ຈົ່ງສ້າງຂະບວນການປົກປັກຮັກສາ ແລະ ພັດທະນາສັດນໍ້າ-ສັດປ່າ (ເນື່ອງໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ)

ຈົ່ງສ້າງຂະບວນການປົກປັກຮັກສາ ແລະ ພັດທະນາສັດນໍ້າ-ສັດປ່າ (ເນື່ອງໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ) - Untitled design - ຈົ່ງສ້າງຂະບວນການປົກປັກຮັກສາ ແລະ ພັດທະນາສັດນໍ້າ-ສັດປ່າ (ເນື່ອງໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ)

ເພື່ອເຮັດໃຫ້ວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ ວັນທີ 13 ກໍລະກິດ ທີ່ຈະມາເຖິງນີ້ ເປັນຂະບວນຟົດຟື້ນ. ດັ່ງນັ້ນ ລັດຖະມົນຕີກະຊວງກະສິກໍາ ແລະ ປ່າໄມ້ ໄດ້ອອກຄໍາສັ່ງໃຫ້ກົມລ້ຽງສັດ ແລະ ການປະມົງ, ກົມປ່າໄມ້ ແລະ ກົມກວດກາປ່າໄມ້ ເປັນເຈົ້າການສົມທົບກັບພະແນກກະສິກຳ ແລະ ປ່າໄມ້ປະຈຳແຂວງ, ນະຄອນຫຼວງວຽງຈັນ ແລະ ອົງການປົກຄອງທ້ອງຖິ່ນ, ®É¾­ ແລະ ¡¾­¥ñ©ª˜¤¦ñ¤£ö´ªÈ¾¤Å Àºö¾Ã¥Ã¦È®¾¤ ¸¼¡¦¿£ñ­ ຄື:

ບ້ານ ​ແລະ ການຈັດຕັ້ງສັງຄົມ​ຕ່າງໆ ​ເອົາ​ໃຈ​ໃສ່​ບາງ​ວຽກ​ສຳຄັນ ຄື :

(1). ສືບຕໍ່ໂຄສະນາ ເຜີຍແຜ່ກົດໝາຍວ່າດ້ວຍການປະມົງ ແລະ ກົດໝາຍວ່າດ້ວຍສັດນໍ້າ ແລະ ສັດປ່າ ໃຫ້ແກ່ພະນັກງານ, ທະຫານ, ຕຳຫຼວດ, ພໍ່ຄ້າຊາວຂາຍ, ຜູ້ປະກອບການ ຕະຫຼອດຮອດປະຊາຊົນບັນດາເຜົ່າ ໄດ້ຮັບຮູ້ ແລະ ເຂົ້າໃຈເຖິງກົດໝາຍດັ່ງກ່າວ ຢ່າງເລິກເຊິ່ງ ແລະ ທົ່ວເຖິງ ໂດຍຜ່ານສື່ຕ່າງໆຂອງລັດ ເຊັ່ນ: ໜັງສືພິມ, ໂທລະພາບ, ວິທະຍຸກະຈາຍສຽງ, ແຜ່ນພັບ ແລະ ໂປດສະເຕີ. ສ່ວນບ່ອນທີ່ມີເງື່ອນໄຂ ກໍໃຫ້ມີການປະກວດຮູບແຕ້ມ, ແຂ່ງຂັນແຕ່ງກາບກອນ, ບົດເພງ, ບົດລຳ, ບົດເລື່ອງສັ້ນ, ຈັດວາງສະແດງຮູບພາບ, ແຈກຢາຍຄູ່ມື ແລະ ເອກະສານກ່ຽວກັບ ການຂະຫຍາຍພັນປາ ແລະ ວຽກງານອະນຸລັກສັດນໍ້າ ແລະ ສັດປ່າ, ໃຫ້ຄວາມຮູ້ພື້ນຖານໃນການເພາະລ້ຽງແກ່ປະຊົນ ໄປພ້ອມກັນນັ້ນ ກໍຄັດເລືອກໃຫ້ໄດ້ບຸກຄົນ ຫຼື ອົງການຈັດຕັ້ງດີເດັ່ນ ທີ່ເຄື່ອນໄຫວປະກອບສ່ວນໃນຂະບວນການອະນຸລັກ, ປົກປັກຮັກສາ ແລະ ພັດທະນາສັດນໍ້າ ແລະ ສັດປ່າ, ການຄຸ້ມຄອງ ແລະ ການພັດທະນາການປະມົງ ເພື່ອປະຕິບັດນະໂຍບາຍຍ້ອງຍໍຕາມລະບຽບການ.

(2). ສືບຕໍ່ຕິດຕາມ, ກວດກາ ແລະ ປຸກລະດົມ ຂົນຂວາຍປະຊາຊົນ ໃຫ້ຕື່ນຕົວສະໝັກໃຈມອບອາວຸດລ່າສັດ ແລະ ເຄື່ອງມືຫາປາແບບດັບສູນ ໃຫ້ເແກ່ອົງການປົກຄອງທ້ອງຖິ່ນ ແລະ ເຈົ້າໜ້າທີ່ທີ່ກ່ຽວຂ້ອງ ເພື່ອຄຸ້ມຄອງໃຫ້ຖືກຕ້ອງ ຕາມລະບຽບກົດໝາຍ.

(3). ປຸກລະດົມຜູ້​ປະກອບ​ການ, ອົງການ​ຈັດຕັ້ງສັງຄົມຕ່າງໆ ຈັດຕັ້ງກິດຈະກຳຕ່າງໆ ຕາມເງື່ອນໄຂ ແລະ ສະພາບຕົວຈິງ ໃນການປ່ອຍປາລົງໃສ່ໜອງ, ບຶງ, ແມ່ນໍ້າລຳເຊ, ອ່າງເກັບນໍ້າຊົນລະປະທານ, ອ່າງເກັບນໍ້າເຂື່ອນໄຟຟ້ານໍ້າຕົກ, ແຫຼ່ງທ່ອງທ່ຽວນໍ້າຕົກຕາດຕ່າງໆ ແລະ ປ່ອຍສັດປ່າ ທີ່ໄດ້ມາຈາກການເພາະພັນ, ຍຶດຈາກການຫາ, ລ່າ ຫຼື ການຄ້າ-ຂາຍສັດປ່າ ຜິດກົດໝາຍເຂົ້າໃນປ່າສະຫງວນຕ່າງໆ ທີ່ເຫັນວ່າມີຄວາມປອດໄພ ແລະ ສາມາດອອກແມ່ແຜ່ລູກໄດ້ຢ່າງເປັນຂະບວນກວ້າງຂວາງ.

ຈົ່ງສ້າງຂະບວນການປົກປັກຮັກສາ ແລະ ພັດທະນາສັດນໍ້າ-ສັດປ່າ (ເນື່ອງໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ) - Wave100S AD to Website 2020 0 - ຈົ່ງສ້າງຂະບວນການປົກປັກຮັກສາ ແລະ ພັດທະນາສັດນໍ້າ-ສັດປ່າ (ເນື່ອງໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ)

ຫ້າມ ບຸກຄົນ, ຄອບຄົວ ແລະ ການຈັດຕັ້ງ ມີພຶດຕິກໍາ ດັ່ງນີ້:

  • ຈັບ, ຊື້-ຂາຍ ສັດນໍ້າ ແລະ ລ່າສັດປ່າປະເພດຫວງຫ້າມ ຫຼື ບັນຊີ I ແລະ ປະເພດຄຸ້ມຄອງ ຫຼື ບັນຊີ II ໃນລະດູການຢ່າງເດັດຂາດ.
  • ນໍາເອົາສັດນໍ້າ ແລະ ສັດປ່າປະເພດຫວງຫ້າມ ທີ່ຍັງມີຊີວິດ, ຊາກ, ຊິ້ນສ່ວນ ແລະ ອະໄວຍະວະຕ່າງໆ ຂອງສັດ ອອກຈາກຖິ່ນທີ່ຢູ່ອາໄສ ຫຼື ແຫຼ່ງກໍາເນີດ ມາໄວ້ໃນຄອບຄອງ.
  • ລ່າສັດນໍ້າ, ສັດປ່າປະເພດທົ່ວໄປ ຫຼື ບັນຊີ III ໃນສະຖານທີ່ຫວງຫ້າມ, ເຂດອະນຸລັກພັນສັດ, ເຂດສະຫງວນ ໂດຍສະເພາະໃນຊ່ວງເຂົ້າພັນສາ (ໄລຍະສັດນໍ້າ ແລະ ສັດປ່າຂະຫຍາຍພັນ);
  • ບຸກລຸກ, ທໍາລາຍເຂດອະນຸລັກພັນສັດ, ວັງສະຫງວນ, ຖິ່ນທີ່ຢູ່ອາໄສ ແລະ ແຫຼ່ງອາຫານຂອງສັດນໍ້າ ແລະ ສັດປ່າ ໂດຍທາງກົງ ແລະ ທາງອ້ອມ ເຊັ່ນ: ດ້ວຍການບຸກເບີກ, ຕັ້ງຖິ່ນຖານໃໝ່, ຖາງປ່າໄມ້, ຈູດປ່າ, ຕັດໄມ້, ນໍາໃຊ້ຢາປາບສັດຕູພືດ ແລະ ຢາຂ້າຫຍ້າເກີນມາດຕະຖານທີ່ກໍານົດ ແລະ ການກະທໍາອື່ນໆ ທີ່ບໍ່ຖືກຕ້ອງ ຕາມລະບຽບກົດໝາຍ.
  • ຈັບຈອງ, ຍ້າຍ, ປ່ຽນແປງ ຫຼື ທໍາລາຍເຄື່ອງໝາຍເຂດວັງສະຫງວນ, ເຂດອະນຸລັກພັນສັດ ແລະ ຖິ່ນທີ່ຢູ່ອາໄສ;
  • ຫາປາໃນຊ່ວງລະດູປາວາງໄຂ່ ຫຼື ຊ່ວງເຂົ້າພັນສາ ຢູ່ຕາມເຂດທີ່ປາຂຶ້ນວາງໄຂ່ ເປັນຕົ້ນແມ່ນເຂດວັງສະຫງວນຕ່າງໆ;
  • ຕັນທາງເດີນຂອງປາຂຶ້ນວາງໄຂ່ຕາມຫ້ວຍ ແລະ ສາຍນໍ້າດ້ວຍວິທີການເຮັດຕ້ອນ, ເຮັດລີ່, ໃສ່ລອບ,ຫຼືໂຕ່ງ, ມອງຕາຖີ່, ນໍາໃຊ້ລະເບີດ, ທາດເບື່ອ, ສານເຄມີ, ໃຊ້ໄຟຟ້າຊ໊ອດ ແລະ ເຄື່ອງມືຫາປາ ທີ່ມີລັກສະນະດັບສູນ;
  • ມີການກະທໍາອື່ນ ທີ່ເປັນການລະເມີດລະບຽບກົດໝາຍກ່ຽວກັບສັດນໍ້າ ແລະ ສັດປ່າ ແລະ ກົດໝາຍ ວ່າດ້ວຍການປະມົງ.

ໃນກໍລະນີ ພົບເຫັນຜູ້ລະເມີດຂໍ້ຫ້າມດັ່ງກ່າວ ໃຫ້ສົມທົບກັບພາກສ່ວນກ່ຽວຂ້ອງ ດໍາເນີນມາດຕະການກ່າວເຕືອນ, ສຶກສາອົບຮົມ, ປັບໃໝ, ດໍາເນີນຄະດີທາງແພ່ງ ຫຼື ຄະດີອາດຍາ ຕາມແຕ່ກໍລະ ນີເບົາ ຫຼື ໜັກ ທີ່ໄດ້ກຳນົດໄວ້ໃນກົດໝາຍວ່າດ້ວຍການປະມົງ ເລກທີ 03/ສພຊ, ລົງວັນທີ 09 ກໍລະກົດ 2009 ແລະ ກົດໝາຍວ່າດ້ວຍສັດນໍ້າ ແລະ ສັດປ່າ ເລກທີ 07/ສພຊ, ລັງວັນທີ 24 ທັນ ວາ 2007.

  • ສໍາຫຼັບ ການຈັດຕັ້ງພິທີເນື່ອງໃນວັນປ່ອຍປາ ແລະ ອະນຸລັກສັດນໍ້າ ແລະ ສັດປ່າແຫ່ງຊາດ ວັນທີ 13 ກໍລະ ກົດ 2018 ນີ້, ໃຫ້ອີງໃສ່ເງື່ອນໄຂຂອງແຕ່ລະທ້ອງຖິ່ນ ໂດຍເນື້ອໃນເນັ້ນໃສ່ປຸກລະດົມ ເປັນຕົ້ນຕໍ ບົນພື້ນ ຖານປະຍັດມັດທະຍັດ, ບ່ອນໃດມີເງື່ອນໄຂ ກໍ່ໃຫ້ເລີ່ມລົງມືແຕ່ດຽວນີ້ເປັນຕົ້ນໄປ ໂດຍບໍ່ໃຫ້ລໍຖ້າວັນທີ 13 ກໍລະກົດ ແລະ ໃຫ້ສືບຕໍ່ຈັດຕັ້ງປະຕິບັດຮອດທ້າຍເດືອນກັນຍາ 2018; ສໍາຫຼັບແນວພັນປາທີ່ຈະນໍາມາປ່ອຍນັ້ນ ແມ່ນໃຫ້ເລັ່ງໃສ່ແນວພັນປາພື້ນເມືອງ ເປັນຕົ້ນຕໍ ໂດຍສະເພາະຈຳພວກປາກິນພືດ ຫຼື ໄຮນໍ້າ, ສ່ວນແນວພັນປາຕ່າງປະເທດ ແມ່ນໃຫ້ປ່ອຍສະເພາະຢູ່ແຫຼ່ງນໍ້າປິດ ເຊັ່ນ: ໜອງປາຊຸມຊົນ, ອ່າງເກັບນໍ້າຂະໜາດນ້ອຍ ຫຼື ໜອງບໍລິເວນໃດໜຶ່ງ ເພື່ອຫຼີກລຽງການດັບສູນພັນປາພື້ນເມືອງຂອງລາວເຮົາ;
  • ໃຫ້ກົມລ້ຽງສັດ ແລະ ການປະມົງ, ກົມປ່າໄມ້, ກົມກວດກາປ່າໄມ້ ແລະ ພະແນກກະສິກຳ ແລະ ປ່າໄມ້ປະຈຳແຂວງ, ນະຄອນຫຼວງວຽງຈັນ ເປີດບັ້ນເຜີຍແຜ່ຄຳສັ່ງສະບັບນີ້ ໃຫ້ແກ່ສັງຄົມຢ່າງກວ້າງຂວາງ ເພື່ອພ້ອມກັນຈັດຕັ້ງປະຕິບັດໃຫ້ໄດ້ຮັບຜົນດີ. ຜ່ານການຈັດຕັ້ງປະຕິບັດຕົວຈິງ ມີຂໍ້ສະດວກ, ຫຍຸ້ງຍາກແນວ ໃດໃຫ້ຮີບຮ້ອນລາຍງານ ກະຊວງກະສິກຳ ແລະ ປ່າໄມ້ ຮັບຊາບ ເພື່ອແກ້ໄຂຢ່າງທັນການ.

 

ຈົ່ງສ້າງຂະບວນການປົກປັກຮັກສາ ແລະ ພັດທະນາສັດນໍ້າ-ສັດປ່າ (ເນື່ອງໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ) - WhatsApp Image 2020 05 27 at 5 - ຈົ່ງສ້າງຂະບວນການປົກປັກຮັກສາ ແລະ ພັດທະນາສັດນໍ້າ-ສັດປ່າ (ເນື່ອງໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ)
ຈົ່ງສ້າງຂະບວນການປົກປັກຮັກສາ ແລະ ພັດທະນາສັດນໍ້າ-ສັດປ່າ (ເນື່ອງໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ) - WhatsApp Image 2020 05 27 at 5 - ຈົ່ງສ້າງຂະບວນການປົກປັກຮັກສາ ແລະ ພັດທະນາສັດນໍ້າ-ສັດປ່າ (ເນື່ອງໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ)
error: Alert: ເນື້ອຫາຂ່າວມີລິຂະສິດ !!