ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ

ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ - L bdddb68b9a7a9h9fea8f7 - ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ
ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ - Untitled design - ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ

ໂດຍ: ທິດກ່ຳ

ດັ່ງທີ່ຮູ້ຂ່າວຄາວໃນສື່ ຕ່າງໆ ລວມທັງສື່ສັງຄົມ ອອນລາຍ ກ່ຽວກັບເຫດການ ໄດ້ເກີດຂຶ້ນກັບເດັກເຍົາວະ ຊົນທິມເຕະບານໝູປ່າອາ ຄະເຄມີຈຳນວນ 13 ຄົນ ທີ່ໄດ້ ເຂົ້າໄປທ່ຽວໃນຖ້ຳຫລວງ ຂຸນນ້ຳນາງນອນເຂດຕຳບົນໂປງຜາ, ອຳເພີແມ່ສາຍ, ຈັງ ຫວັດຊຽງລາຍ ນັບແຕ່ວັນ ທີ 23 ມິຖຸນາຈົນຮອດເວລາ 22 ໂມງກວ່າໆຂອງວັນທີ 2 ກໍລະກົດ, ໜ່ວຍລົບພິເສດ (SEAL) ໂດຍແມ່ນນັກດຳ ນ້ຳຂອງປະເທດອັງກິດສາ ມາດໄປພົບເຫັນພວກເຂົາ ຕິດຢູ່ໃນໂພງຖ້ຳ. ອັນສາເຫດ ທີ່ບໍ່ສາມາດອອກມາໄດ້ກໍ ຍ້ອນໃນຊ່ວງນັ້ນເກີດມີຝົນ ຕົກໜັກເຮັດໃຫ້ນ້ຳຖ້ວມອັ່ງ ອັດຮູຖ້ຳ, ຍັງພໍໄຄແດ່ແຕ່ວ່າ ໃນຈຸດທີ່ພວກເດັກເຂົາຢູ່ນັ້ນ ມີໂຂດນົມຫີນໃຫຍ່ທີ່ສາມາດ ຢູ່ໄດ້ເພື່ອລົບຫລີກນ້ຳ, ແຕ່ ຖ້າແມ່ນຢູ່ຈຸດອື່ນທີ່ມີແຕ່ ໂພງ ຖ້ຳລ້າໆບໍ່ມີບ່ອນເພິ່ງແລ້ວ ແມ່ນອາດພາກັນຕາຍຖວາຍ ຊີວິດຢູ່ໃນຖ້ຳ.
ຈາກເຫດການ ທີ່ເກີດ ຂຶ້ນນີ້, ໃນເບື້ອງຕົ້ນຄົນສ່ວນ ຫລາຍກໍເວົ້າວ່າອາດເນື່ອງ ດ້ວຍຫລາຍສາເຫດລາມໄປ ຮອດ ຄວາມເຊື່ອທີ່ໄດ້ກ້ຽວພັນ ແລະ ຄວາມຝັນຂອງຄົນໃນ ທ້ອງຖິ່ນ ທັງຢູ່ໃກ້ ແລະ ໄກ, ໝໍດູ, ໝໍເຍົາ, ທັງໝໍທັກ ໄມ້ໄລ່ຍາມກໍວ່າເປັນນຳເດັກ ບາງຄົນເມື່ອເຂົ້າໄປໃນຖ້ຳ ແລ້ວກະທຳສິ່ງທີ່ບໍ່ດີເຊັ່ນ: ຂີດຂຽນແຕ້ມຮອຍຕີນ, ຮອຍ ລິງ ລາຍໃສ່ຝາຜະໜັງຖ້ຳ ອັນເປັນບ່ອນສັກສິດ, ບາງຄົນ ກໍຈັບບາຍເອົາເຄື່ອງຄ້ຳ ຂອງຄູນໃນຖ້ຳ ຈຶ່ງເກີດມີອາ ເພດຖືກເຈົ້າຖິ່ນເຈົ້າຖານລົງ ໂທດເຮັດໃຫ້ເກີດຝົນຕົກໜັກກະທັນຫັນນ້ຳຖ້ວມອັດຮູຖ້ຳ. ມີບາງຄົນກໍຝັນຈາກທາງໄກວ່າມີເຈົ້າແມ່ນາງນອນທີ່ເປັນມະເຫສັກຫລັກເມືອງເຝົ້າຖ້ຳຢູ່ທີ່ນັ້ນໄດ້ຄອງຄອຍພະອາ ຈານຄູບາ ບຸນຊຸ່ມ ມາໄດ້ 300 ປີແລ້ວທີ່ເປັນຕົ້ນເຫດໜ່ວງ ໜ່ຽວທາງດ້ານຈິດໃຈ ຍ້ອນ ມີເວນກຳນຳກັນມາແຕ່ຊາດປາງກ່ອນດັ່ງທີ່ເປັນໃນຕຳ ນານພື້ນແຜ່ນພູເຂົານາງນອນ.

ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ - d7aa0e28eff28de772157bdc7fb17bd1 - ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ
(ພາບປະກອບ)

ເຍົາວະຊົນເປັນຊັບພະຍາກອນອັນປະເສີດຂອງຊາດ

ນັກເຕະເຍົາວະຊົນລາວເດີນທາງເຂົ້າຮ່ວມກິດຈະກໍາ ເພື່ອມິດຕະພາບທີ່ລັດເຊຍ ກ່ອນເປີດບານໂລກ 2018

ກ່າວເຖິງຄວາມເຊື່ອ ຂອງພວກເຮົາແລ້ວ, ໂດຍສະ ເພາະແມ່ນເຊື້ອຊາດລາວ, ຄົນລາວເຮົາແຕ່ດຶກດຳບັນ ໄດ້ສືບທອດກັນມາແຕ່ຍຸກ ຂຸນບູລົມ ຫລື ຍຸກຂອງເຈົ້າ ຟ້າງຸ່ມມະຫາລາດຕໍ່ໆກັນ ມາຫລາຍເຊັ່ນຄົນພວກເຮົາ ເຄີຍນັບຖືມະເຫສັກຫລັກ ເມືອງ ແລະ ພາກັນນັບຖືສາ ສະໜາພຸດໂດຍລວມຍັງເປັນທີ່ເພິ່ງ ແລະ ໜ່ວງໜ່ຽວຈິດ ໃຈຈົນກາຍ ເປັນຈິດຕະສາດ ສັງຄົມຂອງຜູ້ມີສັດທາຈົນ ຜອງເທົ້າປັດຈຸບັນ.

ແຕ່ວ່າມາໃນຍຸກນີ້, ແມ່ນຍຸກວັດຖຸນິຍົມສັດຈະວິ ພາກໄດ້ມາຄອບງຳກາຍເປັນວິທະຍາສາດສັງຄົມ ຫລື ເອີ້ນ ກັນຢ່າງໜຶ່ງວ່າລັດທິວັດຖຸນິ ຍົມສັດຈະວິພາກ ໄດ້ເຂົ້າມາ ຕາມຍຸກຕາມສະໄໝ ກໍເລີຍ ເຮັດໃຫ້ຄວາມຈິງທາງດ້ານວິທະຍາດນັບມື້ແຂງແຮງ ແລະ ຂະຫຍາຍຕົວໄປເລື້ອຍໆ, ຈຶ່ງ ສາມາດຄອບງຳສັງຄົມຂອງຄົນເຮົາເໝືອນດັ່ງເຫັນກັນໃນທຸກວັນນີ້.

ແນວໃດກໍຕາມ, ມາຮອດ ຍຸກປັດຈຸບັນ, ສຳລັບຜູ້ມີສັດ ທາທາງຈິດຕະນິຍົມກໍຍັງຖື ວ່າຄວາມເຊື່ອຍັງເປັນສິ່ງລຶກລັບ, ຍັງເປັນຈິດວິນຍານອັນ ວິເສດທີ່ບໍ່ສາມາດເບິ່ງເຫັນ ຕົນເຫັນໂຕ ແລະ ເປັນທີ່ເພິ່ງ ໜ່ວງໜ້ຽວຈິດໃຈຂອງຊາວພຸດເຮົາ, ເຊິ່ງປັດຊະຍາທາງ ພຸດເພິ່ນເອີ້ນວ່າ “ກັມ ຫລື ກຳ” ນັ້ນເອງ.

ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ - Wave100S AD to Website 2020 0 - ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ

ຈາກເຫດການ ທີ່ເກີດຂຶ້ນ ກັບເດັກນັກກິລາທິມໝູປ່າ 13 ຄົນນີ້, ຖ້າເຮົາເບິ່ງໃນແງ່ວິ ທະຍາສາດ ກໍວ່າໃນຂະນະທີ່ ພວກເຂົາພາກັນເຂົ້າໄປທ່ຽວ ໃນ ຖ້ຳເປັນຊ່ວງທີ່ຝົນຕົກ ໜັກຈົນເຮັດໃຫ້ຖ້ວມອັດຮູຖ້ຳ ໃນບາງຈຸດເຂົາຈຶ່ງບໍ່ສາມາດ ອອກມາໄດ້.

ຕາມທິດກ່ຳວ່າ, ຈາກ ເຫດຜົນທີ່ໄດ້ຍົກມານີ້ ອາດ ເປັນບົດຮຽນສຳລັບພວກເຮົາຍ້ອນວ່າຊ່ວງນີ້ເປັນລະດູຝົນຈະໄປທ່ອງທ່ຽວຢູ່ໃສຂຶ້ນ ເໜືອລ່ອງໃຕ້, ໄປຕາມດິນ ບິນບົນກໍຂໍໃຫ້ຄິດຖ້ວນຖີ່ມີ ສະຕິຮອບຄອບ ອັນສຳຄັນ ທີ່ສຸດແມ່ນໃຫ້ພາກັນຕິດຕາມສະພາບດິນຟ້າອາກາດຈາກອຸຕຸນິຍົມອຸທົກກະສາດ ເພາະ ຍາມນີ້ເປັນຍາມຝົນມັກມີເຫດແກ່ມະນຸດເປັນຕົ້ນເກີດນ້ຳ ຖ້ວມ, ເກີດພູເຈື່ອນ ທັບຖົມຄົນ ຕາຍ, ຂົວຂາດ, ທາງເພ, ເຂົ້າ ປ່າເຂົ້າດົງເຂົ້າຖ້ຳຮູພູເຂົາ ກໍຄວນລະວັງຢ້ານຜີດິບອາ ລະວາດ.

ຊາໃຈທິດກ່ຳ ຂໍວິ້ງວອນ ໃຫ້ມະເຫສັກຫລັກເມືອງ ຫລື ສິ່ງສັກສິດທີ່ມີຢູ່ພູເຂົາລຳ ເນົາໄພໄປບີບຄໍພວກຂາຍ ຢາເສບຕິດ, ພວກສໍ້ລາດບັງ ຫລວງກັບພວກໄປລັກຕັດ ໄມ້ຢູ່ປ່າສະຫງວນພາກັນ ຕາຍຊັກງັກແງ້ນໃຫ້ຄົນໃນ ທົ່ວສັງຄົມເຂົາຮູ້, ຈາກນັ້ນ ກໍພາກັນອອກຄລິບ, ໂພສ ອອກໃນສື່ອອນລາຍໃຫ້ ກວ້າງຂວາງ. ອັນນີ້ຊາຫຍັງ ກະໂຕຜີໃນປ່າພັດຍິ່ງຂີ້ຢ້ານ ຄົນພວກນີ້ກວ່າມະນຸດເຮົາ ຊ້ຳອີກ ຊາໄດ້ຍິນຄູບາອາ ຈານເພິ່ນເວົ້າຫລາຍຄົນ ຢູ່ໂລກທິບນັ້ນກໍມີພວກກິນ ຢາບ້າຢາເມົາ, ມີພວກລັກຕັດ ໄມ້ຄືກັນວ່າຊັ້ນໂອຍ! ຖ້າ ເປັນດັ່ງນັ້ນ, ຜູ້ຕາຍໄປກໍຍັງ ບໍ່ວິດເຄາະວິດກຳເນາະແມ່ ບັກລຳເຊ ເອີຍ!.

ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ - L bdddb68b9a7a9h9fea8f7 - ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ

ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ - WhatsApp Image 2020 05 27 at 5 - ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ
ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ - WhatsApp Image 2020 05 27 at 5 - ເຫດເກີດຂຶ້ນຢູ່ບ້ານເພິ່ນອາດເປັນບົດຮຽນສຳລັບພວກເຮົາ
error: Alert: ເນື້ອຫາຂ່າວມີລິຂະສິດ !!