ສະໝອງດີຈາກການຮຽນ ແລະ ໃຊ້ພາສາຕ່າງປະເທດໄປນຳ

ສະໝອງດີຈາກການຮຽນ ແລະ ໃຊ້ພາສາຕ່າງປະເທດໄປນຳ - 040207 2018 - ສະໝອງດີຈາກການຮຽນ ແລະ ໃຊ້ພາສາຕ່າງປະເທດໄປນຳ
ສະໝອງດີຈາກການຮຽນ ແລະ ໃຊ້ພາສາຕ່າງປະເທດໄປນຳ - Untitled design - ສະໝອງດີຈາກການຮຽນ ແລະ ໃຊ້ພາສາຕ່າງປະເທດໄປນຳ

ປະເທດທີ່ມີຄົນເວົ້າພາສາອັງກິດຫລາຍທີ່ສຸດເປັນອັນດັບໜຶ່ງແມ່ນສະຫະລັດອາເມລິກາ, ຮອງລົງມາແມ່ນອິນເດຍ, ປາກິສຖານ, ອັງກິດ, ໄນຈີເຣຍ, ຟິລິບປີນ, ອົດສະຕຣາລີ ແລະ ອາຟຣິກາໃຕ້ ຕາມລຳດັບ. ປະເທດອາຊຽນທີ່ມີຄວາມພ້ອມດ້ານພາສາອັງກິດສູງແມ່ນຟິລິບປີນ, ສິງກະໂປ ແລະ ມາເລເຊຍ.

ສຳນັກຂ່າວ BBC  ຕີພິມເລື່ອງ : ຮຽນພາສາຕ່າງປະເທດຊ່ວຍສະໝອງດີ (ເສື່ອມຊ້າລົງ)  ເຊິ່ງການສຶກສາໃໝ່ຈາກມະຫາວິທະຍາໄລເອດິນເບີກ ສະກັອດແລນ ອັງກິດ ນຳຂໍ້ມູນເກົ່າທີ່ບັນ ທຶກຜົນການກວດສະມັດຕະພາບສະໝອງໃນໄວເດັກອາຍຸ 11 ປີ ຈຳນວນ 262 ຄົນ ແລ້ວເຮັດການທົດລອງຊຳ້ເມື່ອອາຍຸ 70 – 79 ປີ ເຊິ່ງຜົນການສຶກສາພົບວ່າ : ຄົນທີ່ໃຊ້ພາສາຕ່າງປະເທດເປັນປະຈຳ ຫລື ຂຽນ, ອ່ານ, ເວົ້າ 2 ພາສາ ມີສະໝອງເສື່ອມຊ້າລົງໄປຫລາຍປີ. ຄົນທີ່ມີສະໝອງດີ ຫລື ມີຄວາມ ສາມາດໃນການຄິດ – ຕັດສິນໃຈສູງທ່ີສຸດ ແມ່ນຄົນທີ່ອ່ານໜັງສື 2 ພາສາເປັນປະຈຳ.

ຂ່າວດີກໍຄືຄົນທີ່ຮຽນພາສາຕ່າງປະເທດຫລັງໄວເດັກກໍໄດ້ຜົນດີເຊັ່ນກັນ. ກ່ອນໜ້ານີ້ມີຜູ້ສັງເກດວ່າຄົນອິນເດຍເປັນພະຍາດຫົວໃຈຫລາຍ, ແຕ່ເປັນພະຍາດສະໝອງເສື່ອມໜ້ອຍ. ກົນໄກທີ່ເປັນໄປໄດ້ກໍຄື : ກຳມະພັນ ຫລື DNA  ຂອງຄົນອິນເດຍເຮັດໃຫ້ຫລອດເລືອດເສື່ອມໄວ ຢູ່ບ່ອນນີ້ໜ້າຈະເພີ່ມທັງພະຍາດຫົວໃຈ ແລະ ພະຍາດສະໝອງເສື່ອມ, ແຕ່ວ່າອິນເດຍເປັນປະເທດທີ່ຄົນໃຊ້ພາສາທ້ອງຖິ່ນສູງ ເວລາພົບກັນຈຶ່ງຕ້ອງໃຊ້ພາສາອັງກິດ ຫລື ພາສາກາງລົມກັນ ເຮັດໃຫ້ຄົນອິນເດຍເກັ່ງພາສານຳ ແລະ ມີສະໝອງດີນຳ.

ການສຶກສາໃໝ່ບອກໄດ້ວ່າຖ້າຢາກມີສະໝອງດີປະກອບມີ 3 ຂໍ້ :

  1. ຕ້ອງຮຽນພາສາຕ່າງປະເທດ.
  2. ໃຊ້ພາສາຕ່າງປະເທດເປັນປະຈຳ.
  3. ຖ້າຕ້ອງການຜົນດີທີ່ສຸດຕ້ອງອ່ານໜັງສືຕ່າງປະເທດເປັນປະຈຳ.

ການສຶກສາກ່ອນໜ້ານີ້ພົບວ່າຖ້າບໍ່ຢາກເປັນພະຍາດສະໝອງເສື່ອມ ໂດຍສະເພາະອານໄຊເມີຈະຕ້ອງ :

ສະໝອງດີຈາກການຮຽນ ແລະ ໃຊ້ພາສາຕ່າງປະເທດໄປນຳ - Wave100S AD to Website 2020 0 - ສະໝອງດີຈາກການຮຽນ ແລະ ໃຊ້ພາສາຕ່າງປະເທດໄປນຳ
  1. ຢ່າສູບຢາ.
  2. ຢ່າຫາຍໃຈເອົາຄັວນຢາສູບທີ່ຄົນອື່ນສູບເຂົ້າໄປ ໂດຍສະເພາະຢ່າເຂົ້າໄປໃນຫ້ອງແອທີ່ມີຄົນສູບຢາ ເຊັ່ນ : ຮ້ານບັນເທີງ, ໄນ້ຄລັບ, ຜັບບາ ແລະ ອື່ນໆ.
  3. ຢ່າລືມວ່າສະໝອງດີເລີ່ມຕົ້ນທີ່ຕີນ ຄື :

– ຍ່າງໃຫ້ຫລາຍຂຶ້ນ ສະສົມເວລາໃຫ້ໄດ້ຢ່າງໜ້ອຍ 40 ນາທີຕໍ່ມື້.

– ຝຶກຍ່າງໄວໆຫລາຍໆ 10 ນາທີຕໍ່ມື້.

– ຂຶ້ນລົງຂັ້ນໄດຕາມໂອກາດ 4 ນາທີຕໍ່ມື້.

ນອກຈາກນີ້, ຄວນອອກກຳລັງກາຍເປັນປະຈຳ, ນອນຫລັບພັກຜ່ອນຢ່າງພຽງພໍ ແລະ ກິນອາຫານທີ່ຊ່ວຍບຳລຸງສະໝອງຕື່ມ.

ສະໝອງດີຈາກການຮຽນ ແລະ ໃຊ້ພາສາຕ່າງປະເທດໄປນຳ - WhatsApp Image 2020 05 27 at 5 - ສະໝອງດີຈາກການຮຽນ ແລະ ໃຊ້ພາສາຕ່າງປະເທດໄປນຳ
ສະໝອງດີຈາກການຮຽນ ແລະ ໃຊ້ພາສາຕ່າງປະເທດໄປນຳ - WhatsApp Image 2020 05 27 at 5 - ສະໝອງດີຈາກການຮຽນ ແລະ ໃຊ້ພາສາຕ່າງປະເທດໄປນຳ
error: Alert: ເນື້ອຫາຂ່າວມີລິຂະສິດ !!