ບັນຍາກາດສະຫລອງວັນຊາດອາເມລິກາຄົບຮອບ 242 ປີ

ບັນຍາກາດສະຫລອງວັນຊາດອາເມລິກາຄົບຮອບ 242 ປີ - 98555 - ບັນຍາກາດສະຫລອງວັນຊາດອາເມລິກາຄົບຮອບ 242 ປີ
ບັນຍາກາດສະຫລອງວັນຊາດອາເມລິກາຄົບຮອບ 242 ປີ - Untitled design - ບັນຍາກາດສະຫລອງວັນຊາດອາເມລິກາຄົບຮອບ 242 ປີ

 ໂດຍ: ກ້ອງສ່ອງ ອິດສະຫລະ

ໃນວັນທີ 3 ກໍລະກົດຜ່ານ ມາ, ງານສະເຫລີມສະຫລອງ ວັນຊາດຂອງປະເທດສະຫະ ລັດອາເມລິກາ ຄົບຮອບ 242 ປີ, ໄດ້ຈັດຂຶ້ນຢ່າງເປັນທາງ ການ ແລະ ເຕັມໄປດ້ວຍບັນ ຍາກາດອັນອົບອຸ່ນມ່ວນຊື່ນຢູ່ ທີ່ນະຄອນຫລວງວຽງຈັນ.

 

ທູດມາເລເຊຍສະຫລອງວັນຊາດຄົບຮອບ 60 ປີ

ສະຖານທູດອາເມລິກາປະຈໍາລາວສະຫລອງວັນຊາດຄົບຮອບ 241 ປີ

ການຈັດງານສະເຫລີມ ສະຫລອງໃນປີນີ້ແຕກຕ່າງ ຈາກປີຜ່ານມາ, ຍ້ອນວ່າ ເພິ່ນຍ້າຍມາຈັດຢູ່ໂຮງແຮມ ຄຣາວພາລາຊາ, ປີກ່ອນເພິ່ນ ຈັດຢູ່ກະໂຕສຳນັກງານສະ ຖານທູດເອງ, ສຳລັບຜູ້ຂຽນ ໄດ້ຖືກເຊີນ ແລະ ມີໂອກາດ ເຂົ້າຮ່ວມໃນຖານະເປັນຄົນ ສື່ຖືວ່າເປັນຄັ້ງທີສອງກໍຮູ້ ສຶກພາກພູມໃຈ ແລະ ຂໍຂອບ ໃຈເປັນຢ່າງຍິ່ງທີ່ທາງສະ ຖານທູດສະຫະລັດອາເມລິກາ ໄດ້ເຊື້ອເຊີນທິມງານໜັງສືພິມ ລາວພັດທະນາເຂົ້າຮ່ວມ.

ບັນຍາກາດສະຫລອງວັນຊາດອາເມລິກາຄົບຮອບ 242 ປີ - Wave100S AD to Website 2020 0 - ບັນຍາກາດສະຫລອງວັນຊາດອາເມລິກາຄົບຮອບ 242 ປີ

ໃນໂອກາດທີ່ໄດ້ເຂົ້າ ຮ່ວມໃນປີນີ້, ເຫັນວ່າທາງສະ ຖານທູດເພິ່ນໄດ້ຈັດຂຶ້ນຢ່າງ ຍິ່ງໃຫຍ່ ແລະ ເປີດກວ້າງກວ່າ ປີຜ່ານມາ, ເທົ່າທີ່ໄດ້ສຳພັດ ຕົວຈິງນັ້ນກໍເຫັນວ່າມີສີສັນ ແລະ ມີຫລາຍກິດຈະກຳທີ່ ເພິ່ນໄດ້ເຮັດ ເປັນຕົ້ນນອກ ຈາກການປະດັບປະດາພິທີ- ເວທີແລ້ວ ຍັງມີການວາງ ສະແດງມູນເຊື້ອທີ່ເປັນເອ ກະລັກຂອງບາງລັດທີ່ກ່ຽວ ພັນ ເຖິງວິຖີຊີວິດຂອງປະຊາ ຊົນບັນດາເຜົ່າໃນປະເທດ ອາເມລິກາ.

ພິເສດໃນງານຄັ້ງນີ້, ນອກຈາກການພົບປະສົນທະນາ ແລະ ກິນດື່ມແບບກັນເອງ ແລ້ວ ຍັງມີມະໂຫລີດົນ ຕີເສບ ເພື່ອໃຫ້ຜູ້ເຂົ້າຮ່ວມໄດ້ເພີດ ເພີນຟັງເພງທັງກິນທັງ ດື່ມ, ທັງມີການພົບປະສັງສັນ ສົນທະນາຂອງຜູ້ທີ່ໄດ້ເຂົ້າ ຮ່ວມແບບເຕັມໃຈ ແລະ ເປັນ ກັນເອງໃນສະຖານະຄວາມ ເປັນມິດທີ່ຮັກແພງເຊິ່ງກັນ ແລະ ກັນ.

ໃນພິທີທາງການ, ພາຍ ຫລັງຄະນະໄດ້ກ່າວຈຸດປະ ສົງແລ້ວທ່ານເອກອັກ ຄະ ລັດຖະທູດຜູ້ມີອຳນາດເຕັມ ແຫ່ງ ສະຫະລັດອາເມລິກາ ປະຈໍາລາວ ທ່ານນາງ ຣີນາ ບິດເຕີ ໄດ້ຂຶ້ນກ່າວມີຄຳເຫັນ ເຊິ່ງ ມີບາງຕອນທ່ານໄດ້ ກ່າວວ່າ: ພວກເຮົາຮູ້ສຶກ ພາກພູມໃຈຫລາຍທີ່ມີລັດ ຖະບານລາວ ເປັນຄູ່ຮ່ວມມື ແລະ ການສະໜັບສະໜູນ ຈາກປະຊາຊົນອາເມລິກາ ແລະ ປະຊາຊົນລາວ. ໃນ ການເສີມຂະຫຍາຍເປົ້າ ໝາຍອັນດຽວກັນເພື່ອຊ່ວຍ ໃຫ້ ສປປ ລາວ ໄດ້ມີການພັດ ທະນາໃຫ້ເປັນປະເທດທີ່ມີ ຄວາມສຸກ, ເປັນສະມາຊິກ ອາຊຽນທີ່ມີຄວາມເຂັ້ມ ແຂງ, ເປັນສູນກາງທາງ ດ້ານການຄ້າເສລີ ແລະ ເປີດ ກວ້າງຢູ່ ໃນ ອາຊີ- ປາຊີຟິກ. ນີ້ຄືຄຳເວົ້າທີ່ມີຄວາມໝາຍ ແລະ ໜັກແໜ້ນຂອງ ທ່ານ ທູດໃນຄວາມສາມັກຄີຮັກ ແພງ ແລະ ຊ່ວຍເຫລືອເຊິ່ງ ກັນ ແລະ ກັນລະຫວ່າງປະ ຊາຊົນສອງຊາດລາວ-ອາ ເມລິກາ.

ແນວໃດກໍຕາມ, ສິ່ງທີ່ ຜູ້ຂຽນປະທັບໃຈນັ້ນເຫັນ ທ່ານທູດເພິ່ນນຸ່ງສິ້ນແບບ ປະເພນີລາວ, ເຊິ່ງມີວາດຊົງ ປະສົມປະສານກັບໜ້າຕາ ນັບທັງຕົນໂຕເພິ່ນອ່າວນ້ອຍບາງກໍເໝືອນແມ່ຍິງລາວ ເກືອບເຕັມຮ້ອຍ.
ນອກຈາກເຫັນ ທ່ານ ທູດເພິ່ນມີການນຸ່ງຖືແບບ ປະເພນີລາວແລ້ວ, ຍັງມີ ບັນດາແມ່ຍິງຫລາຍທ່ານທີ່ ເປັນພະນັກງານສະຖານທູດ ແລະ ຄົນຕ່າງປະເທດພາ ກັນ ນຸ່ງສິ້ນແບບປະເພນີລາວ, ເໝືອນຄົນລາວ ເຊິ່ງເບິ່ງ ແລ້ວ ກໍໜ້າປະທັບໃຈຊື່ນຊົມຮັກ ແພງທີ່ເຫັນວ່າພວກເພິ່ນ ກໍມີຄວາມມັກຮັກ ແລະ ສົ່ງ ເສີມປະເພນີວັດທະນະທຳ ຂອງແມ່ຍິງລາວຢ່າງຊາບ ຊຶ້ງດູດດື່ມ.

ເມື່ອເຫັນພາບມາ ຮອດ ຈຸດນີ້, ຜູ້ຂຽນຍັງຄິດເຫັນຄຳ ເວົ້າຂອງພະນະທ່ານອະດິດ ປະທານາທິບໍດີສະຫະລັດ ອາເມລິກາ ບາຣັກ ໂອບາມາ ທີ່ໄດ້ມາຢ້ຽມຢາມລັດຖະກິດ ແລະ ໄດ້ເຂົ້າຮ່ວມກອງປະ ຊຸມສຸດຍອດອາຊຽນໃນປີ 2016 ວ່າ: ປະເທດລາວໃນ ອາດີດມີສາຍານາມວ່າປະ ເທດລ້າງຊ້າງ, ເປັນດິນແດນ ທີ່ເຕັມໄປດ້ວຍອະລິຍະທຳທີ່ລືຊື່, ແຕ່ພໍຕົກເຂົ້າມາໃນສັດ ຕະວັດທີ 20 ເກືອບໜຶ່ງທົດ ສະວັດປະເທດນີ້ຕ້ອງຕົກຢູ່ ໃນສະພາບສົງຄາມທຳລາຍ, ຈຳນວນລູກລະເບີດທີ່ໄດ້ຖິ້ມລົງໃສ່ປະເທດນີ້ມີຈຳນວນ ຫລາຍກວ່າລູກລະເບີດທີ່ໄດ້ ຖິ້ມລົງໃນສົງຄາມໂລກຄັ້ງ ທີສອງໃນສະໄໝນັ້ນ, ພວກ ເຮົາກໍຍັງເປັນເດັກບໍ່ທັນຮູ້ອີ່ ໂນອີ່ເນ ແລະ ມັນກໍເໝືອນ ວ່າເປັນສົງຄາມປິດລັບໂດຍທີ່ປະຊາຊົນອາເມລິກາກໍຍັງ ບໍ່ທັນຮັບຮູ້ ແລະ ເຂົ້າໃຈຢ່າງ ເລິກເຊິ່ງ, ແນວໃດກໍຕາມ ຈາກສົງຄາມທີ່ຜູ້ໃຫຍ່ໄດ້ກໍ່ ຂຶ້ນນັ້ນ, ພວກເຮົາຕ້ອງໄດ້ ພ້ອມກັນແກ້, ຂ້າພະເຈົ້າຂໍ ຂອບອົກຂອບໃຈເປັນຢ່າງ ຍິ່ງທີ່ລັດຖະບານ ສປປ ລາວ ໄດ້ໃຫ້ການຮ່ວມມືສະໜັບ ສະໜູນເປັນຢ່າງດີ, ໂດຍສະ ເພາະໃນໂຄງການເກັບກູ້ລະ ເບີດບໍ່ທັນແຕກ ແລະ ຂັ້ນຕໍ່ໄປ ຕ້ອງໄດ້ເພີ່ມການຊ່ວຍເຫລືອໃນດ້ານນີ້ຈາກ 30 ລ້ານຂຶ້ນ ເປັນ 90 ລ້ານໂດລາສະຫະ ລັດ. ນອກຈາກໂຄງການດັ່ງ ກ່າວແລ້ວ, ຈະໄດ້ຊ່ວຍທາງ ດ້ານໂພຊະນາການແກ່ເດັກ, ນຳເອົາເຕັກໂນໂລຊີເຂົ້າໃນ ການສຶກສາ, ສົ່ງເສີມວຽກ ງານຂໍ້ມູນຂ່າວສານໃຫ້ກ້າວສູ່ຄວາມເປັນທັນສະໄໝ ແລະ ເພິ່ນຍັງກ່າວມ້ວນທ້າຍວ່າ ພາຍຫລັງກັບເມືອອາເມລິກາແລ້ວ, ເຖິງວ່າພົ້ນກະສຽນ ຂອງການເປັນປະທານາທິບໍ່ດີກໍຕາມ, ແຕ່ຈະພະຍາຍາມ ມາທ່ຽວເມືອງລາວທີ່ສວຍ ງາມວ່າຊັ້ນ! ຜູ້ຂຽນກໍຍັງ ຄອງຄອຍແຕ່ມື້ນັ້ນມາຮອດມື້ ນີ້ກໍຍັງມິດຈ້ອຍ. ດີແທ້ຄວນ ມາໃນປີ 2018 ເພາະມັນເປັນ ປີທ່ອງທ່ຽວລາວ ຢາກເຫັນ ເພິ່ນມາກິນນ້ຳໝາກພ້າວ ຫວານຢູ່ຫລວງພະບາງແບບເປັນກັນເອງ ແລະ ຢາກຟັງ ຄຳປາໃສຂອງຜູ້ນຳລະດັບ ໂລກ, ເວົ້າມາຮອດບ່ອນນີ້ໜ້າ ເຈ້ຍມັນໝົດແລ້ວອວຍພອນ ໃຫ້ການຮ່ວມມືແບບກວມ ລວມລະຫວ່າງສອງລັດ, ສອງຊາດ ແລະ ປະຊາຊົນ ລາວ-ອາເມລິກາ ຈົ່ງໝັ້ນຄົງ ຂະໜົງແກ່ນ.

ບັນຍາກາດສະຫລອງວັນຊາດອາເມລິກາຄົບຮອບ 242 ປີ - 98555 - ບັນຍາກາດສະຫລອງວັນຊາດອາເມລິກາຄົບຮອບ 242 ປີ
(ພາບປະກອບ)
ບັນຍາກາດສະຫລອງວັນຊາດອາເມລິກາຄົບຮອບ 242 ປີ - WhatsApp Image 2020 05 27 at 5 - ບັນຍາກາດສະຫລອງວັນຊາດອາເມລິກາຄົບຮອບ 242 ປີ
ບັນຍາກາດສະຫລອງວັນຊາດອາເມລິກາຄົບຮອບ 242 ປີ - WhatsApp Image 2020 05 27 at 5 - ບັນຍາກາດສະຫລອງວັນຊາດອາເມລິກາຄົບຮອບ 242 ປີ
error: Alert: ເນື້ອຫາຂ່າວມີລິຂະສິດ !!