ເຄັດລັບການເລືອກແມ່ຂອງລູກ

ເຄັດລັບການເລືອກແມ່ຂອງລູກ - 050607 2018 - ເຄັດລັບການເລືອກແມ່ຂອງລູກ
ເຄັດລັບການເລືອກແມ່ຂອງລູກ - Untitled design - ເຄັດລັບການເລືອກແມ່ຂອງລູກ

ເຄັດລັບການເລືອກແມ່ຂອງລູກ - 040607 2018 - ເຄັດລັບການເລືອກແມ່ຂອງລູກ

ຫລາຍຄົນອາດຄິດວ່າສຳລັບຜູ້ຊາຍແລ້ວ ການເລືອກຄູ່ໜ້າຈະເປັນເລື່ອງຍາກເລື່ອງຊາ ເພາະເປັນຝ່າຍເລີ່ມຕົ້ນ, ເປັນຝ່າຍ ເລືອກ ແລະ ເປັນຝ່າຍຂໍແຕ່ງດອງ ຜູ້ຊາຍບໍ່ມີຄຳວ່າ : ຂຶ້ນຄານ ເຊິ່ງອາຍຸ 40 ປີ ຖ້າຍັງບໍ່ມີຄອບຄົວ ຫລາຍສຸດກໍຖືກກ່າວຫາວ່າເປັນຜູ້ຊາຍຮັກຮ່ວມເພດ, ແຕ່ເລື່ອງແບບນີ້ມັນກໍພິສູດກັນໄດ້ ເຖິງວ່າຜູ້ຊາຍຈະເປັນຝ່າຍໄດ້ປຽບໃນເລື່ອງນີ້, ແຕ່ຄວາມຈິງການເລືອກຄູ່ສຳລັບຜູ້ຊາຍກໍມີໂອກາດຜິດພາດບໍ່ຕ່າງຈາກແມ່ຍິງເລີຍ, ແຕ່ກໍມີວິທີການສັງເກດທີ່ຫລຸດຜ່ອນຄວາມສ່ຽງຕໍ່ການຜິດພາດດັ່ງກ່າວໄດ້ແກ່ :

     – ເຮົາເລືອກເກີດບໍ່ໄດ້ ແຕ່ເຮົາເລືອກເມຍໄດ້ : ຈຸດອ່ອນຂອງຜູ້ຊາຍສ່ວນຫລວງຫລາຍຄືເລືອກບໍ່ເປັນ, ເລືອກໂດຍໃຊ້ອາລົມເປັນຫລັກ, ໃຈຮ້ອນ, ດື້, ຫລົງສະເໜ່ຄວາມງາມ, ເບິ່ງຄວາມໜ້າຮັກຢ່າງຜິວເຜີນ ໂດຍບໍ່ພິຈາລະນານິໄສໃຈຄໍຝ່າຍຍິງຢ່າງເລິກເຊິ່ງ. ຜູ້ຊາຍບໍ່ວ່າຈະຢູ່ໃນສະຖານະໃດ, ຈະຮັ່ງມີ ຫລື ທຸກຍາກ, ຈະຫລໍ່ ຫລື ຂີ້ຮ້າຍ ລ້ວນແຕ່ມີສິດເລືອກຄົນທີ່ເໝາະສົມກັບຕົນເອງ ຄວາມເໝາະສົມທີ່ວ່ານີ້ບໍ່ແມ່ນເວົ້າເລື່ອງຖານະ ຫລື ໜ້າຕາພາຍນອກ, ແຕ່ໝາຍເຖິງແນວຄິດນິໄສທີ່ເຂົ້າກັນໄດ້ຫລືບໍ່ ?

     – ພູມຫລັງຂອງແມ່ຍິງຄືສິ່ງສຳຄັນ : ລາວເຕີບໃຫຍ່ມາແຕ່ໃສ, ມີຄອບຄົວທີ່ປົກກະຕິສຸກຫລືບໍ່ ເຊັ່ນ : ຖ້າຖືກລ້ຽງດູມາແບບຕາມໃຈ, ເປັນລູກສາວດຽວ, ບໍ່ຖືກກັບອ້າຍເອື້ອຍນ້ອງ, ພໍ່ແມ່ປະຮ້າງ, ບຸກຄະລິກກະພາບຂອງແມ່ບໍ່ຈົບງາມ ແລະ ອື່ນໆ ສິ່ງເຫລົ່ານີ້ລ້ວນແຕ່ສົ່ງຜົນສະທ້ອນຕໍ່ນິໄສໃຈຄໍໄດ້ທັງໝົດ ເລື່ອງນີ້ຕ້ອງສັງເກດດີໆຈະໄດ້ເຫັນຈະແຈ້ງ ເລື່ອງແບບນີ້ປົກປິດບໍ່ໄດ້ ຕ່າງຈາກການສັງເກດແມ່ຍິງໃນຍາມຮັກກໍຈະສະແດງແຕ່ສິ່ງດີໆອອກມາ, ແມ່ຍິງສາມາດປົກປິດຄວາມຮູ້ສຶກໄດ້ເລິກລັບເປັນສິບໆປີໂດຍທີ່ເຮົາບໍ່ອາດຮູ້ໄດ້.

      – ແມ່ຍິງທີ່ເຕີບໃຫຍ່ມາໃນຄອບຄົວທີ່ມີບັນຫາ ເຊັ່ນ: ພໍ່ມີເມຍນ້ອຍ ລາວຈະເກັບຄວາມທຸກໃຈໃນຈິດໃຕ້ສຳນຶກ ແລະ ຈະສະ ແດງອອກເມື່ອຕົນມີຄອບຄົວ. ດັ່ງນັ້ນ ຖ້າຕັດສິນໃຈເລືອກລາວມາເປັນເມຍ ທ່ານກໍຕ້ອງພ້ອມຮັບມືກັບຄວາມກົດດັນຕ່າງໆ, ຄວາມຫວາດລະແວງ, ຄວາມຫຶງຫວງອັນເກີດຈາກເລື່ອງລາວໃນອະດີດຂອງຄອບຄົວ. ການວິໄຈຄູ່ສົມລົດທີ່ພໍ່ແມ່ມີບັນຫາ ໂອກາດທີ່ຈະປະຮ້າງຂອງພວກເຂົາແມ່ນມີຫລາຍກ່ວາປົກກະຕິ.

     – ແມ່ຍິງສ່ວນຫລາຍມັກຈະມີການໃຫ້ຄວາມສຳຄັນ ແລະ ພົວພັນກັບຍາດຕິພີ່ນ້ອງ ສະນັ້ນຫລັງຈາກແຕ່ງດອງທ່ານຕ້ອງຮັບຮູ້ໃນເລື່ອງລາວກ່ຽວກັບຄອບຄົວຂອງລາວທຸກຢ່າງ ທັງສິ່ງທີ່ດີ ແລະ ບໍ່ດີ ຈຶ່ງຄວນສຶກສາຈຸດນີ້ໄວ້ພ້ອມ.

     – ສ່ວນເລື່ອງຂີ້ໆທັງຫລາຍ ບໍ່ວ່າຈະຂີ້ຫຶງ, ຂີ້ຫວງ, ຂີ້ໜຽວ, ຂີ້ນິນທາ, ຂີ້ອິດສາ, ຂີ້ໂມໂຫ ແລະ ອື່ນໆ ເລື່ອງພວກນີ້ສາມາດຮັບຮູ້ໄດ້ກ່ອນແຕ່ງດອງ ຕາມຫລັກຈິດຕະວິທະຍາແລ້ວ ໃຫ້ເບິ່ງກັນບໍ່ຕໍ່າກ່ວາ 1 ປີ ຖ້າແຕ່ງດອງກັນໄວກ່ວານີ້ ຊີວິດຄູ່ມີໂອກາດລົ້ມເຫລວສູງ.

ເຄັດລັບການເລືອກແມ່ຂອງລູກ - Wave100S AD to Website 2020 0 - ເຄັດລັບການເລືອກແມ່ຂອງລູກ

     – ຜູ້ຊາຍທຸກຄົນລ້ວນແຕ່ມັກແມ່ຍິງງາມ ຄວາມງາມບໍ່ແມ່ນເລື່ອງທີ່ຜິດ ຄົນທີ່ຈະມາເປັນເມຍກໍຕ້ອງມີຄວາມງາມຖືກຕາຕ້ອງ ໃຈເຮົາແດ່ ເຊິ່ງຄວາມງາມໃນຄວາມຮູ້ສຶກຂອງແຕ່ລະຄົນບໍ່ຄືກັນ, ແຕ່ສິ່ງສຳຄັນຄວາມງາມໃນຮູບແບບທີ່ທ່ານປະທັບໃຈຈະເຮັດ ໃຫ້ທ່ານຮູ້ສຶກວ່າຊີວິດຄູ່ມີຄຸນຄ່າ ແຕ່ຂໍບອກວ່າຜູ້ຊາຍທຸກຄົນກ່ອນແຕ່ງດອງຈະເຫັນແຟນຂອງຕົນງາມທີ່ສຸດໃນໂລກ, ແຕ່ຫລັງຈາກແຕ່ງດອງໄປໄລຍະໜຶ່ງພັດຮູ້ສຶກວ່າແມ່ຍິງໃນໂລກນີ້ເລີ່ມງາມຈົນແຊງໜ້າເມຍເຮົາ.

    – ຢ່າເບິ່ງຂ້າມຄວາມສະຫລາດ ຜູ້ຊາຍສ່ວນຫລາຍບໍ່ມັກແມ່ຍິງທີ່ສະຫລາດ (ກ່ວາ) ແຕ່ຄວາມຈິງເມຍທີ່ສະຫລາດຈະຊ່ວຍໃຫ້ຊີວິດກ້າວໜ້າ ແລະ ຈະມີຜົນໄປຮອດລູກນຳອີກ ໂດຍສະເພາະລູກຊາຍ ຄວາມສະຫລາດຈະຖ່າຍທອດຜ່ານໂກຣໂມໂຊມ X ຂອງແມ່ເທົ່ານັ້ນ ມັນຈະບໍ່ຢູ່ໃນໂກຣໂມໂຊມ Y (ເຊື້ອອະສຸຈິ).

      – ເລື່ອງອາຍຸ ຜູ້ຊາຍຈະຄິດວ່າຄວນເລືອກເມຍອາຍຸນ້ອຍກ່ວາ ເຊິ່ງເປັນຄວາມເຂົ້າໃຈຜິດຈາກສະຖິຕິປະຮ້າງອາຍຸບໍ່ແມ່ນປັດໄຈສຳຄັນ ຖ້າໃຈຕໍ່ເຖິງໃຈກັນໄດ້ ຈະກໍ່ໃຫ້ເກີດຄວາມຮັກທີ່ຍືນຍາວ.

      – ອີກປະການໜຶ່ງທີ່ຄວນເອົາໃຈໃສ່ ຄວາມຄາດຫວັງຈາກຝ່າຍໜຶ່ງ ຕ້ອງເບິ່ງໃຫ້ດີໆ ແມ່ຍິງບາງຄົນຄາດຫວັງສູງຫລາຍ ຕ້ອງມີເຮືອນ, ມີລົດລາຄາແພງ, ຕ້ອງໂຣແມນຕິກ, ຕ້ອງໃຫ້ຂອງຂັວນລາຄາແພງໆ ແລະ ອື່ນໆ ຄວາມຄາດຫວັງເຫລົ່ານີ້ຖ້າທ່ານເຮັດບໍ່ໄດ້ ຊີວິດຄູ່ກໍຈົບ.

  – ເລື່ອງສຸດທ້າຍທີ່ຢາກເຕືອນໃຫ້ລະມັດລະວັງ ລະຫ່ວາງທີ່ຄົບຫາກັນ ໃຫ້ຫັກຫ້າມໃຈໂຕເອງບໍ່ໃຫ້ມີສຳພັນເລິກເຊິ່ງກັນກ່ອນເດັດຂາດ ເພາະມີຜູ້ຊາຍຈຳນວນບໍ່ໜ້ອຍທີ່ຖືກຈັບຂຶ້ນຂຽງ ຫລື ຖືກບັງຄັບໃຫ້ແຕ່ງດອງເພື່ອຮັບຜິດຊອບຝ່າຍຍິງ ແລ້ວຄິດກິນແໜງໃຈໃນພາຍຫລັງ.

ເຄັດລັບການເລືອກແມ່ຂອງລູກ - WhatsApp Image 2020 05 27 at 5 - ເຄັດລັບການເລືອກແມ່ຂອງລູກ
ເຄັດລັບການເລືອກແມ່ຂອງລູກ - WhatsApp Image 2020 05 27 at 5 - ເຄັດລັບການເລືອກແມ່ຂອງລູກ
error: Alert: ເນື້ອຫາຂ່າວມີລິຂະສິດ !!