ການໃສ່ໜ້າກາກອະນາໄມຢ່າງຖືກຕ້ອງ

ການໃສ່ໜ້າກາກອະນາໄມຢ່າງຖືກຕ້ອງ - 010507 2018 - ການໃສ່ໜ້າກາກອະນາໄມຢ່າງຖືກຕ້ອງ
ການໃສ່ໜ້າກາກອະນາໄມຢ່າງຖືກຕ້ອງ - Untitled design - ການໃສ່ໜ້າກາກອະນາໄມຢ່າງຖືກຕ້ອງ

ຜ້າອັດດັງ ຫລື ໜ້າກາກອະນາໄມ ແມ່ນຜ້າທີ່ໃຊ້ປິດປາກ ຫລື ດັງ, ມີທັງແບບຄ້ອງຫູ ແລະ ຄາດຫົວ ໂດຍສ່ວນຫລາຍສາຍ ຄ້ອງຫູຈະເປັນຢາງຍືດ. ໜ້າກາກອະນາໄມໃຊ້ໃນການແພດ, ປ້ອງກັນຂີ້ຝຸ່ນ ແລະ ເກສອນດອກໄມ້, ລະອອງນຳ້ລາຍ ແລະ ອື່ນໆ. ສາມາດປ້ອງກັນການແຜ່ກະຈາຍໂຕຂອງເຊື້ອພະຍາດທີ່ຕິດຕໍ່ທາງການຫາຍໃຈໄດ້ງ່າຍ ແລະ ໄດ້ຜົນກ່ວາວິທີອື່ນ. ໃນຕ່າງປະເທດ ໂດຍສະເພາະຍີ່ປຸ່ນ ເປັນເລື່ອງປົກກະຕິທຳມະດາຂອງປະຊາຊົນທີ່ມີຄວາມລຶ້ງເຄີຍ ແລະ ມີພຶດຕິກຳໃນການປ້ອງກັນພະຍາດຕິດຕໍ່,  ແຕ່ສຳລັບບ້ານເຮົາການເຫັນຄົນໃສ່ໜ້າກາກອະນາໄມຖືວ່າເປັນເລື່ອງແປກ, ບາງຄົນໜ້າລັງກຽດ ແລະ ຄິດວ່າຜູ້ນັ້ນຕ້ອງເຕັບປ່ວຍ. ແຕ່ຄວາມຈິງບໍ່ໄດ້ມີຫຍັງຜິດປົກກະຕິຂະໜາດນັ້ນ ເຊິ່ງການໃສ່ໜ້າກາກອະນາໄມໃນເວລາຂີ່ລົດຈັກກໍຊ່ວຍປ້ອງກັນຂີຝຸ່ນ, ຝຸ່ນລະອອງ ຫລື ຄັວນຕ່າງໆໄດ້ ທັງຍັງສະອາດກ່ວາຜ້າອັດປາກທີ່ໃຊ້ຫລາຍເທື່ອແລ້ວຊັກ (ບາງຄົນກໍຂີ້ຄ້ານຊັກ).

ການໃສ່ໜ້າກາກອະນາໄມທີ່ຖືກຕ້ອງນັ້ນ ສ່ວນຫລາຍໜ້າກາກອະນາໄມຈະມີ 2 ສີ ຄື : ສີຟ້າ ແລະ ສີຂຽວ, ສ່ວນທາງໃນຈະ  ເປັນສີຂາວ, ຄວາມໜາບາງກໍແຕກຕ່າງກັນຕາມລະດັບຄຸນນະພາບ, ມີບາງຄົນບອກຕໍ່ໆມາວ່າ ຖ້າໃຜຢາກໃສ່ໜ້າກາກອະນາໄມ ເພື່ອປ້ອງກັນເຊື້ອພະຍາດໃຫ້ເອົາເບື້ອງສີຂຽວ ຫລື ສີຟ້າອອກ, ສ່ວນຖ້າໃຜໃສ່ເພື່ອປ້ອງກັນການປ່ອຍເຊື້ອພະຍາດແມ່ນໃຫ້ປີ້ນເອົາເບື້ອງສີຂາວອອກ ເຊິ່ງແນວຄິດນີ້ບໍ່ແມ່ນຄວາມຈິງເລີຍ ເພາະວ່າຈະເອົາເບື້ອງໃດອອກ ເບື້ອງໃດເຂົ້າກໍມີຜົນຄືກັນ ເພາະແຜ່ນກັ່ນຕອງແມ່ນຢູ່ຊັ້ນກາງ, ແຕ່ສ່ວນທີ່ສຳຄັນຄວນເອົາໃຈໃສ່ຫລາຍຂຶ້ນກໍແມ່ນຫລັກບ່ອນຢູ່ຂອງຂອບໜ້າກາກອະນາໄມທາງເທິງຄວນໃຫ້ຕິດກັບສັນດັງ ລົມຫາຍໃຈຈຶ່ງບໍ່ຮົ່ວຊຶມ ບໍ່ດັ່ງນັ້ນກໍເທົ່າກັບວ່າບໍ່ໄດ້ປ້ອງກັນຫຍັງເລີຍ.

ການໃສ່ໜ້າກາກອະນາໄມຢ່າງຖືກຕ້ອງ - Wave100S AD to Website 2020 0 - ການໃສ່ໜ້າກາກອະນາໄມຢ່າງຖືກຕ້ອງ

ແພດຍັງແນະນຳຕື່ມອີກວ່າ ຫລັງຈາກຖອດໜ້າກາກອະນາໄມຖິ້ມແລ້ວໃຫ້ລ້າງມືທຸກເທື່ອ ເພາະມັນແມ່ນແຜ່ນກອງເຊື້ອພະຍາດ ແລະ ຄວນໃຊ້ພຽງເທື່ອດຽວ ໃນມື້ດຽວເທົ່ານັ້ນ ຖ້າໃຊ້ຕິດຕໍ່ກັນຈະເປັນການສະສົມເຊື້ອພະຍາດ. ຮູ້ແບບນີ້ແລ້ວຢ່າລືມພາກັນໃຊ້ໜ້າກາກອະນາໄມໃຫ້ຖືກຕ້ອງເພື່ອສຸຂະອະນາໄມທີ່ດີຂອງທຸກຄົນ.

ການໃສ່ໜ້າກາກອະນາໄມຢ່າງຖືກຕ້ອງ - WhatsApp Image 2020 05 27 at 5 - ການໃສ່ໜ້າກາກອະນາໄມຢ່າງຖືກຕ້ອງ
ການໃສ່ໜ້າກາກອະນາໄມຢ່າງຖືກຕ້ອງ - WhatsApp Image 2020 05 27 at 5 - ການໃສ່ໜ້າກາກອະນາໄມຢ່າງຖືກຕ້ອງ
error: Alert: ເນື້ອຫາຂ່າວມີລິຂະສິດ !!