ຢາເສບຕິດຂ້າຄົນໃນທາງກົງ ແລະ ທາງອ້ອມ

- Untitled design - ຢາເສບຕິດຂ້າຄົນໃນທາງກົງ ແລະ ທາງອ້ອມ

- Untitled 1 2 - ຢາເສບຕິດຂ້າຄົນໃນທາງກົງ ແລະ ທາງອ້ອມໂດຍ: ກ້ອງສ່ອງ ອິດສະຫລະ

ຕາມ​ເຮົາ​ວ່າ, ສະພາບ​ການ​ຈັບ​ກຸມ​ພວກ​ຄ້າຂາຍ​ຢາ​ເສບ​ຕິດ​ຢູ່ບ້ານ​ເຮົາ​ເບິ່ງຢ່າງໜຶ່ງມັນຄືມີລຽນຕິດ​ຕໍ່​ເນື່ອງ. ຂ່າວຄາວຜູ້ເສບ, ຜູ້ຕິດຢາບ້າກໍມີອາການກໍາເລີບໜັກໜ້າ. ສະພາບຂອງຜູ້ຕິດຢາບ້າອາລະວາດຂ້າກັນຕາຍກໍປາ ກົດມີ​ໃຫ້​ເຫັນຫລາຍ​ສົມຄວນເຊັ່ນ: ພໍ່ຂ້າລູກ, ລູກຂ້າພໍ່ແມ່, ຜົວຂ້າເມຍ ລວມເຖິງສະພາບລັກໝົກຈົກຫໍ່​ອື່ນໆ. ຈາກສະພາບດັ່ງກ່າວເຮົາ​ໃນຖານະເປັນຄົນສື່ກໍຕັ້ງຄໍາຖາມຢູ່ໃນໃຈຕົນເອງວ່າ: ຢູ່ບ້ານເພິ່ນເມືອງທ່ານ ຫລື ປະ ເທດທີ່ຈະເລີນພັດທະນາແລ້ວເພິ່ນກໍມີຄືບ້ານເມືອງເຮົາບໍ່​ນໍ້ ? ​ແຕ່ໃນຄວາມເປັນຈິງແລ້ວສະເພາະຢູ່​ປະເທດເຮົາ ແມ່ນມີການປາບຈັບກຸມ ແລະ ທັບມ້າງກຸ່ມແກ້ງເຫລົ່ານີ້ຢ່າງລຽນຕິດ, ແຕ່ປາກົດວ່າປາບເທົ່າໃດກໍ​ເຫັນວ່າມີ ຫລາຍຂຶ້ນຊັກ​ໄຊ້. ດັ່ງເຮົາເຫັນໃນໜັງສືພິມ, ວິທະຍຸ ແລະ ໂທລະພາບຕ່າງໆ ທີ່ມີການຈັບກຸມແກ້ງຢາ​ບ້າ ແລະ ຂະບວນການຄ້າຢາເສບຕິດຢູ່ຫລາຍທ້ອງຖິ່ນເຂດແຂວງແມ່ນມີ​​ແຜ່​ຫລາຍ.

ເມື່ອເປັນສະພາບຄືແນວນີ້ພວກເຮົາມາຕັ້ງໂຈດກັນວ່າຈະເຮັດແນວໃດມັນຈຶ່ງຈະຫລຸດຜ່ອນຫລື ໝົດສ້ຽງໄປ ຈາກສັງຄົມບ້ານເຮົາ ? ຕາມເຮົາຄິດ, ອັນທີໜຶ່ງຕ້ອງເຮັດໃຫ້ເປັນວາລະແຫ່ງຊາດ, ກາຍ​ເປັນ​ສະໜາມຮົບ​ເຮັດ ຢ່າງ​ເນື່ອງນິດ​ລຽນຕິດ. ໝາຍວ່າຕ້ອງເປັນສະໜາມຮົບຢ່າງເອົາຈິງເອົາຈັງ ແລະ ເດັດຂາດ ທັງມີມາດຕະການອັນ ສຽບຂາດ. ອັນທີສອງໃນລະບົບການຈັດຕັ້ງທຸກພາກສ່ວນ ນັບທັງພາກລັດ ແລະ ເອກະຊົນຕ້ອງເປັນເຈົ້າການທີ່ ເຂັ້ມແຂງ ເພື່ອເປັນຕົວຄຶງອັນແໜ້ນແກ່ນໃຫ້ພັກ ແລະ ລັດຖະບານ, ກ່ອນອື່ນໝົດແມ່ນສ້າງໜ່ວຍງານ ແລະ ກົມກອງຂອງຕົນປອດຢາເສບຕິດ, ບໍ່ຄວນພາກັນເຮັດແບບພໍມ້າມແປະພຸງ ຫລື ເຮັດພໍເຄິ່ງເຫ່ຍເຄິ່ງແລນ. ອັນ ທີສາມແມ່ນພາກສ່ວນສັງຄົມ ໂດຍເລີ່ມຈາກຄອບຄົວເປັນຜູ້ເອົາໃຈໃສ່ຕິດຕາມສຶກສາອົບຮົມສ້າງຄອບຄົວຕົວ​ແບບ, ຄອບຄົວທີ່ປອດຢາເສບຕິດ, ສ້າງບ້ານເປັນບ້ານປອດຄະດີ, ປອດຢາເສບຕິດ, ເລັ່ງພັດທະນາທ້ອງຖິ່ນຊົນ ນະບົດໄປຕາມທິດສາມສ້າງ​ ແລະ ​ສອດຄ່ອງ​ກັບແນວທາງຂອງພັກ ແລະ ລັດຖະບານ. ຕາມເຮົາຄິດ, ຖ້າພວກ ເຮົາພ້ອມກັນເຮັດຢ່າງເດັດຂາດຈິງຈັງ, ມີມາດຕະການ ນັບແຕ່ຂັ້ນຄອບຄົວ, ກຸ່ມບ້ານ ແລະ ທຸກໆເມືອງ ມັນກໍ ຈະມີຜົນດີອອກມາຫລາຍກວ່າສະພາບຄືປັດຈຸບັນນີ້.

ສະພາບທີ່ເຮົາເຫັນໃນທຸກ​ວັນ​ນີ້, ຄົນເຈັບຄົນເປັນ ແລະ ຄົນຕາຍຍ້ອນຢາເສບຕິດແມ່ນມີເກືອບທຸກທ້ອງ ຖິ່ນເຂດແຂວງ ເຊິ່ງແຕ່ລະມື້ແຕ່ລະວັນໃນທົ່ວປະເທດແມ່ນມີເປັນຫ້າເປັນສິບ. ຂ່າວຄາວຮືຮາການຈັບກຸມຂຸມຂັງ​ກຸ່ມແກ້ງຢາ​ເສບ​ຕິດໃນສັງຄົມບ້ານເຮົາກາຍເປັນເລື່ອງທີ່ບໍ່ດີຕໍ່ບົດບາດ ແລະ ຊື່ສຽງຂອງປະເທດຊາດ. ພວກທີ່ ຖືກຈັບກຸມໄປແລ້ວນັ້ນບໍ່ແມ່ນຄົນທໍາມະດາ, ເຂົາເປັນຄົນຮັ່ງມີ​ ແລະ ມີຊື່ສຽງໃນສັງຄົມ ທັງມີການເຊື່ອມໂຍງໄປ ໃນຫລາຍແງ່ມຸມ ເຊິ່ງ​ຄົນທັງຫລາຍ​ເຂົາຮູ້ ​ແລະ ​ມີບາງ​ຄົນ​ເຂົາກໍໄດ້ແຕ່ເອົາມືກັ້ງໂກບ ທັງ​ເບິ່ງ​ທັງຈົ່ມແຕ່ກໍບໍ່ສາ ມາດເວົ້າຫຍັງໄດ້ ຍ້ອນວ່າລະຫວ່າງບ່ອນອີງເສົາໄມ້ໄຜ່ກັບເສົາໄມ້ແຕ້ມັນແຕກຕ່າງກັນ. ຂໍຊົມເຊີຍລັດຖະບານ ຊຸດທີ 8 ທີ່ໄດ້ເອົາຈິງເອົາຈັງກັບ​ການປາບຢາ​ເສບ​ຕິດ, ​ຖ້າບໍ່ດັ່ງນັ້ນບ້ານເຮົາອາດຈະວຸ້ນວາຍເຂົ້າສູ່ລວງເລິກຫລາຍ​ກວ່າ​ນີ້.

- Wave100S AD to Website 2020 0 - ຢາເສບຕິດຂ້າຄົນໃນທາງກົງ ແລະ ທາງອ້ອມ

ຕາມເຮົາຄິດຖ້າບໍ່ເອົາຈິງເອົາຈັງອີ່ຫລີ ຢາເສບຕິດແມ່ນຄາດຕະກອນທີ່ຂ້າຄົນລາວມື້ລະຫ້າລະສິບ ຫລື ເພີ່ມ ຂຶ້ນນັບມື້ຖ້າເຮົາບໍ່ພ້ອມກັນກໍາຈັດຢ່າງ​ຈິງຈັງ.

- WhatsApp Image 2020 05 27 at 5 - ຢາເສບຕິດຂ້າຄົນໃນທາງກົງ ແລະ ທາງອ້ອມ
- WhatsApp Image 2020 05 27 at 5 - ຢາເສບຕິດຂ້າຄົນໃນທາງກົງ ແລະ ທາງອ້ອມ
error: Alert: ເນື້ອຫາຂ່າວມີລິຂະສິດ !!