ເລື່ອງໜ້າຮູ້ກ່ຽວກັບການໃຫ້ທິບພະນັກງານເສີບ

- 032704 - ເລື່ອງໜ້າຮູ້ກ່ຽວກັບການໃຫ້ທິບພະນັກງານເສີບ
- Untitled design - ເລື່ອງໜ້າຮູ້ກ່ຽວກັບການໃຫ້ທິບພະນັກງານເສີບ

- 032704 300x200 - ເລື່ອງໜ້າຮູ້ກ່ຽວກັບການໃຫ້ທິບພະນັກງານເສີບ     ກາງເດືອນເມສາທີ່ຜ່ານບັດເຄຣດິດ MasterCard  ໄດ້ ລາຍງານຜົນສຳຫລວດໃນຫົວຂໍ້ເລື່ອງ Top Tippers in Asia Pacific ທີ່ໄດ້ສຳຫລວດລະຫ່ວາງເດືອນຕຸລາເຖິງເດືອນພຶດສະພາຂອງປີກາຍນີ້ກ່ຽວກັບພຶດຕິກຳການໃຫ້ທິບຂອງຄົນອາຊີ ໂດຍການສຶກສາຄົນ 7.932 ຄົນ, ອາຍຸລະຫ່ວາງ 18 – 64 ປີ ໃນ 16 ປະເທດ ຄື : ຍີ່ປຸ່ນ, ເກົາຫລີໃຕ້, ຈີນ, ໄທ, ຮົງກົງ, ໄຕ້ຫວັນ, ສິງກະໂປ, ຫວຽດນາມ, ມາເລເຊຍ, ອິນໂດເນເຊຍ, ມຽນມ່າ, ຟິລິບປີນ, ອິນເດຍ, ບັງກະລາເຕັດ, ອົດສະຕຣາລີ ແລະ ນິວຊີແລນ.

ຜົນການສຳຫລວດອອກມາພົບວ່າອັດຕາສ່ວນຂອງຄົນໄທທີ່ໃຫ້ທິບພະນັກງານເວລາໄປກິນອາຫານຢູ່ຮ້ານສູງເປັນອັນດັບ1 ຂອງອາຊີ ຄື 84%, ອັນດັບ 2 ແມ່ນບັງກະລາເຕັດ 80% ແລະ ອັນດັບຮອງສຸດທ້າຍແມ່ນເກົາຫລີໃຕ້ທີ່ໃຫ້ທິບພະນັກງານເສີບ10% ແລະ ທ້າຍສຸດກໍແມ່ນຍີ່ປຸ່ນທີ່ມີຄົນໃຫ້ທິບພຽງແຕ່ 4% (ເພາະວັດທະນະທຳຂອງຄົນຍີ່ປຸ່ນທົ່ວປະເທດເຂົາເຈົ້າບໍ່ຮັບທິບໃນທຸກກໍລະນີ).

ສຳລັບຄ່າສະເລ່ຍຂອງຈຳນວນການໃຫ້ທິບຂອງຄົນໃນອາຊີອາຊີຟິກແມ່ນຢູ່ 40%. ນອກຈາກ ນີ້, ຄະນະຜູ້ສຶກສາຍັງໄດ້ຜົນການສຶກສາທີ່ໜ້າສົນໃຈວ່າອັດຕາສ່ວນຂອງຜູ້ຊາຍທີ່ໃຫ້ທິບນັ້ນສູງກ່ວາແມ່ຍິງ ໂດຍຜູ້ຊາຍຈຳນວນ 43% ຈະໃຫ້ທິບ, ສ່ວນແມ່ຍິງໃຫ້ທິບແຕ່  36%. ເລື່ອງຂອງອາຍຸກັບການໃຫ້ທິບກໍມີອັດຕາສ່ວນເຊັ່ນກັນ ຄົນທີ່ມີອາຍຸ 45 ປີຂຶ້ນໄປມີອັດຕາສ່ວນການໃຫ້ທິບສູງກ່ວາຄົນທີ່ອາຍຸລະຫ່ວາງ 18 – 29 ປີ. ຄົນອາຍຸ 45 ປີຂຶ້ນໄປຈະໃຫ້ທິບ  42%, ສ່ວນຄົນອາຍຸ 18 – 29 ປີ ຈະໃຫ້ ທິບພຽງແຕ່ 37%.

- Wave100S AD to Website 2020 0 - ເລື່ອງໜ້າຮູ້ກ່ຽວກັບການໃຫ້ທິບພະນັກງານເສີບ

ມາລະຍາດຂອງການໃຫ້ທິບໃນແຕ່ລະປະເທດເປັນເລື່ອງທີ່ສັບສົນພໍສົມຄວນ ບາງປະເທດການໃຫ້ທິບຖືເປັນການດູຖູກ ດັ່ງຢູ່ປະເທດຍີ່ປຸ່ນ ວັດທະນະທຳຍີ່ປຸ່ນຖືວ່າການໃຫ້ບໍລິການທີ່ດີເປັນໜ້າທີ່ຂອງພະນັກງານເສີບຢູ່ແລ້ວ ດັ່ງນັ້ນ ການໃຫ້ທິບຈຶ່ງປຽບດັ່ງການດູຖູກພະນັກງານເສີບເປັນອາຊີບລາຍຮັບໜ້ອຍ, ຕໍ່າຕ້ອຍ ແລະ ບໍ່ມີກຽດ. ໃນຂະນະທ່ີຫລາຍປະເທດ ໂດຍສະເພາະແມ່ນສະຫະລັດອາເມລິກາ ການບໍ່ໃຫ້ທິບພະນັກງານເສີບຖືເປັນເລື່ອງຄໍຂາດບາດຕາຍ ພະນັກງານເສີບອາດໃຈຮ້າຍຮຸນແຮງ ຖາມຢ່າງເອົາເລື່ອງກັບລູກຄ້າວ່າຕົນບໍລິການບໍ່ດີຫລາຍແມ່ນບໍ່ຈຶ່ງບໍ່ໃຫ້ທິບ ຫລື ຫາກໃຫ້ທິບໜ້ອຍເມື່ອຄິດໄລ່ເປັນເປີເຊັນກັບລາຄາຄ່າອາຫານພະນັກງານເສີບກໍອາດຍ່າງເຂົ້າມາຖາມລູກຄ້າທັນທີວ່າບໍລິການບໍ່ຖືກໃຈບ່ອນໃດຈຶ່ງໃຫ້ທິບໜ້ອຍປານນີ້. ປະຈຸບັນນີ້,  ການໃຫ້ທິບ 10% ຂອງມູນຄ່າອາຫານຖືວ່າຕໍ່າກ່ວາມາດຕະຖານຂອງຮ້ານອາຫານໃນສະຫະລັດອາເມລິກາ ເຖິງວ່າພະນັກ ງານເສີບຈະບໍລິການບໍ່ປະທັບໃຈ ຄົນອາເມລິກາກໍມັກຈະກັດແຂ້ວໃຫ້ທິບ 15% ຫາກບໍລິການດີກໍມັກຈະຕື່ມເປັນ 20%. ດັ່ງນັ້ນ ພະນັກງານເສີບໃນສະຫະລັດຈະຄາດຫວັງເງິນທິບຈາກລູກຄ້າໃຫ້ໄດ້ປະມານ 15 – 20%. ຫລາຍຄົນສົງໄສວ່າເປັນຫຍັງໃນສະຫະລັດຕ້ອງໃຫ້ທິບກັນຫລາຍປານນັ້ນ ຄຳຕອບກໍຄື : ໃນສະຫະລັດອາເມລິກາ ອາຊີບທີ່ເຮັດວຽກໄດ້ທິບ ເຊັ່ນ : ພະນັກງານເສີບ, ບາເທັນເດີ ຫລື ພະນັກງານຍູ້ກະເປົ໋າໃນໂຮງແຮມ ເປັນອາຊີບທີ່ໄດ້ຮັບຄ່າແຮງງານຂັ້ນຕໍ່າຫລາຍ. ຢູ່ຫລາຍແຂວງ ພະນັກງານເຫລົ່ານີ້ຈະໄດ້ຮັບຄ່າແຮງງານ 2,13 ໂດລາຕໍ່ຊົ່ວໂມງ ເຊິ່ງຖືວ່າໜ້ອຍເມ່ືອປຽບທຽບກັບຄ່າຄອງຊີບໃນອາເມລິກາ ຖ້າຫາກບໍ່ໄດ້ທິບຈາກລູກຄ້າກໍຈະມີລາຍຮັບບໍ່ພໍກິນພໍໃຊ້ ດັ່ງນັ້ນລາຍຮັບຂອງພະນັກງານກຸ່ມນີ້ຈຶ່ງຂຶ້ນຢູ່ກັບການໃຫ້ທິບຂອງລູກຄ້າເປັນສຳຄັນ.

- WhatsApp Image 2020 05 27 at 5 - ເລື່ອງໜ້າຮູ້ກ່ຽວກັບການໃຫ້ທິບພະນັກງານເສີບ
- WhatsApp Image 2020 05 27 at 5 - ເລື່ອງໜ້າຮູ້ກ່ຽວກັບການໃຫ້ທິບພະນັກງານເສີບ
error: Alert: ເນື້ອຫາຂ່າວມີລິຂະສິດ !!