ປະທານ ສຸພານຸວົງ ຕອນຖືກຈັບເຂົ້າຄຸກໂພນເຄັງ

- Untitled design - ປະທານ ສຸພານຸວົງ ຕອນຖືກຈັບເຂົ້າຄຸກໂພນເຄັງ

ໂດຍ: ທິດກ່ຳ

ມື້ວັນທີ 28 ກໍລະກົດ 1959 ເປັນມື້ທີ່ລັດຖະບານ ຜຸຍ ຊະນະນິກອນ ຈັບຜູ້ນຳ ແນວລາວ ຮັກຊາດໄປເຂົ້າ ຄຸກຕົ້ນເຫດທີ່ຖືກຈັບນັ້ນຍ້ອນວ່າມີການລວມລາວສ້າງ ຄວາມຖືກຕ້ອງປອງດອງ ຊາດ ປະຕິບັດຕາມສັນຍາ ເຊີແນວປີ 1954 ແລະ ສັນ ຍາວຽງຈັນປີ 1957 ເຊິ່ງ ເວລານັ້ນມີພັກການເມືອງ ສອງຝ່າຍໃຫຍ່ຕໍ່ສູ້ກັນແບບ ຄົນລະອຸດົມການມີກຳລັງທະຫານຂອງໃຜມັນເອີ້ນວ່າຝ່າຍວຽງຈັນກັບຝ່າຍແນວລາວ ຮັກຊາດ.

 

ປະທານ ສຸພານຸວົງ ກັບບັ້ນຮົບ 21 ມີນາ ທີ່ເມືອງທ່າແຂກ

ປະທານ ສຸພານຸວົງ ນັກປະຕິວັດຜູ້ກ້າແກ່ນ

ພາຍຫລັງເຂົ້າລວມລາວແລ້ວເພື່ອໃຫ້ສອດຄ່ອງກັບ ລະບຽບກົດໝາຍກໍຕ້ອງມີ ການເລືອກຕັ້ງ, ຜ່ານການ ເລືອກຕັ້ງຜົນອອກມາຝ່າຍ ແນວລາວຮັກຊາດໄດ້ 9 ທີ່ ນັ່ງສົມທົບກັບພັກທີ່ສະໜັບ ສະໜູນ ຂອງທ່ານ ກິນິມ ພົນ ເສນາ ໄດ້ 4 ທີ່ນັ່ງລວມ ເປັນ 13 ທີ່ນັ່ງ ແລະ ຜ່ານການ ເລືອກຕັ້ງຄັ້ງນີ້ແມ່ນ ທ່ານ ສຸວັນ ນະພູມມາ ໄດ້ເປັນ ນາຍົກ.

ພາຍຫລັງ ໄດ້ລັດຖະ ບານ ທີ່ມາຈາກການເລືອກ ຕັ້ງຂອງສອງຝ່າຍແລ້ວກໍ ມີການປະຊຸມສະພາຕາມວາລະທີ່ວາງອອກ. ແຕ່ປະຊຸມ ກັນເທື່ອໃດສະພາຈົນຊິແຕກຍ້ອນອຸດົມການ ແລະ ແນວ ທາງມັນຕ່າງກັນ.

ພັກແນວລາວຮັກຊາດ ສະເໜີແນວທາງ ແລະ ຄວາມຄິດເຫັນມີແຕ່ແນວ ດີໆ ແລະ ໄດ້ຮັບການສະ ໜັບ ສະໜູນຈາກລາດຊະດອນ ທົ່ວທັງປະເທດ, ໃນນີ້ກໍມີ ທັງປັນຍາຊົນ, ນັກຮຽນນັກ ສຶກສາ ແລະ ກຳມະກອນ- ຊາວນາໃນທົ່ວປະເທດ ໃຜ ກໍພາກັນຕົບມືພືຜ້າ ສະນັ່ນ ຫວັ່ນໄຫວ ດ້ວຍເຫດນັ້ນຝ່າຍ ວຽງຈັນຈິ່ງຊອກຫາວິທີ ທາງຈັບກຸມບັນດາຜູ້ແທນ ແນວລາວຊາດເຂົ້າຄຸກໜຶ່ງ ໃນຜູ້ສຳຄັນທີ່ຖືກຈັບນັ້ນກໍ ມີ ທ່ານ ປະທານ ສຸພານຸວົງ ເຂົາເວົ້າວ່າຜູ້ນີ້ລະສຳຄັນ ກວ່າໝູ່, ຈາກນັ້ນກໍມີ ທ່ານ ໜູ ຮັກ ພູມສະຫວັນ, ທ່ານ ພູມີ ວົງວິຈິດ, ທ່ານ ສິງກະໂປ ສີ ໂຄດຈຸນລະມະນີ, ທ່ານ ສີທົນ ກົມມະດຳ ແລະ ຜູ້ນຳອື່ນໆ ຈຳນວນ 16 ທ່ານ.

ສ່ວນຄຸກທີ່ເປັນບ່ອນກັກຂັງນັ້ນເປັນຄອກມ້າເກົ່າຂັ້ນ ເປັນແຕ່ລະຫ້ອງ ແລະ ອ້ອມ ຮອບດ້ວຍຮົ້ວສັງກະສີ, ມີ ສາລະວັດທະຫານເຝົ້າຍາມ ຢ່າງເຄັ່ງຄັດ, ຕໍ່ສະພາບທີ່ ເຄັງຕຶງນັ້ນ, ທາງສູນກາງພັກ ປະທານ ໄກສອນ ພົມວິຫານ ແລະ ທ່ານອື່ນໆ ທີ່ບໍ່ໄດ້ສະໝັກ ເປັນຜູ້ແທນນຳໝູ່ ພວກເພ່ິນ ໄດ້ອ່ານສະພາບການໄວ້ລ່ວງໜ້າແລ້ວ ໄດ້ພາກັນຫລົບຫລີກ ແລະ ໜີອອກໄປຫາເຂດ ທີ່ ໝັ້ນກ່ອນ, ຈຶ່ງໄດ້ວາງແຜນ ໂຕນ ຄຸກ.

- Wave100S AD to Website 2020 0 - ປະທານ ສຸພານຸວົງ ຕອນຖືກຈັບເຂົ້າຄຸກໂພນເຄັງ

ໃນແຜນ ໂຕນຄຸກ ມີສອງ ວິທີຄືໜຶ່ງໃຊ້ກຳລັງດັກກົງ ມາເອົາຜູ້ສຳຄັນໃຫ້ລອດ, ສ່ວນໜຶ່ງທີ່ເຫລືອໃຫ້ປະຈັນ ບານໃຜຕາຍໃຜຍັງກໍຈຳເປັນວິທີສອງແມ່ນຕຶກເບັດສາຍ ແລບໃນຄຸກໂດຍໃຊ້ວິທີການຂົນຂວາຍ ພວກສາລະວັດ ແລະ ເຈົ້າໜ້າທີ່ໃຫ້ເປັນໃຈ ແລ້ວໃຫ້ເຂົາພາແຫກຄຸກ.

ສຸດທ້າຍກໍເອົາຕາມແຜນທີສອງ, ໃນຂະນະທີ່ ທ່ານ ປະ ທານ ສຸພານຸວົງ ພ້ອມຜູ້ນຳ ອື່ນໆ ພາກັນຢູ່ໃນຄຸກແທນ ທີ່ເພິ່ນຈະອຸກອັ່ງແຕ່ເພິ່ນພັດ ພາກັນມ່ວນຊື່ນ ແລະ ມີຄວາມ ຫວັງ ປະທານ ສຸພານຸວົງ ເປັນຕົວແບບໃນການດຳລົງ ຊີວິດໃນຄຸກເຊັ່ນເພິ່ນປູກດອກໄມ້ນາໆຊະນິດ, ປູກຜັກພໍໃຫຍ່ ຂຶ້ນມາແລ້ວກໍເອົາຝາກເອົາ ຕ້ອນພວກສາລະວັດທີ່ໄປ ຍາມຄຸກ ຫລື ຝາກໄປບູຊາ ທາດຫລວງ, ວັດອົງຕື້, ທັງ ຫັດກາຍຍະບໍລິຫານປະຈຳ ວັນເປັນປົກກະຕິ.

ໄປຄຽງຄູ່ກັນນັ້ນ ວຽກ ທີ່ຂາດບໍ່ໄດ້ຄືຕຶກເບັດສາຍ ແລບໃຊ້ວິທີປຸກລະດົມຂົນ ຂວາຍພວກສາລະວັດທີ່ໄປ ຍາມຄຸກຈົນວ່າໃຫ້ເຂົາເປັນ ໃຈທັງໝົດ.

ເປັນເວລາ 10 ເດືອນ ຫລື 300 ວັນທີ່ຢູ່ໃນ ຄຸກຂອງ ຜູ້ນຳແນວລາວຮັກຊາດບັນ ດາຫົວກະທິທີ່ເຂົາເອີ້ນວ່າ “ຜູ້ນຳຄອມມູນິດ” ເຕັມໄປ ດ້ວຍບັນຍາກາດທີ່ລາບລື້ນ ຈົນພວກສາລະວັດທີ່ຍາມຢູ່ ໃນຄຸກເປັນໃຈຈຳແນກໄດ້ ຄົນ ດີຄົນຊົ່ວ ສຸດທ້າຍເຂົາກໍພາ ຜູ້ນຳເຮົາທັງໝົດ 16 ຄົນໂຕນ ຄຸກໄດ້ຢ່າງມະຫັດສະຈັນ.

ສ່ວນຝ່າຍລັດຖະບານຜຸຍ ຊະນະນິກອນ ລໍຖ້າຈະຕັດສິນ ປະຫານຊີວິດ ໃນສະຖານເປັນ ນັກໂທດຄອມມູນິດກໍເລີຍບໍ່ ທັນໄດ້ຂ້າ, ກ່ອນອອກຄຸກໄປ ທ່ານ ພູມີ ວົງວິຈິດໄດ້ຂຽນ ໜັງສືປະໄວ້ຝາກເຖິງ ທ່ານ ຜຸຍ ຊະນະນິກອນ ໂດຍມີເນື້ອ ໃນວ່າ ທ່ານ ໄດ້ເອົາພວກເຮົາ ມາຂັງໄວ້ໃນຄອກມ້າເປັນ ເວລາ 10 ເດືອນແລ້ວ ມາ ດຽວ ນີ້ພວກເຮົາບໍ່ສາມາດ ຢູ່ໄດ້, ຍ້ອນວ່າເໝັນຂີ້ມ້າເຮົາ ຂໍ ອະນຸຍາດອອກຄຸກໄປກ່ອນ ໂອກາດໜ້າຖ້າມີເຮົາຈຶ່ງ ພົບກັນໃໝ່ ຈາກພູມີ ວົງວິຈິດ (ປຶ້ມຄວາມຊົງຈຳຂອງເຮົາ) ຂຽນໂດຍ ພູມີ ວົງວິຈິດ.
ນີ້ລະທິດກ່ຳວ່າ ເປັນຄົນ ດີ ຜີບໍ່ຂ້າມ້າບໍ່ຢຽບ, ຕົກນ້ຳ ບໍ່ໄຫລຕົກໄຟບໍ່ໄໝ້ ກ່າວເຖິງ ຊີວິດ ແລະ ການເຄື່ອນໄຫວ ຂອງ ທ່ານ ປະທານ ສຸພານຸ ວົງ ເຮົາແລ້ວ ເກີນວ່າ ສັບມະ ປິ ກ່ອນຈະໄດ້ມາເປັນຜູ້ນຳ ເພື່ອຊາດບ້ານເມືອງ ແລະ ເພື່ອປະຊາຊົນມັນຕ້ອງໄດ້ ຜ່ານຜ່າທຸກອຸປະສັກເອົາຊີ ວິດເປັນເດີມພັນອີ່ຫລີ.

ສະນັ້ນ, ພວກເຮົາ ຜູ້ ເປັນ ລູກຫລານຄວນໄດ້ສຶກສາ ຮ່ຳຮຽນ ແລະ ຈາລຶກບຸນຄຸນ ຂອງເພິ່ນຈົນຕາບເທົ່ານິ ລັນດອນ./.

- WhatsApp Image 2020 05 27 at 5 - ປະທານ ສຸພານຸວົງ ຕອນຖືກຈັບເຂົ້າຄຸກໂພນເຄັງ
- WhatsApp Image 2020 05 27 at 5 - ປະທານ ສຸພານຸວົງ ຕອນຖືກຈັບເຂົ້າຄຸກໂພນເຄັງ
error: Alert: ເນື້ອຫາຂ່າວມີລິຂະສິດ !!