ພຶດຕິກຳທີ່ສະທ້ອນໂຕຕົນຂອງທ່ານໂດຍບໍ່ບອກ

ພຶດຕິກຳທີ່ສະທ້ອນໂຕຕົນຂອງທ່ານໂດຍບໍ່ບອກ - 042806 2018 - ພຶດຕິກຳທີ່ສະທ້ອນໂຕຕົນຂອງທ່ານໂດຍບໍ່ບອກ
ພຶດຕິກຳທີ່ສະທ້ອນໂຕຕົນຂອງທ່ານໂດຍບໍ່ບອກ - Untitled design - ພຶດຕິກຳທີ່ສະທ້ອນໂຕຕົນຂອງທ່ານໂດຍບໍ່ບອກ

ໃນຊີວິດການເຮັດວຽກນັ້ນ ນອກຈາກຜົນງານທີ່ທ່ານເຮັດແລ້ວ ຍັງມີອີກຫລາຍຊ່ອງທາງທີ່ເພື່ອນຮ່ວມວຽກ ແລະ ຫົວໜ້າ ສາມາດຮັບຮູ້ກ່ຽວກັບໂຕທ່ານໄດ້ ເຊິ່ງພຶດຕິກຳບາງຢ່າງອາດຈະສະທ້ອນໂຕຕົນຂອງທ່ານອອກມາໂດຍທີ່ທ່ານບໍ່ຕັ້ງໃຈ ຮູ້ຫລືບໍ່ວ່າຄົນອ້ອມຂ້າງໃຫ້ຄວາມສຳຄັນກ່ຽວກັບໂຕທ່ານໃນທຸກໆສິ່ງທີ່ທ່ານເຮັດ ເຊິ່ງມັນສາມາດສະຫລຸບກ່ຽວກັບໂຕທ່ານໄດ້ທັງໃນທາງທີ່ ດີ ແລະ ໃນທາງທີ່ບໍ່ດີ ແລະ ນີ້ກໍແມ່ນສິ່ງທີ່ທ່ານຄວນລະວັງ.

  1. ທ່ານມາເຮັດວຽກຊ້າຫລືບໍ່: ຫ້ອງການສ່ວນຫລາຍມັກຈະໃຫ້ຄວາມສຳຄັນກັບຈຳນວນຊົ່ວໂມງການເຮັດວຽກຂອງພະນັກງານ ຫາກທ່ານມາເຮັດວຽກຊ້າ ແລະ ອອກຈາກຫ້ອງການທັນທີທີ່ໝົດເວລາເຮັດວຽກເປັນປະຈຳ ທ່ານສ່ຽງທີ່ຈະຖືກເບິ່ງວ່າເຮັດວຽກບໍ່ເຕັມປະສິດທິພາບ ນັ້ນເປັນຍ້ອນທ່ານມີຊົ່ວໂມງການເຮັດວຽກໜ້ອຍກ່ວາຄົນອື່ນ, ແຕ່ຫາກທ່ານມີຫົວໜ້າທີ່ບໍ່ຄ່ອຍໃສ່ໃຈເລື່ອງເວລາເຮັດວຽກ ກໍຖືວ່າໂຊກດີເປັນຂອງທ່ານ.
  2. ທ່ານເລືອກຄົບໝູ່ແບບໃດຢູ່ບ່ອນເຮັດວຽກ : ການເລືອກຄົບໝູ່ແບບໃດ ຄົນກໍຈະເບິ່ງວ່າທ່ານເປັນຄົນແບບດຽວກັບພວກເຂົາ ຫາກທ່ານເຂົ້າກຸ່ມກັບໝູ່ບໍ່ດີ ມັກຕິສິນນິນທາ, ມັກຝ່າຝືນກົດລະບຽບ, ມັກເອົາປຽບ, ກຽດຄ້ານຫລືອື່ນໆ ຄົນກໍຈະເບິ່ງວ່າທ່ານເປັນຄົນແນວນັ້ນຄືກັນ.
  3. ທ່ານວາງໂຕແນວໃດໃນຫ້ອງປະຊຸມ : ຫາກທ່ານບໍ່ໃຫ້ຄວາມຮ່ວມມືໃນການປະຊຸມ ບໍ່ສະແດງຄວາມຄິດເຫັນໃນຫ້ອງປະ ຊຸມ ຄົນກໍຈະເບິ່ງວ່າທ່ານບໍ່ທຸ້ມເທ ຫລື ບໍ່ມີສ່ວນຮ່ວມກັບວຽກ, ຍິ່ງທ່ານມັກກວດເບິ່ງໂທລະສັບ ຫລືຕອບອີເມວໃນຂະນະປະຊຸມແລ້ວ ຍິ່ງສະແດງໃຫ້ເຫັນວ່າທ່ານບໍ່ສົນໃຈໃນການປະຊຸມ. ນອກຈາກນັ້ນ ຫາກທ່ານກົ້ມໂຕລົງໄປກັບຕັ່ງ ຄືຈະເຮັດໂຕໃຫ້ນ້ອຍທີ່ສຸດເພື່ອທີ່ຈະບໍ່ຕ້ອງເວົ້າຫຍັງ ຍິ່ງເຮັດໃຫ້ທ່ານເບິ່ງເປັນຄົນກຽດຄ້ານ ແລະ ບໍ່ໝັ້ນໃຈໃນໂຕເອງ ທັງຍັງມີເລື່ອງຂອງການສະແດງຄວາມຮູ້ສຶກ ບໍ່ວ່າຈະເປັນການສະແດງອອກທາງສີໜ້າ, ດວງຕາ ຫລື ນຳ້ສຽງ ທີ່ອາດເຮັດໃຫ້ຄົນອື່ນເບິ່ງວ່າທ່ານບໍ່ມີຄວາມເປັນມືອາຊີບນຳອີກ ສະນັ້ນທ່ານຄວນຈະຫລີກເວັ້ນໄວ້.
  4. ທ່ານຕົກແຕ່ງໂຕະເຮັດວຽກແນວໃດ : ການຈັດໂຕະເຮັດວຽກກໍຄ້າຍຄືກັບການແຕ່ງໂຕມາເຮັດວຽກ ເຊິ່ງສາມາດສະທ້ອນໂຕຕົນຂອງທ່ານໄດ້ ຫາກໂຕະເຮັດວຽກ ຂອງທ່ານວ່າງເປົ່າ, ບໍ່ມີສິ່ງຂອງສ່ວນໂຕ, ບໍ່ຕິດຮູບຖ່າຍ, ບໍ່ປະດັບຕົກແຕ່ງຫຍັງເລີຍ, ໃຫ້ຄວາມຮູ້ສຶກຄືທ່ານພຽງແຕ່ຜ່ານມາເທົ່ານັ້ນ ບໍ່ໄດ້ສະແດງຄວາມເປັນເຈົ້າຂອງໃດໆ, ໃນທາງກົງກັນຂ້າມ ຫາກທ່ານຕົກແຕ່ງໂຕະເຮັດວຽກຫລາຍຈົນເກີນໄປ ຄົນອາດຈະເບິ່ງວ່າທ່ານໃຫ້ຄວາມສຳຄັນກັບເລື່ອງອື່ນຫລາຍກ່ວາເລື່ອງວຽກໄດ້ຄືກັນ.

   5.​ ທ່ານປະຕິບັດຕໍ່ຜູ້ໃຫຍ່ແນວໃດ : ບາງຄົນເວລາລົມກັບຜູ້ໃຫຍ່ຢ້ານຄົນຈະເບິ່ງວ່າບໍ່ເຄົາລົບຫົວໜ້າ ຈຶ່ງສະແດງຄວາມອ່ອນນ້ອມເກີນເຫດ ເຫັນດີເຫັນງາມກັບຫົວໜ້າໄປໝົດທຸກຢ່າງ ຈົນອາດຖືກເບິ່ງວ່າເປັນຄົນມັກປະຈົບປະແຈງ  ໃນຂະນະທີ່ບາງຄົນກໍກ້າຈົນເກີນພໍດີ ຈົນເບິ່ງຄືວ່າລ່ວງ ແລະ ເປັນຜູ້ນ້ອຍທີ່ບໍ່ເຄົາລົບຜູ້ໃຫຍ່.

ພຶດຕິກຳທີ່ສະທ້ອນໂຕຕົນຂອງທ່ານໂດຍບໍ່ບອກ - Wave100S AD to Website 2020 0 - ພຶດຕິກຳທີ່ສະທ້ອນໂຕຕົນຂອງທ່ານໂດຍບໍ່ບອກ
  1. ທ່ານປະຕິບັດຕໍ່ແມ່ບ້ານຫ້ອງການແນວໃດ : ບໍ່ພຽງແຕ່ການປະຕິບັດໂຕຕໍ່ຜູ້ໃຫຍ່ ຫລື ຫົວໜ້າເທົ່ານັ້ນ ຄົນຈະເບິ່ງບ່ອນການປະຕິບັດໂຕຕໍ່ຜູ້ທີ່ມີລະດັບຕຳແໜ່ງຕໍ່າກ່ວາທ່ານນຳ ທ່ານເຄົາລົບ ແລະ ໃຫ້ກຽດແມ່ບ້ານຫ້ອງການ ຫລື ຍາມໜ້າຫ້ອງການຂອງທ່ານໃນຖານະພະນັກງານຄົນໜຶ່ງຄືກັນກັບທ່ານຫລືບໍ່ ສິ່ງທີ່ທ່ານສະແດງອອກບອກໄດ້ວ່າທ່ານເປັນຄົນແນວໃດ. ດັ່ງຄຳເວົ້າທີ່ວ່າ ເຮົາສາມາດເບິ່ງນິໄສຄົນທີ່ເຮົາລົມນຳໄດ້ຈາກການເບິ່ງວ່າເຂົາປະຕິບັດຕໍ່ພະນັກງານເສີບແນວໃດ.
  2. ທ່ານມີວິທີຈັດການກັບຄວາມຜີດພາດແນວໃດ : ບໍ່ສຳຄັນວ່າທ່ານເຮັດຜິດພາດແນວໃດ, ແຕ່ສຳຄັນບ່ອນວິທີການທີ່ທ່ານຈະຈັດການກັບຂໍ້ຜິດພາດນັ້ນຫລາຍກ່ວາ ຫາກຫົວໜ້າທ່ານບໍ່ສາມາດໝັ້ນໃຈໄດ້ວ່າທ່ານຈະຈັດການກັບບັນຫາໄດ້ ທ່ານກໍຈະບໍ່ໄດ້ຮັບຄວາມໄວ້ວາງໃຈໃຫ້ເຮັດວຽກສຳຄັນ, ຄວາມຮັບຜິດຊອບເປັນສິ່ງສຳຄັນທີ່ເຮັດໃຫ້ຫົວໜ້າໝັ້ນໃຈໄດ້ວ່າ ເຂົາຈະບໍ່ຕ້ອງກັງວົນໃຈເມື່ອໄດ້ມອບວຽກງານໃດໆໃຫ້ທ່ານເຮັດ.
ພຶດຕິກຳທີ່ສະທ້ອນໂຕຕົນຂອງທ່ານໂດຍບໍ່ບອກ - WhatsApp Image 2020 05 27 at 5 - ພຶດຕິກຳທີ່ສະທ້ອນໂຕຕົນຂອງທ່ານໂດຍບໍ່ບອກ
ພຶດຕິກຳທີ່ສະທ້ອນໂຕຕົນຂອງທ່ານໂດຍບໍ່ບອກ - WhatsApp Image 2020 05 27 at 5 - ພຶດຕິກຳທີ່ສະທ້ອນໂຕຕົນຂອງທ່ານໂດຍບໍ່ບອກ
error: Alert: ເນື້ອຫາຂ່າວມີລິຂະສິດ !!