ສຸຂະພາບດີສ້າງໄດ້ດ້ວຍ 5 ວິທີ
July 8, 2018 - 2:39 PM
- ການເລືອກກິນອາຫານ: ການເລືອກກິນອາຫານໃຫ້ເໝາະສົມ ຮ່າງກາຍຈະນໍາໄປພັດທະນາ ແລະ ຊ່ອມແຊມໃນສ່ວນຕ່າງໆ, ຄວນຫຼຸດອາຫານທີ່ມີແຄລໍຣີສູງ ເຊັ່ນ: ອາຫານຈືນ ຫຼືອາຫານທີ່ມີໄຂມັນຫຼາຍ ເພາະຫາກຮ່າງກາຍເຜົນຜານບໍ່ໝົດ ກໍຈະກາຍເປັນໄຂມັນສະສົມໃນຮ່າງກາຍໃນທີ່ສຸດ ທາງທີ່ດີຄວນກິນອາຫານໃຫ້ຄົບ 5 ໝູ່ໃນປະລິມານທີ່ເໝາະສົມ ເລືອກກິນແຕ່ອາຫານທີ່ມີປະໂຫຍດ.
- ບໍລິຫານສະໝອງ: ກໍເປັນອີກສ່ວນໜຶ່ງວິທີທີ່ຊ່ວຍເສີມສ້າງສຸຂະພາບທີ່ດີໄດ້ ລອງຊອກເກມຝຶກສະໝອງມາຫຼິ້ນ
- ພັກສາຍຕາຈາກການເສບຕິດການຫຼິ້ນໂທລະສັບ: ເພາະການຕິດສິ່ງດັ່ງກ່າວຫຼາຍເກີນໄປ ອາດເຮັດໃຫ້ກ້າມຊີ້ນດວງຕາເມື່ອຍລ້າ ຫຼືຕາແຫ້ງ ເພາະຕ້ອງຈ້ອງເບິ່ງແຕ່ໜໍຈໍເປັນເວລາດົນ ອາດເຮັດໃຫ້ມີອາການເບີ, ສາຍຕາຟ້າມົວ ຫຼືສາຍຕາສັ້ນໄດ້ ທາງທີ່ດີຄວນພັກຜ່ອນສາຍຕາ ແລະ ບໍລິຫານດວງຕາດ້ວຍ ການກະພິບຕາ, ເຫຼືອກຕາໄປມາເພື່ອປ້ອງກັນຕາແຫ້ງ ຫຼືເບິ່ງໄປຍັງວັດຖຸທີ່ຢູ່ໄກ ຈະຊ່ວຍໃຫ້ຜ່ອນຄາຍດວງຕາລົງໄດ້ ແລະ ຖ້າຫຼຸດການຫຼິ້ນ ໂທລະສັບລົງ ກໍຈະເຮັດໃຫ້ບໍ່ຕ້ອງຄຽດຈາການເສບຂ່າວ ແລະ ສຸຂະພາບຈິດດີຂຶ້ນ.
- ອອກກໍາລັງກາຍ: ການອອກກໍາລັງກາຍ ນອກຈາກຈະຊ່ວຍໄດ້ສຸຂະພາບທີ່ດີ ເພາະອະໄວຍະວະພາຍໃນຮ່າງກາຍຈະທໍາງານໄດ້ຢ່າງມີປະສິດທິພາບແລ້ວ ຍັງເຮັດໃຫ້ເຮົາມີພູມຕ້ານທານຫ່າງໄກພະຍາດຕ່າງໆ, ສຸຂະພາບຈິດທີ່ດີກໍຕາມມາ.
- ພັກຜ່ອນໃຫ້ພຽງພໍ: ເມື່ອເຮັດກິດຈະວັດຕ່າງໆໃນແຕ່ລະມື້ຮຽບຮ້ອຍແລ້ວ ການພັກຜ່ອນທີ່ດີຄືການນອນ ເພາະຮ່າງກາຍຈະໄດ້ຊ່ອມແຊມຟື້ນຟູໄດ້ຢ່າງເຕັມທີ່ ຄວນນອນໃຫ້ຄົບ 8 ຊົ່ວໂມງ ແລະ ນອນໃຫ້ເປັນເວລາ ເພາະການນອນເດິກເກີນໄປຮ່າງກາຍອາດເມື່ອຍລ້າໄດ້ ອີກທັງຍັງມີຜົນເສຍຕາມມາ ທາງທີ່ດີຄວນພັກຜ່ອນໃຫ້ພຽງພໍ ເມື່ອຕື່ນມາຮັບມື້ໃໝ່ຮ່າງກາຍຈະໄດ້ສົດຊື່ນ ແລະ ຕື່ນຕົວຕະຫຼອດທັງວັນ ສຸຂະພາບຮ່າງກາຍກໍຈະຕາມມາ.