ລາວ​ເພີ່ມ​ທະວີຕ້ານ​ການ​ຄ້າ​ມະນຸດ​ໃຫ້​ມີ​ປະສິດທິພາບ

ລາວ​ເພີ່ມ​ທະວີຕ້ານ​ການ​ຄ້າ​ມະນຸດ​ໃຫ້​ມີ​ປະສິດທິພາບ - violent - ລາວ​ເພີ່ມ​ທະວີຕ້ານ​ການ​ຄ້າ​ມະນຸດ​ໃຫ້​ມີ​ປະສິດທິພາບ
ລາວ​ເພີ່ມ​ທະວີຕ້ານ​ການ​ຄ້າ​ມະນຸດ​ໃຫ້​ມີ​ປະສິດທິພາບ - Untitled design - ລາວ​ເພີ່ມ​ທະວີຕ້ານ​ການ​ຄ້າ​ມະນຸດ​ໃຫ້​ມີ​ປະສິດທິພາບ

ກົມ​ຕຳຫລວດ​ສະກັດ​ກັ້ນ ​ແລະ ຕ້ານ​ການ​ຄ້າ​ມະນຸດ ​ຮ່ວມ​ກັບ​ຄະນະ​ຮັບຜິດຊອບ​ແຜນ​ງານ ອົດ​ສະ​ຕາ​ລີ-ອາຊີ ​ເພື່ອ​ຕ້ານ​ການ​ຄ້າ​ມະນຸດ(AAPTIP) ປະຈຳ​ລາວ ​ໄດ້​ຈັດ​ກອງ​ປະຊຸມ​ສະຫລຸບ​ການຈັດຕັ້ງ​ປະຕິບັດ​ແຜນ​ງານ​ດັ່ງກ່າວ​ຂຶ້ນ, ​ໂດຍ​ການ​​ເປັນ​ປະທານ​ຂອງ​ທ່ານ ​ເພັງ​ສະຫວັນ ທິບ​ພະ​ວົງ​ໄຊ ຫົວໜ້າກອງ​ເລຂາ​ຄະນະ​ກຳມະການ​ຕ້ານ​ການ​ຄ້າ​ມະນຸດ​ລະດັບ​ຊາດ, ທ່ານ ບຣຸດ ​ເຄລີ ຫົວໜ້າ​ແຜນ​ງານ ອົດ​ສະ​ຕາ​ລີ-ອາຊີ ​ເພື່ອ​ຕ້ານ​ການ​ຄ້າ​ມະນຸດ​ປະຈຳ​ພາກພຶ້ນ ພ້ອມ​ພະນັກງານ​ກ່ຽວຂ້ອງ​ເຂົ້າ​ຮ່ວມ​ເປັນ​ຈຳນວນ​ຫລາຍ.

ທ່ານ ພັນ​ໂທ ກິ​ແກ້ວ ຈັນທະ​ລັງສີ ຮອງ​ຫົວໜ້າກົມ​ຕະຫລວດ​ສະກັດ​ກັ້ນ ​ແລະ ຕ້ານ​ການ​ຄ້າ​ມະນຸດ ກ່າວ​ວ່າ: ​ແຜນ​ງານ AAPTIP ​ໄດ້​ກໍານົດ 4 ​ເປົ້າໝາຍຫລັກຄື: ​ເພື່ອ​ເຮັດ​ໃຫ້​ອົງການ​ປະຕິບັດ​ກົດໝາຍ​ໄດ້​ຮັບ​ການ​ປັບປຸງ​ໃຫ້​ມີ​ປະສິດທິ​ຜົນ​ ​ແລະ ມີ​ຈັນ​ຍາ​ບັນ​ໃນ​ການ​ສືບສວນ-ສອບ​ສວນ​ຄະດີ​ຄ້າ​ມະນຸດ, ​ເພື່ອ​ເຮັດ​ໃຫ້​ອົງການ​ໄອ​ຍະ​ການ​ປະຊາຊົນ​ໄດ້​ຮັບ​ການ​ປັບປຸງ​ໃຫ້​ມີ​ປະສິດທິ​ຜົນ ​ແລະ ມີ​ຈັນ​ຍາ​ບັນ​ໃນ​ການ​ດຳ​ເນີນ​ຄະດີ​ຄ້າ​ມະນຸດ ​ແລະ ຄະດີ​ອື່ນໆທີ່​ກ່ຽວຂ້ອງ​ກັບ​ການ​ຄ້າ​ມະນຸດ, ​ເພື່ອ​ເຮັດ​ໃຫ້​ຜູ້​ພິພາກສາ-ພະນັກງານ​ສານ ​ໄດ້​ຮັບ​ການ​ປັບປຸງ​ໃຫ້​ມີ​ຄວາມ​ຍຸຕິ​ທຳ ​ແລະ ພິຈາລະນາ​ຄະດີ​ຄ້າ​ມະນຸດ​ຕາມ​ກຳນົດ​ເວລາ ​ແລະ​ເພື່ອ​ເຮັດ​ໃຫ້ການ​ຮ່ວມ​ມື ​ແລະ ພາວະ​ການ​ເປັນ​ຜູ້ນຳ​ໃນ​ດ້ານ​ການ​ຕອບ​ໂຕ້​ການ​ກະທຳ​ຜິດ​ທາງ​ອາຍາ​ໃນ​ພາກພຶ້ນອາຊຽນ ມີ​ຄວາມ​ເຂັ້ມ​ແຂງ ​ແລະ 5 ​ໂຄງການ ມີ 69 ກິດຈະກຳ​ລວມງົບປະມານ​ທັງໝົດ 800 ກ່ວາລ້ານ​ໂດ​ລາ​ອົດ​ຕາ​ລີ. ຜ່ານ​ການຈັດ​ຕັ້ງ​ປະຕິບັດ​ເຫັນ​ວ່າສຳ​ເລັດ 100% ​ແລະ ມີ​ຜົນ​ໄດ້​ຮັບ​ຢ່າງ​ເປັນ​ຮູບ​ປະ​ທຳ, ​ທັງ​ເປັນ​ການ​ປະກອບສ່ວນ​ເຮັດ​ໃຫ້​ວຽກງານ​ຮັກສາ​ຄວາມ​ສະຫງົບ ​ແລະ ຄວາມ​ເປັນ​ລະບຽບຮຽບຮ້ອຍ​ໃນ​ສັງຄົມ​ລະດັບ​ທີ່​ແນ່ນອນ ​ເວົ້າ​ສະ​ເພາະ​ຂະ​ແໜງການວຽກງານ​ຕ້ານ​ການ​ຄ້າ​ມະນຸດ​ຂອງ​ລາວ​ມີ​ຄວາມ​ຮັບ​ຮູ້​ເຂົ້າ​ໃຈ​ດ້ານ​ກົດໝາຍຫລາຍ​ຂຶ້ນ, ມີ​ບັນດາ​ນິຕິ​ກຳ, ມີ​ລະບົບ​ການ​ເກັບ​ກຳ​ຂໍ້​ມູນ​ສະຖິຕິ ​ແລະ ມີ​ກົນ​ໄກ​ການ​ປະສານ​ງານ​ທີ່​ເພິ່ງ​ພໍ​ໃຈ.

ຫົວໜ້າກອງ​ເລຂາ​ຄະນະ​ກຳມະການ​ຕ້ານ​ການ​ຄ້າ​ມະນຸດ​ລະດັບ​ຊາດ ​ໃຫ້​ຮູ້​ວ່າ: ສປປ ລາວ ​​ເປັນປະ​ເທດໜຶ່ງທີ່​ປະ​ເຊີນໜ້າກັບ​ບັນຫາ​ການ​ຄ້າ​ມະນຸດ, ​ ຕໍ່ກັບ​ບັນຫາ​ດັ່ງ​ກ້າວ ລັດຖະບານ​ໄດ້​ໃຫ້​ຄວາມ​ສຳຄັນ ​ແລະ ​ເອົາ​ໃຈ​ໃສ່​ຕໍ່ການ​ປ້ອງ​ກັນ ສະກັດ​ກັ້ນ, ການ​ປົກ​ປ້ອງ​ຊ່ວຍ​ເຫລືອ​ຜູ້​ຖືກ​ເຄາະ​ຮ້າຍ​ຈາກ​ການ​ຄ້າ​ມະນຸດ ​ແລະ ການ​ດຳ​ເນີນ​ຄະດີ​ຕໍ່ຜູ້​ກະທຳ​ຜິດຄື: ​ແຕ່​ຕົ້ນ​ເດືອນ ​ເມສາ 2016 ຫາ ​ເດືອນ ມີນາ 2017 ສາມາດ​ດຳ​ເນີນ​ຄະດີ​ຜູ້​ກະທຳ​ຜິດ​ໃນ​ສະຖານ​ການ​ຄ້າ​ມະນຸດ ຈຳນວນ 29 ​ເລື່ອງ, ສາມາດ​ສະຫລຸບ​ຄະດີ ​ແລະ ປະກອບ​ສຳນວນ​ຄະດີ​ສົ່ງ​ໃຫ້​ໄອ​ຍະ​ການ​ປະຊາຊົນ ຈຳນວນ 13 ​ເລື່ອງ, ສານ​ປະຊາຊົນ ​ໄດ້​ຕັດສິນ ຈຳນວນ 6 ​ເລື່ອງ, ຖືກ​ລົງ​ໂທດ​ຕັດ​ອິດສະຫລະພາບ ​ແຕ່ 9 ​ເດືອນ ຫາ 20 ປີ, ປັບ​ໃໝ​ແຕ່ 9 ​ແສນກີບ ຫາ 100 ລ້ານ​ກີບ, ຜູ້​ຖືກ​ເຄາະ​ຮ້າຍ​ໄດ້​ຮັບ​ຄ່າ​ໃຊ້​ແທນ​ເສຍ​ຫາຍ​ທາງ​ແພ່ງ(ຄ່າ​ຊົດ​ເຊີຍ) ຈຳນວນ 15  ຫາ 45 ລ້ານ​ກີບ, ​ແລະ ​ໃນ​ປີ 2016 ​ໄດ້​ຮັບ​ຜູ້​ຖືກ​ເຄາະ​ຮ້າຍ​ທັງໝົດ 189 ຄົນ, ຍິງ 103 ຄົນ, ອາຍຸຕ່ຳ​ກ່ວາ 18 ປີ 80 ມີຄົນ.

ລາວ​ເພີ່ມ​ທະວີຕ້ານ​ການ​ຄ້າ​ມະນຸດ​ໃຫ້​ມີ​ປະສິດທິພາບ - Wave100S AD to Website 2020 0 - ລາວ​ເພີ່ມ​ທະວີຕ້ານ​ການ​ຄ້າ​ມະນຸດ​ໃຫ້​ມີ​ປະສິດທິພາບ
ລາວ​ເພີ່ມ​ທະວີຕ້ານ​ການ​ຄ້າ​ມະນຸດ​ໃຫ້​ມີ​ປະສິດທິພາບ - WhatsApp Image 2020 05 27 at 5 - ລາວ​ເພີ່ມ​ທະວີຕ້ານ​ການ​ຄ້າ​ມະນຸດ​ໃຫ້​ມີ​ປະສິດທິພາບ
ລາວ​ເພີ່ມ​ທະວີຕ້ານ​ການ​ຄ້າ​ມະນຸດ​ໃຫ້​ມີ​ປະສິດທິພາບ - WhatsApp Image 2020 05 27 at 5 - ລາວ​ເພີ່ມ​ທະວີຕ້ານ​ການ​ຄ້າ​ມະນຸດ​ໃຫ້​ມີ​ປະສິດທິພາບ
error: Alert: ເນື້ອຫາຂ່າວມີລິຂະສິດ !!