ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ

ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ - 2541 - ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ
ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ - Untitled design - ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ

ໂດຍ: ຊາຍພະເນຈອນ  

ຖໍ້າຄູນຫຼືຖໍ້ານໍ້າລອດເຊບັ້ງໄຟ ເປັນສະຖານທີ່ທ່ອງ ທ່ຽວທາງດ້ານທໍາມະຊາດທີ່ມີຄວາມສວຍສົດງົດງາມ ແລະ ໂດດເດັ່ນອີກແຫ່ງໜຶ່ງ ເຊິ່ງອ້ອມຮອບໄປດ້ວຍທໍາ ມະຊາດປ່າໄມ້ອັນດົກໜາ ຂຽວງາມອຸ່ມທຸ່ມປົກຄຸມຫຸ້ມຫໍ່ໄປທົ່ວບໍລິເວນຖໍ້າແຫ່ງນີ້ ຈຶ່ງເຮັດໃຫ້ອາກາດມີຄວາມຊຸ່ມຊື່ນດີ ໂດຍມີສາຍລົມເຢັນ ພັດຜ່ານມາຕະຫຼອດເວລາ ພາໃຫ້ຈິດໃຈສົດຊື່ນແຈ່ມໃສໄປດ້ວຍບັນຍາກາດຂອງສິ່ງແວດລ້ອມ ແລະ ທໍາມະຊາດ ແຫ່ງນີ້ຕະຫຼອດເວລາ ເໝາະ ແກ່ການທີ່ມາທ່ຽວຊົມ ແລະ ພັກຜ່ອນຢ່ອນໃຈຫຼືກິນເຂົ້າ ປ່າສາມັກຄີກັນໃນໂອກາດ ພັກວຽກພັກງານ.

 

ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ - 885 - ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ

ທ່ຽວຊົມນ້ຳຕົກຕາດແຊພະ-ເຊປ່ອງໄລ ໃຫ້ຊື່ນໃຈ

ໄປທ່ຽວຊົມວັງນ້ຳຢ້ຽມໃຫ້ຊື່ນໃຈ

ເຖິງແມ່ນຈະ ມີຊື່ວ່າຖໍ້າ ນໍ້າລອດເຊບັ້ງໄຟກໍຕາມ, ແຕ່ ຖໍ້າແຫ່ງນີ້ບໍ່ໄດ້ຕັ້ງຢູ່ເຂດ ເມືອງເຊບັ້ງໄຟຕາມຊື່ນັ້ນ ເລີຍ ແລະ ກໍບໍ່ແມ່ນຕົ້ນກໍາ ເນີດມາຈາກນໍ້າເຊບັ້ງໄຟແຕ່ ຄວາມຈິງແລ້ວ ຖໍ້າແຫ່ງນີ້ຕັ້ງ ຢູ່ເຂດບ້ານໜອງປີງ, ເມືອງ ບົວລະພາ, ແຂວງຄໍາມ່ວນ ເຊິ່ງຫ່າງຈາກຕົວເມືອງນີ້ ໄປ ທາງທິດຕາເວັນອອກສຽງ ເໜືອປະມານ 15 ກິໂລແມັດ ໂດຍໄປຕາມເສັ້ນທາງເລກທີ 12 ມຸ້ງໜ້າສູ່ ເມືອງມະຫາ ໄຊແລ້ວລ້ຽວຂວາກໍຈະຮອດ ຖໍ້າ.

 

ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ - Wave100S AD to Website 2020 0 - ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ

ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ - 9841 - ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ

ການມາທ່ຽວຊົມຖໍ້າ ນໍ້າລອດເຊບັ້ງໄຟນີ້ແມ່ນມີ ຄວາມແຕກຕ່າງຈາກສະ ຖານທີ່ທ່ອງທ່ຽວແຫ່ງອື່ນໆ ເພາະເສັ້ນທາງທີ່ເຂົ້າໄປຫາຖໍ້າໃນປັດຈຸບັນນີ້ກໍຍັງເປັນ ເສັ້ນທາງລໍ້-ທາງກວຽນຢູ່ ຕ້ອງໄດ້ມີກິດຈະການຍ່າງ ເລາະປ່າເຂົ້າໄປເພື່ອຈະໄດ້ທ່ຽວຊົມທໍາມະຊາດປ່າໄມ້-ສັດປ່ານາໆຊະນິດ, ທັງເປັນ ການອອກກໍາລັງກາຍໄປ ພ້ອມກັນເລີຍ ເຊິ່ງກິດຈະ ກໍາ ດັ່ງກ່າວນີ້ເຮັດໃຫ້ບັນດາ ນັກທ່ອງທ່ຽວມີຄວາມຊໍາ ນິ ຊໍານານ ແລະ ຊິນເຄີຍມາ ແລ້ວຍ້ອນວ່າຖໍ້າແຫ່ງນີ້ມີ ຄວາມສວຍສົດງົດງາມ, ມີ ຄວາມໂດດເດັ່ນສະດຸດຕາ ອັນເປັນເອກກະລັກສະເພາະທາງດ້ານທໍາມະຊາດທີ່ໄດ້ ເສກສັນປັ້ນແຕ່ງຂຶ້ນມາເພື່ອໃຫ້ຄົນເຮົາໄດ້ມາທ່ຽວຊົມ ,ເປັນຖໍ້າທີ່ມີຄວາມງົດງາມ ແລະ ມີມົນສະເໜ່ກວ່າຖໍ້າ ອື່ນໆໃນດິນແດນແຫ່ງນີ້ຈຶ່ງ ເປັນສາເຫດເຮັດໃຫ້ນັກ ທ່ອງທ່ຽວເຂົ້າມາທ່ຽວຊົມ ເຊິ່ງພາຍຫຼັງທີ່ໄດ້ມາທ່ຽວ ຊົມເຮັດໃຫ້ເຂົາເຈົ້າມີຄວາມພູມໃຈ ແລະ ປະທັບໃຈທີ່ສຸດ ຕໍ່ກັບສະພາບບັນຍາກາດ ພາຍໃນຖໍ້າແຫ່ງນີ້. ຖໍ້ານໍ້າ ລອດເຊບັ້ງໄຟເປັນຖໍ້າທີ່ມີ ຄວາມຍາວເລິກເຂົ້າໄປເຖິງ 9,5 ກິໂລແມັດ. ທາງດ້ານ ໃນຂອງຖໍ້າ ທ່ານສາມາດຂີ່ ເຮືອລອດຖໍ້າເພື່ອຊົມຄວາມງົດງາມຂອງຖໍ້າທີ່ມີສາຍນໍ້າໄຫຼລອດຖໍ້າໄສເຢັນດີເຊິ່ງມີບາງບ່ອນທ່ານສາມາດຂຶ້ນ ໄປຍ່າງເລາະລຽບໄປຕາມ ຜາພະໜັງຖໍ້າເພື່ອຊົມກະ ປູດຫີນຜານັບແຕ່ພື້ນຂຶ້ນໄປ ຮອດເທິງຈະເຫັນເປັນຮູບ ແບບຕ່າງໆນາໆບາງບ່ອນທ່ານກໍຈະສັງເກດເຫັນຄ້າຍ ຄືຮູບຄົນ, ໂຕສັດ ແລະ ຄ້າຍ ຄືກັບພຸ່ມໄມ້-ເຫົ້ງາໄມ້ທີ່ ກາຍເປັນຫີນ. ບາງຈຸດທາງ ດ້ານເທິງສັງເກດເຫັນເປັນສີຂາວໆເປັນຊັ້ນໆຄ້າຍຄືກັບ ນໍ້າຕົກຕາດທີ່ໄສເຢັນຍາມ ແລເຫັນສະດຸດຕາຕ້ອງໃຈ ນັ້ນຄືຜະໜັງຫີນສີຂາວ ເຊິ່ງ ປະກອບມີຫຼາຍຊັ້ນອັນມີ ຄວາມສວຍສົດງົດງາມທີ່ ສຸດພາຍໃນຖໍ້າແຫ່ງນີ້. ແຕ່ ໜ້າເສຍດາຍຕໍ່ກັບເສັ້ນທາງເຂົ້າ-ອອກຖໍ້າແຫ່ງນີ້ຍັງເປັນ ເສັ້ນທາງລໍ້-ທາງກວຽນ ເຮັດໃຫ້ລໍາບາກໃນການມາທ່ຽວຊົມຕ້ອງໄດ້ເດີນເລາະປ່າເຂົ້າໄປ ຖ້າຫາກມີການ ປັບປຸງປົວແປງເສັ້ນທາງໃຫ້ດີກວ່າເກົ່າກໍຄົງຈະດຶງດູດ ຈິດໃຈບັນດານັກທ່ອງທ່ຽວ ເຂົ້າມາທ່ຽວຊົມຫຼາຍຂຶ້ນ ຕື່ມອີກ.

ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ - 965231 - ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ

ຖ້າທ່ານໃດ ຫາກໄດ້ ໄປ ເຂດເມືອງບົວລະພາກໍຢ່າ ລືມໄປທ່ຽວຊົມຄວາມສວຍສົດງົດງາມຂອງຖໍ້ານໍ້າ ລອດເຊບັ້ງໄຟແຫ່ງນີ້ ເຊິ່ງ ນອກຈາກທ່ານຈະໄດ້ທ່ຽວຊົມຄວາມງົດງາມຂອງຖໍ້າແລ້ວ ທ່ານຍັງຈະໄດ້ພະຈົນ ໄພໃນການອອກກໍາລັງກາຍເພື່ອຍ່າງປ່າໄກເຖິງ 15 ກິໂລແມັດກວ່າຈະເຂົ້າໄປ ເຖິງຖໍ້າແຫ່ງນີ້.

ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ - 2541 - ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ

ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ - WhatsApp Image 2020 05 27 at 5 - ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ
ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ - WhatsApp Image 2020 05 27 at 5 - ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ
error: Alert: ເນື້ອຫາຂ່າວມີລິຂະສິດ !!