ເປີດຫ້ອງ ສປປ ລາວ ຢູ່ມະຫາວິທະຍາໄລກໍາປູເຈຍ

- Lao rooom in cambodia university - ເປີດຫ້ອງ ສປປ ລາວ ຢູ່ມະຫາວິທະຍາໄລກໍາປູເຈຍ
- Untitled design - ເປີດຫ້ອງ ສປປ ລາວ ຢູ່ມະຫາວິທະຍາໄລກໍາປູເຈຍ

ພິທີເປີດຫ້ອງ ສປປ ລາວ ປະຈໍາມະຫາວິທະຍາໄລກໍາປູເຈຍ ທີ່ນະຄອນຫລວງພະນົມເປັນ, ໄດ້ຈັດຂຶ້ນໃນວັນທີ 11 ກໍລະກົດນີ້, ໂດຍມີທ່ານ ປຣະສິດ ໄຊຍະສິດ ເອກອັກຄະລັດຖະທູດແຫ່ງ ສປປ ລາວ ປະຈໍາຣາຊະອານາຈັກກໍາປູເຈຍ, ທ່ານ ອີ ລັດຕະນາ ຜູ້ອໍານວຍການມະຫາວິທະຍາໄລກໍາປູເຈຍ, ພ້ອມດ້ວຍພະນັກງານຄູອາຈານ ແລະ ນັກສຶກສາເຂົ້າຮ່ວມເປັນຈໍານວນຫລາຍ. ເພື່ອເປັນການໂຄສະນາ ແລະ ເຜີຍແຜ່ວັດທະນະທໍາ, ຮີດຄອງປະເພນີ, ການສຶກສາ, ການດໍາລົງຊີວິດຂອງປະຊາຊົນລາວບັນດາເຜົ່າ, ການສ້າງສາພັດທະນາປະເທດຊາດ, ການທ່ອງທ່ຽວ ແລະ ດ້ານອື່ນໆ, ເພື່ອໃຫ້ນັກສຶກສາມະຫາວິທະຍາໄລດັ່ງກ່າວໄດ້ຄົ້ນຄວ້າ, ສຶກສາຮຽນຮູ້ກ່ຽວກັບ ສປປ ລາວ ແລະ ໃນໂອກາດນີ້, ທ່ານເອກອັກຄະລັດຖະທູດແຫ່ງ ສປປ ລາວ ປະຈໍາຣາຊະອານາຈັກກໍາປູເຈຍ ກໍໄດ້ປາຖະກະຖາໃນຫົວຂໍ້: “ການພົວພັນຮ່ວມມືສອງຝ່າຍລາວ-ກໍາປູເຈຍ” ໂດຍໄດ້ຍົກໃຫ້ເຫັນການພົວພັນຮ່ວມມືຂອງປະຊາຊົນສອງປະເທດນັບແຕ່ສະໄໝດຶກດໍາບັນ, ສະໄໝເຈົ້າໂນໂຣດົມ ສີຫານຸ ຈົນມາຮອດປະຈຸບັນ, ການແລກປ່ຽນຢ້ຽມຢາມເຊິ່ງກັນ ແລະ ກັນຂອງຄະນະຜູ້ແທນໃນລະດັບຕ່າງໆ, ການແລກປ່ຽນທຶນການສຶກສາ, ດ້ານການຄ້າ ແລະ ການລົງທຶນ, ພ້ອມທັງຍົກໃຫ້ສະພາບການກໍ່ສ້າງເຂື່ອນໄຟຟ້າດອນສະໂຮງ ຊຶ່ງໃນເບື້ອງຕົ້ນຝ່າຍກໍາປູເຈຍໄດ້ມີຄວາມກັງວົນກ່ຽວກັບຜົນກະທົບອາດຈະເກີດຂື້ນ, ແຕ່ພາຍຫລັງສະຖານທູດໄດ້ສະເໜີໃຫ້ທ່ານ ຮໍ ນາມຮົງ ຮອງນາຍົກລັດຖະມົນຕີ ໄປເບິ່ງສະຖານທີ່ຕົວຈິງ ແລະ ສົມເດັດ ຮຸນ ແຊນ ນາຍົກລັດຖະມົນຕີ ໄດ້ໄປຢ້ຽມຢາມພື້ນທີ່ຕົວຈິງແລ້ວ ແລະ ຜ່ານການຟັງອະທິບາຍຂອງວິຊາການ ຈຶ່ງເຮັດໃຫ້ຝ່າຍກໍາປູເຈຍຫາຍຄວາມກັງວົນ ແລະ ເຫັນດີເຫັນພ້ອມກັບການສ້າງເຂື່ອນດັ່ງກ່າວ, ທັງໄດ້ສະເໜີຂໍຊື້ກະແສໄຟຟ້ານໍາຝ່າຍລາວອີກດ້ວຍ. ນອກນີ້ທ່ານຍັງໄດ້ຍົກໃຫ້ເຫັນສະພາບການແກ້ໄຂບັນຫາຊາຍແດນທີ່ເກີດຂື້ນລະຫວ່າງລາວ ແລະ ກໍາປູເຈຍໃນໄລຍະຜ່ານມາ, ເຊິ່ງສອງຝ່າຍໄດ້ອີງໃສ່ແຜນທີ່ທີ່ແຕກຕ່າງກັນຢູ່ບໍລິເວນແກ້ງຕໍມໍຄອຍ-ຫ້ວຍຕະເງົາ.

- Wave100S AD to Website 2020 0 - ເປີດຫ້ອງ ສປປ ລາວ ຢູ່ມະຫາວິທະຍາໄລກໍາປູເຈຍ
- WhatsApp Image 2020 05 27 at 5 - ເປີດຫ້ອງ ສປປ ລາວ ຢູ່ມະຫາວິທະຍາໄລກໍາປູເຈຍ
- WhatsApp Image 2020 05 27 at 5 - ເປີດຫ້ອງ ສປປ ລາວ ຢູ່ມະຫາວິທະຍາໄລກໍາປູເຈຍ
error: Alert: ເນື້ອຫາຂ່າວມີລິຂະສິດ !!