ສວສ ຕີ​ລາຄາ​​ວຽກ​ງານກໍ່ສ້າງ​ໜ່ວຍ​ພັກ​ເຂັ້ມ​ແຂງ-​ຮູ້​ນໍາ​ພາ​ຮອບດ້ານ

ສວສ ຕີ​ລາຄາ​​ວຽກ​ງານກໍ່ສ້າງ​ໜ່ວຍ​ພັກ​ເຂັ້ມ​ແຂງ-​ຮູ້​ນໍາ​ພາ​ຮອບດ້ານ - education - ສວສ ຕີ​ລາຄາ​​ວຽກ​ງານກໍ່ສ້າງ​ໜ່ວຍ​ພັກ​ເຂັ້ມ​ແຂງ-​ຮູ້​ນໍາ​ພາ​ຮອບດ້ານ
ສວສ ຕີ​ລາຄາ​​ວຽກ​ງານກໍ່ສ້າງ​ໜ່ວຍ​ພັກ​ເຂັ້ມ​ແຂງ-​ຮູ້​ນໍາ​ພາ​ຮອບດ້ານ - Untitled design - ສວສ ຕີ​ລາຄາ​​ວຽກ​ງານກໍ່ສ້າງ​ໜ່ວຍ​ພັກ​ເຂັ້ມ​ແຂງ-​ຮູ້​ນໍາ​ພາ​ຮອບດ້ານ

​ເມື່ອ​ທ້າຍ​ອາທິດ​ຜ່ານ​ມາ, ສະ​ຖາ​ບັນ​ຄົ້ນຄວ້າ​ວິທະຍາສາດການ​ສຶກສາ​ (ສວສ) ກະຊວງ​ສຶກສາ​ທິການ ​ແລະ ກິລາ, ໄດ້​ຈັດ​ກອງ​ປະຊຸມ ປະ​ເມີນໜ່ວຍ​ພັກ​ຂອງ​ສະ​ຖາ​ບັນ​ຄົ້ນຄວ້າ ວິທະຍາ​ສາດ​ການ​ສຶກສາ, ​​ໂດຍການ​ເຂົ້າ​ຮ່ວມ​ຂອງ​ທ່ານ ຄໍາ​ຜາຍ ສີສະ​ຫວັນ ຄະນະ​ປະ​ຈໍາ​ພັກ ລັດ​ຖະມົນຕີ​ກະຊວງ​ສຶກສາ​ທິການ ​ແລະ ກິລາ, ມີທ່ານຄະນະ​ປະ​ຈໍາ​ພັກ ຫົວໜ້າ​ຫ້ອງການພັກ​ ກະຊວງ​ສຶກສາ​ທິການ ​ແລະ ກິລາ, ຄະນະ​ພັກ​ກະຊວງ ​ເລຂາ​ພັກ​ຮາກ​ຖານ ຜູ້​ອໍານວຍ​ການ​ສະ​ຖາ​ບັນ​ຄົ້ນຄວ້າ​ວິທະຍາສາດ​ການ​ສຶກສາ ກະຊວງ​ສຶກສາ​ທິການ ​ແລະ ກິລາ​ເຂົ້າ​ຮ່ວມ​ຢ່າງ​ພ້ອມພຽງ.

​​ໃນໂອກາດ​ດັ່ງກ່າວ, ຄະນະ​ພັກຮາກ​ຖານ ຮອງ​ຜູ້​ອໍານວຍ​ການ​ສະ​ຖາ​ບັນ​ຄົ້ນຄວ້າ​ວິທະຍາສາດການ​ສຶກສາ ​ໃຫ້​ຮູ້​ວ່າ: ​ໃນ​ໄລຍະ​ຜ່ານ​ມາ ຄະນະ​ພັກ​ໄດ້​ຖື​ເອົາ​ວຽກ​ງານ​ການ​ຊີ້​ນໍາ​ວິຊາ​ສະ​ເພາະ​ເປັນ​ໃຈກາງ​ໃນ​ການ​ເຄື່ອນ​ໄຫວ​ຂອງ​ຕົນ​ຄື: ວຽກງານການ​ສຶກສາກ່ອນ​ໄວ​ຮຽນ, ການ​ສຶກສາ​ຂັ້ນ​ປະຖົມ, ມັດທະຍົມ​ຕົ້ນ, ມັດທະ​ຍົມ​ປາຍ, ການ​ຄົ້ນຄວ້າ​ວິທະຍາ​ສາດ ​ແລະ ການ​ປະ​ເມີນ​ຜົນ​ການ​ສຶກສາ ​ແລະ ການ​ໂຄສະນາ​ເຜີຍ​ແຜ່​ຂ່າວສານ​ການ​ສຶກສາ​ ຢູ່​ພາຍ​ໃຕ້​ການ​ຊີ້​ນໍາ-ນໍາ​ພາ​ຂອງ​ໜ່ວຍ​ພັກຕ່າງໆ ​ໄດ້​ຮັບ​ການ​ປະຕິບັດ​ສໍາ​​ເລັດ​ຕາມ​ແຜນ​ທີ່​ກໍານົດ, ​ເປັນ​ຕົ້ນ​ແມ່ນ ການ​ເຝິກ​​ອົບຮົມ​ຄູ ກ່ຽວ​ກັບ​ການ​ນໍາ​ໃຊ້​ຫຼັກ​ສູດ​, ປຶ້ມ​ແບບຮຽນ ​ແລະ ຄູ່ມື​ຄູ​ວິຊາ ​ຄະນິດສາດ ຊັ້ນ ປ1, ການ​ສ້າງ​ຕົ້ນ​ສະບັບ​ປຶ້ມ​ແບບຮຽນ ​ແລະ ຄູ່​ມື​ຄູ​ວິຊາ​ ຄະນິດສາດ ຊັ້ນ ປ2, ກາ​ນທົດ​ລອງ​ປຶ້ມ ປ2, ດັດ​ແກ້​ປຶ້ມ ປ1, ການ​ທົດ​ລອງ ​ແລະ ​ເຝິກອົບຮົມ​ນໍາ​​ໃຊ້​ປຶ້ມ​ແບບຮຽນ ​ແລະ ຄູ່​ມື​ຄູ​ ພາສາ​ຍີ່ປຸ່ນ ​ຊັ້ນ​ມັດທະ​ຍົມ​ສຶກສາ​, ​ເຝິກ​ອົບຮົມ​ການ​ນໍາ​ໃຊ້​ຄອ​ມພິວ​ເຕີ​ຂັ້ນ​ພື້ນຖານ​ໃຫ້​ຄູ​ຊັ້ນ​ປະຖົມ​ສຶກສາ 15 ​ໂຮງຮຽນ​ຂອງ​ເມືອງ ​ສີ​ສັດຕະ​ນາກ, ​ເຝິກອົບຮົມຄູ​ກ່ຽວ​ກັບ​ການ​ສອນ ​ພາສາ​ລາວ ​ແຕ່ ປ1-ປ5 ​ໃຫ້ 15 ​ໂຮງຮຽນ​ຂອງ​ເມືອງ​ສັງ​ທອງ ນະຄອນຫຼວງ​ວຽງ​ຈັນ ຕາມ​ທິດ​ສາມ​ສ້າງ.

ນອກນີ້, ຍັງ​ໄດ້​ພິມ ​ແລະ ​ແຈກ​ຢາຍ​ເອກະສານ​ປະກອບ​ການ​ສອນ​ທີ່​ປັບປຸງ​ເນື້ອ​​ໃນ​ໃໝ່, ພິມ​ຄືນ​ປຶ້​ມ​ແບບຮຽນ​​ຕ່າງໆ​ສໍາລັບ​ການ​ສຶກສາກ່ອນ​​ໄວ​ຮຽນ ​ແລະ ສາມັນສຶກສາ​ທຸກ​ຂັ້ນ ​ແຈກ​ຢາຍ​ໃຫ້​ໂຮງຮຽນ​ທົ່ວ​ປະ​ເທດ ລວມທັງ​ໝົດ 1.178.661 ຫົວ, ພິມ​ປຶ້ມ​ແບບຮຽນ ​ແລະ ຄູ່​ມື​ຄູ​ວິຊາ​ຄະນິດສາ​ດ ປ1 ສະບັບ​ປັບປຸງ​ໃໝ່ ຈໍານວນ 213.200 ຫົວ, ສໍາ​ເລັດ​ການ​ສ້າງ​ຄັງ​ຂໍ້​ສອບ ​ແລະ ອອກ​ຫົວ​ບົດສອບ​ເສັງ​ຈົບ​ຊັ້ນ ​ມ4 ​ແລະ ມ7 ສໍາ​ລັບ​ສົດ​ຮຽນ 2017-2018, ພິມ​ປຶ້ມ​ບົດ​ລາຍ​ງານ​ການ​ວິ​ໄຈ​ຫົວ​ຂໍ້ “ສຶກສາ​ສະພາບ ​ແລະ ບັນ​ຫາ​ການ​ຈັດການ​ຮຽນ-​ການ​ສອນ​ພາສາ​ອັງກິດ ຊັ້ນ​ປະຖົມ​ສຶກສາ​ປີ​ທີ 3-5”, ສໍາ​ເລັດການ​ວິ​ໄຈ “ສະພາບ ​ແລະ ບັນ​ຫາ​ການ​ຈັດການ​ຮຽນ-​ການ​ສອນ​ພາສາ​ອັງກິດ ຊັ້ນ​ປະຖົມ​ສຶກສາ ​ແລະ ມັດ​ທະ​ຍົມ​ສຶກສາ​ຕົວ​ແບ​ບຂອງ​ລັດ ​ແລະ ​ເອກະ​ຊົນ” ​ໃນ​ຂອບ​ເຂດ​ທົ່ວ​ປະ​ເທດ, ສໍາ​ເລັດ​ການ​ປະ​ເມີນ​ຜົນ​ສໍາ​ເລັດ​ການ​ຮຽນ​ຂອງ​ນັກຮຽນ ປ3, ມ4 ​ແລະ ມ7, ຜະລິດ ​ແລະ ຈັດ​ພິມ​ວາລະສານ​ວິທະຍາສາ​ດ, ວາລະສານ​ສຶກສາ​ໃໝ່, ວາລະສານ​ກິລາ, ໜັງສືພິມ​ສຶກສາ-​ກິລາ​ລາຍ​ວັນ, ຜະລິດ​ລາຍການ​ວິທະຍຸ​ການ​ສຶກສາ​ໄດ້ 200 ກວ່າ ລາຍການ, ລາຍການ​​ໂທລະພາບ 100 ກວ່າ ລາຍການ, ​ໄດ້​ເອົາ​ໃຈ​ໃສ່​ຊີ້​ນໍາ​ການ​ພົວພັນ​ຮ່ວມ​ມື​ກັບ​ຕ່າງປະ​ເທດ ​ໂດຍ​ສະ​ເພາະ​ກັບ​ຄູ່​ຮ່ວມ​ພັດທະນາ​ຫຼັດສູດ ​ແລະ ສື່​ການ​ຮຽນ-​ການ​ສອນ​ຕາມ​ການ​ມອບໝາຍ​ຂອງ​ຂັ້ນ​ເທິງ ​ແລະ ວຽກງານ​ອື່ນໆ.

ສໍາລັບ​ການ​ປະ​ເມີນ​ຂັ້ນ​ໜ່ວຍ ​ແລະ ຂັ້ນ​ຮາກ​ຖານ​ຂອງ​ໜ່ວຍ​ພັກທັງ 5 ໜ່ວຍ​ ທີ່​ຂຶ້ນ​ກັບ​ຄະນະ​ພັກ​ຮາກ​ຖານ ສວສ ມີ​ຄະ​ແນນ​ສະ​ເລ່ຍຢູ່​ໃນ​ເກນ​ເປັນ​ໜ່ວຍ​ພັກ​ເຂັ້ມ​ແຂງ-​ຮູ້​ນໍາພາ​ຮອບດ້ານ ທັງ 5 ໜ່ວຍ, ​ໃນ​ນັ້ນ, ມີ​ໜ່ວຍ​ພັກທີ່​ໄດ້​ຄະ​ແນນ​ສະ​ເລ່ຍສູ​ງສຸດ 9,53 ແລະ ໜ່ວຍ​ພັກ​ທີ່​ໄດ້​ຄະ​ແນນ​ສະ​ເລ່ຍຕໍ່າ​ສຸດ ​ແມ່ນ 9,00 (ບໍ່​ມີ​ໜ່ວຍ​ພັກ​ກາງ ​ແລະ ອ່ອນ) ສະມາຊິກ​ພັກ​ໄດ້​ຮັບ​ການປະ​ເມີນ​ທັງ​ໝົດ 46 ທ່ານ, ​ໃນ​ນັ້ນ, ຜູ້​ທີ່​ໄດ້​ຄະ​ແນນ​ສະ​ເລ່ຍສູງ​ສຸດ​ແມ່ນ 9,55, ຜູ້​ໄດ້​ຄະ​ແນນ​ສະ​ເລ່ຍຕໍ່າ​ສຸດ 8,51, ສະມາຊິກ​ພັດກທຸກ​ສະຫາຍ​ໄດ້​ຄະ​ແນນ​ສະ​ເລ່ຍຢູ່​ໃນ​ເກນ​ເປັນ​ສະມາຊິກ​ເຂັ້ມ​ແຂງ-​ຮູ້​ນໍາພາ​ຮອບ​ດ້ານ (ບໍ່​ມີ​ສະມາຊິກ​ພັກ​ກາງ ​ແລະ ອ່ອນ).

ສວສ ຕີ​ລາຄາ​​ວຽກ​ງານກໍ່ສ້າງ​ໜ່ວຍ​ພັກ​ເຂັ້ມ​ແຂງ-​ຮູ້​ນໍາ​ພາ​ຮອບດ້ານ - Wave100S AD to Website 2020 0 - ສວສ ຕີ​ລາຄາ​​ວຽກ​ງານກໍ່ສ້າງ​ໜ່ວຍ​ພັກ​ເຂັ້ມ​ແຂງ-​ຮູ້​ນໍາ​ພາ​ຮອບດ້ານ

​​​ໃນໂອກາດນີ້​, ທ່ານ ຄໍາ​ຜາຍ​ ສີສະ​ຫວັນ ​ໄດ້ກ່າວ​ຍ້ອງຍໍ​ຊົມ​ເຊີຍ​ຕໍ່​ຜົນງານ​ຜ່ານ​ມາ, ພ້ອມ​ທັງ​ເນັ້ນ​​ໃຫ້ເອົາໃຈໃສ່​​ເຊື່ອມ​ຊຶມ​ແນວທາງ​ຂອງ​ພັກ-ລັດ, ການປົກ​ປ້ອງ​ຜົນ​ສັກສິດຂອງ​ການ​​ເມືອງ​ດ້ວຍ​ກົດໝາຍ​ເຮັດ​ໃຫ້​ກົດໝາຍ​ມີ​ຄວາມ​ໜັກ​ແໜ້ນ ​ແລະ ​ແນວທາງ​ການ​ຕ່າງ​ປະ​ເທດ, ​​ເຊື່ອມ​ຊຶມ​ວຽກ​ງານ​ຈັດ​ຕັ້ງ​ພະນັກງານ, ດ້ານ​ວິຊາສະ​ເພາ​ະ​ ເພື່ອ​ໃຫ້​ຮູ້​ໜ້າ​ທີ່​ດ້ານ​ເມືອງ​ຂອງ​ຕົນ​ເອງ ​ແລະ ວຽກ​ງານ​ນະ​​ໂຍບາຍ​ໃນ​ການຈັດ​ຕັ້ງ​ປະຕິບັດ​ວຽກ​ງານ 3 ສ້າງ.

ສວສ ຕີ​ລາຄາ​​ວຽກ​ງານກໍ່ສ້າງ​ໜ່ວຍ​ພັກ​ເຂັ້ມ​ແຂງ-​ຮູ້​ນໍາ​ພາ​ຮອບດ້ານ - WhatsApp Image 2020 05 27 at 5 - ສວສ ຕີ​ລາຄາ​​ວຽກ​ງານກໍ່ສ້າງ​ໜ່ວຍ​ພັກ​ເຂັ້ມ​ແຂງ-​ຮູ້​ນໍາ​ພາ​ຮອບດ້ານ
ສວສ ຕີ​ລາຄາ​​ວຽກ​ງານກໍ່ສ້າງ​ໜ່ວຍ​ພັກ​ເຂັ້ມ​ແຂງ-​ຮູ້​ນໍາ​ພາ​ຮອບດ້ານ - WhatsApp Image 2020 05 27 at 5 - ສວສ ຕີ​ລາຄາ​​ວຽກ​ງານກໍ່ສ້າງ​ໜ່ວຍ​ພັກ​ເຂັ້ມ​ແຂງ-​ຮູ້​ນໍາ​ພາ​ຮອບດ້ານ
error: Alert: ເນື້ອຫາຂ່າວມີລິຂະສິດ !!