ເດັກນ້ອຍຢູ່ຫລາຍທ້ອງຖິ່ນຍັງຂາດໂພຊະນາການ

- 11745660 838278546240183 7117389045641719660 n - ເດັກນ້ອຍຢູ່ຫລາຍທ້ອງຖິ່ນຍັງຂາດໂພຊະນາການ
- Untitled design - ເດັກນ້ອຍຢູ່ຫລາຍທ້ອງຖິ່ນຍັງຂາດໂພຊະນາການ

ລັດຖະມົນຕີກະຊວງສາທາລະນະສຸກ ໃຫ້ຮູ້ວ່າ: ປະເທດເຮົາ, ໄດ້ສູນເສຍເສດຖະກິດຍ້ອນບັນຫາການຂາດໂພຊະນາການກວມເອົາ 2,4% ຂອງ GDP ຫລືປະມານ 197 ລ້ານໂດລາສະຫະລັດ ແລະ ການຈັດຕັ້ງປະຕິບັດວຽກງານ ໂພສະນາການໃນໄລຍະ 6 ເດືອນຜ່ານມາແມ່ນມີຄວາມຄືບໜ້າຄື: ອັດຕາການຂາດສານອາຫານຊໍ້າເຮື້ອໃນເດັກອາຍຸລຸ່ມ 5 ປີ, ປະເພດລວງສູງຫລຸດມາດຕະຖານ (ເຕ້ຍ) ປະຕິບັດໄດ້ 33% ບັນລຸຄາດໝາຍວາງໄວ້, ການຂາດສານອາຫານປະເພດນໍ້າໜັກຫລຸດມາດຕະຖານປະຕິບັດໄດ້ 21%, ອັດຕາການຂາດສານອາຫານກະທັນຫັນ ຫລື ແບບຈ່ອຍ ໃນເດັກທີ່ມີອາຍຸລຸ່ມ 5 ປີກວມເອົາ 9%. ເຖິງຢ່າງໃດກໍຕາມ, ການຂາດສານອາຫານແບບລວງສູງຫລຸດມາດຕະຖານໃນເດັກທີ່ມີອາຍຸລຸ່ມ 5 ປີຍັງເປັນບັນຫາສໍາຄັນທີ່ສົ່ງຜົນກະທົບໃນການພັດທະນາທາງດ້ານຮ່າງກາຍ ແລະ ສະໝອງຂອງເດັກ, ເຊິ່ງເຮັດໃຫ້ເດັກມີຂໍ້ຈໍາກັດໃນການນໍາໃຊ້ມັນສະໝອງ ແລະ ປັດຈຸບັນ, ຍັງມີເດັກນ້ອຍຢູ່ຫລາຍທ້ອງຖິ່ນຍັງຂາດໂພສະນາການ.

ຈາກບັນຫາດັ່ງກ່າວ, ກອງປະຊຸມໂພຊະນາການແຫ່ງຊາດປະຈໍາ 6 ເດືອນຕົ້ນປີ 2018 ໂດຍການເປັນປະທານຂອງທ່ານຮອງນາຍົກລັດຖະມົນຕີ, ປະທານຄະນະກໍາມະການແຫ່ງຊາດດ້ານໂພຊະນາການ ສອນໄຊ ສີພັນດອນ ກໍໄດ້ເນັ້ນໃຫ້ຄະນະກໍາມະການແຫ່ງຊາດດ້ານໂພຊະນາເພີ່ມທະວີການຊຸກຍູ້ສົ່ງເສີມໃຫ້ທ້ອງຖິ່ນ ກໍຄືຊຸມຊົນເປັນເຈົ້າການດ້ານວຽກງານໂພຊະນາ ແລະ ຄໍ້າປະກັນສະບຽງອາຫານ, ເອົາໃຈໃສ່ປະຕິບັດຍຸດທະສາດໂພຊະນາການແຫ່ງຊາດແບບໜຶ່ງດຽວໂດຍມີຫລາຍຂະແໜງການເຂົ້າຮ່ວມນັບທັງຂັ້ນສູນກາງ ແລະ ທ້ອງຖິ່ນ, ເອົາໃຈໃສ່ຈັດສັນບຸລິມະສິດບັນດາກິດຈະກຳ, ຈັດສັນງົບປະມານ ແລະ ປຸກລະດົມຂົນຂວາຍການຊ່ວຍເຫລືອ, ການສະໜັບສະໜູນຈາກສາກົນໃຫ້ຫລາຍຂຶ້ນ, ພ້ອມທັງເອົາໃຈໃສ່ຈັດສັນບັນດາຈຸດສຸມເຂດທີ່ມີອັດຕາແມ່ ແລະ ເດັກທີ່ຍັງຂາດສານອາຫານສູງ, ເຂດທຸກຍາກ, ຫ່າງໄກສອກຫລີກ, ເຂດທີ່ຍັງມີພຶດຕິກໍາໃນການກິນຢູ່ ແລະ ດໍາລົງຊີວິດທີ່ບໍ່ຖືກຕາມຫລັກໂພຊະນາການ, ພ້ອມດຽວກັນນັ້ນ ກໍໃຫ້ເອົາໃຈໃສ່ຊຸກຍູ້ສົ່ງເສີມບັນດາທ້ອງຖິ່ນສ້າງບ້ານຕົວແບບດ້ານໂພຊະນາການ ແລະ ເພີ່ມທະວີວຽກງານຄຸ້ມຄອງ, ປະສານງານລະຫວ່າງ ທຸກພາກສ່ວນກ່ຽວຂ້ອງກັບຄູ່ຮ່ວມພັດທະນາ, ຜູ້ໃຫ້ທຶນ, ອົງການຈັດຕັ້ງສັງຄົມ ແລະ ພາກເອກະຊົນໃຫ້ມີປະສິດທິພາບຫລາຍຂຶ້ນ, ພ້ອມທັງມີການເຝົ້າລະວັງ, ໂຄສະນາເຜີຍແຜ່ຂໍ້ມູນຂ່າວສານດ້ານໂພຊະນາການໃຫ້ທົ່ວເຖິງ ແລະ ທັນການ.

- Wave100S AD to Website 2020 0 - ເດັກນ້ອຍຢູ່ຫລາຍທ້ອງຖິ່ນຍັງຂາດໂພຊະນາການ
- WhatsApp Image 2020 05 27 at 5 - ເດັກນ້ອຍຢູ່ຫລາຍທ້ອງຖິ່ນຍັງຂາດໂພຊະນາການ
- WhatsApp Image 2020 05 27 at 5 - ເດັກນ້ອຍຢູ່ຫລາຍທ້ອງຖິ່ນຍັງຂາດໂພຊະນາການ
error: Alert: ເນື້ອຫາຂ່າວມີລິຂະສິດ !!