ກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ 2018

ກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ 2018 - 32347e87 1c2e 43df a784 2a0d5f46f3db - ກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ 2018
ກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ 2018 - Untitled design - ກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ 2018

ກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງປະຈຳປີ 2018 ໄຂຂຶ້ນຢ່າງເປັນທາງການໃນວັນທີ 2 ກໍລະກົດນີ້ທີ່ນະຄອນຫລວງວຽງຈັນ, ໂດຍການໃຫ້ກຽດເຂົ້າຮ່ວມຂອງທ່ານ ກິແກ້ວ ໄຂຄຳພິທູນ ຫົວໜ້າຄະນະໂຄສະນາອົບຮົມສູນກາງພັກ, ທ່ານ ຮ່ວງ ຄຸນໝິງ ຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ. ທ່ານ ບໍ່ແສງຄໍາ ວົງດາລາ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ພ້ອມດ້ວຍບັນດາຮອງລັດຖະມົນຕີ, ມີຫົວໜ້າອົງການສື່ມວນຊົນລາວ ແລະ ຄະນະຜູ້ແທນສື່ມວນຊົນຈາກ 6 ປະເທດສະມາຊິກຂອບການຮ່ວມມື ແມ່ນ້ຳຂອງ-ແມ່ນ້ຳລ້ານຊ້າງຄື: ຣາຊະອານາຈັກກໍາປູເຈຍ, ສປ.ຈີນ, ສປປ ລາວ, ສສ.ມຽນມາ, ຣາຊະອານາຈັກໄທ ແລະ ສສ.ຫວຽດນາມ ເຂົ້າຮ່ວມ.

ທ່ານ ກິແກ້ວ ໄຂຄໍາພິທູນ ໄດ້ໃຫ້ກຽດກ່າວປາໄສຕໍ່ກອງປະຊຸມ, ໂດຍໄດ້ຕີລາຄາສູງຕໍ່ຜົນສໍາເລັດຂອງກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າລ້ານຊ້າງ-ແມ່ນໍ້າຂອງທີ່ໄດ້ຈັດຂຶ້ນທີ່ນະຄອນຫລວງປັກກິ່ງ ສປ ຈີນ ໃນປີຜ່ານມາ ແລະ ສະໜັບສະໜູນເວທີປຶກສາຫາລືການຮ່ວມມືຂອງບັນດາສື່ມວນຊົນ 6 ປະເທດທີ່ໄດ້ກໍານົດເປົ້າໝາຍ ແລະ ຈຸດປະສົງລະດັບຄາດໝາຍຮ່ວມກັນໃນການປະກອບສ່ວນຊຸກຍູ້ການພັດທະນາເສດຖະກິດ-ສັງຄົມ ຂອງບັນດາປະເທດໃນພາກພື້ນນີ້, ສ້າງຄວາມຈະເລີນຮຸ່ງເຮືອງຮ່ວມກັນ, ສ້າງສັນຕິພາບ-ມິດຕະພາບ, ສ້າງຄວາມເຂົ້າອົກເຂົ້າໃຈຮ່ວມກັນບົນພື້ນຖານຈິດໃຈຂອງຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ແລະ ໂຄງການຮ່ວມມືແມ່ນໍ້າລ້ານຊ້າງ-ແມ່ນໍ້າຂອງທີ່ພວມໄດ້ຮັບການຈັດຕັ້ງປະຕິບັດຢ່າງເປັນຮູບປະທໍາ ຢູ່ໃນປັດຈຸບັນ. ຕາງໜ້າພັກ-ລັດຖະບານ ກໍຄືປະຊາຊົນລາວ ແລະ ປະຊາຊົນ 6 ປະເທດແມ່ນໍ້າຂອງ-ແມ່ນໍ້າລ້ານຊ້າງ ສະແດງຄວາມຫວັງຢ່າງສູງທີ່ຢາກຈະເຫັນອົງການສື່ມວນຊົນ 6 ປະເທດພວກເຮົາປະຕິບັດພາລະບົດບາດ ແລະ ໜ້າທີ່ເປັນກະບອກສຽງສໍາຄັນໃນການໂຄສະນາເຜີຍແຜ່ປະຊາສໍາພັນ ດ້ວຍການລາຍງານຂ່າວຢ່າງຮອບດ້ານ, ມີລັກສະນະຕົວຈິງ, ຖືກຕ້ອງ, ພາວະວິໄສ ແລະ ທ່ຽງທໍາ, ສ້າງສັນ, ສະເໝີພາບ, ຊ່ວຍເຫລືອເຊິ່ງກັນ ແລະ ກັນ ດ້ວຍຄວາມຈິງໃຈເໝືອນຄອບຄົວດຽວກັນ.

ໃນໂອກາດກ່າວປາໄສໄຂກອງປະຊຸມຄັ້ງນີ້, ທ່ານລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ສະແດງຄວາມຍິນດີຕ້ອນຮັບບັນດາການນໍາຂັ້ນສູງຂອງຈີນ, ຄະນະນໍາ ແລະ ຜູ້ແທນສື່ມວນຊົນຈາກບັນດາປະເທດລ້ອງແມ່ນໍ້າຂອງ-ແມ່ນໍ້າລ້ານຊ້າງ, ພ້ອມທັງໄດ້ຕີລາຄາສູງການຈັດກອງປະຊຸມໃນຄັ້ງນີ້ ເປັນການຜັນຂະຫຍາຍຂໍ້ລິເລີ່ມໃນຖະແຫລງການຮ່ວມຂອງກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າລ້ານຊ້າງ-ແມ່ນໍ້າຂອງ ຈັດຂຶ້ນເມື່ອທ້າຍປີ 2017 ຜ່ານມາທີ່ນະຄອນຫລວງປັກກິ່ງ. ກອງປະຊຸມຄັ້ງນີ້ຈັດຂຶ້ນພາຍໃຕ້ຫົວຂໍ້: “ການຮ່ວມມືປະຊາຄົມແມ່ນໍ້າຂອງ-ແມ່ນໍ້າລ້ານຊ້າງ ເພື່ອອະນາຄົດອັນສະຫວ່າງສະໄຫວ”, ພ້ອມຫວັງຢ່າງຍິ່ງວ່າກອງປະຊຸມຄັ້ງນີ້, ບັນດາຜູ້ແທນອົງການສື່ມວນຊົນ 6 ປະເທດ ຈະໄດ້ຮ່ວມກັນປຶກສາຫາລືເພື່ອຮ່ວມກັນພັດທະນາ ແລະ ຊຸກຍູ້ເຮັດໃຫ້ການຮ່ວມມືໃນດ້ານຕ່າງໆລະຫວ່າງ 6 ປະເທດໃນພາກພື້ນນີ້ໄດ້ຮັບຜົນສໍາເລັດຢ່າງໜ້າເພິ່ງພໍໃຈ ແລະ ໃຫຍ່ຫລວງກວ່າເກົ່າ.

ກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ 2018 ຈັດຂຶ້ນໂດຍພາຍໃຕ້ການເປັນປະທານຮ່ວມຂອງກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວລາວ ແລະ ໜັງສືພິມປະຊາຊົນລາຍວັນ ສປ ຈີນ, ເຊິ່ງຈະດຳເນີນໄປເຖິງວັນທີ 3 ກໍລະກົດ.

ກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ 2018 - Wave100S AD to Website 2020 0 - ກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ 2018

ໃນໂອກາດດໍາເນີນກອງປະຊຸມ, ຍັງມີການແລກປ່ຽນສັນຍາຮ່ວມມືຈຳນວນໜຶ່ງ ແລະ ມີການປະກອບຄໍາເຫັນຂອງຜູ້ຕາງໜ້າອົງການສື່ມວນຊົນຫລັກຈາກ 6 ປະເທດ, ຜູ້ຕາງໜ້າໂຄງການເສັ້ນທາງລົດໄຟລາວ-ຈີນ, ໂຄງການດາວທຽມລາວ-ອາຊີປາຊີຟິກ, ບໍລິສັດໂທລະພາບລາວດີຈີຕອນ, ບໍລິສັດທ່ອງທ່ຽວຊາວໜຸ່ມຈີນ ແລະ ອື່ນໆ, ພ້ອມທັງໄດ້ຈັດໃຫ້ມີກອງປະຊຸມເວທີສົນທະນາປຶກສາຫາລືສືບຕໍ່ການຮ່ວມມືໃນອະນາຄົດພາຍໃຕ້ຫົວຂໍ້: ສື່ໃໝ່ ແລະ ສົ່ງເສີມການທ່ອງທ່ຽວ ອີກດ້ວຍ.

ໃນໂອກາດນີ້, ຄະນະຜູ້ແທນກອງປະຊຸມ ພ້ອມດ້ວຍຕາງໜ້າສື່ມວນຊົນ 6 ປະເທດຍັງຈະໄດ້ໄປຢ້ຽມຢາມ ແລະ ເຄື່ອນໄຫວເຮັດວຽກຢູ່ນະຄອນຫລວງພະບາງແຂວງຫລວງພະບາງ ແລະ ແຂວງຈໍາປາສັກ ເພື່ອເກັບກໍາຂໍ້ມູນ, ສໍາພາດບັນດາໂຄງການຮ່ວມມືລາວ-ຈີນ ກໍຄືບັນດາສະຖານທີ່ທ່ອງທ່ຽວຂອງລາວ, ເປັນການສ້າງບັນຍາກາດໃຫ້ແກ່ການຈັດກອງປະຊຸມໃນຄັ້ງນີ້ ກໍຄືສົ່ງເສີມປີທ່ອງທ່ຽວລາວ 2018 ໃຫ້ມີຄວາມຟົດຟື້ນຍິ່ງຂຶ້ນ.

ກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ 2018 - WhatsApp Image 2020 05 27 at 5 - ກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ 2018
ກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ 2018 - WhatsApp Image 2020 05 27 at 5 - ກອງປະຊຸມສຸດຍອດສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ 2018
error: Alert: ເນື້ອຫາຂ່າວມີລິຂະສິດ !!