ລັດຖະບານລາວປະດັບຫລຽນໄຊຊັ້ນ I ໃຫ້ກະຊວງພາຍໃນຫວຽດນາມ

ລັດຖະບານລາວປະດັບຫລຽນໄຊຊັ້ນ i ໃຫ້ກະຊວງພາຍໃນຫວຽດນາມ - padaplien - ລັດຖະບານລາວປະດັບຫລຽນໄຊຊັ້ນ I ໃຫ້ກະຊວງພາຍໃນຫວຽດນາມ
ລັດຖະບານລາວປະດັບຫລຽນໄຊຊັ້ນ i ໃຫ້ກະຊວງພາຍໃນຫວຽດນາມ - Untitled design - ລັດຖະບານລາວປະດັບຫລຽນໄຊຊັ້ນ I ໃຫ້ກະຊວງພາຍໃນຫວຽດນາມ

ໃນວັນທີ 4 ກໍລະກົດນີ້, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້ຕາງໜ້າໃຫ້ພັກ-ລັດຖະບານລາວປະດັບຫຽນໄຊອິດສະຫລະຊັ້ນ I ໃຫ້ກະຊວງພາຍໃນ ສສ.ຫວຽດນາມ ໃນໂອກາດທີ່ຄະນະຜູ້ແທນຂັ້ນສູງກະຊວງດັ່ງກ່າວເດີນທາງມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 3-7 ກໍລະກົດນີ້, ເຊິ່ງຕາງໜ້າຂຶ້ນຮັບໂດຍທ່ານ ເລ ວີ້ງເຕີນ ລັດຖະມົນຕີກະຊວງພາຍໃນແຫ່ງ ສສ.ຫວຽດນາມ, ໂດຍມີພາກສ່ວນກ່ຽວຂ້ອງສອງຝ່າຍເຂົ້າຮ່ວມຢ່າງພ້ອມພຽງ.

ໂອກາດນີ້, ທ່ານ ເລ ວີ້ງເຕີນ ໄດ້ຕາງໜ້າໃຫ້ພັກ-ລັດຖະບານຫວຽດນາມ ປະດັບຫລຽນໄຊອິດສະຫລະຊັ້ນ I ແລະ ມອບໃບຍ້ອງຍໍໃຫ້ແກ່ກະຊວງພາຍໃນ ສປປ ລາວ ກໍໍຄືກົມພັດທະນາການບໍລິຫານລັດ, ກົມເອກະສານແຫ່ງຊາດ, ກົມແຂ່ງຂັນ ແລະ ຍ້ອງຍໍ, ກົມການປົກຄອງທ້ອງຖິ່ນ, ກົມແຜນການ-ການຮ່ວມມື ແລະ ກົມແຜ່ນທີ່ແຫ່ງຊາດ. ພ້ອມນັ້ນ, ຍັງໄດ້ປະດັບຫລຽນໄຊອິດສະຫລະຊັ້ນ II ໃຫ້ທ່ານ ຄໍາໝັ້ນ ສູນວິເລັດ ລັດຖະມົນຕີກະຊວງພາຍໃນ ແລະ ປະດັບຫລຽນໄຊອິດສະຫລະຊັ້ນ III ໃຫ້ທ່ານ ຄໍາມູນ ວິພົງໄຊ, ທ່ານ ທອງຈັນ ມະນີໄຊ, ທ່ານ ສີພຸກ ວົງພັກດີ ແລະ ທ່ານ ວິໄຊ ພັນດານຸວົງ ຮອງລັດຖະມົນຕີກະຊວງພາຍໃນ.

ການປະດັບຫລຽນໄຊ ແລະ ມອບໃບຍ້ອງຍໍລະຫວ່າງສອງພັກ-ລັດຖະບານລາວ-ຫວຽດນາມໃນຄັ້ງນີ້, ເນື່ອງໂອກາດສະເຫລີມສະຫລອງ 2 ວັນປະຫວັດສາດລາວ-ຫວຽດນາມ ແລະ ເພື່ອເປັນການຍ້ອງຍໍຊົມເຊີຍຜົນງານການປະກອບສ່ວນຊຸກຍູ້ຊ່ວຍເຫລືອເຊິ່ງກັນ ແລະ ກັນ ລະຫວ່າງລາວ- ຫວຽດນາມ ທີ່ມີສາຍພົວພັນຮ່ວມມືກັນມາເປັນໄລຍະຍາວນານ, ເຊິ່ງກະຊວງພາຍໃນ ສສ ຫວຽດນາມ ໄດ້ມີຜົນງານການຮ່ວມມື ແລະ ການຊ່ວຍເຫລືອໃຫ້ແກ່ປະເທດລາວຫລາຍດ້ານ ເປັນຕົ້ນ: ຊ່ວຍເຫລືອວຽກງານແຂ່ງຂັນ-ຍ້ອງຍໍ, ວຽກງານສໍາເນົາເອກະສານ, ວຽກງານການປົກຄອງ, ວຽກງານຄຸ້ມຄອງພະນັກງານ-ລັດຖະກອນ, ການກໍ່ສ້າງ ແລະ ບໍາລຸງຍົກລະດັບພະນັກງານ, ການຢ້ຽມຢາມ ແລະ ແລກປ່ຽນບົດຮຽນຕະຫລອດຮອດການຊ່ວຍເຫລືອທາງດ້ານວັດຖຸອຸປະກອນ ແລະ ກໍ່ສ້າງອາຄານສະຖານທີ່ຕ່າງໆ, ເຊິ່ງການຮ່ວມມືຊ່ວຍເຫລືອຂອງກະຊວງພາຍໃນ ສສ ຫວຽດນາມ ແມ່ນການຊ່ວຍເຫລືອທີ່ລໍ້າຄ່າດ້ວຍຄວາມຈິງໃຈບໍລິສຸດຜຸດຜ່ອງ, ສະເໝີຕົ້ນສະເໝີປາຍ ແລະ ມີໝາກມີຜົນ ເປັນການປະກອບສ່ວນທີ່ສໍາຄັນ ແລະ ໃຫຍ່ຫລວງເຂົ້າໃນການພັດທະນາວຽກງານຂະແໜງພາຍໃນຂອງລາວໃຫ້ມີການເຕີບໃຫຍ່ຂະຫຍາຍຕົວຂຶ້ນເລື້ອຍໆ.

ລັດຖະບານລາວປະດັບຫລຽນໄຊຊັ້ນ i ໃຫ້ກະຊວງພາຍໃນຫວຽດນາມ - Wave100S AD to Website 2020 0 - ລັດຖະບານລາວປະດັບຫລຽນໄຊຊັ້ນ I ໃຫ້ກະຊວງພາຍໃນຫວຽດນາມ
ລັດຖະບານລາວປະດັບຫລຽນໄຊຊັ້ນ i ໃຫ້ກະຊວງພາຍໃນຫວຽດນາມ - WhatsApp Image 2020 05 27 at 5 - ລັດຖະບານລາວປະດັບຫລຽນໄຊຊັ້ນ I ໃຫ້ກະຊວງພາຍໃນຫວຽດນາມ
ລັດຖະບານລາວປະດັບຫລຽນໄຊຊັ້ນ i ໃຫ້ກະຊວງພາຍໃນຫວຽດນາມ - WhatsApp Image 2020 05 27 at 5 - ລັດຖະບານລາວປະດັບຫລຽນໄຊຊັ້ນ I ໃຫ້ກະຊວງພາຍໃນຫວຽດນາມ
error: Alert: ເນື້ອຫາຂ່າວມີລິຂະສິດ !!