ນາວາສັກສິດ ຄອງຂັນຊະນະເລີດ ຊ່ວງເຮືອທີ່ສວນນໍ້າບຶງສາລາຄໍາ

- 37192051 832078253669416 5711390584724258816 n - ນາວາສັກສິດ ຄອງຂັນຊະນະເລີດ ຊ່ວງເຮືອທີ່ສວນນໍ້າບຶງສາລາຄໍາ
- Untitled design - ນາວາສັກສິດ ຄອງຂັນຊະນະເລີດ ຊ່ວງເຮືອທີ່ສວນນໍ້າບຶງສາລາຄໍາ

​​ການ​ແຂ່ງຂັນງານ​ຊ່ວງ​ເຮືອຍາວ 55 ສີພາຍ ຄັ້ງ​ທີ 1 ປະຈຳປີ 2018 ຈັດ​ຂຶ້ນ​ວັນ​ທີ 15 ກໍລະກົດນີ້ ທີ່​ສວນ​ນໍ້າບຶງ​ສາລາ​ຄໍາ ​ເມືອງ​ຫາດ​ຊາຍ​ຟອງ ນະຄອນຫລວງ​ວຽງ​ຈັນ (ນວ), ​ມີ​ທ່ານ ສີ​ຫຸນ ສິດທິ​ລື​ໄຊ ຮອງ​ເຈົ້າ​ຄອງ​ ນວ, ປະທານ​ສະມາຄົມ​ກິລາ​-ກາ​ຍະ​ກໍາ ນວ, ມີ​ບັນດາ​ເຈົ້າ​ເມືອງ, ຫົວໜ້າ​ພະ​ແນ​ກອ້ອມ​ຂ້າງ, ຄະນະ​ຮັບຜິດຊອບ​​ເຮືອ​ຊ່ວງ, ຄູ​ຝຶກ, ​ນັກກິລາ ​ແລະ ​ແຂກ​ຖືກ​ເຊີນ​ເຂົ້າ​ຮ່ວມ.

ທ່ານ ພູ​ວົງ ກໍຣະສັກ ປະທານ​ບໍລິສັດ ມິດຕະພາບພັດທະນາການ​ກະ​ເສດ ທັງ​ເປັນ​ປະທານ​ຈັດ​ງານ​ແຂ່ງຂັນ​ຊ່ວງ​ເຮືອ​ດັ່ງກ່າວ ກ່າວ​ວ່າ: ການ​ແຂ່ງຂັນ​ຄັ້ງ​ນີ້ ກໍ​ເພື່ອ​ເປັນ​ການ​ສ້າງ​ຂະ​ບວນການຂໍ່ານັບ​ຮັບ​ຕ້ອນ​ວັນ​ສໍາຄັນ​ຕ່າງໆ​ຂອງ​ຊາດ​ຂອງ​ພັກ ​ໂດຍ​ສະ​ເພາະ​ເພື່ອ​ສະ​ເຫລີ​ມສະຫລອງ​ວັນຄ້າຍ​ວັນ​ເກີດ​ປະທານ ​ສຸພາ​ນຸວົງ ຄົບຮອບ 109 ປີ ​ແລະ ວັນ​ອະນຸລັກ​ສັດ​ນໍ້າ-ສັດປ່າ​ແຫ່ງ​ຊາດ (13 ກໍລະກົດ) ທັງ​ເປັນ​ການ​ສ້າງ​ຂະ​ບວນການສົ່ງ​ເສີມ​ການທ່ອງທ່ຽວ​ລາວ ປີ 2018 ​ໃຫ້​ເປັນ​ຂະ​ບວນຟົດ​ຟື້ນ​ມ່ວນ​ຊື່ນ. ນອກຈາກ​ນີ້ ພວກ​ເຮົາ​ຍັງ​ໄດ້​ປ່ອຍປາຈໍານວນ 100.109 ​ໂຕ ​ລົງ​ສູ່​ແຫລ່ງນໍ້າ​ທໍາ​ມະ​ຊາດອີກ​ດ້ວຍ.

- Wave100S AD to Website 2020 0 - ນາວາສັກສິດ ຄອງຂັນຊະນະເລີດ ຊ່ວງເຮືອທີ່ສວນນໍ້າບຶງສາລາຄໍາ

ສໍາລັບການ​ແຂ່ງຂັນ​ຊ່ວງ​ເຮືອຍາວ 55 ສີພາຍຄັ້ງ​ນີ້ ມີ​ເຮືອ​ເຂົ້າ​ຮ່ວມ​ທັງ​ໝົດ 10 ລໍາ ມາ​ຈາກ​ຕ່າງ​ແຂວງ 3 ລໍາຄື: ​ແຂວງ​ບໍລິ​ຄໍາ​ໄຊ, ສະຫວັນ​ນະ​ເຂດ, ສາລະ​ວັນ ​ແລະ ​​ເຮືອຊ່ວງ​ອ້ອມ​ຂ້າງ ນວ ​ເຂົ້າ​ຮ່ວມ. ຜ່ານ​ການ​ແຂ່ງຂັນ​ຜົນ​ປາກົດ​ວ່າ: ຊະນະ​ເລີດ ​ໄດ້​ແກ່ ​ເຮືອ​ນາວາ​ສັກສິດ (1) ບ້ານ​​ໄຊ​ສະຖານ ​ເມືອງ​ສີ​ສັດຕະ​ນາກ, ຮອງ​ຊະນະ​ເລີດ ເຮືອ​ນາວາ​ສັກສິດ (2), ອັນ​ດັບ​ທີ 3 ​ເຮືອ​ເທບ​ພອນ​ໄຊ ບ້ານ​ທ່າ​ໂພ ​ເມືອງ​ໄຊ​ພູ​ທອງ ​ແຂວງ​ສະຫວັນ​ນະ​ເຂດ ​ແລະ ອັນ​ດັບ 4 ​ເຮືອ​ເຈົ້າ​ແມ່​ແກ້ວ​ມັງກອນ ກອງ​ບັນຊາ​ການ​ທະຫານ​ແຂວງ​ສາລະ​ວັນ ​ເຊິ່ງ​ລາງວັນ​ແຕ່ລະ​ປະ​ເພດ (1-4) ​ແມ່ນ​ໄດ້​ຮັບ​ຂັນ+​ເງິນສົດ 10 ລ້ານ​ກີບ, 8 ລ້ານ​ກີບ, 6 ລ້ານ​ກີບ ​ແລະ 4 ລ້ານ​ກີບ ຕາມ​ລໍາດັບ. ພິ​ເສດ​ເຮືອທີ່​ຊະນະ​ເລີດຄັ້ງ​ນີ້ ຍັງ​ໄດ້​ຮັບ​ຂັນ​ໝູນວຽນ 1 ໜ່ວຍ.

- WhatsApp Image 2020 05 27 at 5 - ນາວາສັກສິດ ຄອງຂັນຊະນະເລີດ ຊ່ວງເຮືອທີ່ສວນນໍ້າບຶງສາລາຄໍາ
- WhatsApp Image 2020 05 27 at 5 - ນາວາສັກສິດ ຄອງຂັນຊະນະເລີດ ຊ່ວງເຮືອທີ່ສວນນໍ້າບຶງສາລາຄໍາ
error: Alert: ເນື້ອຫາຂ່າວມີລິຂະສິດ !!