ລາວທົບທວນວຽກງານທ່ອງທ່ຽວ

- borsengkham -  ລາວທົບທວນວຽກງານທ່ອງທ່ຽວ
- Untitled design -  ລາວທົບທວນວຽກງານທ່ອງທ່ຽວ

ກອງປະຊຸມທົບທວນຜົນການຈັດຕັ້ງປະຕິບັດປີທ່ອງທ່ຽວໄດ້ຈັດຂຶ້ນໃນທ້າຍອາທິດຜ່ານມານີ້, ໂດຍການເປັນປະທານຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ທັງເປັນປະທານຊີ້ນຳລະດັບຊາດການຈັດປີທ່ອງທ່ຽວລາວ 2018, ມີທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ບັນດາລັດຖະມົນຕີ, ຮອງລັດຖະມົນຕີ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມໄດ້ສະຫລຸບຜົນການຈັດຕັ້ງປະຕິບັດບັນດາກິດຈະກຳສົ່ງເສີມ ການທ່ອງທ່ຽວລາວໃນ 6 ເດືອນຕົ້ນປີ, ພ້ອມທັງປຶກສາຫາລືແຜນການ  ເດືອນທ້າຍປີ ເພື່ອແນ່ໃສ່ໃຫ້ການຈັດປີທ່ອງທ່ຽວລາວປະສົບຜົນສຳເລັດຕາມຄາດໝາຍວາງໄວ້, ໂດຍສະເພາະການໂຄສະນາດຶງດູດນັກທ່ອງທ່ຽວ ເຂົ້າມາໃຫ້ໄດ້ 5 ລ້ານເທື່ອຄົນໃນປີ 2018, ໄປຄຽງຄູ່ກັບການສ້າງຂະບວນການທົ່ວສັງຄົມໃນການປະກອບສ່ວນພັດທະນາ ແລະ ສົ່ງເສີມການທ່ອງທ່ຽວ.

ໃນໂອກາດດັ່ງກ່າວ, ທ່ານ ສອນໄຊ ສີພັນດອນ ໄດ້ມີຄໍາເຫັນວ່າ: ການຈັດປີທ່ອງທ່ຽວ 2018 ນີ້, ຖືເປັນວຽກສຳຄັນທີ່ສຸດ, ນອກຈາກເປັນການສົ່ງເສີມການທ່ອງທ່ຽວແລ້ວ, ຍັງເປັນການອະນຸລັກວັດທະນະທໍາທີ່ເປັນເອກະລັກ ແລະ ຮີດຄອງປະເພນີອັນດີງາມຂອງຊາດ, ເປັນການສ້າງຂະບວນການໂຄສະນາເຜີຍແຜ່ວຽກງານທ່ອງທ່ຽວ ເພື່ອກະຕຸ້ນເສດຖະກິດທາງກົງ ແລະ ທາງອ້ອມ, ໂດຍສະເພາະແມ່ນບັນດາຫົວໜ່ວຍທຸລະກິດທີ່ປິ່ນອ້ອມໃນຂະແໜງການທ່ອງທ່ຽວ. ໃນຊຸມປີຜ່ານມາ, ລັດຖະບານໄດ້ຖືເອົາການທ່ອງທ່ຽວເປັນຂະແໜງການບຸລິມະສິດ ເພື່ອຊຸກຍູ້ການພັດທະນາເສດຖະກິດ-ສັງຄົມ,  ສ້າງວຽກເຮັດງານທຳໃຫ້ປະຊາຊົນໃນການຜະລິດ ເປັນຕົ້ນ: ການຜະລິດກະສິກຳ ແລະ ຫັດຖະກຳ, ໂດຍຖືເປັນການສົ່ງອອກກັບທີ່ ແລະ ການກະຈາຍລາຍໄດ້ສູ່ທ້ອງຖິ່ນ ກໍຄືເຂດຊົນນະບົດຫ່າງໄກສອກຫລີກນັບມື້ມີຊີວິດການເປັນຢູ່ດີຂຶ້ນ.

- Wave100S AD to Website 2020 0 -  ລາວທົບທວນວຽກງານທ່ອງທ່ຽວ
- WhatsApp Image 2020 05 27 at 5 -  ລາວທົບທວນວຽກງານທ່ອງທ່ຽວ
- WhatsApp Image 2020 05 27 at 5 -  ລາວທົບທວນວຽກງານທ່ອງທ່ຽວ
error: Alert: ເນື້ອຫາຂ່າວມີລິຂະສິດ !!