ເບ້ຍຕົ້ນຕາເວັນອ່ອນດີຕໍ່ສຸຂະພາບ

ເບ້ຍຕົ້ນຕາເວັນອ່ອນດີຕໍ່ສຸຂະພາບ - 010607 2018 -  ເບ້ຍຕົ້ນຕາເວັນອ່ອນດີຕໍ່ສຸຂະພາບ
ເບ້ຍຕົ້ນຕາເວັນອ່ອນດີຕໍ່ສຸຂະພາບ - Untitled design -  ເບ້ຍຕົ້ນຕາເວັນອ່ອນດີຕໍ່ສຸຂະພາບ

ເບ້ຍຕົ້ນຕາເວັນອ່ອນ ເປັນພືດທີ່ມີແຫ່ລງໄຂມັນຊະນິດທີ່ດີຕໍ່ຮ່າງກາຍ, ມີໄຍອາຫານທີມີປະໂຫຍດຕໍ່ລະບົບຂັບຖ່າຍ, ເປັນ ແຫ່ລງໂປຣຕິນ, ທາດເຫລັກ, ທາດການຊຽມ. ນອກຈາກນີ້ ຍັງມີກົດ Linoleic ໃນປະລິມານຫລາຍທີ່ຊ່ວຍບຳລຸງສະໝອງ ແລະ ກະດູກໃຫ້ແຂງແຮງ ທັງອຸດົມໄປດ້ວຍວິຕາມິນອາ, ວິຕາມິນເບ 2, ວິຕາມິນເອີ, ວິຕາມິນເດ, ວິຕາມິນກາ, ໂອເມກ້າ3, 6 ແລະ 9 ພ້ອມທັງມີໂຟເລດຫລາຍ ຊ່ວຍເພີ່ມພູມຕ້ານທານໃຫ້ແກ່ຮ່າງກາຍ, ປ້ອງກັນພະຍາດຫົວໃຈ, ພະຍາດມະເຮັງ ແລະ ຊ່ວຍໃຫ້ລະບົບຂັບຖ່າຍເຮັດວຽກດີຂຶ້ນ.

ຕົ້ນດອກຕາເວັນອ່ອນມີໂປຣຕິນຫລາຍກ່ວາຜັກກາດຂຽວເຖິງ2 ເທົ່າ, ມີວິຕາມິນອາ, ເບ 2, ເອີ, ເດ ແລະ ກາ ທັງຍັງມີວິຕາມິນອາຫລາຍກ່ວານຳ້ມັນເຂົ້າໂຮຫວີດ ແລະ ຖົ່ວເຫລືອງເຖິງ 3 ເທົ່າ ເມື່ອເອົາແກ່ນດອກຕາເວັນມາຕອນທີ່ຍັງອ່ອນໆ ຄຸນຄ່າທາງສານອາຫານຈະເພີ່ມຂຶ້ນຫລາຍ ເຊັ່ນ : ມີໂປຣຕິນຫລາຍກ່ວາຖົ່ວເຫລືອງ, ມີວິຕາມິນອາຫລາຍ, ຊ່ວຍບຳລຸງສາຍຕາ, ຜິວໜັງ ແລະ ເຮັດໃຫ້ນານເຖົ້າ. ປະຈຸບັນເບ້ຍຕົ້ນອ່ອນຂອງດອກຕາເວັນຖືກເອົາໄປເປັນອາຫານ ແລະ ມີສູດການປຸງແຕ່ງຫລາຍຢ່າງ ເຊັ່ນ : ຂົ້ວ, ແກງຈືດ ຫລື ເຮັດເປັນຜັກໃສ່ນຳ້ຍຳສະຫລັດ, ລວກຈຳ້ແຈ່ວ ຫລື ໃຊ້ແທນຖົ່ວງອກກໍໄດ້. ຂະບວນການໃນການປູກຕົ້ນດອກຕາເວັນອ່ອນນັ້ນງ່າຍໆ ແລະ ບໍ່ຈຳເປັນຕ້ອງໃຊ້ສານເຄມີ ຫລື ຢາຂ້າແມງໄມ້ໃດໆ ຈຶ່ງເຮັດໃຫ້ເຮົາໝັ້ນໃຈວ່າປອດໄພຈາກສານເຄມີຕົກຄ້າງ. ສຳລັບໄລຍະເວລາການເຕີບໃຫຍ່ຂອງເບ້ຍດອກຕາເວັນແມ່ນປະມານ 1 – 2 ອາທິດກໍສາມາດເກັບມາເປັນອາຫານໄດ້ແລ້ວ.

ເບ້ຍຕົ້ນຕາເວັນອ່ອນດີຕໍ່ສຸຂະພາບ - Wave100S AD to Website 2020 0 -  ເບ້ຍຕົ້ນຕາເວັນອ່ອນດີຕໍ່ສຸຂະພາບ
ເບ້ຍຕົ້ນຕາເວັນອ່ອນດີຕໍ່ສຸຂະພາບ - WhatsApp Image 2020 05 27 at 5 -  ເບ້ຍຕົ້ນຕາເວັນອ່ອນດີຕໍ່ສຸຂະພາບ
ເບ້ຍຕົ້ນຕາເວັນອ່ອນດີຕໍ່ສຸຂະພາບ - WhatsApp Image 2020 05 27 at 5 -  ເບ້ຍຕົ້ນຕາເວັນອ່ອນດີຕໍ່ສຸຂະພາບ
error: Alert: ເນື້ອຫາຂ່າວມີລິຂະສິດ !!