ຄຸນຄ່າແມ່ຍິງລາວລາວກັບສັງຄົມແຫ່ງຍຸກສະໄໝ

- 37213209 1754866534591696 8093890715697807360 n - ຄຸນຄ່າແມ່ຍິງລາວລາວກັບສັງຄົມແຫ່ງຍຸກສະໄໝ
- Untitled design - ຄຸນຄ່າແມ່ຍິງລາວລາວກັບສັງຄົມແຫ່ງຍຸກສະໄໝ

ໂດຍ: ກ້ອງສ່ອງ ອິດສະຫລະ

ດັ່ງພວກເຮົາຮູ້ນຳກັນ ແລ້ວວ່າ, ວັນທີ 20 ເດືອນ ກໍລະກົດເປັນວັນສ້າງຕັ້ງສະ ຫະພັນ ແມ່ຍິງລາວ, ປີນີ້ ຖືວ່າ ມີອາຍຸຄົບຮອບ 63 ປີ (20/7/1965-20/7/ 2018).

ຕົ້ນເຫດທີ່ເຮັດໃຫ້ມີວັນ ດັ່ງກ່າວ ກໍຍ້ອນວ່າທາງພັກ ແລະ ລັດຖະບານເຮົາໄດ້ ເຫັນຄຸນຄ່າບົດບາດ ແລະ ພາລະກຳປະຫວັດສາດຂອງແມ່ຍິງທີ່ມີຄວາມສຳຄັນ ແລະ ມີຄຸນງາມຄວາມດີຕໍ່ປະເທດຊາດບ້ານເມືອງ, ໃນສັງຄົມ ຍຸກເກົ່າແມ່ຍິງລາວອ່າວເຮັດ ວຽກໜັກໜ່ວງກວ່າເພດ ຊາຍຫລາຍຢ່າງເຊັ່ນ: ຕັກ ນ້ຳຕຳເຂົ້າກໍແມ່ນຜູ້ຍິງ, ຕຳ ຫູກທໍໄໝກໍແມ່ນຜູ້ຍິງ, ຫລົກ ກ້າດຳນາ, ເອົາຫລົວເອົາ ຟືນ, ແຕ່ງຢູ່ຄົວກິນລ້ຽງລູກ ລ້ຽງເຕົ້າກໍລ້ວນແລ້ວແຕ່ ແມ່ນແມ່ຍິງເປັນສ່ວນໃຫຍ່.

 

ລາວສະຫຼອງວັນສ້າງຕັ້ງສະຫະພັນແມ່ຍິງ ຄົບຮອບ 63 ປີ

ປະກາດເມືອງຊະນະຄາມເປັນເມືອງສະຫະພັນແມ່ຍິງ 3 ດີ

ນອກຈາກສິ່ງທີ່ກ່າວມາຂ້າງເທິງນັ້ນແລ້ວ; ແມ່ຍິງ ລາວຜູ້ມີຄອບຄົວແລ້ວ ຕ້ອງ ເປັນຜູ້ແບກຫາບບົວລະບັດ ຜັດສີເຮືອນຊານ ແລະ ສາ ມີຕາມຮີດຜົວຄອງເມຍຈົນ ກາຍເປັນກົດ ປະເພນີທີ່ເມຍ ຕ້ອງໄດ້ເຮັດເຊັ່ນຕົວຢ່າງ ຍາມກິນເຂົ້າກໍຕ້ອງໃຫ້ຜົວ ກິນກ່ອນ 3 ຄຳແລ້ວເມຍຈິ່ງ ລົງມືກິນ, ພໍເຖິງຍາມນອນ ກໍຕ້ອງໃຫ້ຜົວນອນກ່ອນເມຍຈຶ່ງນອນຕາມຫລັງ.

ແຕ່ພໍເຖິງຍາມຕື່ນ ເມຍ ກໍຕ້ອງຕື່ນກ່ອນເພື່ອລຸກໜຶ້ງ ເຂົ້າເປົ່າໄຟ, ຕັກນ້ຳຕຳເຂົ້າ, ຍິ່ງໄປກວ່ານັ້ນ, ໃນສັງຄົມ ຂຸນນາງ ແລະ ສັກດີນາ ຂອງ ເຮົາສະໄໝກ່ອນ ຖືຜູ້ຍິງປຽບ ເໝືອນດອກໄມ້ສຳລັບຮັບ ໃຊ້ໃຫ້ເຈົ້ານາຍ ເປັນນາງບຳ ເລີບີບແຄ່ງບີບຂາເວົ້າແຈ້ງ ແລ້ວແມ່ນຖື ຜູ້ຍິງຕ່ຳກວ່າ ເພດຊາຍຈັດຢູ່ໃນປະເພດ ອ່ອນແອ ວ່າຊັ້ນ!

- Wave100S AD to Website 2020 0 - ຄຸນຄ່າແມ່ຍິງລາວລາວກັບສັງຄົມແຫ່ງຍຸກສະໄໝ

ພໍຕົກມາໃນຍຸກໃໝ່, ໂດຍ ສະເພາະນັບແຕ່ຍຸກປ່ຽນແປງການປົກຄອງຈາກສັກດີນາ ມາເປັນລະບອບປະຊາທິປະ ໄຕປະຊາຊົນ ພາຍໃຕ້ການ ນຳພາຂອງພັກ ແລະ ລັດຖະ ບານເຮົາມາໄດ້ 40 ກວ່າປີ ມານີ້, ໄດ້ເຫັນຄຸນຄ່າບົດບາດ ແລະ ໜ້າທີ່ຂອງຜູ້ຍິງລາວ ເຮົາຕໍ່ພາກິດ ການສ້າງສາ ກໍຄືພາລະກຳປະຫວັດສາດ ໃນຜ່ານມາວ່າ ແມ່ຍິງລາວ ກໍເປັນກຳລັງແຮງອັນມະຫາສານເຂົ້າໃນການປົກປັກຮັກສາ ແລະ ສ້າງສາປະເທດຊາດ ຢ່າງໃຫຍ່ຫລວງທີ່ສຸດ.

ດ້ວຍສາເຫດດັ່ງກ່າວ, ຈຶ່ງໄດ້ສະຖາປະນາເອົາວັນທີ 20 ກໍລະກົດ ເປັນວັນລະນຶກ ເຖິງຄຸນງາມຄວາມດີຂອງ ແມ່ຍິງລາວ ຫລື ເວົ້າອີກຢ່າງ ໜຶ່ງວັນທີ 20 ເດືອນກໍລະກົດ ຈັດໃຫ້ເປັນວັນແມ່ຍິງລາວ.

ນອກຈາກຍົກໃຫ້ມີວັນ ດັ່ງກ່າວແລ້ວ, ພັກ ແລະ ລັດຖະບານເຮົາຍັງໄດ້ສ້າງ ຕັ້ງອົງກອນໜຶ່ງຂຶ້ນມາ ເອີ້ນວ່າ “ສະຫະພັນແມ່ຍິງ ລາວ” ອົງກອນນີ້ເປັນ ອົງການຈັດຕັ້ງມະຫາຊົນ, ມີຖານະບົດບາດທຽບເທົ່າ ຄະນະກຳມະການຫລືກະ ຊວງໜຶ່ງ.

ພັກ-ລັດຖະບານລາວຍັງໄດ້ມອບໝາຍໃຫ້ອົງການນີ້ ເປັນຜູ້ຄຸ້ມຄອງດູແລ ເບິ່ງ ແຍງ, ຈັດຕັ້ງນຳພາ ແລະ ສຶກ ສາອົບຮົມແມ່ຍິງລາວໃຫ້ ເຄື່ອນໄຫວແບບມີການຈັດ ຕັ້ງສະເພາະຂອງແມ່ຍິງລາວ ໂດຍມີເປົ້າໝາຍສ້າງແມ່ຍິງ ລາວໃຫ້ເປັນພົນລະເມືອງດີ ຂອງຊາດ, ມີສິດເທົ່າທຽມກັບ ເພດຊາຍ ທັງພັດທະນາແມ່ຍິງ ລາວໃຫ້ກ້າວເດີນຕາມຍຸກສະໄໝ ທັງປົກປັກຮັກສາໄດ້ມູນ ເຊື້ອພີລະອາດຫານ, ຮັກສາ ຮີດຄອງປະເພນີວັດທະນະ ທຳອັນດີງາມຂອງຊາດ ແລະ ຂອງແມ່ຍິງລາວ, ໃຫ້ຍືນຍົງ ຄົງຕົວໄປຕາມຍຸກສະໄໝ.
ນອກຈາກເຫັນຄຸນຄ່າ ດັ່ງກ່າວແລ້ວ, ມາໃນໄລຍະ ປັດຈຸບັນພັກ-ລັດຖະບານຍັງໃຫ້ໂອກາດແມ່ຍິງລາວໄດ້ ເຂົ້າຮ່ວມໃນການບໍລິຫານ ປົກຄອງບ້ານເມືອງນັບແຕ່ ຂັ້ນພື້ນຖານຂຶ້ນຮອດຂັ້ນສູງ ສຸດຂອງປະເທດເປັນຕົ້ນນັບ ແຕ່ເປັນນາຍບ້ານ, ເຈົ້າເມືອງ, ເຈົ້າແຂວງ, ເປັນນາຍຮ້ອຍ ນາຍພັນ, ເປັນຫົວໜ້າກົມ, ຮອງກົມ, ລັດຖະມົນຕີ, ຮອງ ລັດຖະມົນຕີ ແລະ ທັງສັງກັດ ຢູ່ໃນບັນດາອົງການຂະແໜງການ, ອົງການລັດ ແລະ ເອ ກະຊົນ, ໂຮງຈັກໂຮງງານ, ບໍ ລິສັດຫ້າງຮ້ານຕ່າງໆ ກໍລ້ວນ ແລ້ວແຕ່ມີແມ່ຍິງໄດ້ປະກອບສ່ວນ ແລະ ເປັນກຳລັງແຮງ ຢ່າງມະຫາສານທັງນັ້ນ.

ຂໍໃຫ້ພາລະກິດແມ່ຍິງ ລາວ ຈົ່ງກ້າວໄປບົນເສັ້ນ ທາງແຫ່ງຍຸກສະໄໝກ້າວ ຂຶ້ນສູ່ເວທີຂອງຊາດ ແລະ ຂອງ ໂລກໄປຄຽງຄູ່ກັບພາ ລະກຳປະຫວັດສາດທີ່ມີ ຄວາມໝາຍ./.

- 37213209 1754866534591696 8093890715697807360 n - ຄຸນຄ່າແມ່ຍິງລາວລາວກັບສັງຄົມແຫ່ງຍຸກສະໄໝ
(ພາບປະກອບ)
- WhatsApp Image 2020 05 27 at 5 - ຄຸນຄ່າແມ່ຍິງລາວລາວກັບສັງຄົມແຫ່ງຍຸກສະໄໝ
- WhatsApp Image 2020 05 27 at 5 - ຄຸນຄ່າແມ່ຍິງລາວລາວກັບສັງຄົມແຫ່ງຍຸກສະໄໝ
error: Alert: ເນື້ອຫາຂ່າວມີລິຂະສິດ !!