ຄຊປປລ ເປີດນໍາທ່ຽວຫ້ອງວາງສະແດງມູນເຊື້ອ

ຄຊປປລ ເປີດນໍາທ່ຽວຫ້ອງວາງສະແດງມູນເຊື້ອ - show room - ຄຊປປລ ເປີດນໍາທ່ຽວຫ້ອງວາງສະແດງມູນເຊື້ອ
ຄຊປປລ ເປີດນໍາທ່ຽວຫ້ອງວາງສະແດງມູນເຊື້ອ - Untitled design - ຄຊປປລ ເປີດນໍາທ່ຽວຫ້ອງວາງສະແດງມູນເຊື້ອ

ພິທີເປີດການນຳທ່ຽວຫ້ອງວາງສະແດງມູນເຊື້ອຂອງສູນກາງຊາວໜຸ່ມປະຊາ ຊົນປະຕິວັດລາວ (ຄຊປປລ) ທີ່ສູນກາງດັ່ງກ່າວໄດ້ຈັດຂື້ນເມື່ອທ້າຍອາທິດຜ່ານມານີ້, ໂດຍການໃຫ້ກຽດເຂົ້າຮ່ວມຂອງທ່ານ ໄຊສົມພອນ ພົມວິຫານ ກຳມະ ການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ທັງເປັນ ຜູ້ຊີ້ນຳອົງການຈັດຕັ້ງມະຫາຊົນຂັ້ນສູນກາງ, ມີທ່ານ ອາລຸນໄຊ ສູນນະລາດ ກຳມະການສຳຮອງສູນກາງພັກ ສະມາຊິກສະພາແຫ່ງຊາດຊຸດທີ VIII ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ພ້ອມດ້ວຍຜູ້ຕາງໜ້າອົງການຈັດຕັ້ງມະຫາຊົນເຂົ້າຮ່ວມຢ່າງເປັນຈໍານວນຫລາຍ.

ການເປີດນໍາທ່ຽວຫ້ອງວາງສະແດງດັ່ງກ່າວ ເປັນກິດຈະກຳໜຶ່ງເພື່ອສະເຫລີມສະຫລອງວັນສ້າງຕັ້ງ ຄຊປປລ ຄົບຮອບ 63 ປີ (14 ເມສາ 1955-14 ເມສາ 2018) ເພື່ອໃຫ້ເປັນບ່ອນຮຽນຮູ້ ແລະ ສຶກສາຄົ້ນຄວ້າປະຫວັດສາດຂອງຊາວໜຸ່ມລາວບັນດາເຜົ່າຂອງຊາວໜຸ່ມ-ເຍົາວະຊົນ ແລະ ອະນຸຊົນລາວໄດ້ຮັບຮູ້ ແລະ ເຂົ້າໃຈແຈ້ງເຖິງປະຫວັດສາດ ແລະ ມູນເຊື້ອການເຄື່ອນໄຫວຕໍ່ສູ້ຢ່າງພິລະອາດຫານຂອງຊາວໜຸ່ມລາວບັນດາເຜົ່າໃນເມື່ອກ່ອນ ທີ່ໄດ້ເຮັດບົດບາດປະຈັນບານຕິດພັນກັບການເຕີບໃຫຍ່ຂະຫຍາຍຕົວຂອງພັກ, ໂດຍສະເພາະແມ່ນການປະກອບສ່ວນ ແລະ ເສຍສະຫລະເລືອດເນື້ອ ເພື່ອປົດປ່ອຍ ປະເທດຊາດອອກຈາກແອກປົກຄອງຂອງຕ່າງຊາດໃນແຕ່ລະຍຸກແຕ່ລະສະໄໝ ຈົນສາມາດຍາດໄດ້ຄວາມເປັນເອກະລາດແຫ່ງຊາດ ແລະ ຜືນແຜ່ນດິນອັນຄົບຖ້ວນ ແລະ ສະຖາປະນາເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ກໍຄືປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດ ທະນາປະເທດຊາດໃນປັດຈຸບັນ.

ຄຊປປລ ເປີດນໍາທ່ຽວຫ້ອງວາງສະແດງມູນເຊື້ອ - Wave100S AD to Website 2020 0 - ຄຊປປລ ເປີດນໍາທ່ຽວຫ້ອງວາງສະແດງມູນເຊື້ອ
ຄຊປປລ ເປີດນໍາທ່ຽວຫ້ອງວາງສະແດງມູນເຊື້ອ - WhatsApp Image 2020 05 27 at 5 - ຄຊປປລ ເປີດນໍາທ່ຽວຫ້ອງວາງສະແດງມູນເຊື້ອ
ຄຊປປລ ເປີດນໍາທ່ຽວຫ້ອງວາງສະແດງມູນເຊື້ອ - WhatsApp Image 2020 05 27 at 5 - ຄຊປປລ ເປີດນໍາທ່ຽວຫ້ອງວາງສະແດງມູນເຊື້ອ
error: Alert: ເນື້ອຫາຂ່າວມີລິຂະສິດ !!