ກະຊວງ​ການ​ເງິນເລັ່ງຮ່າງ 3 ກົດໝາຍ​ເພີ່ມ​ຄວາມ​ສາມາດ​ເກັບ​ລາຍ​ຮັບ

ກະຊວງ​ການ​ເງິນເລັ່ງຮ່າງ 3 ກົດໝາຍ​ເພີ່ມ​ຄວາມ​ສາມາດ​ເກັບ​ລາຍ​ຮັບ - Finance - ກະຊວງ​ການ​ເງິນເລັ່ງຮ່າງ 3 ກົດໝາຍ​ເພີ່ມ​ຄວາມ​ສາມາດ​ເກັບ​ລາຍ​ຮັບ
ກະຊວງ​ການ​ເງິນເລັ່ງຮ່າງ 3 ກົດໝາຍ​ເພີ່ມ​ຄວາມ​ສາມາດ​ເກັບ​ລາຍ​ຮັບ - Untitled design - ກະຊວງ​ການ​ເງິນເລັ່ງຮ່າງ 3 ກົດໝາຍ​ເພີ່ມ​ຄວາມ​ສາມາດ​ເກັບ​ລາຍ​ຮັບ

ກົມ​ນະ­ໂຍ­ບາຍ​ການ​ເງິນ ແລະ ນິ­ຕິ​ກຳ ກະ­ຊວງ​ການ​ເງິນ ໃນ​ນາມ​ຄະ­ນະ​ຮັບ­ຜິດ­ຊອບ​ຄົ້ນ­ຄວ້າ​ຮ່າງ​ກົດ­ໝາຍ​ວ່າ​ດ້ວຍ​ອາ­ກອນ​ລາຍ​ໄດ້, ຮ່າງ​ກົດ­ໝາຍ​ວ່າ​ດ້ວຍ​ອາ­ກອນ​ຊົມ­ໃຊ້ ແລະ ຮ່າງ​ກົດ­ໝາຍ​ວ່າ​ດ້ວຍ​ການ​ຄຸ້ມ​ຄອງ​ສ່ວຍ​ສາ​ອາ­ກອນ, ໄດ້​ຈັດ​ກອງ​ປະ­ຊຸມ​ເປີດ​ກວ້າງ​ທາບ​ທາມ​ຄຳ​ເຫັນ​ໃສ່ 3 ຮ່າງ​ກົດ­ໝາຍ​ດັ່ງ­ກ່າວ ​ເມື່ອ​ບໍ່ດົນ​ມານີ້, ທີ່​ສູນ​ການ​ຮ່ວມ​ມື​ສາ­ກົນ ລາວ-ຍີ່­ປຸ່ນ (ICTC) ໂດຍ​ເປັນ​ປະ­ທານ​ຂອງ​ທ່ານ ອາດ​ສະ­ພັງ​ທອງ ສີ​ພັນ​ດອນ ຮອງ​ລັດ­ຖະ­ມົນ­ຕີ​ກະ­ຊວງ​ການ​ເງິນ, ແນ­ໃສ່​ສ້າງ​ຄວາມ​ເຂັ້ມ­ແຂງ​ໃຫ້​ແກ່​ວຽກ​ງານ​ການ​ເກັບ​ລາຍ​ຮັບ​ຂອງ​ລັດ­ຖະ­ບານ​ໃຫ້​ຖືກ­ຕ້ອງ, ໂປ່ງ​ໃສ ​ແລະ ເປັນ​ບ່ອນ​ອີງ​ໃນ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ຂົງ­ເຂດ​ຂະ­ແໜງ­ການ​ເງິນ ໃນ​ຂອບ​ເຂດ​ທົ່ວ​ປະ­ເທດ​ມີ​ຄວາມ​ສອດ­ຄ່ອງ ກົມ­ກຽວ ແລະ ແທດ­ເໝາະ​ກັບ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​​ແຕ່ລະ​ໄລຍະໂດຍ​ສະເພາະ ແມ່ນ​ການ​ປັບ­ປຸງ​ກົນ​ໄກ​ການ​ຄຸ້ມ​ຄອງ ແລະ ຈັດ​ເກັບ​ລາຍ​ຮັບ​ສ່ວຍ​ສາ​ອາ­ກອນ​ໃຫ້​ມີ​ປະ­ສິດ­ທິ­ພາບ​ດີ​ກວ່າ​ເກົ່າ, ແນ­ໃສ່​ຮັບ­ປະ­ກັນ​ການ​ເຊື່ອມ​ໂຍງ​ກັບ​ພາກ​ພຶ້ນ ແລະ ສາ­ກົນ, ​ທັງ 3 ຮ່າງ​ກົດ­ໝາຍ​ນີ້ ຍັງ​ມີ​ຄວາມ​ສຳ­ຄັນ​ໃນ​ການ​ຄຸ້ມ​ຄອງ​ວຽກ​ງານ​ການ​ເງິນ-ງົບ­ປະ­ມານ​ແຫ່ງ​ລັດ ໂດຍ​ທັງ 3 ໄດ້​ກຳ­ນົດ​ຫຼັກ­ການ ລະ­ບຽບ​ການ ວິ­ທີ ແລະ ມາດ​ຕະ­ການ​ຕ່າງໆ ເພື່ອ​ຄຸ້ມ​ຄອງ ແລະ ກວດ­ກາ​ວຽກ​ງານ​ສ່ວຍ​ສາ​ອາ­ກອນ​ແຕ່​ລະ​ປະ­ເພດ​ໄວ້​ຢ່າງ​ຮັດ­ກຸມ, ແນ­ໃສ່​ຊຸກ­ຍູ້​ສົ່ງ­ເສີມ​ການ​ຜະ­ລິດ​ຂອງ​ຫົວ­ໜ່ວຍ​ທຸ­ລະ​ກິດ​ໃຫ້​ມີ​ຄວາມ​ເຕີບ​ໃຫຍ່​ເຂັ້ມ­ແຂງ, ຮັບ­ປະ­ກັນ​ການ​ເກັບ​ພັນ­ທະ​ອາ­ກອນ​ເຂົ້າ​ງົບ­ປະ­ມານ​ແຫ່ງ​ລັດ​ໃຫ້​ຖືກ­ຕ້ອງ ຄົບ​ຖ້ວນ ປະ­ກອບ­ສ່ວນ​ເຂົ້າ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຢ່າງ­ຮອບ­ດ້ານ ​ແລະ ພາຍ­ຫຼັງ​ສຳ­ເລັດ​ກອງ​ປະ­ຊຸມ​ທາມ​ທາມ​ຄັ້ງ​ນີ້, ຄາດ​ວ່າ​ທັງ 3 ຮ່າງ​ກົດ­ໝາຍ ຈະ​ຖືກ​ນຳ​ສະ­ເໜີ​ກອງ​ປະ­ຊຸມ​ລັດ­ຖະ­ບານ​ເດືອນ​ສິງ­ຫາ ນີ້ ແລະ ສະ­ເໜີ​ຜ່ານ​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 6 ຂອງ​ສະ­ພາ​ແຫ່ງ​ຊາດ ຊຸດ​ທີ VIII ໃນ​ທ້າຍ​ປີ​ນີ້.

 

ກະຊວງ​ການ​ເງິນເລັ່ງຮ່າງ 3 ກົດໝາຍ​ເພີ່ມ​ຄວາມ​ສາມາດ​ເກັບ​ລາຍ​ຮັບ - Wave100S AD to Website 2020 0 - ກະຊວງ​ການ​ເງິນເລັ່ງຮ່າງ 3 ກົດໝາຍ​ເພີ່ມ​ຄວາມ​ສາມາດ​ເກັບ​ລາຍ​ຮັບ

 

ກະຊວງ​ການ​ເງິນເລັ່ງຮ່າງ 3 ກົດໝາຍ​ເພີ່ມ​ຄວາມ​ສາມາດ​ເກັບ​ລາຍ​ຮັບ - WhatsApp Image 2020 05 27 at 5 - ກະຊວງ​ການ​ເງິນເລັ່ງຮ່າງ 3 ກົດໝາຍ​ເພີ່ມ​ຄວາມ​ສາມາດ​ເກັບ​ລາຍ​ຮັບ
ກະຊວງ​ການ​ເງິນເລັ່ງຮ່າງ 3 ກົດໝາຍ​ເພີ່ມ​ຄວາມ​ສາມາດ​ເກັບ​ລາຍ​ຮັບ - WhatsApp Image 2020 05 27 at 5 - ກະຊວງ​ການ​ເງິນເລັ່ງຮ່າງ 3 ກົດໝາຍ​ເພີ່ມ​ຄວາມ​ສາມາດ​ເກັບ​ລາຍ​ຮັບ
error: Alert: ເນື້ອຫາຂ່າວມີລິຂະສິດ !!