ໂຄງການກໍ່ສ້າງເຂື່ອນນ້ຳອູ 1 ຄືບໜ້າຫລາຍກວ່າ 40%

ໂຄງການກໍ່ສ້າງເຂື່ອນນ້ຳອູ 1 ຄືບໜ້າຫລາຍກວ່າ 40% - 674370bf 50c8 4b47 8d4e 27d03152bb79 - ໂຄງການກໍ່ສ້າງເຂື່ອນນ້ຳອູ 1 ຄືບໜ້າຫລາຍກວ່າ 40%
ໂຄງການກໍ່ສ້າງເຂື່ອນນ້ຳອູ 1 ຄືບໜ້າຫລາຍກວ່າ 40% - Untitled design - ໂຄງການກໍ່ສ້າງເຂື່ອນນ້ຳອູ 1 ຄືບໜ້າຫລາຍກວ່າ 40%

ໃນໂອກາດທີ່ຄະນະຜູ້ແທນສື່ມວນຊົນ 6 ປະເທດແມ່ນໍ້າຂອງ-ແມ່ນໍ້າລ້ານຊ້າງ ໄດ້ໄປຢ້ຽມຢາມໂຄງການກໍ່ສ້າງເຂື່ອນໄຟຟ້ານໍ້າອູ 1 ເມືອງປາກອູແຂວງຫລວງພະບາງໃນວັນທີ 4 ກໍລະກົດນີ້, ໂດຍໄດ້ຮັບການຕ້ອນຮັບຈາກທ່ານ ຈາງ ຫົວນານ (Zhang huanan) ຜູ້ຈັດການໂຄງການເຂື່ອນໄຟຟ້ານໍ້າອູ 1ແລະ ໄດ້ລາຍງານວ່າ: ເຂື່ອນນ້ຳອູ 1 ເປັນເຂື່ອນທີ່ນອນໃນການໂຄງການພັດທະນາເຂື່ອນໄຟຟ້ານໍ້າອູໄລຍະ 2 ຂອງກຸ່ມບໍລິສັດ ພາວເວີ ໄຊນາ (power China) ສປ ຈີນ, ໂດຍແມ່ນບໍລິສັດ ຊີໂນ ໄຮໂດຣ ພາວເວີ ເປັນຜູ້ຮັບເໝົາກໍ່ສ້າງ, ມີກຳລັງຕິດຕັ້ງ 180 ເມກາວັດ ແລະ ມີມູນຄ່າກໍ່ສ້າງ 390 ລ້ານໂດລາສະຫະລັດ ຫລື ປະມານ 3 ພັນກວ່າຕື້ກີບ ແລະ ມາຮອດປັດຈຸບັນ, ການກໍ່ສ້າງແມ່ນມີຄືບໜ້າຫລາຍກວ່າ 40% ແລະ ຄາດວ່າຈະໃຫ້ສໍາເລັດໃນປີ 2020. ປັດຈຸບັນ, ພວມສຸມໃສ່ການກໍ່ສ້າງເຮືອນຈັກ, ປະຕູນໍ້າ ແລະ ໜ້າວຽກອື່ນໆ. ສ່ວນກະແສໄຟຟ້າທີ່ຜະລິດໄດ້ແມ່ນຈະຈຳໜ່າຍໃຫ້ລັດວິສາຫະກິດໄຟຟ້າລາວ ເພື່ອສະໜອງໃຫ້ການຊົມໃຊ້ພາຍໃນແຂວງໄດ້ຢ່າງທົ່ວເຖິງ ແລະ ພຽງພໍກັບຄວາມຕ້ອງການຂອງຜູ້ຊົມໃຊ້ທີ່ເພີ່ມຂຶ້ນ.

ທ່ານ ບຸນທັນ ໂບລະວົງ ຮອງເຈົ້າເມືອງປາກອູ ໄດ້ໃຫ້ຮູ້ວ່າ: ມີປະຊາຊົນຈໍານວນ 17 ບ້ານ, 347 ຫລັງຄາເຮືອນ ແລະ 1.088 ຄອບຄົວ ທີ່ຮັບຜົນກະທົບຈາກໂຄງການດັ່ງກ່າວ, ປັດຈຸບັນພວກເຂົາໄດ້ຍົກຍ້າຍມາຢູ່ເຂດຈັດສັນໃໝ່ເປັນທີ່ຮຽບຮ້ອຍແລ້ວ. ເຊິ່ງໄລຍະຜ່ານມາ, ອຳນາດການປົກຄອງ ແລະ ພາກສ່ວນກ່ຽວຂ້ອງເມືອງໄດ້ເອົາໃຈໃສ່ປະສານສົມທົບກັບຜູ້ພັດທະນາໂຄງການ ລົງສໍາຫລວດເກັບກຳຂໍ້ມູນຄວາມຕ້ອງການໃນການປະກອບອາຊີບ ລວມມີ: ການລ້ຽງປາກະຊັງ, ລ້ຽງກົບ, ປູກເຫັດ, ຈັກສານ, ຕໍ່າຫູກ ແລະ ລ້ຽງສັດປີກອື່ນໆ ເພື່ອສ້າງລາຍຮັບໃຫ້ແກ່ປະຊາຊົນເພື່ອເຮັດໃຫ້ຊີວິດການເປັນຢູ່ຂອງເຂົາເຈົ້າດີຂຶ້ນ.

ໂຄງການກໍ່ສ້າງເຂື່ອນນ້ຳອູ 1 ຄືບໜ້າຫລາຍກວ່າ 40% - Wave100S AD to Website 2020 0 - ໂຄງການກໍ່ສ້າງເຂື່ອນນ້ຳອູ 1 ຄືບໜ້າຫລາຍກວ່າ 40%
ໂຄງການກໍ່ສ້າງເຂື່ອນນ້ຳອູ 1 ຄືບໜ້າຫລາຍກວ່າ 40% - WhatsApp Image 2020 05 27 at 5 - ໂຄງການກໍ່ສ້າງເຂື່ອນນ້ຳອູ 1 ຄືບໜ້າຫລາຍກວ່າ 40%
ໂຄງການກໍ່ສ້າງເຂື່ອນນ້ຳອູ 1 ຄືບໜ້າຫລາຍກວ່າ 40% - WhatsApp Image 2020 05 27 at 5 - ໂຄງການກໍ່ສ້າງເຂື່ອນນ້ຳອູ 1 ຄືບໜ້າຫລາຍກວ່າ 40%
error: Alert: ເນື້ອຫາຂ່າວມີລິຂະສິດ !!