ສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງສຳເລັດການເຄື່ອນໄຫວເກັບກໍາຂ່າວຢູ່ລາວ

ສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງສຳເລັດການເຄື່ອນໄຫວເກັບກໍາຂ່າວຢູ່ລາວ - 36534364 1982927438684474 2663871311209562112 n - ສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງສຳເລັດການເຄື່ອນໄຫວເກັບກໍາຂ່າວຢູ່ລາວ
ສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງສຳເລັດການເຄື່ອນໄຫວເກັບກໍາຂ່າວຢູ່ລາວ - Untitled design - ສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງສຳເລັດການເຄື່ອນໄຫວເກັບກໍາຂ່າວຢູ່ລາວ

ສື່ມວນຊົນຈາກ 6 ປະເທດໃນຂອບການຮ່ວມມືແມ່ນໍ້າຂອງ-ແມ່ນ້ຳລ້ານຊ້າງ ມີ: ກຳປູເຈຍ, ຈີນ, ລາວ, ມຽນມາ, ໄທ ແລະ ຫວຽດນາມ (MLC) ຫລາຍກວ່າ 20 ຄົນ, ໄດ້ສຳເລັດການເຄື່ອນໄຫວເກັບກຳຂ່າວ ແລະ ຢ້ຽມຊົມສະຖານທີ່ທ່ອງທ່ຽວຢູ່ 3 ແຂວງຂອງລາວ ນັບແຕ່ວັນທີ 1-8 ກໍລະກົດນີ້. ໂດຍແມ່ນໜັງສືພິມປະຊາຊົນລາຍວັນ ສປ ຈີນ ໃຫ້ການສະໜັບສະໜູນກິດຈະກຳດັ່ງກ່າວ.

ຕະຫລອດ 1 ອາທິດຄະນະຜູ້ແທນດັ່ງກ່າວໄດ້ເຄື່ອນໄຫວຢູ່ລາວ ແມ່ນ ໄດ້ເຂົ້າຮ່ວມກອງປະຊຸມສຸດຍອດສື່ມວນຊົນຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງປະຈຳປີ 2018 ທີ່ນະຄອນຫລວງວຽງຈັນໃນວັນທີ 2-3 ກໍລະກົດຜ່ານມາ, ພ້ອມທັງໄປຢ້ຽມຊົມບັນດາໂຄງການຕ່າງໆທີ່ຈີນລົງທຶນຢູ່ລາວ ເປັນຕົ້ນ: ໂຄງການກໍ່ສ້າງທາງລົດໄຟລາວ-ຈີນ, ໂຄງການກໍ່ສ້າງເຂື່ອນໄຟຟ້ານ້ຳອູ 1 ແລະ 4, ຢ້ຽມຊົມສະຖານທີ່ທ່ອງທ່ຽວສຳຄັນຄື: ພະທາດພູສີ, ຫໍພິພິທະພັນແຫ່ງຊາດຫລວງພະບາງ, ວັດຊຽງທອງ ແລະ ອຸທິຍານນ້ຳຕົກຕາດກວາງຊີ. ນອກນີ້, ຍັງໄດ້ຢ້ຽມຊົມ 3 ສະຖານທີ່ທ່ອງທ່ຽວສຳຄັນຢູ່ແຂວງຈຳປາສັກເປັນຕົ້ນ: ຜາສາດຫີນວັດພູ, ນ້ຳຕົກຕາດຄອນພະເພັງ ແລະ ຕາດຟານ. ການເຄື່ອນໄຫວຂອງຄະນະສື່ມວນຊົນຈາກ 6 ປະເທດ MLC ໃນຄັ້ງນີ້ ຍັງເປັນການປະກອບສ່ວນໂຄສະນາສະຖານທີ່ທ່ອງທ່ຽວຂອງລາວ ໃນໂອກາດປີທ່ອງທ່ຽວລາວ 2018 ເພາະບັນດາສື່ມວນຊົນທີ່ເຂົ້າຮ່ວມກິດຈະກຳໄດ້ເກັບກຳຂໍ້ມູນຂຽນຂ່າວ ແລະ ບົດປະເພດຕ່າງໆ ເພື່ອເຜີຍແຜ່ຜ່ານສື່ທີ່ຕົນເອງສັງກັດຢູ່ ເພື່ອໃຫ້ປະຊາຊົນ ກໍຄືນັກທ່ອງທ່ຽວພາຍໃນປະເທດຂອງຕົນໄດ້ຮັບຮູ້ ແລະ ຫັນມາທ່ອງທ່ຽວພາຍໃນປະເທດລາວນັບມື້ເພີ່ມຂຶ້ນ, ທັງເປັນການປະກອບສ່ວນຊຸກຍູ້ສົ່ງເສີມການທ່ອງທ່ຽວໃນປະເທດທີ່ນອນຢູ່ໃນກອບການຮ່ວມມື MLC ໃຫ້ນັບມື້ຂະຫຍາຍຕົວກວ່າເກົ່າ.

ທ່ານນາງ Phi Hoang Le ຜູ້ສື່ຂ່າວຈາກວິທະຍຸກະຈາຍສຽງແຫ່ງຊາດຫວຽດນາມ ໃຫ້ສຳພາດວ່າ: ເປັນຄັ້ງທຳອິດທີ່ຕົນເອງໄດ້ເດີນທາງມາລາວ, ໄດ້ຢ້ຽມຊົມນະຄອນຫລວງວຽງຈັນ, ນະຄອນຫລວງພະບາງ ແລະ ແຂວງ ຈຳປາສັກ, ລາວເປັນປະເທດທີ່ສວຍງາມ, ຂ້າພະເຈົ້າມັກອາຫານລາວ ແລະ ກາເຟລາວ, ແຕ່ຂ້າພະເຈົ້າຂໍມີທັດສະນາວ່າ: ຖ້າຢາກໃຫ້ການທ່ອງທ່ຽວຂອງລາວນັບມື້ເຕີບໃຫຍ່ຂະຫຍາຍຕົວ ແລະ ເຮັດໃຫ້ປະຊາຊົນມີລາຍຮັບຈາກການທ່ອງທ່ຽວຫລາຍຂຶ້ນ ລັດຖະບານຕ້ອງເອົາໃຈໃສ່ຊຸກຍູ້ສົ່ງເສີມການຜະລິດຂອງປະຊາຊົນຢູ່ແຕ່ລະທ້ອງຖິ່ນ ເພື່ອຈຳໜ່າຍໃຫ້ນັກທ່ອງທ່ຽວຫລາຍຂຶ້ນ, ພ້ອມທັງເອົາໃຈໃສ່ເລື່ອງການຮັກສາຄວາມສະອາດຂອງສະຖານທີ່ທ່ອງທ່ຽວ, ລວມເຖິງການໃຫ້ຂໍ້ມູນຂ່າວສານກ່ຽວກັບການທ່ອງທ່ຽວພາຍໃນປະເທດດ້ວຍການໂຄສະນາຜ່ານສື່ຕ່າງໆໃຫ້ຫລາຍຂຶ້ນກວ່າເກົ່າ. ພ້ອມທັງສະແດງຄວາມຫວັງວ່າຈະໄດ້ມີໂອກາດເດີນທາງມາທ່ອງທ່ຽວໃນປະເທດລາວອີກໃນຕໍ່ໜ້າ.

ສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງສຳເລັດການເຄື່ອນໄຫວເກັບກໍາຂ່າວຢູ່ລາວ - Wave100S AD to Website 2020 0 - ສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງສຳເລັດການເຄື່ອນໄຫວເກັບກໍາຂ່າວຢູ່ລາວ

ທ່ານ Sek Odom ຜູ້ສື່ຂ່າວຈາກສະຖານີໂທລະພາບບາຢົນຂອງກໍາປູເຈຍ ໃຫ້ສໍາພາດວ່າ: ເປັນຄັ້ງທຳອິດທີ່ຕົນເອງໄດ້ເດີນທາງມາລາວ, ລາວເປັນປະເທດທີ່ມີສະຖານທີ່ທ່ອງທ່ຽວສວຍງາມຫລາຍແຫ່ງທີ່ສາມາດດຶງດູດນັກທ່ອງທ່ຽວຕ່າງປະເທດເຂົ້າມາທ່ຽວຊົມ, ສະນັ້ນຂະແໜງການກ່ຽວຂ້ອງຂອງລາວຄວນແນະນໍາໃຫ້ເຈົ້າໜ້າທີ່ກ່ຽວຂ້ອງຢູ່ແຕ່ລະສະຖານທີ່ທ່ອງທ່ຽວໃຫ້ຂໍ້ມູນຂ່າວສານຕ່າງໆກ່ຽວກັບສະຖານທີ່ທ່ອງທ່ຽວໃຫ້ຫລາຍຂຶ້ນກວ່າເກົ່າ ແລະ ວ່ອງໄວ. ຄຽງຄູ່ກັນນີ້ຕ້ອງເອົາໃຈໃສ່ໂຄສະນາຢູ່ຕ່າງປະເທດຢ່າງກ້ວາງຂວາງ, ເອົາໃຈໃສ່ຮັກສາສະພາບແວດລ້ອມ ແລະ ຄວາມສະອາດໃຫ້ດີ ເພາະເປັນສິ່ງທີ່ນັກທ່ອງທ່ຽວຕ່າງປະເທດໃຫ້ຄວາມສຳຄັນຫລາຍ.

ທ່ານນາງ ເພັງໂສພາ ສຸຄົນທະລັກ ຜູ້ສື່ຂ່າວຈາກໂທລະພາບໄທລັດຂອງໄທ ໃຫ້ສຳພາດວ່າ: ເຄີຍເດີນທາງມາເກັບກໍາຂ່າວຢູ່ປະເທດລາວຫລາຍຄັ້ງ, ລາວເປັນປະເທດທີ່ມີທຳມະຊາດສວຍງາມ ແລະ ສະຫງົບສຸກ, ໃນນາມສ່ວນຕົວມັກທ່ອງທ່ຽວຢູ່ນະຄອນຫລວງພະບາງຫລາຍກວ່າໝູ່ ເພາະເປັນເມືອງທີ່ສວຍງາມ, ບໍ່ໃຫຍ່ ແລະ ສາມາດຍ່າງທ່ຽວຊົມຕົວເມືອງຫລວງພະບາງໄດ້, ຖ້າມີໂອກາດຈະເດີນທາງມາລາວພ້ອມກັບຄອບຄົວອີກຄັ້ງໜຶ່ງ ເພື່ອໃຫ້ສາມາດທ່ອງທ່ຽວໄດ້ຫລາຍສະຖານທີ່ສຳຄັນຂອງປະເທດລາວ.

ສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງສຳເລັດການເຄື່ອນໄຫວເກັບກໍາຂ່າວຢູ່ລາວ - WhatsApp Image 2020 05 27 at 5 - ສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງສຳເລັດການເຄື່ອນໄຫວເກັບກໍາຂ່າວຢູ່ລາວ
ສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງສຳເລັດການເຄື່ອນໄຫວເກັບກໍາຂ່າວຢູ່ລາວ - WhatsApp Image 2020 05 27 at 5 - ສື່ມວນຊົນຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງສຳເລັດການເຄື່ອນໄຫວເກັບກໍາຂ່າວຢູ່ລາວ
error: Alert: ເນື້ອຫາຂ່າວມີລິຂະສິດ !!