ລ້ຽງໝູເປັນສິນຄ້າສ້າງລາຍຮັບດີໃຫ້ຄອບຄົວ

ລ້ຽງໝູເປັນສິນຄ້າສ້າງລາຍຮັບດີໃຫ້ຄອບຄົວ - 002A0089 - ລ້ຽງໝູເປັນສິນຄ້າສ້າງລາຍຮັບດີໃຫ້ຄອບຄົວ
ລ້ຽງໝູເປັນສິນຄ້າສ້າງລາຍຮັບດີໃຫ້ຄອບຄົວ - Untitled design - ລ້ຽງໝູເປັນສິນຄ້າສ້າງລາຍຮັບດີໃຫ້ຄອບຄົວ

ທ່ານ ອຸ່ນ ເມືອງຈັນ ອາ ຍຸ 56 ປີອາຊີບຊາວນາ ຢູ່ ບ້ານທ່າເດື່ອສິງຫອມ ເມືອງ ປາກງື່ມນະຄອນຫລວງວຽງຈັນ, ເປັນຄອບຄົວໜຶ່ງ ສ້າງ ເສດຖະກິດຄອບຄົວເສີມດ້ວຍການລ້ຽງໝູເປັນສິນຄ້າ, ທ່ານ ໃຫ້ຮູ້ວ່າ: ພາຍໃນຄອບຄົວ ມີສະມາຊິກທັງໝົດ 9 ຄົນ, ມີແຮງງານຕົ້ນຕໍ 3 ຄົນ, ອາ ຊີບຫລັກຂອງຄອບຄົວແມ່ນ ເຮັດນາ, ເຊິ່ງມີເນື້ອທີ່ທັງໝົດ 15 ໄລ່ ແລະ ລ້ຽງໝູພື້ນບ້ານ (ໝູລາດ) ຕື່ມຈຳນວນໜຶ່ງ ເພື່ອສ້າງລາຍຮັບເສີມໃຫ້ ຄອບຄົວ ແລະ ມາຮອດປີ 2014 ຈຶ່ງໄດ້ປຶກສາກັບ ຄອບ ຄົວ ເພື່ອລົງທຶນລ້ຽງໝູແບບ ເປັນຟາມ, ເບື້ອງຕົ້ນໄດ້ທົດ ລອງ ຊື້ໝູນ້ອຍມາລ້ຽງພຽງ ແຕ່ 15 ໂຕ, ຫລັງຈາກລ້ຽງ ໄດ້ປະມານ 4 ເດືອນ ກໍຂາຍ ໄດ້ ແລະ ເຫັນວ່າມີກຳໄລດີ, ຖ້າຫາກຂະຫຍາຍພັນເອງ ກໍຈະມີກໍາໄລຫລາຍກວ່າ, ຍ້ອນຄອບຄົວໄດ້ມີລາຍຮັບ ເພີ່ມຂຶ້ນໃນແຕ່ລະປີລາວກໍ ໄດ້ລ້ຽງໝູແບບເປັນຟາມ ແລະ ໄດ້ຫັນມາລ້ຽງ ໝູພໍ່ພັນ- ແມ່ພັນເພື່ອຂະຫຍາຍພັນລູກ ໝູເອົາໄວ້ລ້ຽງເອງ.

 

ລ້ຽງດ້ວງພ້າວເປັນອາຊີບເສີມສ້າງລາຍຮັບໃຫ້ຄອບຄົວ

ບໍລິຄຳໄຊຫາລືການລ້ຽງໝູເປັນສິນຄ້າ

ໃນເບື້ອງຕົ້ນໄດ້ນຳ ເອົາ ໝູ ແມ່ພັນເຂົ້າມາລ້ຽງ 6 ໂຕ ແລະ ພໍ່ພັນ 1 ໂຕ, ມາຮອດ ປັດຈຸບັນມີໝູແມ່ພັນແລ້ວ ປະມານ 20 ກວ່າໂຕ ແລະ ໝູພໍ່ພັນ 5 ໂຕ, ແມ່ໜຶ່ງສາ ມາດອອກລູກໄດ້ 2 ຄັ້ງຕໍ່ປີ, ປີໜຶ່ງໄດ້ລູກໝູ 100-200 ໂຕ, ສະເລ່ຍແລ້ວໃນປີໜຶ່ງ ສາມາດລ້ຽງໝູສົ່ງອອກໄດ້ ຫລາຍກວ່າ 150 ໂຕ, ນ້ຳ ໜັກສະເລ່ຍໂຕລະ 100 ກິ ໂລ, ຂາຍກິໂລລະ 17.000 ກີບ ລວມເປັນເງິນເກືອບ 300 ລ້ານກີບ, ສະເພາະ ກຳໄລແມ່ນ 100 ກວ່າ ລ້ານກີບ.

ລ້ຽງໝູເປັນສິນຄ້າສ້າງລາຍຮັບດີໃຫ້ຄອບຄົວ - Wave100S AD to Website 2020 0 - ລ້ຽງໝູເປັນສິນຄ້າສ້າງລາຍຮັບດີໃຫ້ຄອບຄົວ

ທ່ານ ອຸ່ນ ເມືອງຈັນ ໃຫ້ຮູ້ວ່າ: ສະຖານທີ່ລ້ຽງ ໝູຕ້ອງເປັນບ່ອນທີ່ມີອາ ກາດປອດໂປ່ງ, ຫລັງຄາ ຕ້ອງສູງ, ໃຫ້ນ້ຳປົກກະຕິ ແຕ່ຕ້ອງສະອາດ ແລະ ບໍ່ ໃຫ້ໃຊ້ນ້ຳຫ້ວຍເດັດຂາດ ເພາະວ່າຈະມີເຊື້ອພະຍາດ. ປັດຈຸບັນຄອບຄົວ ທ່ານ ອຸ່ນ ມີຄອກລ້ຽງໝູ 2 ຫລັງຄື: ຫລັງທີ 1 ມີຂະໜາດ 9×30 ແມັດ ແບ່ງອອກເປັນຄອກ ນ້ອຍໃຊ້ສຳລັບເປັນຄອກພໍ່ ພັນ, ແມ່ພັນ ແລະ ອະນຸບານ ໝູນ້ອຍທີ່ເກີດໃໝ່. ຫລັງທີ 2 ມີຂະໜາດ 7×20 ແມັດ, ແບ່ງອອກເປັນ 5 ຄອກ ນ້ອຍ, ແຕ່ລະຄອກບັນຈຸ ໝູໄດ້ 15-20 ໂຕ. ສ່ວນ ແຜນໃນຕໍ່ໜ້າແມ່ນຈະລົງ ທຶນຕື່ມ ເພື່ອຂະຫຍາຍໝູ ແມ່ພັນໃຫ້ໄດ້ຫລາຍຂຶ້ນ ແລະ ຜະລິດລູກໝູໄວ້ລ້ຽງ ແລະ ຂາຍໃຫ້ກາຍເປັນ ສິນຄ້າ.

ລ້ຽງໝູເປັນສິນຄ້າສ້າງລາຍຮັບດີໃຫ້ຄອບຄົວ - 002A0089 - ລ້ຽງໝູເປັນສິນຄ້າສ້າງລາຍຮັບດີໃຫ້ຄອບຄົວ

ລ້ຽງໝູເປັນສິນຄ້າສ້າງລາຍຮັບດີໃຫ້ຄອບຄົວ - WhatsApp Image 2020 05 27 at 5 - ລ້ຽງໝູເປັນສິນຄ້າສ້າງລາຍຮັບດີໃຫ້ຄອບຄົວ
ລ້ຽງໝູເປັນສິນຄ້າສ້າງລາຍຮັບດີໃຫ້ຄອບຄົວ - WhatsApp Image 2020 05 27 at 5 - ລ້ຽງໝູເປັນສິນຄ້າສ້າງລາຍຮັບດີໃຫ້ຄອບຄົວ
error: Alert: ເນື້ອຫາຂ່າວມີລິຂະສິດ !!