ພາກລັດ ແລະ ເອກະຊົນຫາລືປັບປຸງສະພາບແວດລ້ອມທີ່ອໍານວຍແກ່ທຸລະກິດ

ພາກລັດ ແລະ ເອກະຊົນຫາລືປັບປຸງສະພາບແວດລ້ອມທີ່ອໍານວຍແກ່ທຸລະກິດ - Thongloun - ພາກລັດ ແລະ ເອກະຊົນຫາລືປັບປຸງສະພາບແວດລ້ອມທີ່ອໍານວຍແກ່ທຸລະກິດ
ພາກລັດ ແລະ ເອກະຊົນຫາລືປັບປຸງສະພາບແວດລ້ອມທີ່ອໍານວຍແກ່ທຸລະກິດ - Untitled design - ພາກລັດ ແລະ ເອກະຊົນຫາລືປັບປຸງສະພາບແວດລ້ອມທີ່ອໍານວຍແກ່ທຸລະກິດ

ໃນວັນທີ 5 ກໍລະກົດ 2018 ຢູ່ໂຮງແຮມດອນຈັນພາເລດ, ນະຄອນຫລວງວຽງຈັນ, ໄດ້ມີກອງປະຊຸມທຸລະກິດລາວຄັ້ງທີ 11 ໂດຍການເປັນປະທານຂອງທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ແລະ ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກໍາແຫ່ງຊາດ (ສຄອຊ) ແລະ ໃຫ້ກຽດເຂົ້າຮ່ວມຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາລັດຖະມົນຕີ, ຮອງລັດຖະມົນຕີ, ຜູ້ຕາງໜ້າຈາກພາກລັດ, ພາກທຸລະກິດ, ອົງການຈັດຕັ້ງ ແລະ ຄູ່ຮ່ວມພັດທະນາເຂົ້າຮ່ວມເປັນຈໍານວນຫລາຍ.

ທ່ານລັດຖະມົນຕີກະຊວງອຸດສາຫະກໍາ ແລະ ການຄ້າ ກ່າວວ່າ: ກອງປະຊຸມນີ້ ເພື່ອປຶກສາຫາລືຄວາມຄືບໜ້າໃນການແກ້ໄຂບັນຫາຫຍຸ້ງຍາກຕ່າງໆທີ່ພາກທຸລະກິດໄດ້ປະເຊີນ ແລະ ແຜນການຂອງລັດຖະບານໃນການປັບປຸງສະພາບແວດລ້ອມຂອງການດຳເນີນທຸລະກິດໃນລາວ ແລະ ສິ່ງສຳຄັນແມ່ນຕ້ອງຮັບປະກັນວ່າບັນດາລະບຽບກົດໝາຍທີ່ໄດ້ສ້າງຂຶ້ນມານັ້ນແມ່ນໄດ້ຈັດຕັ້ງປະຕິບັດຢ່າງມີປະສິດທິພາບ.

ທ່ານ ອຸເດດ ສຸວັນນະວົງ ກ່າວວ່າ: ຜົນສຳເລັດຂອງກອງປະຊຸມຄັ້ງຜ່ານມາເຫັນວ່າຂະບວນການປຶກສາຫາລືລະຫວ່າງພາກລັດ ແລະ ພາກທຸລະກິດ ແມ່ນໄດ້ຮັບການປັງປຸງດີຂຶ້ນໃນທຸກລະດັບ, ໂດຍສະເພາະພາກລັດໄດ້ເອົາໃຈໃສ່ການແກ້ໄຂບັນຫາຂອງພາກທຸລະກິດຢ່າງເປັນຮູບປະທຳ ແລະ ມີ 4 ບັນຫາບຸລິມະສິດທີ່ໄດ້ຮັບການແກ້ໄຂເກືອບສົມບູນ ແລະ ແຕ່ລະບັນຫາໄດ້ມີຄວາມຄືບໜ້າທີ່ດີ ແລະ ກອງປະຊຸມຄັ້ງນີ້ມີການປຶກສາຫາລືໃນບັນຫາສໍາຄັນຄື: ການສົ່ງຄືນເງິນອາກອນເພີ່ມ ແລະ ບັນຫາອາກອນຊົມໃຊ້ອິນເຕີເນັດ, ການນຳເຂົ້າສິນຄ້າ ແລະ ວັດຖຸດິບທີ່ໄດ້ຮັບການຍົກເວັ້ນພາສີ ແລະ ອາກອນມູນຄ່າເພີ່ມພາຍໃຕ້ກົດໝາຍສົ່ງເສີມການລົງທຶນທີ່ຕ້ອງຜ່ານຫລາຍຂອດຫລາຍຂັ້ນ ແລະ ໃຊ້ເວລາດົນ, ການນຳເຂົ້າສິນຄ້າຜ່ານດ່ານປະເພນີທີ່ມີລັກສະນະການຄ້າ, ລາຄາຂົນສົ່ງສິນຄ້າພາຍໃນ ແລະ ຕ່າງປະເທດແພງ, ຂັ້ນຕອນການຂໍອະນຸຍາດຂົນສົ່ງສຳລັບການຂົນສົ່ງສິນຄ້າຜ່ານແດນ ແລະ ບັນຫາອຸປະສັກຕໍ່ການພັດທະນາຂະແໜງການທ່ອງທ່ຽວ. ພິເສດກອງປະຊຸມແມ່ນໄດ້ຮັບຟັງການໂອ້ລົມຈາກ ທ່ານນາຍົກລັດຖະມົນຕີ ທອງລຸນ ສີສຸລິດ, ຊຶ່ງໄດ້ເນັ້ນໃຫ້ເຫັນຄວາມຈຳເປັນໃນການສົ່ງເສີມການພັດທະນາພາກທຸລະກິດໃຫ້ມີຄວາມເຂັ້ມແຂງ, ໂດຍຜ່ານຂະບວນການປັງປຸງລະບຽບກົດໝາຍຕ່າງໆທີ່ຕິດພັນກັບການດຳເນີນທຸລະກິດໃນລາວ.

ພາກລັດ ແລະ ເອກະຊົນຫາລືປັບປຸງສະພາບແວດລ້ອມທີ່ອໍານວຍແກ່ທຸລະກິດ - Wave100S AD to Website 2020 0 - ພາກລັດ ແລະ ເອກະຊົນຫາລືປັບປຸງສະພາບແວດລ້ອມທີ່ອໍານວຍແກ່ທຸລະກິດ
ພາກລັດ ແລະ ເອກະຊົນຫາລືປັບປຸງສະພາບແວດລ້ອມທີ່ອໍານວຍແກ່ທຸລະກິດ - WhatsApp Image 2020 05 27 at 5 - ພາກລັດ ແລະ ເອກະຊົນຫາລືປັບປຸງສະພາບແວດລ້ອມທີ່ອໍານວຍແກ່ທຸລະກິດ
ພາກລັດ ແລະ ເອກະຊົນຫາລືປັບປຸງສະພາບແວດລ້ອມທີ່ອໍານວຍແກ່ທຸລະກິດ - WhatsApp Image 2020 05 27 at 5 - ພາກລັດ ແລະ ເອກະຊົນຫາລືປັບປຸງສະພາບແວດລ້ອມທີ່ອໍານວຍແກ່ທຸລະກິດ
error: Alert: ເນື້ອຫາຂ່າວມີລິຂະສິດ !!