ສື່ມວນຊົນແມ່ນ້ຳຂອງ-ແມ່ນ້ຳລ້ານຊ້າງຢ້ຽມຊົມໂຄງການທາງລົດໄຟລາວ-ຈີນ ແລະ ບໍລິສັດດາວທຽມລາວ-ອາຊີປາຊີຟິກ

ສື່ມວນຊົນແມ່ນ້ຳຂອງ-ແມ່ນ້ຳລ້ານຊ້າງຢ້ຽມຊົມໂຄງການທາງລົດໄຟລາວ-ຈີນ ແລະ ບໍລິສັດດາວທຽມລາວ-ອາຊີປາຊີຟິກ - Visit Laos China Railway - ສື່ມວນຊົນແມ່ນ້ຳຂອງ-ແມ່ນ້ຳລ້ານຊ້າງຢ້ຽມຊົມໂຄງການທາງລົດໄຟລາວ-ຈີນ ແລະ ບໍລິສັດດາວທຽມລາວ-ອາຊີປາຊີຟິກ
ສື່ມວນຊົນແມ່ນ້ຳຂອງ-ແມ່ນ້ຳລ້ານຊ້າງຢ້ຽມຊົມໂຄງການທາງລົດໄຟລາວ-ຈີນ ແລະ ບໍລິສັດດາວທຽມລາວ-ອາຊີປາຊີຟິກ - Untitled design - ສື່ມວນຊົນແມ່ນ້ຳຂອງ-ແມ່ນ້ຳລ້ານຊ້າງຢ້ຽມຊົມໂຄງການທາງລົດໄຟລາວ-ຈີນ ແລະ ບໍລິສັດດາວທຽມລາວ-ອາຊີປາຊີຟິກ

ໃນວັນທີ 3 ກໍລະກົດນີ້, ຄະນະຜູ້ແທນສື່ມວນຊົນ 6 ປະເທດແມ່ນໍ້າຂອງ-ແມ່ນ້ຳລ້ານຊ້າງປະກອບມີ: ກໍາປູເຈຍ, ຈີນ, ລາວ, ໄທ, ມຽນມາ ແລະ ຫວຽດນາມ ໄດ້ໄປຢ້ຽມຢາມຫ້ອງການໂຄງການທາງລົດໄຟລາວ-ຈີນ ແລະ ເຂດກໍ່ສ້າງທາງລົດໄຟທີ່ເມືອງນາຊາຍທອງນະຄອນຫລວງວຽງຈັນ, ໂດຍມີທ່ານ ຢວນ ກົວຟູ ຫົວໜ້າຫ້ອງການກຸ່ມບໍລິສັດວິສາຫະກິດທາງລົດໄຟເລກ 2  ສປ ຈີນ ແລະ ພະນັກງານໃຫ້ການຕ້ອນຮັບຢ່າງອົບອຸ່ນ, ພ້ອມທັງລາຍງານວ່າ: ໂຄງການທາງລົດໄຟລາວ-ຈີນ ໄດ້ເລີ່ມລົງມືກໍ່ສ້າງມາແຕ່ຕົ້ນເດືອນມັງກອນ 2017 ແຕ່ບໍ່ເຕັນ-ນະຄອນຫລວງວຽງຈັນ, ທິດເໜືອຕິດກັບທາງລົດໄຟບໍ່ຫານ-ອີຊີຂອງຈີນ ແລະ ພາກໃຕ້ຕິດກັບທາງລົດໄຟບາງກອກ-ໜອງຄາຍທີ່ມີແຜນສ້າງຂຶ້ນຢູ່ປະເທດໄທ, ໂດຍຜ່ານແຂວງຫລວງນ້ຳທາ, ອຸດົມໄຊ, ຫລວງພະບາງ, ແຂວງວຽງຈັນ ແລະ ນະຄອນຫລວງວຽງຈັນ, ມີຄວາມຍາວ 414 ກິໂລແມັດ, ມີສະຖານີ 32 ແຫ່ງຄື: ສະຖານີບໍ່ເຕັນ, ນາເຕີຍ, ນາໝໍ້, ນາທົ່ງ, ຫົວນ້ຳ, ເມືອງໄຊ, ນ້ຳນວນ, ນາຄົກ, ເມືອງງາ, ຫ້ວຍພູລາຍ, ຫ້ວຍຫານ, ແມ່ກົກ, ສະນົກ, ຫລວງພະບາງ, ຊຽງເງິນ, ພິກໃຫຍ່, ສາລາພູຄູນ, ບ້ານເສີນ, ນາໝີ, ເມືອງກາສີ, ບວມພຸກ, ຜາແດງ, ວັງວຽງ, ວັງມົນ, ວັງຄີ, ຫີນເຫີບ, ໂພນໂຮງ, ສະກາ, ສະຖານີນະຄອນວຽງຈັນເໜືອ, ນະຄອນຫລວງວຽງຈັນ ແລະ ນະຄອນຫລວງວຽງຈັນໃຕ້. ເປັນລົດໄຟສາຍດຽວທີ່ຂັບເຄື່ອນດ້ວຍພະລັງງານໄຟຟ້າເພື່ອໃຫ້ບໍລິການຂົນສົ່ງໂດຍສານ ແລະ ສິນຄ້າ ດ້ວຍຄວາມໄວ 160 ກິໂລແມັດຕໍ່ຊົ່ວໂມງ ແລະ ຄາດວ່າການກໍ່ສ້າງຈະໃຫ້ສຳເລັດໃນປີ 2021 ແລະ ໃນວັນທີ 4 ກໍລະກົດນີ້, ຄະນະຜູ້ແທນດັ່ງກ່າວ, ກໍໄດ້ສືບຕໍ່ເຄື່ອນໄຫວຢ້ຽມຢາມບໍລິສັດດາວທຽມລາວ-ອາຊີປາຊີຟິກ ທີ່ບ້ານນາໄຫ, ເມືອງຫາດຊາຍຟອງນະຄອນຫລວງວຽງຈັນ ແລະ ໄດ້ຮັບຟັງລາຍງານຈາກທ່ານ ສີສັນ ປອງນະທີ ຮອງອຳນວຍການບໍລິສັດດັ່ງກ່າວວ່າ: ບໍລິສັດດາວທຽມລາວ (ລາວແຊັດ 1) ຕັ້ງຢູ່ທາງພາກເໜືອຂອງແມ່ນ້ຳຂອງມີເນື້ອທີ່ທັງໝົດ 121.600 ຕາແມັດ, ໃນນັ້ນເນື້ອທີ່ກໍ່ສ້າງ 10 ພັນຕາແມັດ, ໃນສະຖານີມີສູນບັນຊາດາວທຽມ, ຈານສາຍອາກາດດາວທຽມ, ສູນອັດຖ່າຍສະຕູດີໂອ, ຫ້ອງເຄື່ອງອຸປະກອນ, ຫ້ອງເຄື່ອງຂໍ້ມູນ, ຫ້ອງວາງສະແດງ ແລະ ອື່ນໆ.

ທ່ານ ແກ້ວລາວັນ ອຸດທະວົງ ຮອງຫົວໜ້າສະຖານີ, ທັງເປັນຜູ້ບໍລິຫານເຕັກນິກຂອງບໍລິສັດດາວທຽມລາວ-ອາຊີປາຊີຟິກ ໃຫ້ຮູ້ວ່າ: ປັດຈຸບັນນີ້, ລາວແຊັດ1ອອກອາກາດ 130 ຊ່ອງ, ມີ 9 ພາສາທີ່ໄດ້ຮັບລິຂະສິດຈາກລາວ, ຈີນ, ໄທ, ກຳປູເຈຍ, ມຽນມາ, ຫວຽດນາມ, ອັງກິດ ແລະ ອື່ນໆ. ໃນນັ້ນມີຄູ່ຮ່ວມການຄ້າ ແລະ ຫ້ອງການຂາຍທັງພາຍໃນ ແລະ ຕ່າງປະເທດເກືອບ 200 ແຫ່ງ ແລະ ມີຜູ້ຊົມໃຊ້ຫລາຍກວ່າ 1,2 ລ້ານຄອບຄົວ, ໃຫ້ບໍລິການກະຈາຍສັນຍານໂທລະພາບຜ່ານດາວທຽມຄວບຄຸມພາກພື້ນແມ່ນ້ຳຂອງ-ແມ່ນ້ຳລ້ານຊ້າງ ແລະ ປັດຈຸບັນການບໍລິການໄດ້ຄວບຄຸມຈຳນວນປະຊາກອນເຖິງ 627 ລ້ານຄົນ ແລະ ອິນໂດເນເຊຍເປັນປະເທດທີ່ມີຄວາມຕ້ອງການໃຊ້ບໍລິການຊ່ອງສັນຍານດາວທຽມຂອງລາວຫລາຍກວ່າໝູ່. ນອກນັ້ນຍັງມີບໍລິສັດຈາກຫລາຍປະເທດກໍາລັງຢູ່ໃນຂັ້ນຕອນການເຈລະຈາເພື່ອເປັນຄູ່ຮ່ວມສັນຍາໃນຕໍ່ໜ້າ.

ທ່ານກ່າວຕື່ມວ່າ: ການໃຫ້ບໍລິການຂອງບໍລິສັດດາວທຽມມີສາມຮູບແບບຄື:ບໍລິການຄົມມະນາຄົມສື່ສານຜ່ານດາວທຽມ, ກະຈາຍສັນຍານໂທລະພາບຜ່ານດາວທຽມ ແລະ ມີແຜນກຳລັງຈະສົ່ງສັນຍານ 4G.

ສື່ມວນຊົນແມ່ນ້ຳຂອງ-ແມ່ນ້ຳລ້ານຊ້າງຢ້ຽມຊົມໂຄງການທາງລົດໄຟລາວ-ຈີນ ແລະ ບໍລິສັດດາວທຽມລາວ-ອາຊີປາຊີຟິກ - Wave100S AD to Website 2020 0 - ສື່ມວນຊົນແມ່ນ້ຳຂອງ-ແມ່ນ້ຳລ້ານຊ້າງຢ້ຽມຊົມໂຄງການທາງລົດໄຟລາວ-ຈີນ ແລະ ບໍລິສັດດາວທຽມລາວ-ອາຊີປາຊີຟິກ
ສື່ມວນຊົນແມ່ນ້ຳຂອງ-ແມ່ນ້ຳລ້ານຊ້າງຢ້ຽມຊົມໂຄງການທາງລົດໄຟລາວ-ຈີນ ແລະ ບໍລິສັດດາວທຽມລາວ-ອາຊີປາຊີຟິກ - WhatsApp Image 2020 05 27 at 5 - ສື່ມວນຊົນແມ່ນ້ຳຂອງ-ແມ່ນ້ຳລ້ານຊ້າງຢ້ຽມຊົມໂຄງການທາງລົດໄຟລາວ-ຈີນ ແລະ ບໍລິສັດດາວທຽມລາວ-ອາຊີປາຊີຟິກ
ສື່ມວນຊົນແມ່ນ້ຳຂອງ-ແມ່ນ້ຳລ້ານຊ້າງຢ້ຽມຊົມໂຄງການທາງລົດໄຟລາວ-ຈີນ ແລະ ບໍລິສັດດາວທຽມລາວ-ອາຊີປາຊີຟິກ - WhatsApp Image 2020 05 27 at 5 - ສື່ມວນຊົນແມ່ນ້ຳຂອງ-ແມ່ນ້ຳລ້ານຊ້າງຢ້ຽມຊົມໂຄງການທາງລົດໄຟລາວ-ຈີນ ແລະ ບໍລິສັດດາວທຽມລາວ-ອາຊີປາຊີຟິກ
error: Alert: ເນື້ອຫາຂ່າວມີລິຂະສິດ !!