EU ເຕືອນອຸດສາຫະກຳລົດຍົນອາເມລິກາ ຈະເສຍຫາຍເອງຖ້າເກັບພາສີລົດ EU

eu ເຕືອນອຸດສາຫະກຳລົດຍົນອາເມລິກາ ຈະເສຍຫາຍເອງຖ້າເກັບພາສີລົດ eu - 1530523693016 960x0 - EU ເຕືອນອຸດສາຫະກຳລົດຍົນອາເມລິກາ ຈະເສຍຫາຍເອງຖ້າເກັບພາສີລົດ EU
eu ເຕືອນອຸດສາຫະກຳລົດຍົນອາເມລິກາ ຈະເສຍຫາຍເອງຖ້າເກັບພາສີລົດ eu - Untitled design - EU ເຕືອນອຸດສາຫະກຳລົດຍົນອາເມລິກາ ຈະເສຍຫາຍເອງຖ້າເກັບພາສີລົດ EU

ສະຫະພາບ​ເອີຣົບ (EU) ​ເຕືອນ​ອາ​ເມ​ລິ​ກາ​ວ່າ: ຖ້າ​ເກັບ​ພາສີ​ລົດຍົນ ​ແລະ ຊິ້ນສ່ວນ​ອາ​ໄຫລ່​ນຳ​ເຂົ້າຈາກ EU, ອຸດສາຫະກຳ​ລົດຍົນ​ຂອງ​ອາ​ເມ​ລິ​ກາ​ຈະ​ໄດ້​ຮັບ​ຜົນ​ກະທົບ​ເອງ ​ແລະ ອາດ​ເຮັດ​ໃຫ້ EU ອອກ​ມາດ​ຕະການ​ຕອບ​​ໂຕ້​ຕໍ່​ສິນຄ້າ​ນຳ​ເຂົ້າຈາກອາ​ເມ​ລິ​ກາ.

ຣອຍ​ເຕີ​ລາຍ​ງານ​ໃນ​ວັນ​ທີ 2 ກໍລະກົດ​ວ່າ: EU ​ໄດ້​ສົ່ງ​ເອກະສານ​ເຖິງ​ກະຊວງ​ການ​ຄ້າ​ອາ​ເມ​ລິ​ກາ​ໃນ​ວັນ​ທີ 29 ມິຖຸນາ​ຜ່ານ​ມາ​ວ່າ: ການ​ເກັບ​ພາສີ​ລົດຍົນ ​ແລະ ຊິ້ນສ່ວນ​ອາ​ໄຫລ່​ຂອງ EU ​ເປັນ​ມາດ​ຕະການ​ທີ່​ບໍ່​ເປັນ​ທຳ ​ແລະ ບໍ່​ມີ​ເຫດຜົນ​ໃນ​ທາງ​ເສດຖະກິດ. EU ປະກອບລົດຍົນ​ໃນ​ອາ​ເມ​ລິ​ກາ​ເກືອບ 2,9 ລ້ານ​ຄັນ, ຈ້າງ​ແຮງ​ງານ​ໃນ​ອາ​ເມ​ລິ​ກາ 120.000 ຕຳ​ແໜ່​ງ ຖ້າ​ລວມທຸລະ​ກິດ​ຈຳ​ໜ່າຍ ​ແລະ ຊິ້ນສ່ວນ​ແລ້ວ ຈະ​ສູງ​ເຖິງ 420.000 ຕຳ​ແໜ່​ງ, ການ​ເກັບ​ພາສີ​ກັບ EU ຈະ​ເຮັດ​ໃຫ້​ຜູ້​ຜະລິດ​ລົດຍົນ​ໃນ​ອາ​ເມ​ລິ​ກາ​ຕົ້ນທຶນ​ສູງ​ຂຶ້ນ ​ໂດຍ​ບໍ່​ໄດ້​ເຮັດ​ໃຫ້​ຍອດ​ຂາດດູນ​ການ​ຄ້າ​ຂອງ​ອາ​ເມ​ລິ​ກາ​ຫລຸດ​ລົງ. ນອກຈາກ​ນີ້ EU ບໍ່​ໄດ້​ສົ່ງ​ອອກ​ລົດຍົນ​ເຂົ້າອາ​ເມ​ລິ​ກາ​ເພີ່ມ​ຂຶ້ນ ພຽງ​ແຕ່​ເຕີບ​ໃຫຍ່​ຕາມ​ການລະ​ຫຍາ​ຍຕົວ​ຂອງ​ຕະຫລາດ​ອາ​ເມ​ລິ​ກາ​ທີ່​ມີ​ຄວາມ​ຕ້ອງການ​ລົດຍົນ​ສູງ​ຂຶ້ນ ຈົນ​ຜູ້​ຜະລິດ​ໃນ​ປະ​ເທດ​ຜະລິດ​ປ້ອນ​ບໍ່​ທັນ.

​ເອກະສານ​ຂອງ EU ລະບຸ​ອີກ​ວ່າ: ອາດ​ອອກ​ມາດ​ຕະການ​ຕອບ​ໂຕ້​ສິນຄ້າ​ອາ​ເມ​ລິ​ກາ​ສູງ​ສຸດ 294.000 ລ້ານ​ໂດ​ລາ​ສະຫະລັດ ຄິດ​ເປັນ 19% ຂອງ​ສິນຄ້າ​ສົ່ງ​ອອກ​ອາ​ເມ​ລິ​ກາ​ທັງ​ໝົດ, ຫລັງ​ຈາກ​ໄດ້​ເກັບ​ພາສີ​ຕອບ​ໂຕ້​ອາ​ເມ​ລິ​ກາ​ທີ່​ເກັບ​ພາສີ​ເຫລັກ ​ແລະ ອາ​ລູມີ​ນຽມ​ກັບ EU ​ໄປ​ແລ້ວ ​ແລະ ການ​ທີ່​ອາ​ເມ​ລິ​ກາ​ເຊື່ອມ​ໂຍງ​ອຸດສາຫະກຳ​ລົດຍົນ​ກັບ​ຄວາມ​ໝັ້ນຄົງ​ແຫ່ງ​ຊາດ​ເປັນ​ເລື່ອງ​ທີ່​ຟັງ​ບໍ່​ຂຶ້ນ.

eu ເຕືອນອຸດສາຫະກຳລົດຍົນອາເມລິກາ ຈະເສຍຫາຍເອງຖ້າເກັບພາສີລົດ eu - Wave100S AD to Website 2020 0 - EU ເຕືອນອຸດສາຫະກຳລົດຍົນອາເມລິກາ ຈະເສຍຫາຍເອງຖ້າເກັບພາສີລົດ EU

ກະຊວງ​ການ​ຄ້າ​ອາ​ເມ​ລິ​ກາ​ເປີດ​ການ​ສອບ​ສວນ​ເລື່ອງ​ການ​ນຳ​ເຂົ້າລົດ EU ​ໃນ​ວັນ​ທີ 23 ພຶດສະພາ ​ໂດຍ​ອ້າງ​ເລື່ອງ​ຄວາມ​ໝັ້ນຄົງ​ແຫ່ງ​ຊາດ​ຕາມ​ຄຳ​ສັ່ງ​ຂອງ​ປະທານາທິບໍດີ ​ໂດ​ນັນ ທຣຳ ທີ່​ມັກ​ວິຈານ EU ​ເລື່ອງ​ໄດ້​ດູ​ນການ​ຄ້າ​ອາ​ເມ​ລິ​ກາ ​ແລະ ​ເກັບ​ພາສີ​ລົດຍົນ​ນຳ​ເຂົ້າ​ໃນ​ອັດຕາ​ສູງ​ເຖິງ 10% ທຽບ​ໃສ່​ອາ​ເມ​ລິ​ກາ​ທີ່​ເກັບ​ພຽງ 2,5%. ຜູ້ນຳ​ອາ​ເມ​ລິ​ກາ​ກ່າວ​ໃນ​ອາທິດ​ກ່ອນ​ວ່າ: ລັດຖະບານ​ໃກ້​ສຳ​ເລັດ​ການ​ສອບ​ສວນ​ແລ້ວ ​ແລະ ຈະ​ດຳ​ເນີນ​ການ​ໃນ​ມໍ່ໆ​ນີ້, ທ່ານ​ເຄີຍ​ຂູ່​ກ່ອນ​ໜ້າ​ນີ້​ວ່າ: ຈະ​ເກັບ​ພາສີ​ລົດ​ຍົນ​ທີ່​ປະກອບ​ໃນ EU ໝົດ​ຄັນ​ໃນ​ອັດຕາ​ສູງ​ເຖິງ 20%.

ປີຜ່ານມາ EU ສົ່ງ​ອອກ​ລົດຍົນ​ໄປ​ອາ​ເມ​ລິ​ກາ​ມູນ​ຄ່າ 37.400 ລ້ານ​​ເອີ​ໂຣ ​ແລະ ນຳ​ເຂົ້າລົດຍົນ​ຈາກ​ອາ​ເມ​ລິ​ກາ​ມູນ​ຄ່າ 6.200 ລ້ານ​ເອີ​ໂຣ. EU ຂັດ​ແຍ່ງ​ວ່າ: ອາ​ເມ​ລິ​ກາ​ເກັບ​ພາສີ​ລົດຍົນ​ນຳ​ເຂົ້າບາງ​ປະ​ເພດ​ເຊັ່ນ: ລົດ​ບັນທຸກ ສູງ​ກວ່າ EU.

eu ເຕືອນອຸດສາຫະກຳລົດຍົນອາເມລິກາ ຈະເສຍຫາຍເອງຖ້າເກັບພາສີລົດ eu - WhatsApp Image 2020 05 27 at 5 - EU ເຕືອນອຸດສາຫະກຳລົດຍົນອາເມລິກາ ຈະເສຍຫາຍເອງຖ້າເກັບພາສີລົດ EU
eu ເຕືອນອຸດສາຫະກຳລົດຍົນອາເມລິກາ ຈະເສຍຫາຍເອງຖ້າເກັບພາສີລົດ eu - WhatsApp Image 2020 05 27 at 5 - EU ເຕືອນອຸດສາຫະກຳລົດຍົນອາເມລິກາ ຈະເສຍຫາຍເອງຖ້າເກັບພາສີລົດ EU
error: Alert: ເນື້ອຫາຂ່າວມີລິຂະສິດ !!