງ ແລະປັບປຸງກົດໝາຍຈຳນວນ 13 ສະບັບ, ໃນນັ້ນກົດໝາຍສ້າງໃໝ່ມີ 5 ສະບັບ​ຄື: ກົດໝາຍວ່າດ້ວຍສະຫະພັນນັກຮົບເກົ່າ, ກົດໝາຍວ່າດ້ວຍການຈັດສັນພູມລຳເນົາ ແລະ ອາຊີບ, ກົດໝາຍວ່າດ້ວຍການຄຸ້ມຄອງໜີ້ສິນສາທາລະນະ, ກົດໝາຍວ່າດ້ວຍປ້າຍ ແລະ ກົດໝາຍວ່າດ້ວຍການໃຫ້ວັກຊິນກັນພະຍາດ, ສ່ວນກົດໝາຍປັບປຸງໃໝ່ມີ 8 ສະບັບ​ຄື: ກົດໝາຍວ່າດ້ວຍນາຍທະຫານກອງທັບປະຊາຊົນລາວ, ກົດໝາຍວ່າດ້ວຍທະບຽນຄອບຄົວ, ກົດໝາຍວ່າດ້ວຍທະນາຄານແຫ່ງ ສປປ ລາວ, ກົດໝາຍວ່າດ້ວຍອາກອນມູນຄ່າເພີ່ມ, ກົດໝາຍວ່າດ້ວຍແນວລາວສ້າງຊາດ, ກົດໝາຍວ່າດ້ວຍຂໍ້ຂັດແຍ່ງທາງດ້ານເສດຖະກິດ, ກົດໝາຍວ່າດ້ວຍການບິນພົນລະເຮືອນ ແລະ ກົດໝາຍວ່າດ້ວຍປະກັນສັງຄົມ, ພ້ອມ​ນີ້, ກອງ​ປະຊຸມ​ຍັງ​ໄດ້ພິຈາລະນາ ແລະ ຮັບຮອງການສະເໜີແຕ່ງຕັ້ງສະມາຊິກສະພາຜູ້ພິພາກສາຂອງສານປະຊາຊົນສູງສຸດ ແລະ ພິຈາລະນາຮັບຮອງ​ເອົາບົດລາຍງານການເຄື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018 ຂອງຄະນະປະຈຳສະພາແຫ່ງຊາດນໍາອີກ.

ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ viii ອັດລົງດ້ວຍຜົນສໍາເລັດຈົບງາມ - Wave100S AD to Website 2020 0 - ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VIII ອັດລົງດ້ວຍຜົນສໍາເລັດຈົບງາມ
ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ viii ອັດລົງດ້ວຍຜົນສໍາເລັດຈົບງາມ - WhatsApp Image 2020 05 27 at 5 - ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VIII ອັດລົງດ້ວຍຜົນສໍາເລັດຈົບງາມ
ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ viii ອັດລົງດ້ວຍຜົນສໍາເລັດຈົບງາມ - WhatsApp Image 2020 05 27 at 5 - ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VIII ອັດລົງດ້ວຍຜົນສໍາເລັດຈົບງາມ
error: Alert: ເນື້ອຫາຂ່າວມີລິຂະສິດ !!