ປວດກ້ານຄໍຍ້ອນເຮັດວຽກຫລາຍຈະປ້ອງກັນແລະແກ້ໄຂແນວໃດ

- 012704 - ປວດກ້ານຄໍຍ້ອນເຮັດວຽກຫລາຍຈະປ້ອງກັນແລະແກ້ໄຂແນວໃດ
- Untitled design - ປວດກ້ານຄໍຍ້ອນເຮັດວຽກຫລາຍຈະປ້ອງກັນແລະແກ້ໄຂແນວໃດ

- 012704 300x200 - ປວດກ້ານຄໍຍ້ອນເຮັດວຽກຫລາຍຈະປ້ອງກັນແລະແກ້ໄຂແນວໃດທ່ານໃດຮັກວຽກຫລາຍຈົນຕິດ ມັກມີອາການປວດຕ່າງໆສະເໝີ ນັບແຕ່ເຈັບຫົວ, ເຈັບຫລັງ, ເຈັບບ່າໄຫລ່, ເຈັບກ້ານຄໍ, ສາຍ ຕາມົວ, ປວດກ້າມຊີ້ນຕາ ເຊິ່ງຈະສົ່ງຜົນຮ້າຍຕໍ່ຮ່າງກາຍຈົນກາຍເປັນສາເຫດຂອງພະຍາດຕ່າງໆຕາມມາອີກຫລາຍ ເຊັ່ນ : ພະຍາດຫົວໃຈ, ເບົາຫວານ, ກະເພາະອາຫານ ແລະ ຄວາມດັນເລືອດ ເປັນຕົ້ນ. ສ່ວນອາການໃນດ້ານອາລົມແມ່ນກາຍເປັນຄົນທີ່ເບິ່ງຫຍັງກໍຂວາງຫູຂວາງຕາໄປໝົດ, ໃຈຮ້າຍງ່າຍ, ອາລົມຮ້າຍໃສ່ເພື່ອນຮ່ວມວຽກ, ການເວົ້າຈາບໍ່ຄືເກົ່າ, ຈະໃຫ້ຄວາມສົນໃຈແຕ່ສະເພາະໃນເລື່ອງຂອງການເຮັດວຽກ ຈົນສົ່ງຜົນຕໍ່ຄວາມສຳພັນໃນຄອບຄົວຕໍ່ໄປ. ອະໄວຍະວະທີ່ສຳຄັນ ແລະ ມັກເປັນຕົ້ນເຫດຂອງອາການເຈັບປວດແມ່ນກ້ານຄໍ ເຊິ່ງເປັນອະໄວຍະວະໜຶ່ງທີ່ມີການໃຊ້ຫລາຍທີ່ສຸດ ຍິ່ງການເຮັດວຽກໃນຍຸກປະຈຸບັນ ຕ້ອງເຮັດວຽກກັບຄອມພິວເຕີ, ຕ້ອງກົ້ມໜ້າເງີຍໜ້າຢູ່ຕະຫລອດເວລາ, ໃຊ້ສະໝອງຫລາຍ ເຮັດໃຫ້ເກີດຄວາມເຄັ່ງຄຽດ, ເກີດອາ ການເຈັບປວດກ້ານຄໍ ແລະ ເຈັບຫົວ ເຊິ່ງຄໍແມ່ນອະໄວຍະວະທີ່ບອບບາງ, ບາດເຈັບໄດ້ງ່າຍ, ຄໍ ຍັງເປັນສູນລວມຂອງເສັ້ນປະສາດທີ່ຮັບຄຳສັ່ງຈາກສະໝອງໄປຍັງສ່ວນຕ່າງໆຂອງຮ່າງກາຍ ອາການປວດຄໍທີ່ພົບຫລາຍທີ່ສຸດກໍຄືກ້າມຊີ້ນຄໍຫົດເກັງ ເຮັດໃຫ້ງວາກ ຫລື ເຄື່ອນໄຫວຫົວບໍ່ໄດ້ ຫລື ທີ່ເອີ້ນກັນວ່ານອນຕົກໝອນ ເຊິ່ງສ່ວນຫລາຍຈະເຊົາເອງໄດ້.

ສາເຫດຂອງອາການເຈັບປວດຄໍທີ່ພົບຫລາຍມັກຈະເກີດຈາກການນັ່ງ ຫລື ນອນບໍ່ຖືກລັກສະນະ ຫລື ຜິດທ່າ ເຮັດໃຫ້ກ້າມ ຊີ້ນບາງມັດຖືກໃຊ້ວຽກຈົນເມື່ອຍເກີນໄປ ແລະ  ຄວາມເຄັ່ງຄຽດທາງຈິດໃຈກໍເປັນອີກໜຶ່ງສາເຫດທີ່ເກີດຈາກສະຖານທີ່ເຮັດວຽກ.

ວິທີຫລຸດອາການປວດຄໍ ເນື່ອງຈາກການເຮັດວຽກເບື້ອງຕົ້ນແມ່ນໃຫ້ກິນຢາແກ້ປວດ, ປະຄົບດ້ວຍນ້ຳກ້ອນ ຫລື ນ້ຳອຸ່ນ ອາດເຮັດພາຍຫລັງຈາກອາບນ້ຳອຸ່ນ ຫລື ປະຄົບຮ້ອນ 10 – 15 ນາທີ ແລະ ສິ່ງຈຳເປັນແມ່ນການອອກກຳລັງກ້າມຊີ້ນຄໍ.

- Wave100S AD to Website 2020 0 - ປວດກ້ານຄໍຍ້ອນເຮັດວຽກຫລາຍຈະປ້ອງກັນແລະແກ້ໄຂແນວໃດ

ສັນຍານອາການອັນຕະລາຍທີ່ຄວນປຶກສາແພດຜູ້ຊ່ຽວຊານດ້ານກະດູກ ແລະ ຂໍ້ ໄດ້ແກ່ : ປວດກ້ານຄໍລາມລົງໄປຫາບ່າໄຫລ່ ແລະ ແຂນ ຫລື ຂໍ້ມື, ປວດກ້ານຄໍຮ່ວມກັບຈັງຊານິ້ວມື, ປວດກ້ານຄໍຮ່ວມກັບມີອາການມືອ່ອນແຮງ, ປວດກ້ານຄໍ ຫລື ປວດບ່າໄຫລ່ຊ້ຳເຮື້ອ. ສ່ວນການປິ່ນປົວນັ້ນນອກຈາກການບຳບັດ ແລະ ໃຊ້ຢາແກ້ອັກເສບຄາຍກ້າມຊີ້ນແລ້ວຍັງມີການໃຊ້ອຸປະກອນປະຄອງ. ສ່ວນຄົນທີ່ເປັນແຮງປວດກ້ານຄໍ ຮ່ວມກັບມືືຈັງຊາ ຫລື ປວດລາມລົງແຂນ ອາດຈະຕ້ອງປິ່ນປົວໂດຍການສັກຢາໃສ່ເສັ້ນປະສາດ, ການຈີ້ດ້ວຍຄື້ນຄວາມຮ້ອນ ຫລື ຄົນທີ່ເປັນແຮງກ່ວານີ້ກໍຕ້ອງຜ່າຕັດ ເຊັ່ນ : ເອົາໝອນຮອງກະດູກອອກ ແລ້ວເຊື່ອມຕໍ່ໃຫ້ຕິດກັນ ຫລື ໃສ່ໝອນຮອງກະດູກທຽມ.

- WhatsApp Image 2020 05 27 at 5 - ປວດກ້ານຄໍຍ້ອນເຮັດວຽກຫລາຍຈະປ້ອງກັນແລະແກ້ໄຂແນວໃດ
- WhatsApp Image 2020 05 27 at 5 - ປວດກ້ານຄໍຍ້ອນເຮັດວຽກຫລາຍຈະປ້ອງກັນແລະແກ້ໄຂແນວໃດ
error: Alert: ເນື້ອຫາຂ່າວມີລິຂະສິດ !!