ສື່ມວນຊົນແມ່ນໍ້າຂອງ-ແມ່ນໍ້າລ້ານຊ້າງຢ້ຽມຊົມສະຖານທີ່ທ່ອງທ່ຽວແຂວງຈຳປາສັກ.

ສື່ມວນຊົນແມ່ນໍ້າຂອງ-ແມ່ນໍ້າລ້ານຊ້າງຢ້ຽມຊົມສະຖານທີ່ທ່ອງທ່ຽວແຂວງຈຳປາສັກ. - 36825384 1987367084907176 4751580662400548864 n - ສື່ມວນຊົນແມ່ນໍ້າຂອງ-ແມ່ນໍ້າລ້ານຊ້າງຢ້ຽມຊົມສະຖານທີ່ທ່ອງທ່ຽວແຂວງຈຳປາສັກ.
ສື່ມວນຊົນແມ່ນໍ້າຂອງ-ແມ່ນໍ້າລ້ານຊ້າງຢ້ຽມຊົມສະຖານທີ່ທ່ອງທ່ຽວແຂວງຈຳປາສັກ. - Untitled design - ສື່ມວນຊົນແມ່ນໍ້າຂອງ-ແມ່ນໍ້າລ້ານຊ້າງຢ້ຽມຊົມສະຖານທີ່ທ່ອງທ່ຽວແຂວງຈຳປາສັກ.

ໃນວັນທີ 6-8 ກໍລະກົດນີ້, ສື່ມວນຊົນຈາກ 6 ປະເທດໃນກອບການຮ່ວມມືແມ່ນໍ້າຂອງ-ແມ່ນ້ຳລ້ານຊ້າງ (LMC) ມີ: ກໍາປູເຈຍ, ຈີນ, ລາວ, ມຽນມາ, ໄທ, ຫວຽດນາມ ແລະ ບັນດາພະນັກງານກ່ຽວຂ້ອງຫລາຍກວ່າ 40 ຄົນ ເຄື່ອນໄຫວຢ້ຽມຊົມສະຖານທີ່ທ່ອງທ່ຽວສໍາຄັນຂອງແຂວງຈໍາປາສັກ ເປັນຕົ້ນ ຢ້ຽມຊົມຜາສາດຫີນວັດພູຈຳປາສັກ, ຊຶ່ງເປັນເປັນສະຖານທີ່ທ່ອງທ່ຽວທີ່ມີຄວາມສວຍງາມ ແລະ ໜ້າອັດສະຈັນໃຈຫລາຍ ແລະ ໄດ້ຖືກຮັບຮອງໃຫ້ເປັນມໍລະດົກໂລກແຫ່ງທີສອງຂອງລາວຈາກອົງການຢູເນສໂກໃນປີ 2001.

ວັດພູ ຕັ້ງຢູ່ຫ່າງຈາກຕົວເມືອງປາກເຊ ປະມານ 40 ກິໂລແມັດ ເປັນປູຊະນິຍະສະຖານອັນສຳຄັນ ແລະ ເປັນສະຖາປັດຕະຍະກຳຈາກຍຸກອັງກໍວັດໃນໄລຍະສະຕະວັດທີ 7-12, ວັດພູ ເປັນໃຈກາງວັດທະນະທຳຂອງຂົງເຂດທົ່ງພຽງຈຳປາສັກ, ໂດຍມີຈອມພູເກົ້າເປັນຈຸດສຸມ, ກວມເອົາເນື້ອທີ່ກວ່າ 400 ເຮັກຕາ, ພາຍໃນບໍລິເວນນີ້ປະກອບດ້ວຍວັດວາອາຮາມ, ອ່າງເກັບນ້ຳ (ໜອງນໍ້າບູຮານ), ຮ່ອງລະບາຍນ້ຳ, ແຫລ່ງຕັດຫີນ, ຖະໜົນບູຮານທີ່ເຊື່ອມຕໍ່ໄປຫາອັງກໍວັດ ລວມທັງແຜນຜັງເມືອງເກົ່າໃນຍຸກເລີ່ມຕົ້ນຂອງອານາຈັກຂະແມ.

ປັດຈຸບັນ, ມີທ່ອງທ່ຽວຈາກພາຍໃນ ແລະ ຕ່າງປະເທດ ເຂົ້າມາທ່ຽວຊົມສະຖານທີ່ແຫ່ງນີ້ນັບມື້ເພີ່ມຂຶ້ນ. ວັດພູຈຳປາສັກເປີດໃຫ້ເຂົ້າທ່ຽວຊົມທຸກມື້ ເວລາ 8:00-16:30 ໂມງ. ຈາກນັ້ນຄະນະໄດ້ໄປຢ້ຽມຊົມນ້ຳຕົກຕາດຄອນພະເພັງ, ຊຶ່ງເປັນໜຶ່ງໃນຈໍານວນນໍ້າຕົກຕາດຂອງສາຍພູຫລັກອັນຍາວຢຽດຂະໜານຕາມລຳນ້ຳຂອງຕອນໃຕ້ຂອງລາວ, ເຊິ່ງນອນຢູ່ໃນດິນແດນເຂດມະຫານະທີສີທັນດອນທີ່ຍາວເຖິງ 15 ກິໂລແມັດ, ຕັ້ງຢູ່ເຂດບ້ານທ່າຄູ້ ຫ່າງຈາກເທສະບານເມືອງໂຂງໄປປະມານ 148 ກິໂລແມັດ ແລະ ໄດ້ຮັບການຂະໜານນາມວ່າ “ໄຂ່ມຸກແຫ່ງແມ່ນ້ຳຂອງ” ມີຄວາມງົດງາມໜ້າອັດສະຈັນໃຈ ຍາກທີ່ຈະຫາບ່ອນອື່ນມາປຽບປານ. ຄອນພະເພັງ ເປັນນ້ຳຕົກຕາດໃຫຍ່ທີ່ສຸດໃນອາຊີຕາເວັນອອກສຽງໃຕ້, ເຊິ່ງໃນລະດູຝົນຂອງທຸກໆປີ ຄອນພະເພັງຈະມີປະລິມານນ້ຳຫລາຍ, ກະແສນ້ຳໄຫລແຮງ. ຈາກນັ້ນ, ຄະນະໄດ້ໄປຢ້ຽມຊົມນ້ຳຕົກຕາດຟານທີ່ເມືອງປາກຊ່ອງ ນັບວ່າເປັນອີກສະຖານທີ່ທ່ອງທ່ຽວທີ່ມີຊື່ສຽງຂອງແຂວງຈຳປາສັກ ເພາະມີຄວາມສວຍງາມທາງດ້ານທຳມະຊາດ ແລະ ຄວາມໂດດເດັ່ນຂອງນ້ຳຕົກ. ຕາດຟານ ເປັນນ້ຳຕົກສອງສາຍທີ່ໄຫລມາເປັນຄູ່ຂະຫນານ ແລະ ຕົກລົງຈາກໜ້າຜາທີ່ມີຄວາມສູງ 100 ກວ່າແມັດ, ເຊິ່ງໃຫ້ມີຄວາມສວຍງາມໂດດເດັ່ນ ແລະ ໄລຍະຜ່ານມາ, ມີນັກທ່ອງທ່ຽວທັງພາຍໃນ ແລະ ຕ່າງປະເທດ ເດີນທາງມາສຳຜັດສະຖານທີ່ທ່ອງທ່ຽວແຫ່ງນີ້ ເພີ່ມຂຶ້ນຢ່າງຕໍ່ເນື່ອງສະເລ່ຍປະມານ 200 ເທື່ອຄົນຕໍ່ມື້ໃນລະດູຝົນ (low season) ແລະ ປະມານ600-700 ເທື່ອຄົນໃນລະດູແລ້ງ (high season).

ສື່ມວນຊົນແມ່ນໍ້າຂອງ-ແມ່ນໍ້າລ້ານຊ້າງຢ້ຽມຊົມສະຖານທີ່ທ່ອງທ່ຽວແຂວງຈຳປາສັກ. - Wave100S AD to Website 2020 0 - ສື່ມວນຊົນແມ່ນໍ້າຂອງ-ແມ່ນໍ້າລ້ານຊ້າງຢ້ຽມຊົມສະຖານທີ່ທ່ອງທ່ຽວແຂວງຈຳປາສັກ.
ສື່ມວນຊົນແມ່ນໍ້າຂອງ-ແມ່ນໍ້າລ້ານຊ້າງຢ້ຽມຊົມສະຖານທີ່ທ່ອງທ່ຽວແຂວງຈຳປາສັກ. - WhatsApp Image 2020 05 27 at 5 - ສື່ມວນຊົນແມ່ນໍ້າຂອງ-ແມ່ນໍ້າລ້ານຊ້າງຢ້ຽມຊົມສະຖານທີ່ທ່ອງທ່ຽວແຂວງຈຳປາສັກ.
ສື່ມວນຊົນແມ່ນໍ້າຂອງ-ແມ່ນໍ້າລ້ານຊ້າງຢ້ຽມຊົມສະຖານທີ່ທ່ອງທ່ຽວແຂວງຈຳປາສັກ. - WhatsApp Image 2020 05 27 at 5 - ສື່ມວນຊົນແມ່ນໍ້າຂອງ-ແມ່ນໍ້າລ້ານຊ້າງຢ້ຽມຊົມສະຖານທີ່ທ່ອງທ່ຽວແຂວງຈຳປາສັກ.
error: Alert: ເນື້ອຫາຂ່າວມີລິຂະສິດ !!