ລາວສະຫຼອງວັນສ້າງຕັ້ງສະຫະພັນແມ່ຍິງ ຄົບຮອບ 63 ປີ

- President attent kamaban - ລາວສະຫຼອງວັນສ້າງຕັ້ງສະຫະພັນແມ່ຍິງ ຄົບຮອບ 63 ປີ
- Untitled design - ລາວສະຫຼອງວັນສ້າງຕັ້ງສະຫະພັນແມ່ຍິງ ຄົບຮອບ 63 ປີ

(ໂດຍການໃຫ້ກຽດເຂົ້າຮ່ວມຂອງທ່ານ ປະທານປະເທດ ບຸນຍັງ ວໍລະຈິດ)

ໃນວັນທີ 13 ກໍລະກົດ ນີ້, ສູນກາງສະຫະພັນແມ່ຍິງລາວ  ໄດ້ຈັດກິດຈະກໍາ ເພື່ອສະເຫຼີມສະຫຼອງວັນງສ້າງຕັ້ງສະຫະພັນແມ່ຍິງລາວ ຄົບຮອບ 63 ປີ (20/7/1955-20/7/2018), ຂຶ້ນທີ່ສູນຝຶກອົບຮົມແມ່ຍິງລາວ ໃນນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ, ມີບັນດາພະນັກງານປະຕິວັດອາວຸໂສ, ຄອບຄົວການນໍາ, ບັນດາທູດຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນ ແລະ ບໍລິສັດຫ້າງຮ້ານຕ່າງໆເຂົ້າຮ່ວມເປັນຈໍານວນຫຼາຍ.

ທ່ານ ນາງ ອິນລາວັນ ແກ້ວບຸນພັນ ປະທານຄະນະບໍລິງານ ສູນກາງສະຫະພັນແມ່ຍິງລາວ ກ່າວວ່າ: ຕະຫຼອດໄລຍະ 63 ປີຜ່ານມາ ອົງການຈັດຕັ້ງແມ່ຍິງລາວ ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ ການພັດທະນາແມ່ຍິງນັບມື້ມີຄວາມເຂັ້ມແຂງຮອບດ້ານ, ໄປຄຽງຄູ່ກັບການສົ່ງເສີມ ແລະ ອະນຸລັກວັດທະນະທໍາອັນດີງາມຂອງຊາດ, ຂອງບັນດາຊົນເຜົ່າ ໃຫ້ຄູ່ກັບສັງຄົມລາວຕະຫຼອດໄປ, ພ້ອມທັງຮັບເອົາຄຸນຄ່າທາງດ້ານວັດທະນະທໍາທີ່ກ້າວໜ້າຂອງມວນມະນຸດຢ່າງມີການເລືອກເຟັ້ນ ແລະ ສອດຄ່ອງກັບຍຸກສະໄໝ ສາມາດເຊື່ອມໂຍງກັບສາກົນ, ປະກອບສ່ວນສະກັດກັ້ນສິ່ງຫຍໍ້ທໍ້ທາງດ້ານວັດທະນະທໍາ, ປັບປຸງ ແລະ ພັດທະນາຜະລິດຕະພັນວັດທະນະທໍາໃຫ້ມີຄວາມຫຼາກຫຼາຍ ແລະ ມີຄຸນນະພາບ ເພື່ອເສີມຂະຫຍາຍຫົວຄິດປະດິດສ້າງຂອງເອື້ອຍນ້ອງແມ່ຍິງ ເປັນຕົ້ນແມ່ນ ການຜະລິດກະສິກໍາ, ຫັດຖະກໍາທີ່ຕິດພັນກັບການດໍາລົງຊີວິດ, ການພົວພັນໃນຄອບຄົວ ແລະ ສັງຄົມ.

- Wave100S AD to Website 2020 0 - ລາວສະຫຼອງວັນສ້າງຕັ້ງສະຫະພັນແມ່ຍິງ ຄົບຮອບ 63 ປີ

ການສະເຫຼີມສະຫຼອງວັນດັ່ງກ່າວໃນປີນີ້ ແມ່ນໄດ້ຈັດກິດຈະກໍາພາຍໃຕ້ຫົວຂໍ້ “ແມ່ຍິງກັບການອະນຸລັກວັດທະນະ ສູ່ປີທ່ອງທ່ຽວລາວ, ການຮັກສາສິ່ງແວດລ້ອມສີຂຽວ ແລະ ຍືນຍົງ” ແມ່ນມີຄວາມສໍາຄັນຫຼາຍ ແລະ ຕິດພັນກັບປີທ່ອງທ່ຽວລາວ 2018 ຢ່າງເປັນຂະບວນຟົດຟື້ນ ແລະ ກວ້າງຂວາງ. ຊຶ່ງພາຍໃນງານຈະມີການສະແດງວັດທະນະທໍາຂອງແມ່ຍິງບັນດາເຜົ່າ, ງານຕະຫຼາດນັດແບບພື້ນບ້ານ, ມີການວາງສະແດງ ແລະ ຈໍາໜ່າຍຜະລິດຕະພັນທີ່ຜະລິດໂດຍແມ່ຍິງລາວ, ການຟ້ອນຍ້ອນຍຸກ, ກອງເຊີ້ງ, ແຂ່ງຂັນກິລາແບບພື້ນບ້ານຕິດພັນກັບການຮັກສາສິ່ງແວດລ້ອມ ເປັນຕົ້ນແມ່ນ ການແຂ່ງຂັນຫໍ່ເຂົ້າຕົ້ມ, ຝັດເຂົ້າ, ຈັດດອກໄມ້, ເຕັ້ນເຊືອກ, ໂຍນກະຕໍ່ໃສ່ກະຕ່າຫວາຍ, ຍ່າງເທິງກະໂປະໝາກພ້າວ. ນອກນີ້, ຍັງມີການໃຫ້ຄວາມຮູ້ ແລະ ກວດທາດນໍ້າຕານ, ໄວຣັດຕັບ B ແລະ C ໂດຍບໍ່ເສຍຄ່າ ແລະ ກິດຈະກໍາອື່ນໆອີກ.

- WhatsApp Image 2020 05 27 at 5 - ລາວສະຫຼອງວັນສ້າງຕັ້ງສະຫະພັນແມ່ຍິງ ຄົບຮອບ 63 ປີ
- WhatsApp Image 2020 05 27 at 5 - ລາວສະຫຼອງວັນສ້າງຕັ້ງສະຫະພັນແມ່ຍິງ ຄົບຮອບ 63 ປີ
error: Alert: ເນື້ອຫາຂ່າວມີລິຂະສິດ !!