ການເປັນໂສດແບບບໍ່ໃຫ້ໃຜລຳຄານ

ການເປັນໂສດແບບບໍ່ໃຫ້ໃຜລຳຄານ - 020607 2018 - ການເປັນໂສດແບບບໍ່ໃຫ້ໃຜລຳຄານ
ການເປັນໂສດແບບບໍ່ໃຫ້ໃຜລຳຄານ - Untitled design - ການເປັນໂສດແບບບໍ່ໃຫ້ໃຜລຳຄານ
  1. ຢ່າຈົ່ມເພີ້ຝັນພັນລະນາວ່າຍາມໃດກໍໂສດ, ຝົນຕົກແດດອອກກໍຈົ່ມວ່າໂສດ, ຕັ້ງສະຖານະຍາມໃດກໍມີແຕ່ເລື່ອງໂສດ.
  2. ໄລຍະເທດສະການຕ່າງໆ ເຊັ່ນ : ປີໃໝ່, ກຸດຈີນ, ວາເລັນທາຍ, ເຄົ້າດາວ … ບໍ່ຕ້ອງຈົ່ມກັບຊີວິດໂສດໃຫ້ມັນເກີນໄປ ເພາະບໍ່ມີໃຜຍິນດີນຳເຮົາປານໃດດອກ ເທດສະການແຫ່ງຄວາມສຸກຄວນຈະໂພສແຕ່ເລື່ອງດີໆໜ້າຈະເໝາະສົມກ່ວາ.
  3. ຈະແຈ້ງຊັດເຈນກັບໂຕເອງວ່າໂສດແທ້ບໍ່, ຢາກໂສດເອງ ຫລື ພະຍາຍາມຫາແລ້ວມັນບໍ່ມີ ຫລືວ່າໂພສວ່າໂສດຍ້ອນປະຊົດແຟນ ເຮັດແບບນັ້ນເພື່ອຫຍັງ ? ຄົນອື່ນນອກຈາກຈະສັບສົນແລ້ວຍັງລຳຄານຕື່ມອີກ.
  4. ຢ່າໂສດແລ້ວໂວຍ ແລະ ຢ່າໄປເວົ້າໃຫ້ຄົນທີ່ເຂົາຮັກກັນວ່າ ຮັກກັນໂລດ ບໍ່ໄດ້ກັນດອກ ແບບນີ້ບໍ່ແມ່ນພຶດຕິກຳທີ່ໜ້າຮັກ.
  5. ຢ່າໂພສຮູບຫວືຫວາ ຫລື ເປີດເປືອຍເພື່ອຮຽກຮ້ອງຄວາມສົນໃຈຈາກເພດກົງກັນຂ້າມ ມັນເຮັດໃຫ້ເຮົາບໍ່ມີຄ່າພໍທີ່ຄົນດີໆເຂົາຈະເລືອກ.
  6. ໂສດແລ້ວມາດຕະຖານສູງ ທ່ຽວວິຈານຄົນອື່ນ ອ້າຍນັ້ນຫົວລ້ານ, ອ້າຍນີ້ທຸກ ແລະອື່ນໆ ຄວນເບິ່ງໂຕເຮົາເອງວ່າຮູບຮ່າງ, ໜ້າຕາ, ຖານະ, ບຸກຄະລິກຕົນເອງເປັນແນວໃດ ແລະ ເໝາະສົມກັບຄົນລະດັບໃດ, ຫາກມີຄົນທີ່ບໍ່ກົງສະເປັກ ຫລື ສະຖານະພາບ ຫລຸດໂຕນກັນຫລາຍເຂົ້າມາລົມ ຖ້າບໍ່ມັກກໍບໍ່ລົມດີກ່ວາ ບໍ່ຕ້ອງນິນທາເຂົາເຈົ້າ.
  7. ຢ່າທ່ຽວບອກໃຜໆວ່າໂສດ ໂດຍທີ່ຍັງໂພສຮູບຄູ່ ຈະແມ່ນແຟນ ຫລື ຜົວ – ເມຍກໍຕາມ ເພາະມັນເປັນການບໍ່ໃຫ້ກຽດກັນ ແລະ ບໍ່ມີຄວາມຈິງໃຈ.

ສຸດທ້າຍ ຢ່າລະເມີເພີ້ຝັນ ໄຮ້ສາລະວ່າໂສດໃນໂລກອອນລາຍ ແລ້ວອອກໄປຫາກິດຈະກຳທີ່ມີປະໂຫຍດເຮັດຕາມສະຖານທີ່ໃໝ່ໆ ບາງເທື່ອເຮົາອາດຈະໄດ້ພົບເນື້ອຄູ່ຈິງໆຈັງໆ ເຊິ່ງດີກ່ວາມານັ່ງແຊັດແລ້ວໄດ້ແຟນອອນລາຍທີ່ເບິ່ງຫາຄວາມຈິງໃຈໄດ້ຍາກ.

ການເປັນໂສດແບບບໍ່ໃຫ້ໃຜລຳຄານ - Wave100S AD to Website 2020 0 - ການເປັນໂສດແບບບໍ່ໃຫ້ໃຜລຳຄານ
ການເປັນໂສດແບບບໍ່ໃຫ້ໃຜລຳຄານ - WhatsApp Image 2020 05 27 at 5 - ການເປັນໂສດແບບບໍ່ໃຫ້ໃຜລຳຄານ
ການເປັນໂສດແບບບໍ່ໃຫ້ໃຜລຳຄານ - WhatsApp Image 2020 05 27 at 5 - ການເປັນໂສດແບບບໍ່ໃຫ້ໃຜລຳຄານ
error: Alert: ເນື້ອຫາຂ່າວມີລິຂະສິດ !!