ປກສ ແຂວງຊຽງຂວາງ ຈັບກຸ່ມສໍ້ໂກງຊັບອັນຕະລາຍ

ເມື່ອບໍ່ດົນມານີ້, ເຈົ້າ ໜ້າທີ່ ປກສ ແຂວງ ຊຽງ ຂວາງ ໄດ້ຈັບຕົວ ນາງ ບຸນ ແສງ ອາຍຸ 28 ປີ ຢູ່ບ້ານ ຈອມທອງ ເມືອງ ຄຳ ແຂວງ ຊຽງຂວາງ, ທ້າວ ໂລວັນ ຢາງ ອາຍຸ 30 ປີ ແລະ ທ້າວ ໂລວັນຢົນ ອາຍຸ 26 ປີ ທັງ ສອງແມ່ນ ຢູ່ ແຂວງ ເຫງະ ອານ ສສ ຫວຽດນາມໃນ ຂໍ້ຫາສໍ້ໂກງເອົາຊັບສິນ ຂອງປະຊາຊົນ ເຊິ່ງມີຜູ້ເສຍ ຫາຍຫລາຍກ່ວາ 67 ຄອບ ຄົວ ແລະ ໄດ້ເງິນໄປກວ່າ 4 ຕື້ກີບ.

ເຈົ້າໜ້າທີ່ ໃຫ້ຮູ້ວ່າ: ພວກກ່ຽວໄດ້ຮ່ວມກັນເຄື່ອນໄຫວລອກລວງເອົາຊັບ ສິນຂອງປະຊາຊົນມາແຕ່ປີ 2016 ເປັນຕົ້ນມາ, ໂດຍ ໄດ້ໂຄສະນາ ແລະ ໄປກູ່ຢືມ ເງິນນຳປະຊາຊົນ ພ້ອມທັງ ໃຫ້ດອກເບ້ຍສູງ, ເຊິ່ງພວກ ກ່ຽວໄດ້ເຄື່ອນໄຫວແມ່ນ ຢູ່ ແຂວງ ຊຽງຂວາງ ແລະ ແຂວງ ຫົວພັນ ດ້ວຍການ ຮ່າງສັນຍາກູ້ຢືມ ແລະ ເອົາ ຫລັກຊັບຄ້ຳປະກັນຄືໃບ ຕາດິນ ແລະ ອື່ນໆ, ກ່ອນ ທີ່ຈະມີຜູ້ຫລົງເຊື່ອ ແລະ ມອບເງິນໃຫ້ກັບພວກ ກ່ຽວ ເປັນຈຳນວນຫລາຍ, ພາຍຫລັງໄດ້ເງິນແລ້ວກໍ ໄດ້ເອົາຕົວຫລົບໜີກ່ອນ ຈະມາຖືກເຈົ້າໜ້າທີ່ຈັບຕົວດຳເນີນຄະດີຕາມລະບຽບກົດໝາຍ.

+ ສານແຂວງອຸດົມໄຊຕັດສິນລົງໂທດອໍານວຍການ 12 ບໍລິສັດກໍ່ສ້າງທີ່ສໍ້ໂກງງົບປະມານລັດ

+ ປະທານທະນາຄານ-ນັກທຸລະກິດ ຫວຽດນາມ 50 ກວ່າຄົນຂຶ້ນສານຂໍ້ຫາສໍ້ໂກງ