ນ້ຳເຜິ້ງດີຕໍ່ຜູ້ຊາຍໃນດ້ານໃດແດ່ ?

- 031307 2018 - ນ້ຳເຜິ້ງດີຕໍ່ຜູ້ຊາຍໃນດ້ານໃດແດ່ ?
- Untitled design - ນ້ຳເຜິ້ງດີຕໍ່ຜູ້ຊາຍໃນດ້ານໃດແດ່ ?

ຄຸນປະໂຫຍດຂອງນຳ້ເຜິ້ງສົ່ງເສີມການຈະເລີນເຕີບໃຫຍ່, ການຟື້ນຟູລະບົບຕ່າງໆຂອງຮ່າງກາຍທີ່ເສື່ອມສະພາບ ຫລື ໃຊ້ເສີມສ້າງຄວາມແຂງແຮງຂອງຮ່າງກາຍ. ແຕ່ໜ້ອຍຄົນຈະຮູ້ວ່າ ນຳ້ເຜິ້ງກັບສຸຂະພາບທາງເພດນັ້ນມີຄວາມກ່ຽວຂ້ອງກັນ ແລະ ຄົນບູຮານໄດ້ໃຊ້ຄຸນປະໂຫຍດຂອງນຳ້ເຜິ້ງເປັນຢາບຳລຸງທາງເພດມາແຕ່ດົນນານ. ມື້ນີ້ພວກເຮົາມາຮູ້ຈັກກັບຄຸນປະໂຫຍດຂອງນຳ້ເຜິ້ງກັບສຸຂະພາບທາງເພດກັນອີກຄັ້ງ.

  1. ນຳ້ເຜິ້ງອຸດົມໄປດ້ວຍສານກະຕຸ້ນທາງເພດຫລາຍຊະນິດ ເພາະນຳ້ເຜິ້ງຈະລວບລວມນຳ້ຫວານ ແລະ ສານອາຫານຈາກມວນດອກໄມ້ນາໆຊະນິດ ແລະ ສານເຫລົ່ານັ້ນສາມາດໃຊ້ປັບປຸງສຸຂະພາບທາງເພດຂອງຄົນເຮົາໄດ້.
  2. ນຳ້ເຜິ້ງບໍລິສຸດທີ່ຍັງບໍ່ໄດ້ຜ່ານຄວາມຮ້ອນຈະອຸດົມດ້ວຍສານກະຕຸ້ນທາງເພດອ່ອນໆຕາມທຳມະຊາດ, ມີສານອາຫານ ແລະ ແຮ່ທາດຫລາຍຢ່າງ ເຊັ່ນ : ສັງກະສີ, ວິຕາມິນເບ, ວິຕາມິນເອີ ເຊິ່ງສານເຫລົ່ານີ້ຈະຊ່ວຍສົ່ງເສີມຄວາມແຂງແຮງຂອງຮ່າງກາຍ ແລະ ເສີມສ້າງສຸຂະພາບທາງເພດໃຫ້ດີຂຶ້ນ. ນອກຈາກນີ້ ຍັງຊ່ວຍເຜົາຜານໄຂມັນໃນຮ່າງກາຍໃຫ້ກາຍເປັນນຳ້ຕານ ຊ່ວຍຫລຸດນຳ້ໜັກໄດ້ນຳອີກ.
  3. ວິຕາມິນທີ່ເປັນອົງປະກອບສຳຄັນໃນນຳ້ເຜິ້ງ ຈະຊ່ວຍເສີມສ້າງການຜະລິດຮໍໂມນເພດຊາຍເທສໂທສເຕີໂຣນ ແລະ ສານໂບຣອນ ໃນນຳ້ເຜິ້ງຈະຊ່ວຍໃຫ້ຮ່າງກາຍສ້າງເອສໂຕຣເຈນ ເຊິ່ງເປັນຮໍໂມນສຳຄັນໃນການປຸກອາລົມທາງເພດ.
  4. ຫາກກິນນຳ້ເຜິ້ງ ແລະ ຜັກທຽມກ່ອນນອນເປັນປະຈຳ ຈະຊ່ວຍໃຫ້ຫລັບງ່າຍ ແລະ ຊ່ວຍເພີ່ມສະມັດຕະພາບທາງເພດໃຫ້ດີຂຶ້ນ.
  5. ສຳລັບຜູ້ທີ່ມີລູກຍາກຍ້ອນຝ່າຍຊາຍມີຈຳນວນອະສຸຈິໜ້ອຍ ການກິນນຳ້ເຜິ້ງເປັນປະຈຳຈະຊ່ວຍໃຫ້ຮ່າງກາຍສາມາດເພີ່ມຈຳນວນໂຕອະສຸຈິໃຫ້ຫລາຍຂຶ້ນໄດ້ ແລະ ເສີມສ້າງຄວາມແຂງແຮງໃຫ້ໂຕອະສຸຈິ ທັງຍັງຊ່ວຍກະຕຸ້ນໃຫ້ແຊນຂອງຮ່າງກາຍມີໜ້າທີ່ຜະລິດອະສຸຈິເຮັດວຽກດີຂື້ນ.
  6. ກິນນຳ້ເຜິ້ງປະສົມກັບນຳ້ໝາກໄມ້ມື້ລະ 2 ບ່ວງແກງ ເຊົ້າ ແລງ ຈະເຮັດໃຫ້ອະໄວຍະວະເພດຂອງຝ່າຍຊາຍມີຄວາມແຂງໂຕໄດ້ດີຂື້ນ.
  7. ການກິນນຳ້ເຜິ້ງເປັນປະຈຳຈະຊ່ວຍເພີ່ມລະດັບຮໍໂມນເພດຊາຍໃຫ້ສູງຂຶ້ນ.
- Wave100S AD to Website 2020 0 - ນ້ຳເຜິ້ງດີຕໍ່ຜູ້ຊາຍໃນດ້ານໃດແດ່ ?
- WhatsApp Image 2020 05 27 at 5 - ນ້ຳເຜິ້ງດີຕໍ່ຜູ້ຊາຍໃນດ້ານໃດແດ່ ?
- WhatsApp Image 2020 05 27 at 5 - ນ້ຳເຜິ້ງດີຕໍ່ຜູ້ຊາຍໃນດ້ານໃດແດ່ ?
error: Alert: ເນື້ອຫາຂ່າວມີລິຂະສິດ !!