ຫ້ອງວ່າການປະທານປະເທດ ຫວນຄືນວັນຄ້າຍວັນເກີດປະທານ ສຸພານຸວົງ ຄົບຮອບ 109 ປີ

- Souphanouvong Birthday - ຫ້ອງວ່າການປະທານປະເທດ ຫວນຄືນວັນຄ້າຍວັນເກີດປະທານ ສຸພານຸວົງ ຄົບຮອບ 109 ປີ
- Untitled design - ຫ້ອງວ່າການປະທານປະເທດ ຫວນຄືນວັນຄ້າຍວັນເກີດປະທານ ສຸພານຸວົງ ຄົບຮອບ 109 ປີ

ວັນທີ 13 ກໍລະກົດນີ້, ຢູ່ທີ່ຫ້ອງວ່າການປະທານປະເທດ ​ໄດ້​ຈັດ​ຕັ້ງ​ປາຖະກະຖາຫວນ​ຄືນ​​ມູນ​ເຊື້ອວັນຄ້າຍ​ວັນເກີດປະທານ ສຸພານຸວົງ ຄົບຮອບ 109 ປີ ​ເພື່ອ​ໃຫ້​ສະມາຊິກ​ພັກ, ພະນັກງານ-ລັດຖະກອນ​ ອ້ອມຂ້າງຫ້ອງວ່າການປະທານປະເທດໄດ້ຮັບ​ຮູ້​ເຂົ້າ​ໃຈ ແລະ​ ເຫັນ​ໄດ້​ຄວາມ​ສໍາຄັນຂອງ​ວັນ​ດັ່ງກ່າວ​ຢ່າງ​ເລິກ​ເຊິ່ງ, ໂດຍການ​ປາຖະກະຖາຂອງທ່ານ ເພັດສະໝອນ ພັນທະວົງ ຮອງລັດຖະມົນຕີ, ຮອງຫົວໜ້າຫ້ອງວ່າການປະທານປະເທດ, ເຊິ່ງໄດ້ຍົກ​ໃຫ້​ເຫັນບັນດາ​ຜົນງານ ​ແລະ ຄຸນ​ງາມ​ຄວາມ​ດີ​ຂອງ​ປະທານ ສຸພາ​ນຸວົງ ໃນ​ໄລຍະ​ການ​ປະຕິວັດ ທ່ານໄດ້​ສຸມ​ສະຕິ​ປັນຍາ ​ແລະ ​ເຫື່ອ​ແຮງ​ ​​ເພື່ອ​ຊີ້​ນຳ​ຂະ​ບວນການ​ປະຕິວັດ​ລາວຍາດ​ເອົາ​ໄຊຊະນະ​ອັນ​ຍິ່ງ​​ໃຫຍ່ມາ​ໃຫ້​ປະ​ເທດ​ຊາດ. ຊື່​ສຽງ​ຂອງ​ປະທານ ສຸພານຸວົງ ​ໄດ້​ພົ້ນ​ເດັ່ນ​ຂຶ້ນໃນ​ຂະນະ​ທີ່​ເປັນ​ນັກຮົບ​ຮັກ​ຊາດ​ຮຸ່ນ​ທຳ​ອິດ ທີ່​ໄດ້​ເອົາ​ຊີວິດ​ຂອງ​ຕົນ​ຜູກ​ພັນ​ກັບ​ການປະຕິວັດຕະຫລອດ​ມາ​ໂດຍ​ບໍ່​ງໍ້​ງ່ຽງ​ຕໍ່​ຄວາ​ມຫຍຸ້ງຍາກລຳບາກ, ມີຄວາມ​ເສຍສະຫລະ​ບໍ່​ຫວາດ​ຫວັ່ນ​ຕໍ່​ກັບ​ການ​ຈັບ​ກຸມ​ຄຸມ​ຂັງ​ຂອງ​ສັດຕູ, ຍາມ​ໃດ​ກໍ​ຕໍ່ສູ້​ເພື່ອ​ອຸດົມ​ຄະຕິ​ປະຕິວັດ​ອັນ​ສູງ​ສົ່ງ ​ເພື່ອ​ຄວາມ​ເປັນ​ເອກະລາດ ​ແລະ ຄວາມ​ວັດທະນາ​ຖາວອນ​ຂອງ​ປະ​ເທດ​ຊາດ ​ເພື່ອ​ອິດສະຫລະພາບ, ຄວາມ​ຢູ່ດີ​ກິນ​ດີ​ຂອງ​ປະຊາຊົນ ແລະ ພາຍຫລັງ​ປະ​ເທດ​ຊາດ​ໄດ້​ຮັບ​ການ​ປົດ​ປ່ອຍນັບ​ແຕ່ປີ 1975-1995 ປະທານ ສຸພາ​ນຸວົງ ​ໄດ້​ນຳພາ​ປະຊາຊົນ​ລາວ ​ຜ່ານ​ຜ່າ​ອຸປະສັກ​ຕ່າງໆໃນ​ໄລຍະ​ຂ້າມ​ຜ່ານ, ນຳພາ​ປະຊາຊົນ​ດຳ​ເນີນ​ພາລະກິດ​ປ່ຽນ​ແປງ​ໃໝ່ ​ແລະ ສ້າງສາ​ພັດທະນາ​ປະ​ເທດ​ຊາດ​ໃຫ້​ຈະ​ເລີ​ນຮຸ່ງ​ເຮືອງຂຶ້ນ​ເທື່ອ​ລະ​ກ້າວ.

- WhatsApp Image 2020 05 27 at 5 - ຫ້ອງວ່າການປະທານປະເທດ ຫວນຄືນວັນຄ້າຍວັນເກີດປະທານ ສຸພານຸວົງ ຄົບຮອບ 109 ປີ
- WhatsApp Image 2020 05 27 at 5 - ຫ້ອງວ່າການປະທານປະເທດ ຫວນຄືນວັນຄ້າຍວັນເກີດປະທານ ສຸພານຸວົງ ຄົບຮອບ 109 ປີ
- Wave100S AD to Website 2020 0 - ຫ້ອງວ່າການປະທານປະເທດ ຫວນຄືນວັນຄ້າຍວັນເກີດປະທານ ສຸພານຸວົງ ຄົບຮອບ 109 ປີ
error: Alert: ເນື້ອຫາຂ່າວມີລິຂະສິດ !!