ປະສານໃຈ ຄອງແຊ້ມບານເຕະ ລີກ ຈີເອັສ ແບັດເຕີຣີ 2018

ທ້າຍອາທິດຜ່ານມາ ທີ່​ສະໜາມກິລາ​ບານ​ເຕະ ປະສານ​ໃຈ ​ເມືອງ​ໄຊ​ທານີ ນະຄອນຫລວງ​ວຽງ​ຈັນ ​ໄດ້ມີການ​ແຂ່ງຂັນ​ບານ​ເຕະລີກ ຈີ​ເອັສ ​ແບັດ​ເຕີຣີ ປີ 2018 ​​ຮຸ່ນ​ອາວຸ​ໂສ 2 ລາຍການຄື: ຮຸ່ນ​ອາຍຸ 40 ປີຂຶ້ນ​ໄປ ​ແລະ ຮຸ່ນ 50 ປີ​ຂຶ້ນ​ໄປ. ຂະນະທີ່ປະສານໃຈສາມາດຍາດໄດ້ແຊ້ມທັງ 2 ຮຸ່ນ. ​​

ການແຂ່ງຂັນຄັ້ງນີ້ມີ​ທັງ​ໝົດ 4 ຄູ່ ສະເພາະຮຸ່ນອາຍຸ 40 ປີ ເຊິ່ງຜ່ານ​ການ​ແຂ່ງຂັນຜົນ​ປາກົດ​ວ່າ: ​ທີມປະສານ​ໃຈ ສາມາດເອົາ​ຊະນະ ທີ​ມ​ເພື່ອນ​ເຮົາ 8-3 ປະຕູ ແລະ ​ໄດ້​ແຊ້ມລາຍການ​ນີ້​ໄປ​ຄອງ​ຢ່າງ​ສົມ​ສັກ​ສີ ພ້ອມ​ເງິນສົດ 4 ລ້ານ​ກີບ ໃນຮຸ່ນອາຍຸ 40 ປີ. ສ່ວນ​ທີ​ມ​ເພື່ອນ​ເຮົາ ​ໄດ້​ພຽງ​ອັນ​ດັບ​ທີ 2 ​ໄດ້​ຮັບ​ຂັນ ​ແລະ ​ເງິນ​ສົດ 3 ລ້ານ​ກີບ, ອັນດັບທີ 3 ທີ​ມບໍລິສັດ ​ເອວທີ ກຣຸບ ​ໄດ້​ຮັບ​ຂັນ ​ແລະ ​ເງິນສົດ 2 ລ້ານ​ກີບ ແລະ ອັນດັບທີ 4 ທີ​ມ​ໄຊ​ເຊ​ດຖາ ໄດ້​ຮັບ​ລາງວັນ​ຊົມ​ເຊີຍ​ເງິນ 1 ລ້ານ​ກີບ.

ສ່ວນ​ຮຸ່ນ​ອາວຸ​ໂສ ​ຮຸ່ນ 50 ປີ ​ແຊ້ມຕົກ​ເປັນ​ຂອງບໍລິສັດ ​ແກ້ວ​ພູ​ຟ້າ ​ໄດ້​ຮັບ​ຂັນ​ແຊ້ມ ​ແລະ ​ເງິນສົດ 4 ລ້ານ​ກີບ, ອັນ​ດັບ​ທີ 2 ທີ​ມວີ​ໄອ​ພີ ​​ໄຊ​ເຊ​ດຖາ ​ ​ໄດ້​ຮັບຂັນ ​ແລະ ​ເງິນສົດ 3 ລ້ານ​ກີບ, ອັນ​ດັບ​ທີ 3 ສະ​ໂມ​ສອນ​ປະສານ​ໃຈ ​ໄດ້​ຮັບ​ຂັນ ​ແລະ ​ເງິນສົດ 2 ລ້ານ​ກີບ ​ແລະ ອັນດັບທີ 4 ທີ​ມ​ເອັສພີ ການ​ໄຟຟ້າ ​ໄດ້​ຮັບ​ລາງວັນ​ເງິນສົດ 1 ລ້ານກີບ.