ກອງປະຊຸມມັນຕົ້ນນາໆຊາດ WTC 2018 ໄທສົ່ງອອກມັນຕົ້ນອັນດັບ 1 ຂອງໂລກ

ກອງປະຊຸມມັນຕົ້ນນາໆຊາດ wtc 2018 ໄທສົ່ງອອກມັນຕົ້ນອັນດັບ 1 ຂອງໂລກ - gasava - ກອງປະຊຸມມັນຕົ້ນນາໆຊາດ WTC 2018 ໄທສົ່ງອອກມັນຕົ້ນອັນດັບ 1 ຂອງໂລກ
ກອງປະຊຸມມັນຕົ້ນນາໆຊາດ wtc 2018 ໄທສົ່ງອອກມັນຕົ້ນອັນດັບ 1 ຂອງໂລກ - Untitled design - ກອງປະຊຸມມັນຕົ້ນນາໆຊາດ WTC 2018 ໄທສົ່ງອອກມັນຕົ້ນອັນດັບ 1 ຂອງໂລກ

ທ່ານ ສົນທິລັດ ສົນທິຈີລະວົງ ລັດຖະມົນຕີກະຊວງການຄ້າໄທໄດ້ປະກາດໃນກອງປະຊຸມມັນຕົ້ນນາໆຊາດ ( Tapioca Conference 2018 WTC 2018 ) ຄັ້ງວັນທີ 5 ໃນວັນທີ 27-28 ມິຖຸນານີ້ ທີ່ບາງກອກ ປະເທດໄທວ່າ : ໄທຍັງເປັນຜູ້ຜະລິດ ແລະ ສົ່ງອອກຜະລິດຕະພັນມັນຕົ້ນອັນດັບ 1 ຂອງໂລກ ແລະ ລັດຖະມົນຕີກະຊວງການຄ້າຄ້າກ່າວວ່າ  : ກອງປະຊຸມມັນຕົ້ນນາໆຊາດ   ຄັ້ງທີ 5 ແມ່ນ ປະສົບຄວາມສຳເລັດຕາມເປົ້າຫມາຍ ເຊິ່ງມີຜູ້ທີ່ຢູ່ໃນວົງການມັນຕົ້ນ ຕັ້ງແຕ່ຊາວກະສິກອນ, ຜູ້ຜະລິດ, ຜູ້ສົ່ງອອກ, ຜູ້ຊື້, ຜູ້ນຳເຂົ້າ ນັກວິຊາການ ແລະ ສື່ມວນຊົນໄທ ແລະ ຕ່າງປະເທດໃຫ້ຄວາມສົນໃຈເຂົ້າຮ່ວມງານກວ່າ 1.000 ຄົນ ແລະ ຖືເປັນໂອກາດອັນດີໃຫ້ແກ່ປະເທດໄທເພື່ອເນັ້ນ  ສ້າງຄວາມເຊື່ອຫມັ້ນໃນດ້ານຄຸນນະພາບ ແລະ ມາດຕະຖານຂອງຜະລິດຕະພັນມັນຕົ້ນໄທ, ເຮັດໃຫ້ຜູ້ເຂົ້າຮ່ວມໄດ້ຮັບຮູ້ ແລະ ຍອມຮັບຄວາມອາດສາມາດຂອງໄທວ່າເປັນຜູ້ຜະລິດ ແລະ ສົ່ງອອກຜະລິດຕະພັນມັນຕົ້ນອັນດັບ 1 ຂອງໂລກ ໂດຍໄດ້ມີຜູ້ປະກອບການຈາກຕ່າງປະເທດໄດ້ແກ່ : ຈີນ, ຕວກກີ, ຍີ່ປຸ່ນ, ອິນເດຍ ແລະ ອິນໂດເນເຊຍ ລົງນາມບັນທຶກຄວາມເຂົ້າໃຈ MOU ກັບໄທໃນການຊື້ຂາຍຜະລິດຕະພັນມັນຕົ້ນປະລິມານສູງເຖິງ 1,4 ລ້ານໂຕນ ລວມມີມູນຄ່າກວ່າ 14.000 ລ້ານບາດ.

ນອກນັ້ນ ໄທຍັງໄດ້ຈັດການປະຊຸມຫາລືກັບປະເທດໃກ້ຄຽງໄດ້ແກ່  : ລາວ, ຫວຽດນາມ ແລະ ກຳປູເຈຍ. ເພື່ອກຳນົດແນວທາງການຮ່ວມມືດ້ານການແລກປ່ຽນຂໍ້ມູນດ້ານການຜະລິດ ແລະ  ການຕະຫລາດ ເພື່ອສ້າງສະຖຽນລະພາບທາງດ້ານລາຄາມັນຕົ້ນໃຫ້ຍືນຍົງ ແລະ ເຮັດໃຫ້ຊາວກະສິກອນຜູ້ປູກໄມ້ຕົ້ນຂອງແຕ່ລະປະເທດມີຊີວິດການເປັນຢູ່ດີຂຶ້ນ.

ມັນຕົ້ນ ເປັນພືດທີ່ສາມາດແປຮູບເປັນສິນຄ້າ ແລະ ຜະລິດຕະພັນຕ່າງໆໄດ້ຢ່າງຫລາກຫລາຍເຊັ່ນ : ອາຫານ, ອາຫານສັດ, ພະລັງງານທົດແທນ, ຢາຮັກສາໂຣກ, ເຄື່ອງສຳອາງ , ເຄື່ອງບັນຈຸຜະລິດຕະພັນ ແລະ ອື່ນໆ. ເຊິ່ງກາຍເປັນພືດເສດຖະກິດສຳຄັນ ສ້າງລາຍຮັບໃຫ້ຊາວກະສິກອນຂອງໄທກວ່າ 500.000 ຄົວເຮືອນ, ແຕ່ລະປີໄທຜະລິດຫົວມັນຕົ້ນສົດໄດ້ 28-30 ລ້ານໂຕນ, ສົ່ງອອກໄປຕະຫລາດໂລກໄດ້ເຖິງ 70% ແລະ ມີທ່າອ່ຽງສົ່ງອອກເພີ່ມຂຶ້ນຕໍ່ເນື່ອງທຸກປີ ສາມາດນຳລາຍໄດ້ເຂົ້າປະເທດປີລະປະມານ 100,000 ລ້ານບາດ, ໂດຍໃນປີນີ້ ລາຄາສະເລ່ຍ 3,15 ບາດ/ກິໂລ ເຫັນວ່າສູງສຸດໃນຮອບ 10 ປີ ແລະ ໄລຍະ 4 ເດືອນປີ 2018 ( ມັງກອນ-ເມສາ ) ໄທສົ່ງອອກມັນຕົ້ນ 3,625 ລ້ານໂຕນ.

ກອງປະຊຸມມັນຕົ້ນນາໆຊາດ wtc 2018 ໄທສົ່ງອອກມັນຕົ້ນອັນດັບ 1 ຂອງໂລກ - Wave100S AD to Website 2020 0 - ກອງປະຊຸມມັນຕົ້ນນາໆຊາດ WTC 2018 ໄທສົ່ງອອກມັນຕົ້ນອັນດັບ 1 ຂອງໂລກ
ກອງປະຊຸມມັນຕົ້ນນາໆຊາດ wtc 2018 ໄທສົ່ງອອກມັນຕົ້ນອັນດັບ 1 ຂອງໂລກ - WhatsApp Image 2020 05 27 at 5 - ກອງປະຊຸມມັນຕົ້ນນາໆຊາດ WTC 2018 ໄທສົ່ງອອກມັນຕົ້ນອັນດັບ 1 ຂອງໂລກ
ກອງປະຊຸມມັນຕົ້ນນາໆຊາດ wtc 2018 ໄທສົ່ງອອກມັນຕົ້ນອັນດັບ 1 ຂອງໂລກ - WhatsApp Image 2020 05 27 at 5 - ກອງປະຊຸມມັນຕົ້ນນາໆຊາດ WTC 2018 ໄທສົ່ງອອກມັນຕົ້ນອັນດັບ 1 ຂອງໂລກ
error: Alert: ເນື້ອຫາຂ່າວມີລິຂະສິດ !!