ອາເມລິກາກຳນົດແຜນປົດນິວເຄຼຍ ສປປ ເກົາຫລີ ໃນ 1 ປີ

ອາເມລິກາກຳນົດແຜນປົດນິວເຄຼຍ ສປປ ເກົາຫລີ ໃນ 1 ປີ - 652576 - ອາເມລິກາກຳນົດແຜນປົດນິວເຄຼຍ ສປປ ເກົາຫລີ ໃນ 1 ປີ
ອາເມລິກາກຳນົດແຜນປົດນິວເຄຼຍ ສປປ ເກົາຫລີ ໃນ 1 ປີ - Untitled design - ອາເມລິກາກຳນົດແຜນປົດນິວເຄຼຍ ສປປ ເກົາຫລີ ໃນ 1 ປີ

ທີ່​ປຶກສາ​ດ້ານ​ຄວາມ​ໝັ້ນຄົງ​ຂອງ​ຜູ້ນຳ​ອາ​ເມ​ລິ​ກາ​ເປີດ​ເຜີຍ​ວ່າ: ລັດຖະບານ​ມີ​ແຜນ​ຈະ​ໃຫ້ ສປປ ​ເກົາຫລີ ປົດ​ໂຄງການ​ອາວຸດ​ນິວ​ເຄຼຍພາຍ​ໃນ 1 ປີ, ​ເຖິງ​ວ່າ​ຂໍ້​ມູນ​ໜ່ວຍ​ຂ່າວ​ອາ​ເມ​ລິ​ກາ​ຊີ້​ວ່າ: ສປປ ​ເກົາຫລີ ບໍ່​ເຕັມ​ໃຈ​ຈະ​ຍົກ​ເລີກ​ໂຄງການ​ນີ້.

ຄຳ​ກ່າວ​ຂອງ​ທ່ານ ຈອນ ​ໂບລຕັນ ​ໃນ​ລາຍການ​ເຟຊ ​ເດິ ​ເນ​​ເຊິ​ນ ຂອງ​ສະຖານີ​ໂທລະພາບ​ຊີ​ບີ​ເອສ ຖື​ເປັນ​ເທື່ອ​ທຳ​ອິດ​ທີ່​ອາ​ເມ​ລິ​ກາ​ກຳນົດ​ເວລາ​ໃຫ້ ສປປ ​ເກົາຫລີ ປະຕິບັດ​ຕາມ​ຄຳ​ໝັ້ນທີ່​ທ່ານ ກິມ ຈ໋ອງອຸນ ​ໃຫ້​ໄດ້​ໃນ​ກອງ​ປະຊຸມ​ສຸດ​ຍອດ​ກັບ​ປະທານາທິບໍດີ ​ໂດ​ນັນ ທຣຳ ​​ໃນ​ເດືອນ​ກ່ອນ. ທ່ານ ​ໂບລຕັນ ກ່າວ​ວ່າ: ທ່ານ ​ໄມ ປອມ​ເປ​ໂອ ລັດຖະມົນຕີ​ຕ່າງປະ​ເທດ​ອາ​ເມ​ລິ​ກາ​ຈະ​ຫາລື​ເລື່ອງ​ແຜນ​ປົດ​ໂຄງການ​ອາວຸດ​ນິວ​ເຄຼຍກັບ ສປປ ​ເກົາຫລີ ​ໃນ​ມໍ່ໆ​ນີ້ ​ເຊິ່ງຈະ​ຄວບ​ຄຸມ​ທັງ​ອາວຸດ​ເຄມີ ​ແລະ ຊີວະ​ພາບ, ອາວຸດ​ນິວ​ເຄຼຍ ​ແລະ ລູກ​ສອນ​ໄຟ, ການ​ໃຫ້​ຄວາມ​ຮ່ວມ​ມື​ຈະ​ເປັນ​ປະ​ໂຫຍ​ດຕໍ່ ສປປ ​ເກົາຫລີ ທີ່​ຈະ​ໄດ້​ຍົກ​ເລີກ​ການ​ຂວ້ຳບາດ​ໂດຍ​ໄວ ລວມທັງ​ການ​ຊ່ວຍ​ເຫລືອ​ຈາກ ສ ​ເກົາຫລີ ​ແລະ ຍີ່ປຸ່ນ ທີ່​ຈະ​ເລີ່​ມຫລັ່​ງ​ໄຫລ​ເຂົ້າມາ.

​ເຖິງ​ຢ່າງ​ໃດ​ກໍ​ດີ, ​ເຖິງ​ວ່າ​ກອງ​ປະຊຸມ​ສຸດ​ຍອດ​ລະຫວ່າງ​ທ່ານ ກິມ ຈ໋ອງອຸນ ກັບ​ທ່ານ ທຣຳ ຈະ​ເຮັດ​ໃຫ້​ເກີດ​ຄວາມ​ຫວັງ​ວ່າ: ​ແຫລມ​ເກົາຫລີ​ຈະ​ປອດ​ຈາກ​ອາວຸດ​ນິວ​ເຄຼຍ, ​ແຕ່​ປັດຈຸບັນ​ນີ້ ມີ​ຂໍ້​ສົງ​ໄສ​ກ່ຽວ​ກັບ​ຄວາມ​ຕັ້ງ​ໃຈ​ຂອງ ສປປ ​ເກົາຫລີ. ໜັງສືພິມ​ວໍ​ຊິງ​ຕັນ ​ໂພສ ລາຍ​ງານ​ໃນ​ວັນ​ທີ 30 ມິຖຸນາ​ຜ່ານ​ມາ ​ໂດຍ​ອ້າງ​ເຈົ້າໜ້າ​ທີ່​ໜ່ວຍ​ຂ່າວ​ອາ​ເມ​ລິ​ກາ​ວ່າ: ສປປ ​ເກົາຫລີ ບໍ່​ເຈດ​ຕະນາ​ທີ່​ຈະ​ປົດ​ອາວຸດ​ນິວ​ເຄຼຍທັງ​ໝົດ, ຫລັກ​ຖານ​ທີ່​ຮວບ​ຮວມນັບ​ແຕ່​ຫລັງ​ກອງ​ປະຊຸມ​ສຸດ​ຍອດ​ທີ່​ສິງກະ​ໂປ​ຊີ້​ວ່າ: ສປປ ​ເກົາຫລີ ກຽມ​ຈະ​ຂີ້​ຕົວະ​ອາ​ເມ​ລິ​ກາ​ເລື່ອງ​ຈຳນວນ​ຫົວ​ຮົບ​ນິວ​ເຄຼຍ​ໃນ​ສາງ​ອາວຸດ ລວມທັງ​ສະຖານ​ທີ່​ທີ່ ສປປ ​ເກົາຫລີ ປົກ​ປິດ​ເປັນຄວາມ​ລັບ​ອີກ​ຫລາຍ​ແຫ່ງ​ທີ່​ໃຊ້​ເປັນ​ແຫ​ລ່ງຜະລິດ​ວັດຖຸ​ດິບ​ສຳລັບ​ເຮັດ​ລະ​ເບີດ​ນິວ​ເຄຼຍ.

ອາເມລິກາກຳນົດແຜນປົດນິວເຄຼຍ ສປປ ເກົາຫລີ ໃນ 1 ປີ - Wave100S AD to Website 2020 0 - ອາເມລິກາກຳນົດແຜນປົດນິວເຄຼຍ ສປປ ເກົາຫລີ ໃນ 1 ປີ
ອາເມລິກາກຳນົດແຜນປົດນິວເຄຼຍ ສປປ ເກົາຫລີ ໃນ 1 ປີ - WhatsApp Image 2020 05 27 at 5 - ອາເມລິກາກຳນົດແຜນປົດນິວເຄຼຍ ສປປ ເກົາຫລີ ໃນ 1 ປີ
ອາເມລິກາກຳນົດແຜນປົດນິວເຄຼຍ ສປປ ເກົາຫລີ ໃນ 1 ປີ - WhatsApp Image 2020 05 27 at 5 - ອາເມລິກາກຳນົດແຜນປົດນິວເຄຼຍ ສປປ ເກົາຫລີ ໃນ 1 ປີ
error: Alert: ເນື້ອຫາຂ່າວມີລິຂະສິດ !!