ເວທີປຶກສາຫາລື ແລກປ່ຽນຄຳຄິດເຫັນຂອງສື່ມວນຊົນໃນການພັດທະນາການທ່ອງທ່ຽວ

ເວທີປຶກສາຫາລື ແລກປ່ຽນຄຳຄິດເຫັນຂອງສື່ມວນຊົນໃນການພັດທະນາການທ່ອງທ່ຽວ - Mekong Lanexang media - ເວທີປຶກສາຫາລື ແລກປ່ຽນຄຳຄິດເຫັນຂອງສື່ມວນຊົນໃນການພັດທະນາການທ່ອງທ່ຽວ
ເວທີປຶກສາຫາລື ແລກປ່ຽນຄຳຄິດເຫັນຂອງສື່ມວນຊົນໃນການພັດທະນາການທ່ອງທ່ຽວ - Untitled design - ເວທີປຶກສາຫາລື ແລກປ່ຽນຄຳຄິດເຫັນຂອງສື່ມວນຊົນໃນການພັດທະນາການທ່ອງທ່ຽວ

ໃນວັນທີ 3 ກໍລະກົດນີ້ ທີ່ນະຄອນຫລວງວຽງຈັນ, ໄດ້ມີກອງປະຊຸມເວທີປຶກສາຫາລື ແລກປ່ຽນຄຳຄິດເຫັນພາຍໃຕ້ຫົວຂໍ້: “ຍົກລະດັບການຊົມໃຊ້  ແລະ ການພັດທະນາການທ່ອງທ່ຽວ”  ແລະ “ຄຸນຄ່າຫລັກ ແລະ ການຫັນປ່ຽນຂອງສື່” ພາຍໃຕ້ກອງປະຊຸມສຸດຍອດ ສື່ມວນຊົນ ຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ, ໂດຍການເຂົ້າຮ່ວມເປັນປະທານຂອງ ທ່ານ ສະຫວັນຄອນ ຣາຊມຸນຕີ ຮອງລັດຖະມົນຕີກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ  ມີບັນດາຜູ້ຕາງໜ້າເຈົ້າໜ້າທີ່ສື່ມວນຊົນ ຈາກອົງການສື່ມວນຊົນ 6 ປະເທດລຸ່ມແມ່ນໍ້າຂອງ-ແມ່ນໍ້າລ້ານຊ້າງເຂົ້າຮ່ວມ.

ກອງປະຊຸມໄດ້ຍົກໃຫ້ເຫັນວ່າ : ການທ່ອງທ່ຽວສາມາດສ້າງລາຍຮັບ  ເປັນອັນດັບຕົ້ນໆຂອງແຕ່ລະປະເທດ, ທັງສາມາດສ້າງວຽກ ເຮັດງານທຳ, ຊ່ວຍຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ແຕ່ຖ້າຂາດການໂຄສະນາ ເຜີຍແຜ່ຂໍ້ມູນຢ່າງກວ້າງຂວາງ ກໍຈະເຮັດໃຫ້ຜູ້ຄົນ ຫລື ນັກທ່ອງທ່ຽວບໍ່ສາມາດຮູ້ ແລະ ບໍ່ສົນໃຈຢາກມາທ່ອງທ່ຽວ ຫລື ມາສຳພັດສະຖານທີ່ທ່ອງ ທ່ຽວນັ້ນໄດ້ໃນໂອກາດນີ້.

ບັນດາຜູ້ຕາງໜ້າສື່ມວນຊົນ ຈາກອົງການສື່ມວນຊົນ 6 ປະເທດລຸ່ມແມ່ນໍ້າຂອງ-ແມ່ນໍ້າລ້ານຊ້າງ ໄດ້ມີຄຳຄິດເຫັນ ແລະ ຂໍ້ສະເໜີຕ່າງໆ ເປັນຕົ້ນແມ່ນ ການປັບປຸງໂຄງລ່າງພື້ນຖານເພື່ອອຳນວຍຄວາມສະດວກ ໃນການເດີນທາງເຂົ້າ-ອອກ ປະເທດ ຂອງນັກທ່ອງທ່ຽວ ແລະ ຄົມມະນາຄົມຂົນສົ່ງ-ໄປມາສະດວກປອດໄພ; ປັບປຸງມາດຕະຖານໃນການບໍລິການຕ່າງໆ; ເພີ່ມຜະລິດຕະພັນທ່ອງທ່ຽວໃຫ້ຫລາກຫລາຍຮູບແບບສີສັນ, ຂະໜາດ ແລະ ຫລາຍລາຄາ;  ສ້າງກົນໄກ, ສ້າງຈຸດປະສານງານເພື່ອສະໜອງຂໍ້ມູນຂ່າວສານ ດ້ານການທ່ອງທ່ຽວ ໃຫ້ທົ່ວເຖິງ ພ້ອມທັງເອົາໃຈໃສ່ແກ້ໄຂບັນຫາຕ່າງໆ ທີ່ເປັນອຸປະສັກຂັດຂວາງ ການເຊື່ອມໂຍງການທ່ອງທ່ຽວໃນທຸກລະດັບ ເພື່ອແກ້ໄຂບັນຫາຕ່າງໆ ທີ່ນັກທ່ອງທ່ຽວປະສົບບັນຫາຕ່າງໆໄດ້ຢ່າງວ່ອງໄວ, ທັນກັບເຫດການ ແລະ ສະພາບການ.

ນອກຈາກນີ້ ການສົ່ງເສີມການທ່ອງທ່ຽວຈາກສື່ ເປັນສິ່ງສຳຄັນທີ່ສຸດໃນການໂຄສະນາເຜີຍແຜ່ຂໍ້ມູນຕ່າງໆ ແລະ ສື່ກໍຕ້ອງມີເຄືອຂ່າຍຮ່ວມກັນ ແລະ ຊ່ວຍເຫລືອເຊິ່ງກັນ ແລະ ກັນ ໂດຍຕິດພັນກັບເທັກໂນໂລຊີ  ແລະ ນະວັດຕະກໍາໃໝ່ ໃນການພັດທະນາການທ່ອງທ່ຽວ ເພື່ອໃຫ້ນັກທ່ອງທ່ຽວ ໃນບັນດາພາກພື້ນ ແລະ ສາກົນ ມາທ່ຽວປະເທດຂອງຕົນເພີ່ມຂຶ້ນ.

ເວທີປຶກສາຫາລື ແລກປ່ຽນຄຳຄິດເຫັນຂອງສື່ມວນຊົນໃນການພັດທະນາການທ່ອງທ່ຽວ - Wave100S AD to Website 2020 0 - ເວທີປຶກສາຫາລື ແລກປ່ຽນຄຳຄິດເຫັນຂອງສື່ມວນຊົນໃນການພັດທະນາການທ່ອງທ່ຽວ

ປີ 2017 ຈໍານວນນັກທ່ອງທ່ຽວເຂົ້າມາລາວ ມີ 3,8 ລ້ານເທື່ອຄົນ ໃນນີ້ເປັນນັກທ່ອງທ່ຽວມາຈາກປະເທດໄທຫລາຍກວ່າໝູ່, ຮອງລົງມາແມ່ນຫວຽດນາມ, ຈີນ, ອາເມລິກາ, ຍີ່ປູ່ນ, ອັງກິດ, ເກົາຫລີໃຕ້, ອົດສະຕຣາລີ, ເຍຍລະມັນ ແລະ ມະເລເຊຍ ຕາມລໍາດັບ. ສະເພາະປີທ່ອງທ່ຽວລາວ 2018 ນີ້ ຕາມແຜນການແມ່ນຈະພະຍາຍາມດຶງດູດນັກທ່ອງທ່ຽວເຂົ້າມາ ບໍ່ໃຫ້ຫລຸດ 5 ລ້ານຄົນ ແລະ ສ້າງລາຍຮັບເຂົ້າມາໃຫ້ໄດ້ປະມານ 900 ລ້ານໂດລາສະຫະລັດ ແລະ  ໃນປີ 2020 ຄາດຄະເນຈະມີນັກທ່ອງທ່ຽວເຖີງ 6,2 ລ້ານຄົນ ແລະ ຈະມີລາຍຮັບເຖິງ 993 ລ້ານກວ່າໂດລາສະຫະລັດ.

ເວທີປຶກສາຫາລື ແລກປ່ຽນຄຳຄິດເຫັນຂອງສື່ມວນຊົນໃນການພັດທະນາການທ່ອງທ່ຽວ - WhatsApp Image 2020 05 27 at 5 - ເວທີປຶກສາຫາລື ແລກປ່ຽນຄຳຄິດເຫັນຂອງສື່ມວນຊົນໃນການພັດທະນາການທ່ອງທ່ຽວ
ເວທີປຶກສາຫາລື ແລກປ່ຽນຄຳຄິດເຫັນຂອງສື່ມວນຊົນໃນການພັດທະນາການທ່ອງທ່ຽວ - WhatsApp Image 2020 05 27 at 5 - ເວທີປຶກສາຫາລື ແລກປ່ຽນຄຳຄິດເຫັນຂອງສື່ມວນຊົນໃນການພັດທະນາການທ່ອງທ່ຽວ
error: Alert: ເນື້ອຫາຂ່າວມີລິຂະສິດ !!