ຍຸກພັດທະນາ ຍຸກອິນເຕີເນັດ

ຍຸກພັດທະນາ ຍຸກອິນເຕີເນັດ - maxresdefault - ຍຸກພັດທະນາ ຍຸກອິນເຕີເນັດ
ຍຸກພັດທະນາ ຍຸກອິນເຕີເນັດ - Untitled design - ຍຸກພັດທະນາ ຍຸກອິນເຕີເນັດ

ໂດຍ : ມຶກບໍ່ແຫ້ງ

ອິນເຕີເນັດ (internet) ແມ່ນປັດໄຈໜຶ່ງທີ່ມີຄວາມສຳຄັນຕໍ່ການພັດທະນາເສດຖະກິດສັງຄົມແລະອິນເຕີເນັດຢູ່ສປປລາວກໍໄດ້ມີການພັດທະນາແລະປັບປຸງດີຂຶ້ນເລື້ອຍໆ.

ອີງຕາມຕົວເລກດັດສະນີຄວາມໄວອິນເຕີເນັດໂລກຈາກເວບໄຊ໌ສະປີດເທສ (speedtest) ໃຫ້ຮູ້ວ່າຄວາມໄວອິນເຕີເນັດທີ່ໃຊ້ດ້ວຍໂທລະສັບມືຖືນັ້ນສປປລາວກໍບໍ່ໄດ້ຂີ້ຮ້າຍເພາະຖືກຈັດຢູ່ລະດັບທີ 96 ຂອງໂລກແລະຢູ່ໃນລະດັບທີ 7 ຂອງອາຊຽນໂດຍມີຄວາມໄວໃນການດາວໂລດ (download) ທີ 14.05 (Mbps-Megabits per second) ດັ່ງສະແດງໃຫ້ເຫັນໃນຕາຕະລາງລຸ່ມນີ້:

ຍຸກພັດທະນາ ຍຸກອິນເຕີເນັດ - Page 2 - ຍຸກພັດທະນາ ຍຸກອິນເຕີເນັດ

ແຫຼ່ງຂໍ້ມູນ: Speedtest Global Index, ພຶດສະພາ 2018

ເປັນສິ່ງຍອມຮັບກັນວ່າອິນເຕີເນັດມີຄວາມສຳຄັນໃນການພັດທະນາເສດຖະກິດສັງຄົມຂອງຊາດ, ຊ່ວຍໃນການປະຢັດເວລາແລະງົບປະມານໃນການເຜີຍແຜ່ຂໍ້ມູນຂ່າວສານຕ່າງໆ, ມີຄວາມສະດວກໃນການສື່ສານໃກ້ແລະໄກ. ສິ່ງສຳຄັນອິນເຕີເນັດຍັງຊ່ວຍພວກເຮົາເຂົ້າເຖິງຂໍ້ມູນໄດ້ຫຼາຍກວ່າເກົ່າ, ສົ່ງເສີມການຄ້າຂາຍແລະການລົງທຶນອັນນຳໄປສູ່ການສ້າງວຽກເຮັດງານທຳທີ່ຫຼາຍຂຶ້ນແລະຊ່ວຍໃຫ້ການບໍລິການຕ່າງໆໄດ້ຮັບການປັບປຸງດີຂຶ້ນເຊັ່ນກັນ.

ຍຸກພັດທະນາ ຍຸກອິນເຕີເນັດ - Wave100S AD to Website 2020 0 - ຍຸກພັດທະນາ ຍຸກອິນເຕີເນັດ

ເຖິງວ່າຄວາມໄວຂອງອິນເຕີເນັດລາວອາດຍັງບໍ່ທັນໄວທຽບເທົ່າກັບຫຼາຍປະເທດໃນພາກພື້ນແລະໃນໂລກແຕ່ລັດຖະບານແລະພາກສ່ວນທີ່ກ່ຽວຂ້ອງກໍໄດ້ສຸມໃສ່ປັບປຸງຢ່າງບໍ່ຢຸດຢັ້ງເພື່ອຮັບປະກັນໃຫ້ປະຊາຊົນພວກເຮົາໄດ້ຊົມໃຊ້ອິນເຕີເນັດທີ່ມີຄຸນນະພາບແລະລາຄາສົມເຫດສົມຜົນ.

ຍຸກພັດທະນາໃນປັດຈຸບັນນັ້ນອິນເຕີເນັດເປັນປັດໄຈສຳຄັນຍິ່ງ, ສະນັ້ນການລົງທຶນໃສ່ຂະແໜງການນີ້ຈຶ່ງມີຄວາມຈຳເປັນທີ່ລັດຖະບານລາວບໍ່ໄດ້ນີ້ງນອນເສີຍເຊິ່ງເຊື່ອວ່າໃນອະນາຄົດອັນໃກ້ອິນເຕີເນັດຂອງສປປລາວຈະໄວທຽບເທົ່າພາກພື້ນແລະສາກົນທັງທາງໂທລະສັບມືຖືແລະໃຊ້ສາຍເພື່ອຕອບສະໜອງຄວາມຕ້ອງການຂອງມວນຊົນ.

ອິນເຕີເນັດສາມາດປະກອບສ່ວນໃນການພັດທະນາເສດຖະກິດສັງຄົມຄືແນວໃດ? ເວັບໄຊ໌ເດີອັດລັງຕິກ (theatlantic) ໄດ້ອ້າງວ່າປະເທດໃດທີ່ຄົວເຮືອນສາມາດເຊື່ອມຕໍ່ອິນເຕີເນັດ (ດ້ວຍຄວາມໄວສູງ) ແມ່ນມີເສດຖະກິດກ້າວໜ້າຫຼາຍໂດຍໄດ້ຍົກໃຫ້ເຫັນວ່າຖ້າປະຊາກອນພາຍໃນປະເທດ 78% ສາມາດເຂົ້າເຖິງເຕີເນັດໄດ້ຈະສາມາດມີລາຍຮັບສະເລ່ຍໃສ່ຫົວຄົນເພີ່ມຂຶ້ນຫຼາຍກວ່າ 25%.

ຍຸກພັດທະນາ ຍຸກອິນເຕີເນັດ - WhatsApp Image 2020 05 27 at 5 - ຍຸກພັດທະນາ ຍຸກອິນເຕີເນັດ
ຍຸກພັດທະນາ ຍຸກອິນເຕີເນັດ - WhatsApp Image 2020 05 27 at 5 - ຍຸກພັດທະນາ ຍຸກອິນເຕີເນັດ
error: Alert: ເນື້ອຫາຂ່າວມີລິຂະສິດ !!