ງານ Lao Digital Forum ​ເນັ້ນໃສ່ເຕັກໂນໂລຊີທາງດ້ານການເງິນ

ງານ lao digital forum ​ເນັ້ນໃສ່ເຕັກໂນໂລຊີທາງດ້ານການເງິນ - Lao Digital Forum 1 4 1 - ງານ Lao Digital Forum ​ເນັ້ນໃສ່ເຕັກໂນໂລຊີທາງດ້ານການເງິນ
ງານ lao digital forum ​ເນັ້ນໃສ່ເຕັກໂນໂລຊີທາງດ້ານການເງິນ - Untitled design - ງານ Lao Digital Forum ​ເນັ້ນໃສ່ເຕັກໂນໂລຊີທາງດ້ານການເງິນ

ເຕັກໂນໂລຊີທາງດ້ານການເງິນ, ການເຕີບໂຕທາງເສດຖະກິດ ແລະ ການພັດທະນາວິສາຫະກິດຈຸລະພາກ ແມ່ນຫົວຂໍ້ຫຼັກໃນງານ ລາວ ດີຈີຕອນ ຟໍລໍາ​ (Lao Digital Forum) ​ຄັ້ງ​ທີ​ 2 ເຊິ່ງຈັດຂຶ້ນໃນວັນທີ 29 ມິຖຸນານີ້, ໂດຍສະ​ຖານ​ທູ​ດ​ສະ​ຫະ​ລັດປະຈໍາລາວ ແລະ ທະນາຄານ ແຫ່ງ ສປປ ລາວ ຮ່ວມກັນຈັດຂຶ້ນ, ໂດຍໄດ້ຮັບການສະໜັບສະໜູນທຶນຈາກ​ບໍ​ລິ​ສັດ ໄມໂຄຣຊອບ (Microsoft) ແລະ ວີຊາ (Visa) ຂອງອາເມລິກາ, ໂດຍມີຜູ້ເຂົ້າຮ່ວມຫລາຍກວ່າ 150 ທ່ານ, ເພື່ອຮັບຟັງບັນດາຊ່ຽວຊານທີ່ມາຈາກປະເທດມຽນມ້າ, ກໍາປູເຈ້ຍ, ໄທ ແລະ ສະຫະລັດອ​າ​ເມ​ລິກ​າສົນທະນາໃຫ້ຄວາມຮູ້ກ່ຽວກັບບັນດາຫົວຂໍ້ທີ່ກໍາລັງເປັນກະແສຢູ່ໃນໂລກເຕັກໂນໂລຊີ ເຊັ່ນ: ເຕັກໂນໂລຊີການເງິນ (fintechs), ການຊໍາລະອິເລັກໂຕຼນິກ, ບລ໋ອກເຊັນ (blockchain) ແລະ ການມີສ່ວນຮ່ວມທາງດ້ານການເງິນ.

ຄໍາສັບເຕັກນິກ fintech (ເຕັກໂນໂລຊີທາງດ້ານການເງິນ) ແມ່ນທຸລະກິດໃດໜຶ່ງທີ່ຕ້ອງການສະໜອງການບໍລິການທາງດ້ານການເງິນ ໂດຍການນໍາໃຊ້ຊອບແວ ແລະ ເຕັກໂນໂລຊີທັນສະໄໝ, Blockchain ແມ່ນປຶ້ມບັນຊີອອນລາຍສາທາລະນະ ທີ່ບັນທຶກທຸລະກໍາລະຫວ່າງສອງຝ່າຍ ໃນລັກສະນະ ທີ່ມີປະສິດທິພາບ, ກວດສອບໄດ້ ແລະ ຢູ່ຖາວອນ. ຜູ້ຊ່ຽວຊານຫລາຍທ່ານເຊື່ອວ່າ  blockchain ສາມາດນໍາໃຊ້ໄດ້ຢ່າງກວ້າງຂວາງເຊັ່ນ: ໃນຂະແໜງກະສິກໍາ, ການຄ້າ, ການບໍລິການທາງດ້ານການເງິນ ລວມທັງຂະແໜງສາທາລະນະສຸກ.  ເຕັກໂນໂລຊີປະເພດນີ້ມີທ່າແຮງຫລາຍສໍາລັບປະເທດກໍາລັງພັດທະນາ ເຊັ່ນ: ສປປ ລາວ ແລະ ຈຸດປະສົງຂອງການຈັດງານ​ Lao Digital Forum ນີ້ແມ່ນເພື່ອຊອກຫາທ່າແຮງທີ່ສາມາດສະໜັບສະໜູນເປົ້າໝາຍການພັດທະນາຂອງ ສປປ ລາວ.

ງານ​ Lao Digital Forum ຄັ້ງທໍາອິດ, ເຊິ່ງໄດ້ຮັບການສະໜັບສະໜູນໂດຍ USAID ແລະ ຈັດຂຶ້ນໃນເດືອນມັງກອນ 2018 ແມ່ນສຸມໃສ່ການນໍາໃຊ້ເຕັກໂນໂລຊີທີ່ມີລັກສະນະເປີດກວ້າງ ເພື່ອສົ່ງເສີມການມີສ່ວນຮ່ວມທາງດ້ານການເງິນ.

ທ່ານເອກອັກຄະລັດຖະທູດສະຫະລັດອາເມລິກາປະຈໍາລາວ ນາງ ຣີ​ນາ ບິດເຕີ ມີຄໍາເຫັນວ່າ: ຄວາມສໍາຄັນຂອງສະພາບແວດລ້ອມດ້ານນິຕິກໍາທີ່ເໝາະສົມສາມາດສົ່ງເສີມການແຂ່ງຂັນ, ນະວັດຕະກໍາ ແລະ ເປົ້າໝາຍສູງສຸດເພື່ອສ້າງຄວາມຈະເລີນຮຸ່ງເຮືອງສິວິໄລຂຶ້ນ ແລະ ຄວາມເຂົ້າໃຈກ່ຽວກັບເຕັກໂນໂລຊີເຫລົ່ານີ້ ແມ່ນມີຄວາມສໍາຄັນເປັນພິເສດ ເພາະ ສປປ ລາວ ກໍາລັງກະກຽມສ້າງລະບຽບ ແລະ ກົດໝາຍກ່ຽວກັບ fintech, blockchain, ຄລາວ (cloud) ແລະ ການຊໍາລະທາງອີເລັກໂຕຼນິກ ທີ່ຮັບປະກັນໃຫ້ການຊຸກຍູ້ການແຂ່ງຂັນທີ່ຍຸຕິທໍາ, ສົ່ງເສີມນະວັດຕະກໍາ ແລະ ສ້າງເວທີການແຂ່ງຂັນທີ່ເທົ່າທຽມສໍາລັບທຸກບໍລິສັດ.”

ງານ lao digital forum ​ເນັ້ນໃສ່ເຕັກໂນໂລຊີທາງດ້ານການເງິນ - Wave100S AD to Website 2020 0 - ງານ Lao Digital Forum ​ເນັ້ນໃສ່ເຕັກໂນໂລຊີທາງດ້ານການເງິນ

ທ່ານຮອງຜູ້ວ່າການທະນາຄານແຫ່ງ ສປປ ລາວ ນາງ ວັດທະນາ ດາລາລອຍ ໄດ້ມີຄໍາເຫັນວ່າ: ການປັບຕົວເຂົ້າກັບເຕັກໂນໂລຊີ ທີ່ເກີດຂຶ້ນໃໝ່ນີ້ ເພື່ອຊ່ວຍສະໜັບສະໜູນການພັດທະນາບັນດາວິສາຫະກິດຈຸລະພາກ, ຂະໜາດນ້ອຍ ແລະ ຂະໜາດກາງ, ພັດທະນາເຂດຊົນນະບົດ ແລະ ສືບຕໍ່ເຊື່ອມໂຍງເຂົ້າກັບປະຊາຄົມເສດຖະກິດອາຊຽນ ແລະ ເສດຖະກິດໂລກ, ເຊິ່ງອ​າ​ຊຽນ ແມ່ນ​ພາ​ກ​ພື້ນ​ທີ່​ເຕີບ​ໂຕ​ໄວ​ທີ່​ສຸ​ດ​ໃນ​ໂລກ ດ້ານ​ການ​ນຳ​ໃຊ້​ອິ​ນ​ເຕີ​ເນັດ, ໂດຍ​ຫຼັກໆ​ແມ່ນ​ ການ​ນຳ​ໃຊ້​ໂທ​ລະ​ສັບ​ມື​ຖື​ທີ່​ເພີ່ມ​ຂຶ້ນ.  ​ໃນ​ໄລ​ຍະ​ປີ 2006-2015, ຈຳ​ນວນ​ຜູ້​ໃຊ້ໂທ​ລະ​ສັບ​ມື​ຖື ໃນ​ອາ​ຊ​ຽນ ເພີ່ມ​ຂຶ້ນ​ຈາກ 198 ​ລ້ານ​ຄົ​ນ ເປັນ 784 ລ້ານ​ຄົນ.  ​ກ​າ​ນ​ເຕີບ​ໂຕ​ທາງດ້ານ​ເສດ​ຖະ​ກິດ​ຂອງ​ອາ​ຊຽນ ແລະ ຈຳ​ນ​ວນປະ​ຊາ​ກອນ​ໄວ​ໜຸ່ມ​ທີ່​ມີ​ຫຼາຍ ໝາຍ​ຄວາມ​ວ່າ ພາ​ກ​ພື້ນ​ນີ້ ມີທ່າແຮງສູງ ທີ່​ຈະ​ໄດ້​ຮັບ​ຜົນ​ປະ​ໂຫຍດ​ຈາ​ກ​​ເສດ​ຖະ​ກິດ​ດິ​ຈິຕອນ.

ງານ lao digital forum ​ເນັ້ນໃສ່ເຕັກໂນໂລຊີທາງດ້ານການເງິນ - WhatsApp Image 2020 05 27 at 5 - ງານ Lao Digital Forum ​ເນັ້ນໃສ່ເຕັກໂນໂລຊີທາງດ້ານການເງິນ
ງານ lao digital forum ​ເນັ້ນໃສ່ເຕັກໂນໂລຊີທາງດ້ານການເງິນ - WhatsApp Image 2020 05 27 at 5 - ງານ Lao Digital Forum ​ເນັ້ນໃສ່ເຕັກໂນໂລຊີທາງດ້ານການເງິນ
error: Alert: ເນື້ອຫາຂ່າວມີລິຂະສິດ !!