7 ເຄັດລັບດີໆ ມີປະໂຫຍດໃຊ້ປະຕິບັດໃນຊ່ວງຖືພາ

7 ເຄັດລັບດີໆ ມີປະໂຫຍດໃຊ້ປະຕິບັດໃນຊ່ວງຖືພາ - pb30817457 - 7 ເຄັດລັບດີໆ ມີປະໂຫຍດໃຊ້ປະຕິບັດໃນຊ່ວງຖືພາ
7 ເຄັດລັບດີໆ ມີປະໂຫຍດໃຊ້ປະຕິບັດໃນຊ່ວງຖືພາ - Untitled design - 7 ເຄັດລັບດີໆ ມີປະໂຫຍດໃຊ້ປະຕິບັດໃນຊ່ວງຖືພາ

ໃນຊ່ວງຖືພາຮ່າງກາຍເກີດການປ່ຽນແປງຫຼາຍໆຢ່າງ ລວມໄປເຖິງອາການອື່ນໆ ທີ່ແມ່ຕ້ອງກຽມພ້ອມຮັບມື  ມີເຄັດລັບດີໆດັ່ງນີ້:

  1. ຫຼີກລ່ຽງເລື່ອງການກິນອາຫານລົດຊາດຈັດເຊັ່ນ: ສົ້ມຈັດ, ເຜັດ ແລະ ເຄັມເກີນໄປ
  2. ເລື່ອງການນອນ: ແມ່ຖືພາໃກ້ເກີດ ບໍ່ຄວນນອນຫງາຍ ເພາະໃນຊ່ວງນີ້ລູກນ້ອຍຈະມີນໍ້າໜັກຕົວເພີ່ມຫຼາຍຂຶ້ນ ເວລານອນຫາກນອນຫງາຍ ຈະກົດທັບເຮັດໃຫ້ແມ່ນອນບໍ່ສະບາຍ ແລະ ອຶດອັດ ເພາະນໍ້າໜັກຂອງມົດລູກທີ່ເພີ່ມຂຶ້ນ ກົດລົງເທິງເສັ້ນເລືອດໃຫຍ່ໃນຊ່ວງທ້ອງ ສົ່ງຜົນໃຫ້ຄວາມດັນເລືອດຕໍ່າລົງ ອາດເຮັດໃຫ້ເກີດອາການໜ້າມືດເປັນລົມໄດ້. ແກ້ໄຂໄດ້ໂດຍການນອນສະ​ແຄງພິກຊ້າຍ ຫຼື ຂວາກໍໄດ້ ຫາກຢາກນອນຫງາຍ ຄວນເອົາໝອນມາໜຸນຫົວໃຫ້ສູງຂຶ້ນ, ໃຊ້ໝອນຮອງຕີນໃຫ້ສູງຂຶ້ນ ເພື່ອໃຫ້ໜ້າທ້ອງຢ່ອນຕົວ ຫຼັງແນບກັບພື້ນຈະຊ່ວຍຫຼຸດອາການເຈັບຫຼັງ, ຫຼຸດອາການເຈັບປາຍຕີນ ຊ່ວຍໃຫ້ເລືອດທີ່ຄັ່ງຕາມປາຍຕີນໄຫຼວຽນສູ່ຫົວໃຈໄດ້ສະດວກ ແລະ ຍັງບັນເທົາອາການລິສະດວງທະວານອີກດ້ວຍ.
  3. ຫາກເກີດມີອາການຈຸກສຽດທ້ອງຕະຫຼອດ ແລະ ມີອາການທ້ອງແຂງ ຊຶ່ງແມ່ທີ່ຕ້ອງຢືນເປັນເວລາດົນໆ ມັກຈະເກີດອາການແບບນີ້ໄດ້ ຕ້ອງຫາເວລານັ່ງ ຫຼື ນອນພັກຜ່ອນຕອນກາງເວັນ ເພາະອາດສົ່ງຜົນເຮັດໃຫ້ເຈັບທ້ອງເກີດກ່ອນກໍານົດໄດ້.
  4. ເມື່ອເກີດອາການທ້ອງອືດນໍ້າຂີງໄດ້ ແຕ່ບໍ່ຄວນປະສົມນໍ້າຕານລົງໄປໃນນໍ້າຂີງໝາຍເກີນໄປ ໂດຍສະເພາະແມ່ທີ່ມີແນວໂນ້ມເປັນເບົາຫວານໃນຊ່ວງຖືພາ ທາງທີ່ດີດື່ມນໍ້າຂີງບໍ່ປະສົມນໍ້າຕານເລີຍດີທີ່ສຸດ.
  5. ຫາກດື່ມນົມສົດບໍ່ໄດ້ໃນຊ່ວງຖືພາ ໃຫ້ດື່ມນົມຖົ່ວເຫຼືອງແທນໄດ້ ເພາະໃນນົມຖົ່ວເຫຼືອງຈະມີໂປຣຕີນ ແລະ ເກືອແຮ່ທີ່ຈໍາເປັນຕໍ່ຮ່າງກາຍເຊັ່ນດຽວກັນ ພຽງແຕ່ຕ້ອງດື່ມໃນປະລິມານທີ່ຫຼາຍຂຶ້ນ ເພື່ອຈະໄດ້ຄຸນຄ່າທຽບເທົ່ານົມສົດ.
  6. ເມື່ອຄົນຖືພາເປັນຫວັດ ຫາກຈະກິນຢາຄວນປຶກສາແພດໝໍ, ໃຫ້ແມ່ຄວນນອນພັກຜ່ອນຫຼາຍໆ, ດື່ມນໍ້າອຸ່ນ ແລະ ກິນໝາກໄມ້ ເພື່ອໃຫ້ຮ່າງກາຍໄດ້ຮັບວິຕາມິນຕ້ານຫວັດ ຈະດີຂຶ້ນເອງ.
  7. ເລື່ອງເພດສໍາພັນ: ການມີເພດສໍາພັນໃນຊ່ວງຖືພາ ສາມາດມີເພດສໍາພັນໄດ້ຕາມປົກກະຕິ ແຕ່ມີຂໍ້ຍົກເວັ້ນສໍາລັບແມ່ຖືພາທີ່ເຄີຍລຸລູກມາກ່ອນ ຫຼື ເຄີຍມີປະຫວັດການເກີດກ່ອນກໍານົດ ຄວາມຍົກເວັ້ນໃນຊ່ວງ 3-4 ທໍາອິດ ຫຼື ໃນຊ່ວງຖືພາອ່ອນ ລວມເຖິງຊ່ວງທ້ອງແກ່ໃກ້ເກີດ ກ່ອນ 1 ເດືອນ ເພື່ອປ້ອງກັນການເກີດກ່ອນກໍານົດ.

 

7 ເຄັດລັບດີໆ ມີປະໂຫຍດໃຊ້ປະຕິບັດໃນຊ່ວງຖືພາ - Wave100S AD to Website 2020 0 - 7 ເຄັດລັບດີໆ ມີປະໂຫຍດໃຊ້ປະຕິບັດໃນຊ່ວງຖືພາ
7 ເຄັດລັບດີໆ ມີປະໂຫຍດໃຊ້ປະຕິບັດໃນຊ່ວງຖືພາ - WhatsApp Image 2020 05 27 at 5 - 7 ເຄັດລັບດີໆ ມີປະໂຫຍດໃຊ້ປະຕິບັດໃນຊ່ວງຖືພາ
7 ເຄັດລັບດີໆ ມີປະໂຫຍດໃຊ້ປະຕິບັດໃນຊ່ວງຖືພາ - WhatsApp Image 2020 05 27 at 5 - 7 ເຄັດລັບດີໆ ມີປະໂຫຍດໃຊ້ປະຕິບັດໃນຊ່ວງຖືພາ
error: Alert: ເນື້ອຫາຂ່າວມີລິຂະສິດ !!