ການນໍາຂັ້ນສູງພັກ-ລັດຮ່ວມປ່ອຍປາໃນໂອກາດວັນອະນຸລັກສັດນໍ້າ-ສັດປ່າແຫ່ງຊາດ

- Fish into nature - ການນໍາຂັ້ນສູງພັກ-ລັດຮ່ວມປ່ອຍປາໃນໂອກາດວັນອະນຸລັກສັດນໍ້າ-ສັດປ່າແຫ່ງຊາດ
- Untitled design - ການນໍາຂັ້ນສູງພັກ-ລັດຮ່ວມປ່ອຍປາໃນໂອກາດວັນອະນຸລັກສັດນໍ້າ-ສັດປ່າແຫ່ງຊາດ

ການນໍາຂັ້ນສູງພັກ-ລັດເຮົາ ນໍາໂດຍທ່ານນາຍົກລັດຖະມົນຕີ ທອງລຸນ ສີສຸລິດ, ທ່ານເຈົ້າຄອງນະຄອນຫລວງວຽງຈັນ ສີນລະວົງ ຄຸດໄພທູນ, ພ້ອມດ້ວຍບັນດາລັດຖະມົນຕີ, ຮອງລັດຖະມົນຕີ, ພ້ອມດ້ວຍອໍານາດການປົກຄອງແລະ ປະຊາຊົນເມືອງນາຊາຍທອງໄດ້ເຂົ້າຮ່ວມພິທີປ່ອຍປາຈໍານວນ 150.000 ກວ່າໂຕຢູ່ອ່າງນໍ້າຊວງເມືອງນາຊາຍທອງ ໃນວັນທີ 13 ກໍລະກົດນີ້.

ໃນໂອກາດດັ່ງກ່າວ, ທ່ານລັດຖະມົນຕີກະຊວງກະສິກໍາ-ປ່າໄມ້ ລຽນ ທີແກ້ວ ໄດ້ມີຄໍາເຫັນວ່າ: ໂດຍເຫັນໄດ້ຄວາມສໍາຄັນຂອງສັດນໍ້າ-ສັດປ່າ ກໍຄືຊີວະນາໆພັນຕໍ່ກັບການພັດທະນາເສດຖະກິດ-ສັງຄົມແຫ່ງຊາດ, ຕໍ່ການປັບປຸງຊີວິດການເປັນຢູ່ແລະ ແກ້ໄຂຄວາມທຸກຍາກຂອງປະຊາຊົນບັນດາເຜົ່າ, ກໍຄືການປົກປັກຮັກສາຊີວະນາໆພັນໃຫ້ຍືນຍົງຕະຫລອດໄປຄື: ໃນປີ 1996 ສະພາແຫ່ງຊາດໄດ້ຮັບຮອງເອົາກົດໝາຍປ່າໄມ້, ຊຶ່ງໃນມາດຕາ 46 ໄດ້ກໍານົດເອົາວັນທີ 13 ກໍລະກົດຂອງທຸກປີເປັນວັນອະນຸລັກສັດນໍ້າ-ສັດປ່າ ແລະ ໃນປີ 2009 ໄດ້ຮັບຮອງເອົາກົດໝາຍວ່າດ້ວຍການປະມົງ, ຊຶ່ງເປັນນິຕິກໍາພື້ນຖານໃນການຄຸ້ມຄອງ, ປົກປັກ ຮັກສາ, ພັດທະນາສັດນໍ້າ-ສັດປ່າໃນລາວເຮົາ ແລະ ຈາກນະໂຍບາຍດັ່ງກ່າວ ໄດ້ເຮັດໃຫ້ຂະບວນການປ່ອຍສັດນໍ້າ-ສັດປ່າ ໄດ້ຂະຫຍາຍຕົວຢ່າງກວ້າງຂວາງໃນທົ່ວປະເທດ, ເຊິ່ງໃນໄລຍະມໍ່ໆມານີ້ເຫັນວ່າການປ່ອຍປານັບມື້ເພີ່ມຂຶ້ນ ຄື: ປີ 2016 ປ່ອຍໄດ້ປະມານ 40 ລ້ານໂຕ, ປີ 2017 ປ່ອຍໄດ້ 43 ລ້ານໂຕ ແລະ ປີນີ້ຈະປ່ອຍໃຫ້ໄດ້ກວ່າ 45 ລ້ານໂຕ. ໄປຄຽງຄູ່ການປ່ອຍແລ້ວກໍຍັງມີການປ່ອຍນົກ, ສັດເລືອຄານ ແລະ ສັດປ່າປະເພດອື່ນໆກໍມີຈໍານວນເພີ່ມຂຶ້ນ. ນອກນີ້, ກະຊວງກະສິກໍາ-ປ່າໄມ້ ໄດ້ສົມທົບກັບອົງການປົກຄອງທ້ອງຖິ່ນກໍານົດວັງສະຫງວນປາ ແລະ ສັດນໍ້າຢູ່ຕາມແມ່ນໍ້າລໍາເຊຕ່າງໆໄດ້ກວ່າພັນແຫ່ງ, ຊຶ່ງມີເນື້ອທີ່ປະມານ 60.800 ເຮັກຕາ, ພ້ອມທັງກໍານົດເຂດອະນຸລັກຊີວະນາໆພັນ ຫລື ປ່າສະຫງວນແຫ່ງຊາດ 24 ແຫ່ງ ລວມມີເນື້ອທີ່ກວ່າ 4,7 ລ້ານເຮັກຕາ ເພື່ອເປັນບ່ອນເພີ່ງພາອາໄສ ແລະ ຂະຫຍາຍພັນຂອງສັດປ່າ ແລະ ປາທີ່ນໍາມາປ່ອຍຄັ້ງນີ້ປະກອບມີ: ປາປາກ, ປາເກັດແລບ, ປາມະລີການ, ປານີນ, ປາໄນ, ປາກົດ, ປາສ້ອຍ, ປາເຄິງ, ປາເໝັ້ນ ລວມທັງໝົດ 150.000 ໂຕ ແລະ ປ່ອຍນົກອີກຈໍານວນໜຶ່ງ ເພື່ອສ້າງຄວາມອຸດົມສົມບູນໃຫ້ແກ່ແຫລ່ງນໍ້າທໍາມະຊາດ ແລະ ຊີວະນາໆພັນ.

- Wave100S AD to Website 2020 0 - ການນໍາຂັ້ນສູງພັກ-ລັດຮ່ວມປ່ອຍປາໃນໂອກາດວັນອະນຸລັກສັດນໍ້າ-ສັດປ່າແຫ່ງຊາດ
- WhatsApp Image 2020 05 27 at 5 - ການນໍາຂັ້ນສູງພັກ-ລັດຮ່ວມປ່ອຍປາໃນໂອກາດວັນອະນຸລັກສັດນໍ້າ-ສັດປ່າແຫ່ງຊາດ
- WhatsApp Image 2020 05 27 at 5 - ການນໍາຂັ້ນສູງພັກ-ລັດຮ່ວມປ່ອຍປາໃນໂອກາດວັນອະນຸລັກສັດນໍ້າ-ສັດປ່າແຫ່ງຊາດ
error: Alert: ເນື້ອຫາຂ່າວມີລິຂະສິດ !!